للرومانسين فقط..........

يوميات عمر(مجنون بس حنون) وياسمين

أبطال القصة :-

1- عمر

2- ياسمين

وفيه اشخاص فرعية ذى

1- حمادة (صاحب عمر)(كفائة بس مات فى خناقة)

2- الخطيب (صاحب عمر)(محمد بهاء)

3- مروة (صاحبة ياسمين الانتيم )

مش ها اطول عليكم اكتر من كدة

(_هااااااااااا ندخل فى القصة على طول_)

القصة ديه بتبدأ لما عمر وحمادة كانوا بيتمشواااا وحمادة بيحكى لعمر على واحدة شفها امبارح ....

حمادة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمر:- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه نفسى تبص لوش البت مش على جسمها !!!

حمادة :- ايون خليك انت كدة عايش فى الوهم يا بنى خليك عملى وانا ها استفاد ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمر :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش

حمادة :- يا بنى تمرمط مين ده انا حمادة الجامد اوى ..,,..

((وف نفس اللحظة ))

حمادة :- انت تنحت كدة ليه ؟؟

عمر:- يا نهار ابيض على الجمال مين البت ديه يا حودة ((بم إن حمادة خبرة فى الحاجات ديه ))

حمادة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمر:- جامدة مين يا عم ديه صاروخ انت شايف عنيها عاملة ازاى

حمادة :- عنيها تانى وانا اللى قلت انك فوقت من الوهم اللى انت فيه جاتكداك داهية شايف ال ......................... ((شوفوا انتم بقى عشان مش ها اقدر اتكلم ))

عمر :- استنا بس يا حمادة ايه يابنى البت ديه

((وفلحظة اختفت من قدام عيون عمر ))

حس عمر ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها

حمادة :- ايه ياعم السهتان رحت لفين

عمر:- ((مافيش رد))

حمادة :- انت يابنى

عمر :- ايييييييه (( كان سرحان صاحبنا))

انت بتقول حاجة يا حمادة ؟؟

حمادةة:- لا ولا حاجة يا حبيبى يلا بينا انت شكلك دخت

عمر:- البت ديه جميلة اوى يا حمادة اوى اوى

انت ما تعرفش ديه مين ؟؟

حمادة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمر انه يروح نفس المكان ونفس التوقيت اللى شافها فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حمادة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حمادة :- الصلاه ع النبى فرس ....... فرس يعنى مش اى كلام

عمر :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حمادة :- شوفلك صرفة فى عم الرومانسى ده

ده بيحب على روحه

عمر:- احترم نفسك ياض

حمادة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمر :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمر :- باسم مين ؟؟

الخطيب :- باسم المدخوم

حمادة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حمادة :- معجب ايه ياعم ده ميت ((بتريقة))

عمر :- انا مش عارف يا خطيب انا والله حصلى ايه من ساعة ما شفتها

حمادة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حمادة :- امال عايزنى ابقى ذى عمك الرومانسى ده

عمر :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمر :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع الموضوع ده من دماغك

عمر :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمر :- اسمها ايه ؟؟

الخطيب :- اسمها ياسمين

عمر :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمر:- ازاى ؟؟!! (( باستغراب ))

حمادة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمر :- امال ازاى ؟؟

الخطيب:- ماهى تبقى صحبة سلمى اخت صباحو كدب

حمادة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوى اوى وسيس ))

الخطيب :- بس اوعك يا عمر تعمل كدة

ما تنساش يا جدع انه صحبك

حمادة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمر .... الخطيب .... حمادة

هههههههههههههههههه
((وما بقاش عمر عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!!

يا ترى عمر هيكلمها ولا لا ؟؟

ويا ترى عمر ها يسمع كلام الخطيب ولا حمادة

هنعرف الحلقه القادمه

لو الموضوع عجبكم قولولى وانا انزل بقيت الحلقات

هههههههههههه ...مسلسل حلو ينفع يتعرض فى التليفزيون ....ياريت تكملها

ههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه
عسل والله الموضوع ده والوا حماده ده صايع صايع يعنى بس يا ريت مش يكلمها

مشكورين على مروركم بس موضوع يكلمها ولا ميكلمهاش دا فى الحلقات التانية

هنبقى نشوف كل يومين ولا حاجة هبقى انزل حلقة

ههههههههههههههههههههه حلوه

الحلقة التانية

واحد اتين تلاتة اكشنننننننن

طبعا صاحبنا فضل طول الليل سهران يفكر فيها وياترى يعمل اية يكلمها ولا لآ لحد ما توصل لفكرة جامدة جداااااا

وفجأه موبايل الخطيب الساعة 1 نص الليل بيرن
الخطيب استغرب جداااااا

ونط من السرير مفجوع ياترى مين اللى بيتصل ده
لقى عمرو بيتصل

وهنا بيبتدى الجزء التانى ..................

الخطيب :- عاوز ايه يا زفت !!!

عمر :- بلاش غلط يا حيوان!

انا عاوز اشوفك دلوقتى حالا

((الخطيب باستغراب ))

الخطيب :- انت عبيط ياض انت دلوقتى اية ((( ده اتهبل ولا اية(((

عمر :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اية اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

عمر :- غور فى ستين داهية انا غلطان انى اتصلت بيك

الخطيب :- يا عم طب قول انت عاوز ايه ؟؟

عمر :- خلاص بكرة يا عم غور اتخمد

وقفل السكة

((وكمل تفكير فى حبيبته اللى ماحدش حاسس بيه غير قلبه ))

تانى يوم

اتقابلوا هما التلاتة

حمادة :- انت ليه انت ياض بتتصل بالولة نص الليل ياض !!!!!
ايه للدرجادى كنت محتاجة ؟

الخطيب :- ههههههههه

عمر :- مش عاوز هزار

الخطيب :- طب قول انت كنت عاوز ايه منى ؟؟؟

عمر :- انا جتلى حتة دين فكرة عشان اكلمها

الخطيب :- هى مين ؟؟

عمر :- ياسمين يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

عمر :- اسمعوا بس ((ويقطعه الخطيب ))

الخطيب :- انت بتحبها بجد

حمادة :- هى بصراحة تتحب اوى جدااا خالص

عمر :- يا جدعان انا البت دى شقلبت حالى والله ما نمت , طول الليل بفكر فيها وفى عنيها

ونفسى اكلمها واقولها انى بحبها

حمادة :- خلاص يا فلانتينو ها تعمل ايه ؟؟

عمر :- انا ها اروح الدرس معاها

((لحظة سكوووووت باستغراب)) حمادة والخطيب بيبصوا لبعض

وفجـــــــــــــاه
ههههههههههههههههههه

حمادة :- يبنى انت سخن انت دخلت الكلية خلاص وعديت مرحلة الثانوية من زمان يابابا
ههههههههه

عمر :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حمادة :- طب اقولك على حاجة احسن احنا ناخد الطريق من اوله ونقدم فى كى جى تو
ايون ونرجع تانى للزمزمية والشنطة وابلة ثناء اللئيمة بتاعة يا جعان با وحش صح
هههههههههههههه

عمر :- والله العظيم ها امشى

الخطيب :- يا عمرو ما انت كلامك مش معقول

عمر :- اسمعوا بس

وفضل عمر يقنع فيهم لمدة ساعة كاملة انهم يروحوا الدرس واخيرا قدر يقنع حمادة انه يروح بس الخطيب رفض وطبعا حمادة

وافق عشان سببين :-

1_ اولا طبعا عشان البنات اللى فى الثانوية
2_ عشان عمرو هو الل ها يدفع تمن الدرس
((ههههههههههههههههههههههههههههههههه ))
((سببين يقنعوا اى حد وبالزات حمادة ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حمادة :- الصلا عل النبى هى ليلتنا فل ولا حاجة

عمر :- شششششش ها تفضحنا

حمادة :- والنعمة امشى سيبنى بقى شوية اعيش حياتى

وعدت واحدة من قدمهم

حمادة :- ايه الجمال ده غزال يا خواتى

عمر :- وحيات امك اسكت عشان ..................

وفجاه دخلت ياسمين عمر اتسمر فى الارض ومش عارف يعمل ايه كل اللى عمله انه ماشلش عينه من على عينها

حمادة :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ منيل بنيلة ))

عمر :- حودة عشان خطرى اسكت

حمادة :- خلاص ياعم انا غلطان من الاول

وعدى اليوم الاول من غير ما عمر ما يعمل اى حاجة غير انه يبصلها وبس بس هى طبعا اكيد اخدت بالها

وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من صباحو كدب

عمر :- وقولتله ايه ؟؟

الخطيب :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه هههههههههه
حمادة :- المهم انت ها تتصل امتى ؟؟

عمر :- لا لسة مش دلوقتى

وجيه تانى يوم فى الدرس

(وكل اللى عمله عمر انه يبصلها بس هو المرة دى اتاكد انها اخدت بالها انه دايما يبصلها

وحمادة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل

التلاتة وخصوصا عمر عمل حاجة جريئة اوى

فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان حمادة خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان

حمادة بيكلمه بصوت واطى

حمادة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة

عمر بصلها جت عينه فى عينها

دخلت جرى على جوه

خد لفه ورجع تانى

حمادة اتكلم بصوت عالى

لقوها طلعت من البلكونة

عمر فرح جدااااااا

وعمل نفسه بيكلم فى الموبايل وبيقول

عمر :- طب خلاص بقى انا ها اتصل بيك كمان شوية

وفى الطريق

حمادة:- ما تتصل بقى يا عم

عمر :- لا يا عم لما اشوف اخوها الاول واكلمه عشان اوضحله الموضوع شوية

حمادة :- انت عبيط ولا انت شكلك كدا

عمر :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

عمر :- امممممممممممممممم

حمادة :- اتصل بقى

الخطيب :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

عمر :- اااااوك

حمادة :- على اقرب سنترال

ودخل عمر السنترال

واول ما مسك السماعة حس انه بينهار حس انه مش عارف هيقول ايه سابها لربنا كل حتة فى جسمه بتهرب منه حتى لسانه ما بينطقش

مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى

وفففففففجاه

ياسمين :- الو

عمر بعد ما تاكد انها هى من صوتها

عمر :- ايوة

ياسمين :- مين معايا ؟؟

عمر :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

ياسمين :- مين معايا !! (باستغراب )
((قال يعنى مش عارفة مين ده يا جدع البنات دول عليهم حركااااااااااات ))

عمر :- واحد معجب بيك يا ياسمين وصعب اقول اكتر من كدا

ياسمين :- اه وبعدين يعنى

عمر :- ولا قبلين

ياسمين :- طب اى المطلوب منى !!!

عمر:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ياسمين :-اااااه ...... طب ممكن ما تتصلش هنا تانى

(((وف ثانية عمر قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى

مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه)))

وبعديييييييييييييييين نكمل المرة الجاية

_________________________

بس يا ترى عمرو ها يتصل تانى ؟؟؟؟

ولا ها ينسى الموضوع وكانه ما حصلش ؟؟؟؟

وهى يا ترى عرفت مين هو ؟؟؟؟

ويا ترى ها تعمل اى فى الحصة الجاية ؟؟؟؟

كل دى اسئلة ليكو انتم ها تخمنوها وتقولوا ردها
واشوفكم على خير فى الحلقه التالته..............

اكيد هيتصل تانى بس اما تعرف هو مين الاول لكن اللى هيحصل فى الحصه ان حماده دا هو اللى هيعمل مش الغلبان التانى

انا اعتقد ان حمادة فعلا هو اللي هيكلمها من وراه علبشان هو واد تييييييييييييييت ودا متوقع منه وغير ان الخطيب هيحاول يساعد عمر طبعا بس حلوة الحكاية دي

مشكورين على مروركم يا جماعة بس ياريت منسبقش الاحداث

الحلقه التالته من عمر وياسمين

طبعا صاحبنا بعد المكالمة ماكنش فاهم حاجة خالص

عمر:- منين البت دى كل ما بتسمع صوتى تجرى على البلكونة
وتبقى عاوزة تشوفنى ومنين ردت عليا الرد البايخ ده ؟؟ ( طبعا بيكلم نفسه )

المهم صاحبنا ندم انه اتصل
طلع من السنترال وكانه طالع للنار ( مع ان الجو كان تلج )

المهم صحابه كانوا بيهدوا

حماده :- يابنى ماهى اكيد كان هو ده الرد الطبيعى منها
امال انت عاوز اول ما سيادتك ما تكلمها ترد عليك ايوة يا حبيبى انا بمووت فيك بعشقك كدا برده يا سونة يا خيان هههههههه

عمر :- وحيات امكم مش عاوز تريقة سيبونى فى اللى انا فيه

الخطيب :- يا جدع فكك بقى وفرفش

عمر :- انا مخنوق اوى

الخطيب :- والله العظيم اسمع الكلام هى لازم تقول كدا فى الاول عشان يعنى تبان انها بنت تقيلة ومحترمة وكدا

( المهم فضلوا يقنعوا فيه ان ده عادى وطبيعى )

( وبرده مافيش فايدة )

( روح صاحبنا وطبعا كان ليل طويل على كل العشاق وهو من ضمنهم وخصوصا العشاق المجروحين )

( عمال يفكر طول الليل فيها وياترى اى اللى هيحصل )

صبح الصبح

كان المفروض ان فيه درس تانى يوم

صمم انه يروح بس حمادة ما رحش تقريبا خاف

لقى البنت طبيعية خالص وبردك لسة بتبصلوا كل ما تيجى عينه فى عينها
قال فى عقل باله
(هى البت دى عبيطة ولا هى اللى شكلها كدا
يا إما انا كلمت حد غيرها
وهنا بدأ يشك فى الموضوع)

عدى 3 ايام
وكانت الساعة تقريبا 9 عدى روميو من تحت البلكونة
وكالعادة جوليت واقفة البلكونة فى الميعاد المعتاد جت عينه فى عينها ولانه كان لوحده مادخلتش فضلت واقفة تبصلوا
راح طلع الموبايل وقال بصوت عالى
انا مش عاوز غير الرضى
وبعدين انا لازم اكلمك
هى ابتسمت ودخلت

صاحبنا خد السكة صاروخ لحد السنترال
اتصل بيها
فى اللحظة دى هو ماكنش محضر كلام عشان يقولوا
وكان خايف اوى اوى وفى نفس الوقت مطمن لانه حاسس بقبول من ناحيتها

السماعة اترفعت

عمر :- الو
( كان حاسس انه سامع دقات قلبها فى السماعة وحاسس انها متوترة اوى وهو كان انيل منها المهم )

ياسمين :- ايوة مين معايا !!

عمر :- واحد

ياسمين :- واحد مين !!

عمر :- مش ياسمين معايا( بينه وبين نفسه اتاكد بقى المرة دى)

ياسمين :- ايوة مين انت

عمر :- انت عارفة كويس انا مين

ياسمين :- اه وبعدين

عمر :- ولا قبلين بصراحة انا معجب بيك جداا جدااا يا ياسمين وربنا العالم بحالى دلوقتى وانا بكلمك ونفسى بصراحة ان احنا نكون لبعض

ياسمين :- يسلام
بس انا فاهمة كويس اوى حركات الشباب بتوع اليومين دول و ....

قاطعها

عمر :- والله العظيم انا مش منهم خالص بدليل انى ما حاولتش ولا مرة انى اعكسك فى شارع او حتى اقول اى كلمة

ياسمين :- صح انت جبت رقم التليفون منين ؟؟

عمر :- ده مش موضوعنا دلوقتى

ياسمين :- انا مش بفكر فى المواضيع ديه دلوقتى خالص

عمر :- بصراحة انا بحبك بجد والله العظيم

ياسمين :- اه وبعدين ( كلمة رخمة اوى اوى اوى اوى اوى )

عمر :- انا قولت اللى عندى ومستنى اسمع ردك( يا واد يا تقيل) بس على فكرة
والله العظيم عمرك ما هتندمى انك فى يوم كلمتينى
لانى بجد انسان كويس مش وحش
ومهما كان ردك عليا
ها تفضلى ياسمين اللى اتشدتلها من اول ما جت عينى فى عينها

سكووووووووووووووووووووووت

عمر :- ياسمين قولتى اى ؟؟؟

ياسمين :- طب وانا اى اللى ضمنى ان الكلام اللى انت بتقوله ده مش كدب
وانك بتتسلى بيا

عمر :- الدليل على كدا انى فى كلية مش فى ثانوى

ياسمين :- يسلام امال مين ال بييجى الدرس ده

عمر :- انا بروح الدرس بس عشان اشوفك

ياسمين :- طب ممكن تقفل دلوقتى عشان بابا زمانه جى

عمر :- بس انا ما سمعتش ردك

ياسمين :- سيبنى افكر وارد عليك

عمر:- ياسمين

ياسمين :- نعم

عمر :- بحبك

ياسمين :- يلا باى

عمر :- لا اله الا الله

ياسمين :- سيدنا محمد رسول الله

وطلع صاحبنا من السنترال مظأطط ونفسه يجرى فى الشوارع ويغنى

بحبهااا.... وفى قلبى ساكن حبها ..... ياريت ياشوق توصلها ...... ويحس بيا قلبها
بحبها................ بحبها

وتانى يوم كان فيه مصيبة مستنياه فى الدرس
طبعا عمر لبس الحتة ال على الحبل
وحط برفان 5 خمسات ههههههه
وجلجل شعره
وظبط نفسه وراح الدرس وهو فى سكته حود على حمادة
وحكاله الحوار فى السكة

وحمادة كان فرحان عشانه اوى لانه حس ان عمر مش فى حالته الطبيعية

راح الدرس

اول مادخل الدرس لقى ياسمين
واقفة مع منى ( سكرتيرة الدرس )
ووششها عليه غضب ربنا اتفجع الواد
ولقى منى بتناديله

وكانت المفاجاة الجامدة صدمة على عمر

الواد هيموت منناااااااااا

________________
ووونكمل المرة الجاية

الله يخربيتك ايه التشويق دا يلا بس الموضوع جامد بصراحة وانا ماليش واحدة

يابنى طب كنت كمل كمان شويا نعرف الحاجه دى بتعيط ليه

اجمد واكتر حاجة شوقتني في المنتدي
مشكوررررررررررررررررررررررر جدا والله وياريت الحلقة الجاية تبقي قريبا

ايه ياسمين طلعت ندله وبلغت عنه ولا ايه اكيد قالت ان هو مش فى ثانوى اكيد اكيد هما كده البنات يعينى عليك ياعمر

الحلقه الرابعه جاااااااااااامده جدااااا ورومانسيه خالص
يلا نبدأ1 ..2 ...3 ... اكشن

اول ما عمر سمع صوت منى بتنادى عليه قلبه وقع فى رجليه
دخل اول ما ياسمين شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
عمر بينه وبين نفسه
( ياريتنى كنت مت قبل اللحظة دى ربنا يستر )

وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة ياسمين ويعيش موهبته

دخل عمر
منى :- انت ليه يا عمر عملت كدا ؟؟

عمر :- عملت ايه !!

منى :- انت اتصلت امبارح بببيت ياسمين
( بص عمر لمنى وراح باصص فى الارض )

منى :- قالتله يعنى اتصلت

عمر :- اه

منى :- طب ليه ؟؟

عمر :- عشان بحبها

منى :- وانت مش شايف ان ده مش وقته خالص يا عمر اهتم الاول بمزاكرتك ( طبعااااااااااا ماهى ما تعرفش اللى فيها )

عمر :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

عمر :- يعنى انا عاوزك تخوشيلها دلوقتى وتقوليها ....
عمر واقف بره وعاوز يكلمك ثوانى
( وبعد ما عمر اقنع منى انها تبقى الوسيط دخلت منى وقالت لياسمين )

منى :- عمر عاوز يكلمك ثوانى
( طبعا ياسمين استغربت تماما )

ياسمين :- لا طبعا مش ها اطلعله في إيه يا منى ... انا جاية هنا علشان الدرس وبس

منى :- وطى صوتك بس

ياسمين :- منى خليه يلم الدور عشان ما يحصلش مشاكل لان لو بابا عرف مش هيحصل كويس

منى :- اهدى بس كدا على العموم براحتك انت حرة

منى :- مش ها ينفع يا عمر
عمر :- هى بتعمل كدا ليه ؟؟ هو انا لعبة فى ايديها
( دخل حمادة على كلام عمر )

حودة :- فيه ايه

عمر :- مافيش حاجة يلا بينا نمشى

منى :- طب والدرس يا عمر استاذ محمد زمانه جى

عمر :- ينحرق
( ومشى عمر وعفاريت الدنيا بتتنطط فى وشه )
راح هو وحمادة على كافيه كالمعتاد
وحمادة يهدى فى الواد
وعمر كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

عمر :- هى ليه مرة تخلينى طاير فى السما ومرة تانية ترمينى فى سابع ارض

حمادة :- يا جدع اهدى فكك منها وحيات امك يا عمرو

عمر :- والنعمة ما انا سايبها غير لما اعرف اى السبب هو ايه انا جزمة ف رجلها تقلعها وقت ما تقلعها ( يا واد يا جامد )

حمادة :- يبنى هو ايه اللى حصل لكل ده

عمر :- يا عم انت يعنى مش شايف بليل كانت تمام اوى وبتكلمنى بكل هدوء وتقولى افكر

حمادة :- ما يمكن فكرت

عمر :- خلاص لو فكرت تقولى انا مش تفضحنى كدا

حمادة :- هى طبعا غلطانة بس اهدى بس

عمر :- ااااااوووووووووووف

وفضل عمر وحمادة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق عمر على كدا
وبليل
قبل ما يوصلوا لبيتها
شافوها هى وصحبتها مروة مروحين
عمر اول ما شافها كان ها يجن

عمر :- اى الجمال ده

حمادة :- يا خرابى

الخطيب:- طب ماهو من حقها يا عم تدوخك وراها

حمادة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حمادة :- يا جدع وسع ايدك

الخطيب :- ياجدع اسكت

عمر:- اهدى يالة

حمادة :- ماشى يا باشا

( وصلت ياسمين صاحبتها وهى راجعة عشان تروح اخدت بالها من عمر اول ما شافته نزلت عينها فى الارض ومشت وهى موطية وشها لحد ما وصلت بيتها )

عمر ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها

ياسمين :- الو

عمر :- انت ليه عملتى كدا ؟؟

( سكتت )

عمر :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك من اول مرة و قولتك انى بحبك يا ياسمين يا ارق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )

عمر :- حتى لو كنت رافضة كنت صارحينى مش ها ازعل
يمكن اكون ازعل انى خسرت اجمل عيون وارق صوت
لاكن كنت ها احترم رأيك
وهاتفضلى انت ياسمين هى هى اللى اخدتنى من كل الناس اللى حوليا بنظرة من عينها
( سكوووووووت ) ( بصراحة الواد ثبتها تثبيتة نااااااااااار )

عمر :- ساكتة ليه

ياسمين :- مش عارفة اقولك ايه

عمر :- انت ليه عملتى كدا

ياسمين :- خايفة

عمر :- من ايه ؟؟

ياسمين :- منك

عمر :- منى انا طب ليه !!

ياسمين :- خايفة يكون اول حب ليا اكبر جرح ليا

عمر :- طول ما انت معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

ياسمين :- ماشى

عمر :- ماشى اى ؟؟

ياسمين :- ما انت عارف كل حاجة ( بضحكة خفيفة )

عمر :- انا عاوز اسمعها منك

ياسمين :- على فكرة ماما نايمة وخايفة تصحى وبابا زمانه جى

عمر :- ما انا مش ها اقفل غير لما اسمعها منك

ياسمين :- عمرو انت بتحبنى بجد

عمر :- يا لهوى كل ده ولسة بتسالى دلوقتى اعمل اى عشان تصدقى انى دايب فيك

ياسمين :- ولا حاجة

عمر:- طب بقى اسمعها منك

ياسمين :- وانا كمان

عمر :- انتى كمان ايه ؟؟

ياسمين :- يلا بقى عشان ماما ما تصحاش
تصبح على خير

عمر :- وانت من اهله يا اجمل ملاك شفته فى الدنيا

وعمر ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

واول ما طلع قدام السنترال سمع

( يا غزال يا غزال اى الاوام ده ارحمنى بقى وحن علينا )

والخطيب ميت على نفسه من الضحك

الخطيب :- اهو كدا من ساعة ما انت ما دخلت

عمر شده من قفاه

عمر :- حرام عليك يا جدع ضيعت اجمل لحظة فى حياتى انت اى حيوان ما بتحسش

حمادة :- يا جدع سيب كدا بس ده البت كانت ها تيجى
انتى يا مزة استنى
انا جى اهو

الخطيب وعمر :-
ههههههههههههههههههههههههه

وووووووايه رايكم فى الحلقه الرابعه
وانتظرو اجمد الحلقات والمفاجات

_____________________
ومحدش يستعجلنى بعد كدة
الله
هههههههههههههه

ايه الحلاوه دى والله البت دى شكلها هتديله بومبه بعد كدا

لا بصراحه موضوع ناااااااااااااااار

براحتك ياريس احنا معاك لحد م نشوف اخرتها

البت دى هتديلو خزوء

ههههههههههههههههههههههههههههه والله العظيم تحفة

مشكورين على مروركم وانتظروا اجمد الحلقات

منتظرين يا باشا وتسلم ايدك

كنا انتهينا فى الجزء الرابع ان عمر كلم ياسمين وكان فرحان جدااااااا
لانه حس انها مستلطفاه وانه طلع ضرب حمادة هههههههه صعبان عليا الواد
يلا بقى

الحلقه الخامسة حلقة الرومانسية

روح عمر وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمر على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام عمر وطول الليل بيحلم بحبيبته
وصحى عمر من نومه على صوت تغريد العصافير وكأن الدنيا كلها فرحانه علشانه
حس عمر ان ده احلى يوم نام فيه من مدة طويلة اوى
وفكر عمر ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
عمر :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمر راح كليته
وفى اخر اليوم
اتصل بيها

عمر :- الو

ياسمين :- الو

عمر :- عاملة ايه ؟؟

ياسمين :- الحمد لله ....... وانت عامل ايه ؟

عمر :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمر :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه !!!!

عمر :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس

ياسمين :- يسلام انت بتجيب الكلام ده منين

عمر :- ده بس عشان بممووووووت فيك

ياسمين :- طب انا عاوزة اسالك سؤال !! ( من اولها اسئلة )

عمر :- ايه هو ؟؟

ياسمين :- مش انت قولتلى انك فى كلية

عمر :- اه

ياسمين :- يعنى بتشوف بنات كتير واكيد فيهم الاحلى منى و.......
عمر :- بس عرفت انت عاوزة تقولى اى
اشمعنا انت يعنى ؟؟

ياسمين :- اااااااااه

عمر :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك .... وثانيا الحب مش بأيدينا ولا باختيارنا

( سكوووووت )

عمر :- طب ممكن انا اسالك سؤال

ياسمين :- اتفضل

عمر :- انت حبيتى قبل كدا

ياسمين :- لالالالالالالا ............ انا اساسا اول مرة اكلم حد

عمر :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله

ياسمين :- ههههههههههه مش اوى كدا يعنى يا بكاش

عمر:- والله العظيم بتكلم بجد

عمر :- بحبك

ياسمين :- وانا كمان

عمر :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمر :- هو انت عيد ميلادك امتى ؟؟

ياسمين :- اشمعنا

عمر :- عادى بسأل

ياسمين :-1/9

عمر :- لا بجد والله

ياسمين :- والله بجد فيها ايه

عمر :- والله العظيم انت 1/9

ياسمين :- اه انت مستغرب كدا ليه ؟؟

عمر :- ههههههههه اصل انا كمان مواليد 1/9

ياسمين :- هههههههههه بجد

عمر:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض

عمر :- على فكرة انا اتصلت الصبح وتقريبا مامتك هى اللى ردت عليا

ياسمين :- وايه اللى حصل ؟؟

عمر :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمر :- طب وانا كنت ها اقول ايه

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمر :- يعنى انت قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من وراها

عمر :- طب ولو رفضت

ياسمين :- ها احاول معاها و على فكرة كلنا كدا حتى اخويا

عمر :- اخوكى باسم

ياسمين :- انت تعرفه

عمر :- ااااه يعنى صحاب نص نص ماهو معايا فى الكلية

ياسمين :- يالهوى

______________
ونكمل فى الحلقة
6

الواد دا معلم

فعلا على رايك ياحباظه ايه يابنى الجمال دا دا حاجه تحفه والله

على فكرة بجد الموضوع ده شدنى وعايزة اعرف النهاية هو المسلسل ده كام حلقة؟.