للرومانسين فقط..........

شكل فى مفاجات هتحصل..بس بجد هى القصه على بعضها شيقه جداااااااااا
بس ماتتاخرش بقى فى الحلقات

هههههههههههههههههههههههههههههه سامر دا لايق على محمد عاطف اوي اوي اوي

وبعدين هو رماهم على الرمل هما كانوا فين

بس جامدة القصة بس العراف دا ماله كدا غريب بس انت مظبط القصة دي ياواد

ايه يابنى هى القصه دى هتفضل محيرانا معاها حتى بعد ما ياسمين اتجوزت كمان

ههههههههههههههه

الحلقة الثانية
--------------

كنا وصلنا للشيخ العراف وان الظاهر ان سامر ورط عمر
فى حاجة كبيرة اوى ها تكون بداية لحكاية اكبر....
ونكمل مع بعض ...

الشيخ العراف:- انت جلبك ماهو فيك
وعجلك ( عقلك ) وبالك مشغولين باللى ليك
هادى البنية اللى ساكنة روح فيك
وانت ماهو معمولك عمل ذى ما صضيجك ( صديقك ) بيجول ( بيقول )
انت مافى شى فيك غير الهوى
حبيبتك هى دواك
ودواك تكونوا سوا
ومافى واحدة تجدر( تقدر ) تملى جلبك غير هادى البنية
اللى جلبها متعلج (متعلق) بيك
وعجلها ( عقلها ) مشغول فيك
بس ماهو بيدها ولا ذنبها
هى كمان حكم عليها الهوى
بالبعد عنيك ( عنك )
وتعيش مع واحد جلبها ماهو رايده
وفرحك ادينى شايفه
وال جال عليه كفك ..
ان خط جلبك جرب ( قرب ) من خط عمرك
وف نجطة ( نقطة ) جريبة ( قريب ) هيتلاجوا ... و ...
واثناء ما الشيخ العراف بيقول الكلام ده لعمرو

عمر سرح ورجع بنفسه13سنة لورا

.......
13 سنة ما عرفش فيهم قلبه طعم الحب
13سنة كتير حبوه
.. بس قلبه ما حبش غير واحدة بس هى اللى قدرت تسكن قلبه طول المدة دى رغم انها بعيدة عنه
13 سنة ما نساش حبيبته ياسمين واللى بتزوره كل يوم فى منامه

بيكلمها وتكلمه ذى ما كان بيكلمها

حتى بعد ما بقى مدير فندق كبير جدااا فى شرم الشيخ
وديه كانت الوسيلة الوحيدة ال بيهرب بيها من تفكيره فى حبيبته اللى بقالها13 سنة ما يعرفش عنها غير شوية اخبار كل فين وفين من صحابه اللى فى اسكندرية ....

اسكندرية اللى ما بقاش ينزلها غير بطلوع الروح
ومناهدة طويلة من مامته وباباه
اللى بيتمنوا انهم يشوفوه اسعد واحد فى الدنيا
ومتخيلين ان السعادة فى انه يكون اسرة .....
وكتير دارت ما بينهم مشاكل كبيرة بخصوص الموضوع ده
لانهم ما يعرفوش ان السعادة خلاص ما بقتش تعرف لقلبه طريق
قلبه اللى ما بقاش ملكه
وحكم عليه الزمن انه يعيش بقية عمره سجين الماضى والذكرى ....
مش بيفوق من تفكيره غير على ايد صحبه سامر واللى كان شغال معاه فى شرم الشيخ

سامر :- ايه يا ريس انت روحت فين

الشيخ العراف:- ايش يا ولدى سرحت فى ماضيك
فى حبيبة جلبك

عمر :- يا عم الشيخ قولى اعمل ايه وانا مش بايدى انساها ولا بايدى احب بعديها ...
اعمل ايه ؟؟ّّ!!

الشيخ العراف:- خلاص يا ولدى جلبك ها ترجلعه الفرحة من تانى
جريب ( قريب )
وجريب ها ترجعلك فرحتك وها يرجعلك عمرك ال فات ...

( ولسة ما كملش الشيخ العراف كلامه وبيقاطعه عمر وهو كله لهفة وشوق )

عمر :- نعم انت بتقول ترجعلى الفرحة .. بس انا خلاص فرحتى وسعادتى ما بقتش ملكى يا عم الشيخ

الشيخ العراف :- عارف يا ولدى ان جلبك مات ووردتك دبلت من زمن
بس الطالع بيجول ان سعادتك جية جية ..
حبيبة جلبك ها ترجعلك بس
ما تفرح يا ولدى
انت انكتب عليك الهوى طول العمر
وهواك مكتوب عليه الحزن

عمر :- حزن ... انت مش بتقول ها ترجع

الشيخ العراف :- ها تعرف فى وجتيها ( وقتها ) ان الحب مش اننا نبجى مع ال حبيناها
وان عذاب الفراج( الفراق ) اكبر بكتير من عذاب اللجى ( اللقى )

عمر :- مش قادر افهمك يا عم الشيخ

الشيخ العراف :- ما تسبجش ( تسبقش ) الامور يا ولدى بس احب اجولك كلمة اخيرة
ما تفرحش بالورد .. ده لكل وردة شوكها ذى ماليها ريحتها الطيبة.....
وقام الشيخ العراف بعد ما ساب عمرو فى حيرة واستغراب من الكلام اللى لسة سامعه ...

فضل عمر قاعد مكانه ما اتحركش وهو بيفكر فى كل كلمة قالهاله الشيخ العراف ...
لحد ما فوقه سامر من اللى هو فيه وهو بيقوله

سامر :- اوعى تفكر فى اى كلمة قالهالك الراجل ده

عمر :- ليه مش انت اللى جبتنى هنا وكنت عاوزنى اقابله .. وبعدين ايه موضوع العمل ده اللى الشيخ قال عليه انت قولتله ايه بالضبط

سامر :- ما قولتش حاجة ده شكله بيخرف

عمر :- انا شايفك وانت بتوشوشه انت قولتله ايه ..!!؟؟

سامر :- بوص انا كل اللى قولتهوله ان انا خايف يكون حد عملك عمل بخصوص الموضوع اللى انت بتفكر فيه ده
مش عارف انا فكرت كدا ازاى بس انا قولت اهو كلام وانت برده اوعى تصدق اى كلمة قالها ...

عمر :- طب ايه اللى عرفه بالموضوع ده

سامر :- ياعم اهو كلام بيقوله لاى حد هو الكلام بفلوس ما تركزش عشان ما تهيسش وبعدين يا جدع ده انا شايف الفرحة فى عنيك اهو من مجرد شوية كلام راجل كبر وخرف

عمر :- ههههههههههوالله انت مجنون

سامر :- والله انت اللى مجنون .. ومتعلق بحبال دابت وان شاء الله ها تقع على جدور رقبتك

عمر :- ههههههههههه .. وانت ايه اللى فهمك فى الحب يا بتاع الخواجات

سامر :- يبنى الحب انتهى وخلص من زماااان اوى
والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا لحد امتى ...

هى وخلاص اتجوزت
....
فوق بقى يا قيس

عمر :- افوووووق .... ده شكلى انا اللى ها فوقك

واتحول الليل من سهرة مع شيخ كبر وخرف ذى ما سامر ما بيقول
لهزار وضحك بين الاتنين ... ونسوا موضوعهم الاصلى ...

وهرب عمر من تفكيره فى كلام العراف لهزاره مع سامر

___________________________________________
وهنا تنتهى الحلقة التانية من يوميات عمر وياسمين
استنونا قريييييييييييييب
وعايز ردود كتيرة المرة دى

ياترى ايه اللي هيحصل ؟هاهاهاهاها

ايون ياترى ايه اللى هيحصل هينساها ويحب غيرها ولا لا

الحلقة الثالثة
---------------

النهاردة ها نكمل مع بعض قصتنا

كنا وصلنا عند كلام الشيخ العراف وازاى عمر بدء انه يتعلق بكلامه ويتعلق بيه يوم عن يوم وزادت ثقته فى كلام العراف وخصوصا ..
لما حلم عمر بحلم غريب جداااااااا
....
حلم عمر ب
ياسمين..
بس ده العادى انه يحلم بيها وتجيله فى منامه بس الغريب
انه يحلم بياسمين مداله ايديها وهى بتغرق وبتستنجد بيه ..
وعمر بيمسك ايديها ومش قادر ينقذها
وكأن فيه حد بيشدها من تحت وبتبصله فى عنيه جامد اوى
و بتقوله اللحقنى يا عمر ....
صحى عمر من حلمه اللى اعتبره كابوس مش عادى
وبسرعة لبس هدومه وجرى على الشيخ العراف واللى بقى عمر بيشوف مستقبله فى كلامه

راح يحكيله حلمه الغريب
وكان يتمنى انه يلاقى عنده تفسير لحلمه ....
بس كالعادة ما طلعش منه بحاجة
كلامه كله عن حبيبته اللى ها يلاقيها
واللى ها ترجع الفرحة والبسمة تانى لحياته
ما بقاش عارف يعمل ايه ...

ياترى يلف ويدور على حبيبته اللى اظاهر انها مش موجودة غير فى احلامه وبس
ولا يستنى ذى ماهو
يتفرج على عمره وهو بيتسرب من بين ايديه سنة ورا سنة ..

واثناء ماهو بيفكر فى كلام الشيخ العراف
لقى مين بيتصل .....!!!!!

حـــــــــــــمادة
..............
فاكرينه
(( اكيد ده ما يتنسيش ))

حمادة :- انت معفن على فكرة .. وخسارة فيك تمن المكالمة
بس اعمل ايه وحشتنى

عمر:- ههههههه حبيبى والله واحشنى موت يا حودة

حمادة :- ما تشوفش وحش يا خويا ...

عمر:- ههههههههه واحشنى هزارك وضحكك ووحشنى الخطيب ووحشتنى اسكندرية والله يا حمادة انا حنيت لكل حاجة كنا بنعملها واحنا سوا

حمادة :- طب ما تيجى يا عم عاوز اشوفك قبل ما اموت
كح كح كح

عمر:- هههههههه قريب والله بس الشغل ما انت عارف بقى

حمادة :- يا عم ادينا شوية من وقتك ولا انت عشان خلاص بقيت مهم
وماسك مراجيح مولد النبى

عمر :- هههههههههههههههه
لا ابدا والله قولى بس ايه اخبار مراتك والعيال

( ما تنسوش دول 13 سنة )

حمادة :- ليه بتفكرنى يا عم بس دلوقتى ربنا يسمحك

عمر :- ههههههههههه

حمادة :- اه ما انت بتضحك ... ايه اللى خلانى اتجوز بس يا ربى
المهم نسيتنى مش الواد الخطيب اتصل بيا وقالى انه راجع خلاص

(ملحوظة ..الخطيب كان مسافر امريكا بقاله 9 سنين ما نزلش مصر )

عمر:- بجد ( بيقولها وهو طاير من الفرحة ) بجد نازل بجد

حمادة :- اه والله ما انا عملت زيك كدا برده انزل انت كمان بقى خلينا نتلم زى زمان ..
وبعدين فى موضوع كدا عاوزك فيه !!

عمر:- موضوع ايه ..!!؟؟

حمادة :- لا مش ها ينفع فى التليفون لما تنزل بس ضرورى .. انا ما كنتش عاوز اقولك بس اللى ما بينا يخلينى ما اخبيش عليك حاجة ذى ديه

عمرو:- فيه ايه قلقتنى .!!
...
رفض حمادة انه يقول لعمر عشان يضمن انه ينزل ..
وبليل
...
كالعادة قاعد عمر وحيد فى البلكونة
وكان اليوم ده القمر بدر كامل ..

قاعد بيفكر فى كلام العراف واللى بقى شاغله ليل ونهار وبيفكر فى كلام حمادة ..والموضوع المهم اللى رفض حمادة انه يتكلم عنه ومعقول يكون بخصوص ....... ولقى نفسه بيفكر فى ياسمين

ياترى يا ياسمين عاملة ايه وفكرانى ولا لأ ..
يااااا بقالى كتير اوى ما شوفتهاش ولا سمعت عنها اى خبر ..
ربنا يسعدك يا ياسمين
بقولهالك من كل قلبى
قلبى اللى اخدتيه معاك يوم ماكنت فى الكوشة مع واحد غيرى
وادينى اهو ..
لا عارف احب بعدك ولا حتى انى احقق امنية ماما وبابا فى انهم يشفونى عريس
......
وفى نفس الوقت اللى كان قاعد عمر مع القمر
كان فيه واحدة سرحانه هى كمان مع نفس القمر
وبتقوله نفس الكلام
..
يا ترى يا عمر انت دلوقتى مع مين وبتفكر فى مين
يا بخت اللى بتفكر فيها
ويا بخت مراتك بيك ...

( لان اللى وصلها ان عمر خلاص اتجوز وسافر )

ياترى يا عمر لو كنت ارتبط بيك كان ها يبقى ده حالى ...
وياترى انا باجى فى بالك ولا لأ
بس اكيد لا وهو معقول يكون لسة فاكرنى
معقول اكون لسة باجى فى باله
طب لو عرف اللى حصل معايا يا ترى ها يكون ايه رد فعله ..!!

كل قلب لسة متعلق بقلب حبيبه اللى مش قادر ينساه رغم العمر اللى عدى وهما بعاد عن بعض
لا بيشوفوا بعض ولا حتى بيعرفوا اخبار بعض ..

وهنا بتنتهى الحلقة التالتة ...
____________________

هههههههههههههههه بص سيبك من الموضوع دا كله

احلى حتة في الموال دا كله كح كح كح دي فكرتني باحمد وائل هههههههههههههههههههههههههههه هو في حد بيكح كدا

بص مالهاش حل يخربيوتكم يااخي

ههههههههههههه

اقولك انا نهايه القصه دى ان عمر يقع من على السرير

وتتخبط راسه فى الارض ويطلع اللى كان بيعمله ده حلم فى حلم اظاهر انه مكنش مستغطى كويس

لا مش للدرجة دى ياعم

ومشكورين على مروركم

لايا شيخ

الحلقة الرابعة
--------------------------

عمر
راكب عربيته وراجع على اسكندرية
بيسرح بخياله

فى العمر اللى عدى
(. بيشوف حبيبته .)
اللى ضاعت منه وبعدها ضاع منه عمره
وقد ايه كان انانى
فى انه يحرم كل اللى حوليه من الفرحة ...
وكانه بيعاقبهم هما على ال عمله الزمن فيه
....

(. بيشوف صحابه .)
اللى قضى معاهم اجمل ايام عمره
هو ده العمر اللى عاشه بدون حزن ودموع
هو ده العمر اللى كان مليان فرحة وسعادة

ياترى عشان كنا لسة مش حاسين بالمسئولية
بنضحك ونهزر وكاننا ضامنين بكرة
لحد ما صحينا على كابوس
الفرااااااااااااق

فراق حبيبته وفراق صحابه
فراق اهله واحبابه
كل واحد راح فى طريق ..

مستقبله
اللى هون عليه ان خلاص شايف قدامه اللمة راجعة من تانى
الخطيب راجع وحبيبتى اللى وعدنى بيها العراف خلاص ها الاقيها

بيوصل عمر البيت وهناك كانت مستنياه
مقابلة حاااارة جدااااااا
من والدته ووالده واخواته
حس عمر بدفى وحنيه العيلة اللى بقاله كتير ما حسش بيه ..!!

بتبص والدة عمر فى عين عمرو بتشوف جواه حزن كبير
رغم الابتسامة المرسومة على شفايفه

والدة عمر :- يابنى ربنا بقى مش ها يهديك وتريح قلبى وتحقق امنيتى فى انى اشوفك اب ... واشيل ابنك بايدى

بيبصلها عمر وبيمسك ايديها ويبوسها ويقولها قريب يا ماما ان شاء الله
بتبصله وهى مش مصدقة من فرحتها

والدة عمر :- بجد يا عمر يعنى انت نازل عشان كدا

عمر :- ان شاء الله يا ماما .. قريب اوى بس انت ادعيلى

( بتبوس راسه..... وهى بتقوله )

روح ربنا يسعدك يابنى ذى ما فرحت قلبى
....
حس عمر قد ايه بقراره فى انه يهرب من الواقع
انه بكدا ما ظلمش نفسه وبس
لالالالا
ده ظلم ناس كل اللى طالبينه انهم يشوفوا سعيد فى حياته
....
ببيخوش عمر اوضته
يااااااااااا
لسة ذى ماهى بالضبط ..ما فيش ولا حاجة فيها اتغيرت
اول حاجة عينه بتقع عليها

دبدوب ياسمين
اللى ادتهوله يوم عيد ميلادهم
وهو ذى ماهو ع مكتبه
بيبصله وكانه شايف اللحظة قدامه
افتكر
لحظة ما لمس ايديها بكل حنية
لحظة ما بص ف عنيها وشاف جمالها
لحظة ما قالتله بحبك
فى اللحظة دى بس حس انه مالك الدنيا وما فيها

شاف سعادته اللى سجنها الزمن
فى سجن بعيد
من غير قضبان او حراس
بس مليان عذاب والم الفراق
شاف لحظة ما شاف دموعها فى عيونها
فى اليوم اللى بتتمناه اى عروسة وهى قاعدة جمب عريسها
بكل حزن بص للدبدوب وحدفه بعيد
وكلمه وكانه شخص قدامه
لو مش بايدى اعيش سعيد مع الانسانة اللى حبيتها
يبقى على الاقل اسعد اللى حوليا

ساااااااااااااااااااااااامحينى
سا محينى يا حبيبة عمرى وسبب عذابى فى الدنيا
.....
وبيتصل بحمادة وبينزل يقابله
وهناااااااك كانت المفاجاه

حمادة :- يعنى انت خلاص نويت يبنى تتجوز ولا ناوى تكسفنا

عمر :- لا خلاص ان شاء الله بس انت عندك ليا عروسة ولا ادور انا
( بيقولها عمر ... وهو زعلان )

حمادة :- طب والنبى افردها شوية بزمتك ده منظر حد ها يجوز

عمر :- مالكش دعوة ... عندك ولا لأ

حمادة :- عندى فرس عربى اصيل انما ايه ... ساكاموزااااا

عمر :- ههههههههه هو انت بتجوز حصان ... وبعدين ازاى افكر فيها وانت عينك خرمتها كدااااااا
يعنى يا عم الغبى لازم يكون عندك زوق وانت بتتكلم على واحدة ممكن اتجوزها

حمادة :- تصدق عندك حق ..

عمر :- وبعدين انت مش اتجوزت واتلميت وربنا رزقك بابنك ( سيف )

حمادة :- قصدك بيبرس ههههههههههه

عمر :- ههههههههههه بيبرس ...!!!!! ميييين ؟؟!!!

حمادة :- هو سيف بس اصله مغلبنى
كل يوم يبعتولى عامل مشاكل فى الحضانة
بيعاكس الميس بتاعته
هههههههههههههههههههههههههههههههههههههههههههههه

عمر :- اومال طالع لابوووه
هههههههههه
والله انت اللى ها تبوظ الواد ده

حمادة :- خليه يدردح من صغره عشان ما يتعبنيش ذيك كدا لما يكبر

عمر :- الا صح ايه الموضوع اللى كنت عاوزنى فيه

حمادة :- موضوع ...!!!!؟؟؟

عمر :- اااااااه موضوع .. انت نسيت ولا ايه ؟؟

حمادة :- لالالالا
بسسسسس .. خلاص بقى اعتبره انتهى

عمر :- مش فاهم ما تفهمنى .. واتكلم دوغرى

حمادة :- ياسمين

عمر :-
( بكل دهشة )
مااااااااالها ..!! انت لسة بتشوفها
(( حمادة عنده بوتيك ملابس .. وياسمين كانت بتروح تطمن على عمر من خلال حودة .. بحجة الهدوم ))

حمادة :- عمرو ياسمين اطلقت
(( طاااااااااااااااااااااااااااااااااااااخ ))

عمر :- ايييييه ... اطلقت
( بيقولها عمر بكل استغراب وحزن وفرحة فى نفس الوقت )

حمادة :- ااااااااه اطلقت من حوالى شهر

عمر :- سرحاااااااااااااااااااااااااااااااااااااااان

حمادة :- بصراحة انا ماكنتش عاوز اقولك وخصوصا بعد ما عرفت انك خلاص نويت تكون اسرة وتحقق حلم والدتك اللى صبرت كتير اوى عليك وده حقها عليك بصراحة يا عمر

عمر :- سرحااااااااااااااااااااان

حمادة :- انا عارف انك حبيتها ولسة بتحبها واخترت انك تشتغل بعيد عن هنا عشان تنساها ... بس واضح انك لسة ما نستهاش

عمر :- مش قادر ...

حمادة :- ما تخلنيش اندم انى قولتلك

عمر :- ما انا كان لازم اعرف

حمادة :- فوووق بقى يا جدع انت اصلا مش بتيجى فى بالها ولا بتفكر فيك

عمر :- وانت ايه اللى خلاك تقول كدا ...!!

حمادة :- ده الاكيد

عمر :- لا انا متاكد انها بتفكر فيا

حمادة :- ها تفكر فيك ازاى وانا قولتلها انك اتجوزت وسافرت

عمر :- ( صددددددددددددددددمة )
اييه ..!!

حمادة :- كان لازم اعمل كدا عشان اقطع اى صلة بينك وبينها

عمر :- عشان كدا بقالها مدة ما سالتش عنى ... صح ..!!

حمادة :- صح

عمر :- انت ازاى تعمل كدا ... انت .. ازاى تعمل كدا

حمادة :- عشان مصلحتك

عمر :- مصلحتى ... ..... .... ....

حمادة :- اه مصلحتك وانت عارف انى اكتر واحد يخاف على مصلحتك .. انت عارف كدا كويس

عمر :- انا عاوز رقم موبايلها وانت الوحيد اللى تقدر تجيبه

حمادة :- وانا عمرى ما ها اعمل كدا ... مش عشان ما اقدرش ...
لالالالالالالالالالالالالالا
عشان ما تضيعش فى دوامة انت مش قدها

عمر :-
لا ها تجيبه ..... عارف ليه ..!!؟؟
عشان ما فيش طريقة تانية تخلينى اسامحك على اللى انت عملته غير ديه ..

وساب عمر حماااااااااادة وهو من جواه
شايف حلم بيتبنى من جديد

بس يا ترى ايه اللى ها يحصل
وياترى حمادة ها يجيب الرقم ولا لأ ..؟؟!!
ولا عمر ها يخسر صديق عمره عشان حبيبته
كل ده ها نعرفه فى

الحلقة الخامسة
استنونا

استنونا يا جماعة

الحلقة الخامسة
---------------------
معلش ع التأخير

نخوش على طووووووول
..,,..

كلنا شوفنا قد ايه كان عمر قاسى اوى على صاحب عمره

بعد ما عرف الحقيقة .. الحقيقة اللى دمرت كل حلم كان بيحلمه

و سهر ليالى وسنين بيتمنى انه يتحقق

ودلوقتى وبعد ما اتحقق بقى محتار مش عارف يعمل ايه ..!!

عدت ساعات كتير على عمر كأنها سنين وهو بيفكر فى اللى بيحصل وهل ياترى دى دوامة ذى ما صحبه ما قاله ولا ده تعويض عن جزء صغيرعن كل شئ حصل....

بعد يومين

عمر قاعد فى البيت ولسة محتار بيفكر فى همه الكبير اللى بيزيد يوم عن يوم وخصوصا بعد ما عرف من مامته انها عندها عروسة وانه لازم يقعد معاها ويكلمها ما بقاش عارف يقول لمامته ايه بعد ما شاف الفرحة فى عنيها
ازاى ها يرجع من تانى ينكد عليها ..!!

اتصل بحمادة عشان يقابله ويصالحه ويفضفض معاه لانه مش لاقى حد تانى يشكيله همه

اتقابلوا

عمر :- اكيد انت طبعاا عازرنى وفاهم انى ماكنتش اقصد اللى قولته ...
ماهو مش معقول فى الاجازة اللى يادوب بعرف اخدها من فين لفين نزعل من بعض وانت عارف ان دلوقتى انا ماليش غيرك ..

وان كنت قولت كلام زعلك فده كان من عشمى فيك وعارف انك لايمكن ها تشيل منى ابداا صح .؟؟

حمادة :- ااااااه يا عمر لايمكن ها ازعل منك .. بس انا عاوز اقولك على حاجة انا ان كنت قولت لياسمين كلام زعلك فده والله كان فى مصلحتك فى البداية ..

وخصوصا يا عمر بعد ما عرفت انك خلاص نويت ترتبط ...
يا جدع انت يعنى كدا فرحان وانت شايف ان كل اللى فى سنك عندهم عيل و اتنين وانت كدا عمال تضيع عمرك سنة ورا سنة وعلى ايه ... على كلام هايف ..
على وهم انت الوحيد اللى مصدقه
فووووق يا عمر ما بقاش فى وقت تضيعه تانى طب بزمتك انت مش عاوز يبقى ليك ابن كدا يطلع عينك ذى بيبرس

عمر :- ههههههههه عارف يا حمادة والله وفاهم كل اللى انت بتقوله بس انت مش حاسس باللى جوايا مش من السهل انك ترجع تحب اى حد بعد ما بتنجرح

وخصوصا لو كان جرحك مش من حبيتك اللى حبيتها لا انت ولا هى ليكم ذنب فى اى حاجة

حمادة :- انسى بقى يا عم خلاص ... شيلها من بالك ومن تفكيرك وبعدين انت مش ها تنساها غير لما تلاقى واحدة تانية تشغل بالك ..واحدة كدا تنسيك كل همومك ..
وتنسيك امك وابوك كمان لو تحب

عمر :- هههههههههههههه مش ماما جايبالى عروسة

حمادة :-ههههههههه لا بجد طب وايه موزة ولا ضاربها القطر هااا !!

عمر :- لا لسة ما شوفتهاش

حمادة :- طب وايه ها تتجوز كدا عميانى ..مش لازم تعيان الاول ههههههههه ...

(انتو عارفينه دلوقتى اكتر منى ....ساااااااافل ) ههههههههههههههه

عمر :- طب اسكت بقى عشان انا كدا هاا اقوم اضربك

حمادة :- واهون عليك .
اموووووووه

عمر :- ههههههههههه
انت عارف يا حمادة والله انا دلوقتى ما بقيت بضحك غير وانا وياك

حمادة :- طب وتعمل ايه بقى لو نفذتلك اللى انت عاوزه

عمر :- وهو ايه بقى اللى انا عاوزه يا فالح

حمادة :- انا جبت رقم ياسمين ...
بس بشرط

عمر :- ايه ده جبته من مين وامتى ..؟؟

حمادة :- مالكش دعوة المهم انك توعدنى انك تكلمها مرة واحدة وتنساها خالص وان كلمتها يبقى كلامك عادى مجرد انك بتطمن عليها وبس

عمر :- هههههههه طب وايه رايك بقى لو ما كلمتهاش خالص وادى الرقم

(( ومسك عمر الورقة اللى مكتوب فيها الرقم وقطعها نصييين ))

عمر :- خلاص مش عاوز اكملها بس لما تشوفها ياريت قولها انى بسلم عليها وخليها فاكرة ذى ماهى انى متجوز

حمادة :- والله يا عم انت مجنون ....
والنعمة مجنون من يومين كنت ها تموت عشان الرقم ودلوقتى بتقطعه انت عايز ايه بالضبط

عمر :- تصدق لو قولتلك انى عاوز سعادتها هى ومش مشكلة انا ..
لاننا لو قربنا من بعض ها يحصل مشاكل كتير مالهاش عد وانا مش عاوز اسببلها اى احراج او مشاكل

حمادة :- طب اقولك انا على حاجة ...انت المفروض يحطوك فى متحف لان اللى ذيك انقرضوا خلاص

عمر :- هههههههههههههههههههههههههه
خلاص بقى انسى الموضوع ده المهم انا مش عارف اعمل اى فى العروسة اللى جايبهالى امى دى

حمادة :- بقى مش مكسوف شحط ذيك وبتقولى عروسة جيبهالى امى طب ده انا الفرس اللى قولتلك عليه ده ....
صاروخ مفخخ

عمر :- ههههههههههه والله انت الحريم لحست مخك المهم انى ها ابقى اخدك معايا وانا رايح ... هاااااا ما تنساش

حمادة :- يسلام ده انت تأمر ......

بيروح عمر وخلاص من جواه اقتناع تام انه لازم ينسى
ياسمين وينسى اى زكرى لسة عايشة فى قلبه من ناحيتها
بينام عمر
وبيحلم نفس الحلم اللى حلمه قبل كدا وياسمين بتغرق منه وهو مش قادر ينقذها صحى عمر فى نص الليل لبس هدومه ومن غير ما يقول لاى حد ركب عربيته
ونزل
للشيخ العراف
...
وهناااااااااك

الشيخ العارف :- يا ولدى ما انا جولتلك ( قلتلك ) علي يريح بالك.. وانت جاصد ( قاصد ) تتعب حالك

عمر :- طب اعمل ايه قولى يا شيخ انا بتعذب لا انا عارف اقرب منها ولا قادر اعيش واانا بعيد عنها ..

الشيخ العراف :- جرب ( قرب ) يا ولدى ..ربنا اداك اكتر من علامة ... جرب يا ولدى

(( وكان عمر من جواه فرحة ممكن تملى العالم كله وكانه اخد الاذن وانه خلاص مسموحله بانه يكلمها .. ))
وهو راجع بيلاقى اتصال من حمادة

حمادة :- ايوة يبنى انت فين ..؟؟

عمر :- انا جاى اهو كنت بس بعمل حاجة فى شرم

حمادة :- ايه ده انت سافرت شرم امتى وازاى

عمر :- لا ده موضوع كدا فى الشغل وخلصته فى السريع

(ملحوظة :- عمر لحد دلوقتى ما صارحش حمادة بموضوع العراف لانه كان عارف ان اى حد ها يسمع الموضوع ده ها يتريق عليه )

وبلييييل

..
وصلت العروسة او الموميا ذى ماحمادة اطلق عليها

حمادة :- يا شيخ حرام عليك ده انت كدا ها تموت نفسك وانت حى دى عروسة دى ... ده فيها شبه منى ههههههههههههه انت كنت اجوزت واحد صحبك احسنلك ياراجل

عمر :- بس بقى كفاياك تريقة على عروستى

حمادة :- عروستك ... تصدق انت لو عملت كدا لا ها احضر فرحك ولا اعبرك وانسى انى عرفتك من اصله ..

عمر :- طب بص بقى عشان ما تقولش عليا مجنون ولا كلامك الغريب ده ... انا عاوز رقم ياسمين

حودة :-
يالهوى ياما ...
انت ياض عاوز تجننى ... يعنى فى الاول اتعاركت معايا عشان اجبهولك وبعدين قطعته تانى
ومشحطتنى وراك عشان عروسة استعمال طبيب والشاسية باين علية بايظ .. وبعدين تيجى تقولى عاوز رقمها تانى ...
ما تريحنى وتقولى انت عاوز ايه من الاخر

عمر :- عارف انك استحملتنى بس انا خلاص قررت انى ها اتصل بيها وبياخد عمر رقم ياسمين من الاول وجديد

وبيتصل بياسمين وبتحصل مكالمة غريييييييييييييبة جداااااااااااااوغير متوقعه تماما
________________________________
ودة اللى هنعرفه فى الحلقة السادسة

الحلقة السادسة
--------------------

افكركم بسرعة بالخامسة

كنا شوفنا ان عمر خلاص اتصالح هو وحمادة

وجاب الرقم من تانى بعد ما اقطعه وقرر خلاص انه يتصل وما حدش ها يمنعه ابدااا ..... من قراره ده

عمر فضل طول الليل سهران مش عارف يتصل يقول ايه

طب ياترى اول ما ها اسمع صوتها ها اعمل ايه .. !!!

طب يسلم عليها ويسيبها هى تفهم .. اللى جواه

ولا يصارحها كدا من اول مرة ..

وهى ايه هايكون رد فعلها على كلامه .. !!!

طب اقولها انا متجوز فعلااا ولا لا

مش عارف ..

وكان حاسس ان ده اصعب قرار فى حياته كلها ممكن ياخده

افتكر عمر من 13 سنة نفس اللحظة

اول ما شافها وكان عاوز يكلمها

بس الفرق انه ساعتها كان مفكره مجرد اعجاب بواحدة ذى القمر

ممكن تكون اجمل واحدة شافتها عنيه

الاعجاب اللى اتحول لحب من اول لحظة سمع فيها صوتها

من اول لحظة شاف فيها عنيها

من اول لحظة لمس فيها ايديها

الحب اللى فضل يكبر يوم عن يوم

الحب اللى كان عامل من جواه ذى الشجرة

اللى كل يوم بتكبر ويطلع ليها جذع يثبتها فى قلبه اكتر

...

قرر عمر خلاص انه ها يتصل

وها يكلم عادى جدااا وكانه بيطمن عليها بعد اللى عرفه

عن طلاقها ...........

وانه مش هاجيب سيرة اى حاجة وان ديه تبقى بداية كلام يرجع ما بينهم تانى

وفعلااا اخيرا عمر قدر ينام

واول ما صحى من النوم اخد موبايله

وبيكتب رقم موبايل ياسمين

واللى مش مصدق انه ممكن يسمع صوتها

ومع كل رقم بيكتبه بتزيد دقات قلبه

لحد ما سمع صوت جرس

..

مش قادر عمر يستحمل

بيعد كل جرس بيرن

بيتنفس وكانه اخر نفس ليه فى الدنيا

مش مصدق انه علم

لالالالالا

اكيد ده حلم

بس مش ها يطول

لانه

فجأأأأأأأأأأأأأأأأة

صوت بيقوله الو بس اكيد مش صوتها

لانه صوت بنوتة صغيرة

بيعرف عمر ان دى اكيد بنتها

( .... حبيبه .... )

حبيبه :- الووو

عمر :- الووو

حبيبه :- ايوة مين معايا

عمر :- انتى حبيبه

حبيبه :- اه انا حبيبه مين حضرتك

عمر :- عاملة ايه يا حبيبه

حبيبه :- الحمد لله يا عمو مين حضرتك

عمر :- عموو ..هههههه

( بيضحكلها عمر بكل هدوء ومن جواه الف دمعة والف اااه

على سنين عمره اللى ضاعت )

وعلى كلمة عمو اللى المفروض تكون بابا

عمر :-

(( فى باله ))

( مش كان زمانها دى بنتى انا ...)

حبيبه :- الللو

عمر :- ايوة معاكى ... ماما موجودة

حبيبه :- اه موجودة ... اقولها مين ..!!

( فى اللحظة دى اتردد عمر انه يقولها اسمه وعاتب نفسه على الاتصال )

( طب اعمل ايه اقولها اسمى ولا لا )

وفجأأأأأأأأأأأأأأأأه

بيسمع صوت ياااااااااسمين جى من بعيد

ياسمين :- مين يا حبيبه

حبيبه :- مش عارفة يا ماما

ياسمين :- طب هاتى الموبايل وخوشى ذاكرى

ياسمين :- الووو .. مين معايا

(( يا خراااابى ))

مش قادر عمر انه ينطق بكلمة واحدة

ولولا انه قاعد كان زمانه وقع من طوله

ياسمين :- اللوووو

عمر :- الووووو

ياسمين :- بتقولها وبكل تردد

مين معايا ...!!!!

عمر :- واحد

ياسمين :-

( ومن جواها عارفة الصوت بس مش مصدقة ... نفسها )

مين حضرتك ..!!!

عمر :- قولت واحد تعرفيه ومش تعرفيه

ياسمين :-

( جواهااا طايرة من الفرحة وخايفة الا ما يطلعش اللى فى بالها )

ياسمين :- حضرتك ها تقول مين ولا اقفل ..

عمر :- تقفلى ...ازاى تقفلى

طيب ده انا استنيت 13 سنة عشان اعيش اللحظة دى

13 سنة عديتهم من عمرى بالشهر واليوم والساعة

ياسمين :- ...مييييييييين ...!!!!!

( بتقولها وعمر بدء يسمع صوت دقات قلبها )

عمر :- واحد حبك وكتب عليه الزمن يتعذب فى حبك ..

واحد حبك ولا همه الايام اللى بعدت ما بينكووو

وكان عايش على ذكرى جميلة ..

بيحلم وكان كل حلمه انه يرجع يوم واحد معاكى تانى وان شاء الله يموت بعدها ما يهمهوش عمره

اللى ما يتحسبش طالما بعيد عنها

ياسمين :- سكوووووت

عمر :- انا اتصلت وماكنش فى بالى اى كلمة من اللى قولتها

وما كنتش اتمنى انى اقول الكلام ده .. بس مش عارف انا قولته ليه

يمكن عشان ده الحلم اللى حلمت كل يوم بيه .. وكنت كل يوم افوق من حلمى على عذاب يوم جديد ..

ها تصدقينى لو قولتلك

انى شايفك قدامى ... بتبتسمى ليا بوش ملاك

وما يهمنيش ردك على كلامى قد ما يهمنى انى سمعت صوتك

صوتك اللى نسانى عمرى اللى ضاع وانا مسجون فى حبك

ياااسمين :- سكووووت

( ولولا انه سامع دقات قلبها اللى صوتها مش اقل من دقات قلبه

كان قال انها قفلت )

عمر :- عارف ان كلامى غريب عليكى ..بس مهما كان غريب اتمنى انى اسمع منك اى حاجة

ياسمين :- استغرب كلامك ازاى وانت قولت كل كلمة خبيتها جوايا سنين وخوفت الا تبان فى عنيا

بس ...الغريب انك تقوله دلوقتى

عمر :-

( بدء عمر قلبه يطمن ويستريح بعد ما سمع منها الكلام ده )

انا عرفت انك اطلقتى يا ياسمين

ياسمين :- وانت ...اتجوزت

عمر :- ذى ما قولتلك من 13 سنة لو تفتكريها ...

ما اقدرش اظلم واحدة واتجوزها وانا عارف انها مش ها تكون سعيدة معايا لان قلبى ملك واحدة تانية

ياسمين :- بس حووودة قاااالى ....

عمر :- عارف هو قالك ايه بس انا ما اتجوزتش ولا عمرى كنت ها اتجوز غيرك

ياسمين :- عمرو اللى انت بتقوله ده صعب انه يتحقق وانا وانت عارفين ده كويس ..اوى

احنا حاولنا .. قبل كدا وكانت ايه النتيجة ..؟؟!!

ياسمين : بس دلوقتى غير الاول ..

ياسمين :- لو بايدى يا عمر اكون جمبك طول العمر

عمر :- مش كفاية اللى ضاع .. ها نستنى ايه تانى ..!!

ما تخلنيش اندم على عمرى اللى ضاع وانا مستنى اللحظة دى

ياسمين :- انا اسفة يا عمر

بس والله مش بايدى ... سامحنى

عمر :- اساامحك ..... ههههه

سلام يا ياسمين

وقفل عمر المكالمة ..وف عينه الف دمعة ودمعة

وما استناش يسمع منها اى كلمة تانى تجرحه اكتر ..

.....

ايه اللى ها يحصل ... ها نشوف ..

فى الحلقة السابعة

بس ياترى عمر ها يتصل تانى ...؟؟

ولا ها ينسى ويكمل عمره اللى باقى من غير حب ..؟؟!!

وياسمين ها تسكت على كدا ولا ها تعمل ايه ..؟؟!!

كل ده ها نعرفه فى الحلقة السابعة

_______________________________________
استنوووووووونى
__________________

هههههههههههههههههههههههههههههههههههههههههههههههههههههههههههههههههههههههههههه

احلى ما فى القصه دى اننا مستمتعين

فين الاجزاء التانيه بقى؟؟؟؟
ماتتاخرش اكتر من كده

يالهوى طب مش هاين تقولى شكرا على المجهود يعنى الواحد بيطلع عينة وفى الاخر تقولى متتاخرش بالاجزاء التانية

عموما شكرا على مرورك

ههههههههههه
ماهو اكيد يعنى الموضوع عاجبنا...ومش كل شويه هنقول شكرا بقى
وعالعموم شكرا عالمجهود الجامد ده....بس برضه ماتتاخرش

الحلقة السابعة

من

يوميات عمر وياسمين 2

كنا شوفنا صدمة عمر فى حبيبه قلبه

اللى بعد العمر ده كله جايه تقوله

اســـــــــــــــفه

اسفة على ايه ولا ايه ولا ايه .!!!

سؤال عمر مش لقيله اجابة

قعد عمر بعد المكالمة حزين

مش عارف يعاتب نفسه ولا يواسيها

حزين مش على عمره ولا شبابه ولا حبيبته اللى حطمت حلمه

لالالالالا

حزين على الفرحة اللى اتمناها وحلم بيها وشافها وهى بتتحقق وف ثانية اتحرم منها تانى

وفجأأأأأه

رقم ياسمين بيظهر على الشاشة بس المرة دى هى اللى بتتصل

فكر عمر انه ما يردش

بس يعمل ايه بقى فى قلبه

..

ياسمين :- عارفة انك مضايق من اللى قولته

بس انا قلبى ما طاوعنيش انك تزعل منى بعد كل اللى عملته عشانى

واللى عاوزة اكدهولك

انى لا حبيت ولا بحب ولا هحب

انسان ذى ما حبيتك يا عمر

واللى كان مصبرنى على عمرى اللى ضاع مع انسان غيرك

انى كنت مستنية اللحظة دى

عمر :- ياسمين انت جاية دلوقتى تعذبينى بكلامك

مش كفاية العذاب اللى شوفته وانا عارف انك مع واحد تانى

واحد حقه عليكى انك تبقى ليه ولا تفكرى غير فيه .....

ياسمين :- بس .. مش عاوزاك تكمل .. تصدقنى لو قولتلك

انى كنت معاه كزوجة بس

وربنا اللى عالم عقلى وبالى وقلبى كان مع مين

عمر :- خلاص يبقى من حقك انك تبقى ليا

ياسمين :- مين قال انه بايدينا ...!!!!!!

عمر :- طب لامتى ها نبقى سلبين ... لحد ما نلاقى عمرنا بيتسرب من ايدينا يوم ورا يوم ...

ياسمين :- لو مكتوبلنا نبقى لبعض ها نبقى لبعض يا عمرو

عمر :- بس انا مش ها اقدر ابعد عنك تانى

ياسمين :- ما تحسسنيش بالذنب يا عمر ... كفاية اللى عيشته طول السنين اللى فاتت

عمر :- ماشى يا ياسمين ها نصبر بس لامتى ..!!

ياسمين :- لحد ما ربنا ما يريد ...

عمر :- بس ربنا ما يرضاش بالظلم

ياسمين :- احنا اتظلمنا كتير واكيد فرج ربنا قرب

انا حاااااسة

.....

عمر :- ها استنى يا ياسمين

بس ممكن نكلم بعض لحد ما ربنا يحققلنا اللى بنحلم بيه

ياسمين :- طبعاااا .. ده غظبن عنك

عمر :- ههههههه

.........

وانتهت المكالمة بعد ما رجعت ياسمين الفرحة لقلب عمر من تانى

اتصل عمر بحمادة عشان يحكيله ع اللى حصل

وحمادة كمان كان عنده مفأجاه ليه ....

وهى ان صاحب عمرهم خلاص راجع كمان يومين

وكأن الفرحة بتهل مرة واحدة

وعدوا اليومين وجيه الميعاد اللى ها يتجمعوااا فيه الصحاب ولاول مرة بعد 13 سنه

عدى عمر ع حمادة عشان ياخده بعربيته ويروحوااا المطار فى استقبال الخطيب

....

وفجأأأأأأة

لمح عمر القمر

مش القمر اللى بيسهر معاه كل يوم يشكيله همومه

لا لا لا

قمره هو لوحده

ياسمين

بيشوفها بيتسمر عمر فى الارض

وبيلاقى ياسمين هى كمان مش قادرة تتحرك

الدنيا بتلف بيهم مش شايفين غير بعض

يااااااااا

عمر :- شوفتى الصدف الحلوة

ياسمين :- ههههههه ازيك يا استاذ عمر

عمر :- استاااااذ ...ههههههههه

ياسمين :- بتشاور على بنوتة صغيرة وهى بتضحك

دى بنتى حبيبه

عمر :- اااااااه استاذ عمر ...ازيك يا حبيبة عاملة ايه ..!!

حبيبة :- الحمد لله

بتقولها وهى بتغمز ايد مامتها وبتقولها مين ده ..!!

وبيدخل حمادة فى اللحظة دى

حمادة :- ازيك يا مدام ياسمين ......؟؟!!

ياسمين :- الحمد لله .... ازى حضرتك عامل ايه ...!!

بيبوص حمادة لعمر بيلاقي فرحة عمره ما شفها مرسومة على وشه قبل اللحظة دى

عمر :- ههههه .... ازيك يا حمادة ... انت وراك مشوار ولا ايه ؟!

حمادة :- ايوة يا عم ... انت نسيت صحبك اللى مسافر ولا ايه ..؟؟!!

عمر :- طب ايه ما تاخد تدور العربية

حمادة :- ادور العربية ...... وماله يا عم

قال ادور العربية قال ... عليا اناااااااااا

ياسمين :- ههههههههه...طب استاذن انا عشان تشوفواا مشواركووو

عمر :- تستاذنى ايه بس ... ده حمادة بيهزر

ده انا ما صدقت

ياسمين :- البنت يا عمر خد بالك

عمر :- ااااااااااه اسف ... بس معلش بقى بصراحة مش مصدق نفسى

ياسمين :- بصراحة ولا انا

(( طبعااا حبيبة كانت مش واخدة بالها خالص ومركزة مع حمادة اللى شغال مزاولة فى خلق ربنا ))

عمر :- تعرفى انى كنت حاسس انى ها اشوفك

ياسمين :- طب بس بقى عشان انا كدا ها ادهول على الاخر

عمر :- هههههههه اه ماهو باين على وشك اهووووو

حمادة :- يا كابتن ... عندنا مطار هااا ما تنساش

عمر ... ياسمين

هههههههههههههههه

عمر :- ما بيسترش فى اى مكان دايما فضحنا

ياسمين :- هههههههههه ..لا بجد ربنا ما يحرمكوو من بعض

عمر :- ولا يحرمنى منك تانى يا ياسمين

حمادة :- ممكن بقى اقطع اللحظة الرومانتيكية دى واخد الواد ده منك عشان ها نتاخر

عمر :- ربنا يخدك يا شيخ ويريحنى منك

ياسمين :- هههههههههههههههههه.

طب انا بقى ها امشى عشان برده انا اتاخرت

وبتدير ياسمين وبتنادى على حبيبة بنتها

وفجأأأأأأأأأأأأأأأأأأأأأأه

عربية بوووووووووووووم

و

و

و

و

و

و

نكمل الحلقة الجاية

ههههههههههه

ونشوف العربية دى بوووم ف مين ....!!!!

.....

يا ترى فى مين .....؟!!!!!!

جااااااااااامد الجزء ده....بس شكلها كده ياعينى حبيبه هى اللى اتخبطت
يلا ربنا يستر

وشكرا عالمجهود والشغل ده....

مشكورة على مرورك وبعدين لو حبيبة هيا اللى اتخبطت يبقى انا لزمتى اية

يبقى دى قصة تقليدية وهو هيروح مع ياسمين المستشفى ومش عارف اية

لالالالالالالالالالالالا نحن نختلف عن الاخرين اصبرى وهتعرفى مين اللى اتخبط

خلاص ماشى هنستنى الاختلاف

الحلقة الثامنة----------------

شوفنا ف الحلقة السابعة ازاى الصدفة جمعت ما بينهم

واتقابلو من غير اى ميعااااااااد

وازاى هما الاتنين كل واحد كان مشتاق اوى للصدفة دى

بس الغريب ... ان الفرحة دايما مش بتكمل للنهاية

......

ياسمين بتنادى على بنتها حبيبة

وهى مش قادرة ترفع عنيها من على حبيبها

وكأن قلبها حاسس

وفجااااااااااااااااااااااااه
...

بتيجى عربية وتخبط ياااااااسمين ..... قدام عيون عمر

بيشوفها عمر وهى بتترمى على الارض والناس كلها بتتلم

بيجرى عليها ذى المجنون

بيمسك راسها .. ويرفعها من الارض

وهو بقى شايف وشها كله دم

وهو بيصرخ .....
وياسمين بقت فى عالم تانى ومش حاسة بأى حاجة

بلاش تضيعى منى ....خليكى معايا هنا .....انا ما صدقت لقيتك

بيحاول حمادة انه يرفعوا من الارض مش قادر

بتقرب بنتها وهى عيونها كلها دموع وهى مش عارفة ازاى كل ده حصل فى لحظة

بيشيل عمر ياسمين بين دراعه

وبيجرى حمادة يفتح العربية

وبيدخلها عمر

وبيجروووااااا على المستشفى

ماسك عمر راسهاااا وهو بيعيط ذى الاطفال طول الطريق

و فى المستشفى

عمر وحمادة وحبيبه

مستنين اى حد يطمنهم

ياسمين جوه فى اوضة العمليات

و عمر واقف مش مصدق اللى حصل

وهو عمال يعيط

وحمادة ماهوش عارف يواسى عمر ولا حبيبه

بنتها مش قادرة تعمل حاجة

بيديها حمادة الموبايل وبيقولها اتصلى بحد عشان يعرفواااا

وعمر رايح جى ومش قادر يتلم على اعصابه

ومش قادر يدارى دموعه

حمادة :- اهدى يا عمر مش كدا

عمر :- اهدى ايه بس ... ازاى كل ده حصل .. ده انا كنت لسة بكلمها وفى لحظة .. جت العربية وووو

( ومش بيقدر عمر يكمل ..... )

بيصرخ وينزل يقعد فى الارض

وهو بيقول انا السبب انا السبب

يا ريتنى كنت انا يا ياسمين

حمادة :- فيه يا عمر

اهدى يا عمر .. اهل ياسمين زمنهم جيين وما ينفعش يشوفوك كدا ...

عمر :- ما يهمنيش حد .. المهم عندى ياسمين تبقى بخير

حمادة :- ما تخافش ان شاء الله سليمة .. بس الخطيب اللى زمانه فى المطار دلوقتى مستنينا

عمر :- مش عارف .. روحله انت واحكيله ع اللى حصل وهو اكيد ها يعزر

حمادة :- واسيبك انت فى الحالة دى ... استحالة

.....

بيقدر يقنع عمر حمادة انه لازم يروح للخطيب

وبيفضل هو وحبيبه

واللى دار ما بينهم حوار اثناء عملية ياسمين

قدر يتقرب منها اكتر بكتير

وحست انه فعلااا خايف على مامتها ويمكن اكتر منها

شاف عمر الدكتور خارج من اوضة العمليات

وياسمين بينقلوها بس مش عارف على فين

بيجرى عمر ع الدكتور

الدكتور :- اطمن حصل خير الحمد لله .. بس هى دلوقتى محتاجة نقل دم

عمر :- وبدون اى تفكير

انا اهو يا دكتور

بتبص حبيبه لعمرو وهى مستغربة

الراجل ده بيعمل كل ده ليه ..!!!!

الدكتور :- طب اتفضل معايا عشان نشوف فصيلة الدم

بيبوس عمرو حبيبه وبيقولها الحمد لله .. وبيحضنها ودموعه مليا عنيه

بيغيب عمر جوووووه

وبيجى اهل ياسمين

( باباااها وماماااتهااا )

الدكتور :- الحمد لله اطمنووو هى دلوقتى فى العناية المركزة

هو الجرح كان صغير بس نزفت كتير .. والحمد لله ان استاذ عمر قدر ينقلها فى الوقت المناسب

باباها :- عمر مين ...!!!!!!!!!

وجوووووه فى العناية المركزة

كان عمر نايم على سرير جمب سرير ياسمين

وما بينهم محاليل فى ايد عمر عشان يعوضوا الدم اللى اتاخد منه

بيبص عمر على ياسمين وهى نايمة

بيمسك شعرها بايد وبالايد التانية بيمسح دمع عنيه

وبيقولها ...

كنت عاوزة تروحى منى تانى يا ياسمين

عاوزة تاخدى روحى تانى بعد ما رجعتلى

ولاول مرة مش قادر عمر يحوش دموعه

وراح قايم براحة وباس عينيها وراسها

ياسمين فتحت عنيها ولسة دايخة وبتقوووول

ااااااااااااااااااااااااااااه

عمرو :- سلمتك من كل اه يا قلبى وعيونى وروحى

ان شاء الله كنت انا وانت عمرك ما تنطقى كلمة الاه

ياسمين :- انا فين ..؟!!

عمرو :- انت جمبى .. يا اغلى حاجة ف دنيتى ..

....

كل ده وهما فى الاوضة لوحدهم

بيخوش الدكتور ... وبيفك المحاليل من ايد عمر

وبيقولوا خلاص انت كدا ممكن تتفضل

بس عمر بيرفض وبيفضل جمبهاااا

بيطمن الدكتور على ياسمين وبيطمن عمر وبيخرج تانى

ياسمين :- عمر ما تسبنيش تانى يا عمر

عمر :- انا عمرى ما سبتك وخلاص ها افضل جمبك العمر كله

ياسمين :- انا مستعدة افضل هنا على طول عشان تبقى جمبى

عمر :- بعد الشر عليكى .. ها تخرجى وها تفضلى جمبى وها نقف قدام اى حد ...

ياسمين :- بحبك يا عمر

وفى اللحظة دى بيمسك عمر ايد ياسمين .. وبيبوسها

وفجأأأأأأأأأه

....

..

ونكمل فى الحلقة التاسعة

____________________