للرومانسين فقط..........

تحفــــــــــــــــــه بجد
بس يارييييييييييييت ماتتاخرش بالجزء اللى بعد ده

الحلقة التاسعة
---------------------------

شوفنا فى الحلقة التامنة

ازاى عمر كان هيموت على حبيته ياسمين

بعد ما رجع يحس بقيمتها فى حياته

وبعد ما سمع منها احلى كلام

بس المشكلة هى اللى ها نشوفها دلوقتى

ونخوش على الحلقة التاسعة

....

الباب بيخبط وبتدخل ...

حبيبه ووالدة ياسمين

ف اللحظة اللى كان عمر ماسك فيها ايد ياسمين وبيبوسها

بتشوف ياسمين بنتها على طول بتسحب ايديها

( ده وقته يا جدعااااااااااان )

بتجرى حبيبه على ياسمين وبتبوسهاااا وتطمن عليها

وعمر مركز فى حاجة واحدة بس

فى عيون مامتها اللى ما نزلتش من على عمر من الثانية اللى دخلت فيها الاوضة

عمر :- ازاي حضرتك عاملة ايه ..!!

والدة ياسمين :- الحمد لله ازيك يا عمر

ياسمين :- اشكرى عمر يا ماما لولاه الله واعلم كان ممكن يحصلى ايه ..!!

والدة ياسمين :- اااااااه ... طبعااا ...

الف شكر يا عمر

عمر :- بعد الشر عليكى يا ياسمين

ربنا عالم ايه اللى كان ممكن يحصلى لو حصلك حاجة

وبياخد عمر حبيبه وبيطلع بيها برة وهو بيهزر معاها

والدة ياسمين :- انتى عاملة ايه دلووقتى يا ياسمين

ياسمين :- الحمد لله يا ماما ...

والدة ياسمين :- انت شوفتى عمر فين ..؟

ياسمين :- صدفة

والدة ياسمين :- اااااااه صدفة .... طب باباكى على باب المستشفى مستنى وليد

ياسمين :- وده ايه اللى جابه هنا اااا

انا تعبانة يا ماما .. ومش عاوزة اشوفه

والدة ياسمين :- مش عاوزة تشوفيه ولا عشااان عمرو هنااا

ياسمين :- سكوووووووووووووت

........

وبرة كان عمر بيكلم حمادة فى الموبايل

,,,..,,,

حمادة :- وهى عاملة ايه دلوقتى

عمر :- الحمد لله احسن بكتييييييير

هات الخطيب اكلمه

الخطيب:- اه يا ندل بقى كدا ما تجيش

عمر :- حبيييييييبى والله انا نفسى اجرى دلوقتى واجيلك

واحشنى يا خطيب واحشنى اوى

الخطيب :- وانت والله يا عمر

عاملة ايه ياسمين دلوقتى

عمر :- طب الحمد لله ان حمادة حكالك ..

واكيد انت عازرنى

الخطيب :- اه طبعااا انا عارف ال عندك يا عمر

عمر :- انا خلاص شوية كدا اطمن عليها واجيلكو على طوووول

الخطيب :- طب يلا روح اطمن عليها وتعالى بسرعة

.....

بيدخل عمر الاوضة وماسك فى ايده حبيبه

وبيقعد جمب ياسمين على السرير عشان بس يثبت لمامتها ان خلاص ...

مافيش حد ها يفرق ما بينهم تانى ابداااا

وفى اللحظة دى

...

بيدخل والد ياسمين ومعاه وااااحد ( وليد )

وليد :- انت مين ...؟؟!!

( بكل قلة زووووق )

عمر :- انت ال ميين ...!!!

ياسمين :- انت ايه ال جابك هناااااااااا ....!!!

وليد :- مش جوزك يا هانم ولا نسيتى

ياسمين :- قصدك طليقى وكل اللى يربطنى بيك هى دى

( وبتشاور على حبيبه )

حبيبه بتعيط وبتجرى على حضن مامتها

والد ياسمين :- خلاص يا ياسمين مش وقته اللى بتقوليه ده

وليد :- انت ايه ال مقعدك كدا ... اتفضل .. متشكرين لخدماتك

والد ياسمين :- احنا اسفين جدااا والله يا استاذ و متشكرين على اللى عملته مع بنتناااا ...

بيقوم عمر يقف

وبيقف قداااااااااااااااااااام وليد

وكل واحد بيبص فى عييين التاااااااانى

وكأن ما بينهم تااار قديم

ياسمين بتقذ الموقف قبل ما يتطور

ياسمين :- عمر ... عشان خاطرى يا عمر اتفضل انت دلوقتى وانا هابقى اتصل بيك اطمنك عليك

.......

بيخرج عمر ... وهو حاسس ان كل الموجودين عارفين حاجة

هو الوحيد اللى ما يعرفهااااش

بيروح عند الخطيب وبيقضواااا احلى ليلة بيرجعواا فيها كل الذكريات من جديد

وهناك ...

اخد عمر قرار سريع

صحابه استغربوووه منه اوى اوى

..

وده اللى ها نعرفه فى الحلقة العاشرة

________________________________

يارب وليد يموت
ههههههههه
فيه غم شويه لجزء ده
بس شكراااااا

الحلقة العاشرة
-----------------------------------------------

شوفنا فى الحلقة التاسعة

تصرف وليد اللى كان باين عليه نااار الغيرة

وازاى كان بيكلم عمر بكل قلة زووووق

وازاى عمر اعتبره غريمه اللى فاز بحبيبته فى اول جولة

بس خلاااص من هنا ورايح ما فيش استسلام

وده اللى كان باين على عمرو من تصرفاته وكلامه قدام

والدة ياسمين

وقداااام وليد ووالد ياسمين

اخد عمر قرار مفاجئ

وقرر انه يفااااجأه به كل اللى يعرفه

حتى ياسمييين

وخصوصا بعد ما حس عمر ان فيه حاجة هو ما يعرفهاش

يا ترى ايه هى المفااااجاه دى ...

هو ده اللى ها نعرفه

( بتتصل ياسمين بعمر تطمنه وكمان تتأسف على اللى عمله وليد )

....

عمر :- المهم انت عاملة ايه دلوقتى يا ياسمين ..؟؟

ياسمين :- انا الحمد لله يا عمر .. مش عارفة من غيرك كان ممكن يجرالى ايه يا عمر ..؟

عمر :- بعد الشر عليكى يا روح قلب عمر

ياسمين :- ...... ايه ...!! عدها تانى كدااا

عمر :- يا روح ونبض وعقل وقلب عمر
((حلوة قوى الحتة الرومانسية دى عجبااااااااااااااااااانى مووووووووت )))

ياسمين :- انا بحبك اوى يا عمر .. ومش عاوزة ابعد عنك تانى ابدااا

عمر :- وانا استحالة ها اسيبك تبعدى عنى تانى ...

وبعدين ده احنا دلوقتى بيجرى فى عروقنا دم واحد ولا نسيتى ..!

ياسمين :- ههههههه ... لا طبعااا ما نستش

عمر :- ياسمين ..... انا عاوز اشوفك

ياسمين :- ما ينفعش خالص دلوقتى يا عمر ... وبعدين عاوز تشوفنى تانى عشان اعمل حادثة تانى

عمر :- هههههههههههه لا ما تخافيش ها اخلى بالى منك كويس اوى المرة دى

ومش ها اخليكى تغيبى عن عينى لحظة واحدة

ياسمين :- بجد ..!!

عمر :- اصلك ما شوفتيش نفسك وانت نايمة وكنتى ذى القمر بوش زى الملاك ...

كان نفسى اخطفك من كل عيون الناااس

ونعيش انا وانت وبس

ياسمين :- تعرف ان انا سعات بحسد نفسى على حبك ده ...

عمر :- طب تعرفى انتى بقى ان انا سعات بسال نفسى واقول لما انا بحبك كل الحب ده وانا بعيد عنك ...

طب لما نبقى مع بعض

واصحى من نومى اشوف ابتسامتك اللى بتنسينى كل دنيتى ومش ببقى عاوز اقول غير بحبك ...

سعتها انا ها احبك قد ايه ...

اكيد حب الدنيا كله مش ممكن يكفيكى

يااااااسمين :- سكوووووت

عمر :- انا ممكن اضحى باى حاجة فى الدنيا دى حتى عمرى ... اضحى بيه بس اعيش لو ساعة جمبك

ياسمين :-
بحـــــــــــــــــــــــــــــــــــــــــــــــبك

عمر :- اااااااااااااااااااااااه ...
لو تعرفى الكلمة دى بتعمل فيا ايه وقد ايه حلمت واتنميت تقوليها وتعديها

ياسمين :- بحبــــــــــ . بحبك . ـــــــــــك

عمر :- بمووووت فى جمال امك ... يا اجمل هدية بعتها القدر ليا

بحبك .. بحبك .. بحبك

ياسمين :- فاكر يا عمر .. يوم عيد الميلاد

عمر :- اااه طبعااا فاكره ... ده كان احلى يوم فى عمرى

ياسمين :- انا كنت كتييير اوى بفكر فى اليوم ده وكنت بتمنى انو يرجع تانى .. واعيشه معاك من تانى

عمر :- يبقى خلاص اشوفك وما تقوليش ما ينفعش

ياسمين :- عمر انت اكتر واحد عارف ان انا بتمنى اشوفك ... بس دلوقتى مش ها ينفع ... صدقنى

عمر :- يبقى خلاص ها اشوفك بطريقتى

ياسمين :- وده ازاى بقى ..؟؟!!

عمر :- لا دى بقى مفاجأأة مش ها اقولك عليها

ياسمين :- لا قوووول

عمر :- لا مش ها اقول وخليها مفاااجاه

....

وبتنتهى المكالمة وياسمين عاوزة تعرف عمر ها يشوفها ازاى وياترى ايه هى المفاجاه اللى شايلهالهاااااااا

وتانى ................. يوم

عمر :- انا عاوزك تيجى معايا بكرة فى مشواااار مهم اوى

حمادة :- ها نروح فين .؟

عمر :- ها نروح نطلب ايييد ياسمين

حمادة :- نننننننننننعم يا خويا

عمر :- مالك استغربت كدا .. ما انت عارف ان ده كان ها يحصل ها يحصل

حمادة :- بس مش بالسرعة دى .. وبعدين انت قولت لحد

عمر :- لا انت اول واحد يعرف وماحدش ها يعرف غيرك

انا عاملها مفاجاه حتى ياسمين ما تعرفش

حمادة :- ومش خايف من رد فعل كل الناس دى

عمر :- لالالا

ومش ها استنى حد يقول تعمل وما تعملش

حمادة :- ما حدش قالك تستنى حد يا عم السوبر جيييت

بس المواضيع دى مش بتيجى كدا

عمر :- اومال بتيجى ازاى ..!! يا عم الخفيف

حمادة :- لازم فى الاول تقول لياسمين ...

وتقول لاهلك وبعدين ما تنسااااش ان ياسمين كانت متجوزة وعندهااا بنت

اهلك ها يوفقوااا على كداا

عمر :- مش هما ال حرمووونى منهاا زمااان ..

وهما سبب كل اللى انا فيه دلوقتى ...

وبعدين خلاص انا قررت والموضوع ده ما فهوش نقااااش ....

ها تيييجى ولا لأ

وطبعااا بعد الحااااح عمر .. وخصوصا ان الخطيب كان مشغول كتير اليومين دول ... وافق حمادة

حمادة :- ربنا يستر .. والنعمة عارف ان انا نهايتى على ايييدك الكريمة دى .... والنبى لتدهانى ابوووسها

....

وفى اليوم الموعود

بيروح عمر لبيت اهل ياسمين ومن غير اى ميعاد سااااابق

ضرب البدلة ... وبوكيه الورد

وشد حمادة فى رجله زى الكلب اللولو

وكان بيتساااابق عشان يوصل وهو طاااير من الفرحة اللى مش مصدقهااا ..... وكانها حلم وخايف يفووووق قبل ما يوصله

ووووو

ووو

و

هناااااااااااااااااااااك

....

عمر وحمادة بيسلموووو على والد ياسمين وبيخوشوووو

والد ياسمين :- طبعااا يبنى احنا بجد اسفين جدااا على اللى حصل فى المستشفى ...

( حمادة بيغمز عمر ... هو ايه اللى حصل

عمرو بيضربه بكوعه ... اسكت انتا يا حيوووووووووووان )

عمر :- لا خلاص يا عمى كأن ما فيش حاجة حصلت

انا اللى اسف انى جيت من غير ميعاد

والد ياسمين :- لا يبنى انت نورتنا والله ... كفاية اللى عملته مع بنتنا

عمر :- اةاةاةاةاةاة ...

وف اللحظة دى بيشووووف عمر ياسمين وهى واقفة وراا الباااب

بيروح مبتسم ومدير وشه ....

( وبيغمز عمر حمادة ما تتكلم يا بو لسانين ولا انت جاى تتفرج )

حمادة :- بصراحة كدا يا عمى ... احنا معانا الغطا وانتو عندكم الحلة وعايزين نكمل طقم الصينى لانى هيا دى الحييييييييييييييياة وكلنا بنى ادمين

عمر :- انتا بتقول اية يا حيووووووووووان

حمادة :-سيبنى اتصرف انا عارف الناس دى كويس

عمر :-لا اسكت انتا بقى خااااااااااااااااااالص ومتتكلمش ياريتنى ما جبتك
((بيستغرب والد ياسمين فى اللحظة دى جدا منهم))

حمادة :- طب خلاص والله هتكلم بجد
بصراحة كدا يا عمى ... انا وعمر كنا جين النهاردة عشان نطلب ايد بنت حضرتك ياسمين لاستاااذ عمر

بيبص فى اللحظة دى عمر لياسمين وهو طاير من الفرحة

وكان الحلم اللى اتمنووو يحلموووه سوااا خلاص فاضل خطووووة
ويتحقق

والد ياسمين :- نننننننعم
وووو
ووووووو
وووووووووووو
وووووو
وووو

و
نكمــــــــــــــــــــــــــــــــــــل
فى الحلقة ال 11

يخرب بيت دى رومانسيه.....هههههههههههه
حلو اوى الجزء ده..بس ياترى والد ياسمين هيقبل؟؟؟؟!!!!
ياااااااارب يقبل

وشكرااااااااااا بجد عالمجهود

مشكورة على المرور وموضوع هيوافق ولا لا هنشوفة فى الحلقة الجاية النهاردة بالليل

الحلقة ال 11
-----------------------------------------------------------

شوفنا ان خلاص عمر مابقاش قادر يستنى يوم كمان

وشوفنا المفااااجأأأة اللى حضرهااا لياسمين

وااازاى بدون ميعاد عمر راح لياسمين

يطلب ايدها من والدهاا

وهناااااااااااااااااك

كان رد فعل والد ياسمين غريب جداااا

وده بعد ما عرف ان عمر مش جى ذى ماهو فاكر يدوب يطمن على صحة ياسمين

لا

ده جى عشان يتقدملهاااا وكمان مرتب كل حاجة ..

وكان رد فعل والد ياسمين مفاااجاه غير متوقعة لكل الموجودين

سواء

عمر .......... او ياسمين .......... او حمادة

ياسمين

اللى كانت واقفة ورااا الباب عاملة ذى الاطفال

بأبتساامتها الجميلة المرسومة على الشفايف

وعيونهااا ال كانت من الفرحة منورين

كسوووفها اللى كان باين عليها من احمرار خدودها

وعمر مراقبهااا من مكانه والفرحة من جواه مش قادر يحوشهاا ..

كل ده راح فى لحظة واحدة .. لحظة ما والد ياسمين فجر المفاجاه بكلمتين

اسف ماعنديش بنات للجوااااز

؟؟؟؟؟؟؟؟؟؟؟!!!!!!!!!!!!!!!

كل دى كانت علامات استفهام وتعجب على وش عمرو وحمادة

واللى بدأأواا يبصواا لبعض وهما مش مصدقين اللى بيسمعووه

حمادة من كتر استغرااابه بيبتسم وهو مش عارف يقول ايه

عمر :- ممكن اعرف سبب رفضك يا عمى

والد ياسمين :- اسف انا قولت اللى عندى

عمر مابقاش قادر ينطق ب ولا كلمة وكانت الدنيا بتلف من حواليه ومش حاسس بجسمه نهائيااا

بيبص على ياسمين

وهو مش شايف السعادة اللى كانت من ثوانى مرسومة على وشهااا

مش شايف غير دموعها اللى غرقت خدودها

وايدها اللى بتكتم صرختها لحد يسمعها

وعنيها اللى اتملت حزن من بعد الفرحة اللى كانت ملياها

بيقوم عمر يقف .. بيبص لوالد ياسمين والكلام مش راضى يطلع وكان فى سكينة منعاه وبتقطعه من جووواه

انا مش ها اسالك انت ليه بتعمل كدا ... وكأن ال ما بينى وبينك تحدى او طار... طب بلاش انا ....

ليه مش عاوز سعادة بنتك وانت عارف انها مش ها تحس بالسعادة غير وهى معااايا .. ليه حرمتوناا من بعض طول السنين اللى فاتت وكانكم بتعقبونا على حبناا لبعض

ضيعتووااا منناا نص عمرنا وكمان عاوزين تسرقوا الحلم اللى كان الحاجة الوحيدة اللى بتصبرنا على العمر اللى ضاع واللى حلمنا نعيش بيه العمر اللى جى

بيقاطعه حمادة وبيحاول يهديه بس خلاص عمرو مش قادر يخبى الكلام اللى جواااه ...

وكانه بركان خامد بقاله سنين وجيه الوقت اللى ها يثور فيه

مش بنتك دى ... مش شايف دموووعها ... زمان غصبطو عليها تتجوز واحد مش بتحبه ودلوقتى هى لوحدها اللى بتتحمل نتيجة اختياركو .. هى لوحدها وماحدش برده حاسس بنار الظلم اللى جواها ...

زمان ما كنش بايدى حاجة اعملها واستسلمت وسلمت امرى لله وهو لوحده اللى عارف انا عيشت عمرى ازاى بس خلاص دلوقتى انا مش ها اسكت ومش ها استسلم ومش ها اسيبهاا ضحية فى ايدكو تانى تلعبوا بيها ذى ما انتم عاوزين ...

قرارناا احنا اخدناه ... ومستقبلنا خلاص حددناه وماحدش مهما كان وبقولها تانى مهما كان ها يقدر يفرق ما بينا وسواء وافقتوا او رفضتوا ...
ها نكون لبعض ...

وبيمشى عمر ناحيه الباب وقبل ما يمشى

بيبص عمر وراه يمكن يشوف ياسمين .. بس للاسف مش شايفها .. سامع صوتها اللى بيقطع قلبه من جواااه وهو بيبكى ...

بيبص لوالدها اللى كان باين عليه ملامح الدهشة من الكلام اللى اول مرة يسمعه

بيبصله عمر وبيقوله

فكر كويس ف الكلام اللى قولته ... لانى مش ها اتنازل عنه

وبيخرج عمر وهو شايف حبيبته بتنكسر من تانى قدام عنيه

بعدها ماحسش عمر باللى هو فيه ..

بيخرج عمر وبيخرج حمادة اللى ما بقاش عارف حتى ينطق يواسى عمر ازاى .. كل اللى بيقدر يعمله انه بيبص لعمر وبيضحك ويسقفله

( هههههههههههههههههههه )

( عجبنى الواد ده )

بيتصل حمادة بالخطيب عشان يتقابلو ويحكيلوا اللى حصل

وبيتفقوا انهم يتقابلوا فى الكافيه بتاع زمااان

وهنااااااااااااااااااااااك

الخطيب :- هاااااااا طبعااااا أقول الف مبروك

حمادة :- مبروك .... تصدق ياض انا بدات اشك فيك

اول يوم حطيت رجلك المبروكة فى البلد دى ...

العربية خبطتهااا ... ومن ساعة ما جيت والمصايب عمالة ترف على دماغتنا حتى الموضوع ال كان ماشى سكينة فى الحلاوة بفقرك الدكر ده باظ

ودلوقتى جى تطنطت ذى الارجوز وبتقول مبروك

انت الغربة غيرتك يا خطيب انتا مش الخطيب اللى اعرفة انتا بقيت وحش قوى وقاااااااااااااااسى يا قاسى يا وحش .!!!

عمر :- ههههههههه .. والنبى اسكت انا ال فيا مكفينى

حمادة :- يا عم فرفش وظجطط .. ده انت اديت للراجل كلام زمانه فى غيبوبة للسنة اللى جاية

الخطيب :- هو ايه اللى حصل بالضبط

حمادة :- تعالى يا فقرى احكيلك

وبعد ما بيعرف الخطيب كل الحكاااية

بيفكر فى فكرة ها يعملوها سوااا يمكن تنفع ويمكن ما تنفعش

بس كل ده

ها نشوفه فى الحلقة الجااااااااااية

الحلقة ال 12 من

يوميات عمرو و ياسمين

[b]بص ياسي كفائة
أنا مش عارف أعلق على إيه ولاإيه ولاإيه
لأنك بصراحة روعة الروعة
وأنا قرأت القصة م الأول خاااااااالص وكلها عاجباني
بس ياريت ماتتأخرش بالجزء اللي بعده لأني اتعلقت بيها جامد موووووووووت
ويسلموووووووو إيديك الحلوين

ياااااربى..انت بتقف عند مواقف ماينفعش تقف عندها
بس بجد والد ياسمين ده رخمممم
المهم ماتتاخرش بالجزء التانى...وتسلم عالمجهوود

ايوة كدا شجعونى وحفزونى علشان احط كل يوم

ومكشورين على المرور

مكشورين ههههههههههههههههههههههههههههههههههههههههههههههههههههه

لو عندك حكايات اكشن وكوميدي يبقى تمام بعد دي يعني

الحلقة ال 12
---------------------------------------------------

افكركم ب الحلقة ال فاتت

شوفنا عمر ازاى كان قريب من انه يحقق حلمه ويتقدم لياسمين وقد ايه هى كانت سعيدة وطايرة من الفرحة

بس للاسف كل ده ضاع فى اللحظة ال رفض فيها والد ياسمين

عمر

وشوفنا الكلام الجامد ال قاله عمر من النار ال كانت جواااه لوالد ياسمين

..........................

اتقابل

عمر والخطيب وحمادة

وكان عند الخطيب فكرة جديدة ها نشوفها النهاردة

الخطيب :- طب اسمعونى بس للاخر

انا ها اروحلوا تاانى وها احاول اقعد معاه واقنعه وانتو بقى عارفينى لما اقنع واحد

( ده ال كان معروف بيه الخطيب ...الاقناع ..)

وها احاول افهمه انه ما يجيش على سعادة بنته وكدا

حمادة :- يالهوووووووووووى انتا حيوان يلا افرض رفض تااانى

الخطيب :- مالكش دعوة انت بس انت كل اللى ها تعمله انك تيجى معايا

حمادة :- لا ياعم والنبى انا مراتى بتحتاجنى فى غسيل المواعين لو الراجل دا شاف وشى تانى لو صدفة حتى بعد الكلام ال عمر قاله ها يجرى ورايا بالجزمة ... عاوزنى اروحله البيت

دى تطير فيها رقبتى يا اسطة

عمر :- معلش يا حمادة عشان خاطرى شوف الخطيب يمكن يقدر يعمل حاجة

حمادة :- عليا النعمة انا نهايتى ها تبقى على ايدك ... وصيتك العيال وامهم ...

الخطيب :- هههههههههه يا عم ما تخافش

حمادة :- والله انا ما خايف الا منك انت يا نحس

عمر :- انا كل ال قلقنى دلوقتى هى ياسمين ال موبايلها مقفول

قلقان عليها اوى ...

(( نسيب عمر ونرررررررروح لياسمين ))

حالة ياسمين كانت وحشة جدااا بعد ال حصل وخصوصا انها كانت لسة تعبانة من الحادثة ..

وتعبت اكتر بعد ال حصل وهى ال رفضت انهم يجيبولها دكتور ... وحاولت والدتها انها تهديها بس ما فيش فايدة

وال مزعلها اكتر بنتها حبيبة ال جدهاا ضمها لصفه وبقت هى كمان ضد مامتها

حاولت ياسمين تفهم بنتها ال بيحصل بس هى رافضة مبدا الكلام معاها من البداية ومش عاوزة تسمع منها اى كلمة

.....

وتانى يوم ....

عمر قاعد لوحده بيفكر ف اللى بيحصل ده ... قلقان على ياسمين اللى مش بترد عليه ...

وخايف على صحابه ال دلوقتى هما فى بيت ياسمين .. مستنى يعرف اللى حصل على نار ومش قادر يتلم على اعصابه

فى اللحظة دى بتخوش عليه والدته

...

والدة عمر :- مالك يبنى فى ايه .........!!!! احكيلى يا عمر ..

عمر :- ما فيش يا ماما والله

والدة عمر :- على ماما برضه ... والله لتحكيلى

(( وفعلااا حكى عمر لمامته كل حاجة

وال كان رد فعلها ما يختلفش كتير عن والد ياسمين ))

والدة عمر :- يا لهوى يا عمر انت عاوز تتجوز واحدة كانت متجوزة وكمان عندها بنت ..

ليه يبنى كدا مش كان انتهى الموضوع ده من زمان ..!!

( وكأن المطلقة حرام عليها انها تفكر فى الجواز من تانى )

عمر :- يمكن يكون انتهى بالنسبة ليكوو بس بالنسبالى اناا عمرى ما نسيته ... وبعدين مالها ياسمين ايه اللى

يعيبها ... عشان كانت متجوزة ... وفيها اىه ..!! حراام ...!!!!

والدة عمر :- لا مش حرام ... بس ليه تظلم نفسك ... ما تتختار اى واحدة تانية .. ووووو .....

عمر :- اختار اى واحدة تانية وخلاص ... يعنى اى واحدة محترمة بقى مش محترمة ... بتحبنى مش بتحبنى ... ها اعيش معاها ف سعادة ولا لا ... كل ده ما يهمكوش كل اللى يهمكو واحدة تانية وخلاص

والدة عمر :- يا عمر يبنى يعنى هو ال خلقها ما خلقش غيرها ... وها تلاقى يا عمر ال تحبك وتسعدك

عمر :- مش وقته يا ماما انا لازم انزل دلوقتى

ونزل عمر بعد ما زاد همه برفض مامته

وهو لسة بيفكر

يا ترى اى ال بيحصل دلوقتى ..؟؟

يا ترى ها ييجو يفرحونى ولا يبكونى ..؟؟

يا ترى ياسمين دلوقتى عاملة ايه ...!!

طب حتى لو وافق والد ياسمين انا ها اقدر اقنع والدتى ازاى بيها ..؟؟

واسئلة كتير اوى جت فى باله وهو بيمشى ومش عارف على فين رجله مودياه

عمر :- يا رب اقف جمبى ياااااا رب

بيروح عمر يقعد على الكافيه المعتاد

وهو لسة بيفكر وايده على الموبايل كل شوية يتصل بياسمين بس للاسف ما فيش اى رد

بيرمى الموبايل على التربيزة بعد ما فقد الامل ف انها ترد عليه

وهو لسة بيفكر فى اصحابه وفى المشكلة اللى حط نفسه وحط صحابه فيها

........

بيلاقى موبايله بيرن

دى ياسمين وصوتها كمان بيعيط

ياسمين :- انا اسفة يا عمر انا عارفة انى كتير اوى عذبتك معايا وتعبت كتير اوى اوى بسببى بس انا اسفة

عمر :- من فضلك يا ياسمين بلاش تعيطى ... وفهمينى براحة ايه اللى حصل

( بيقولها عمر وهو حاطط ايده على قلبه )

ياسمين :- بابا رفض تانى ... ودخل من شوية وعمال يهزق فيا وانا ما بقتش صغيرة على كل الكلام ده ... انا تعبت اوى يا عمر

( بتقولها وهى مش قادرة تاخد نفسها من العياط )

عمر :- ما تعيطيش ... ماحدش ها يقدر ياخدك منى .. خلاص

احنا ها نبقى لبعض حتى لو وقفنا قدام العالم كله .. ها نبقى لبعض ولا عمرنا حد ها يقدر يفرقنا ابداااا ..

اللى نفسى اعرفه

هو باباكى ليه بيرفض

انا متاكد ان فى حاجة وانتو مخبينها عليا

انا متاكد طريقة الكلام اللى كانت ف المستشفى ورفض باباكى اللى مالوش اى تفسير ... اكيد ف حاجة

ياسمين :- ساكتة

عمر :- لو مخبيين عليا حاجة قوليهالى يا ياسمين وريحينى

ياسمين :- عمرو انا لازم اقابلك

........

وبيتفق عمر وياسمين انهم يتقابلو وبيقفل معاها وهو بيفكر يا ترى اى الحاجة ال ياسمين رافضة انها تقولهالى ف الموبايل ولازم تشوفنى عشان تقولهالى ...

وده اللى قلقه اكتر واكتر

وده ال ها نشوفه ف الحلقة 13

ياااااااااااه..طيب ماكنت تكمل كمان شويه
المهم ماتتاخرش كتير بقى بالحلقه دى

الحلقة ال 13
-------------------------------------
من يوميات عمر وياسمين

.........
قفل عمر مع ياسمين وهو بيفكر ف صحابه ال كتير تعبهم معاه
واللى بدأ يحس انهم هما بس اللى بيحسوا بيه وبيقفوا جمبوا
كل اللى حواليه بيحاولو يبعدوا ما بينو وبين حبيبته
الا صحابووو

........
بعد شوية ... بيوصل الخطيب وحمادة
وبيحكولو ع اللى حصل
وان الراجل ده مش بيرفض كدا وخلاص ... لالالالا
ده اكيد ف سبب وانه كان متفاهم جدااا معاهم ... وكان بيعتزر عن اللى صدر منه وانهم اعتزروله عن الكلام اللى عمرو قاله
وهو كان مقدر جدااا الحالة اللى عمر كان فيها..
بيحكى عمر لصحابه اللى حصل .. مع والدته ,.. ومع ياسمين
وانه هو كمان اتاكد ان فى حاجة هو الوحيد ال ما يعرفهاش
بس خلاص هانت لانه خلاص ها يقابل ياسمين
ولما روح عمر
.....

والد عمر :- عمر انا عاوز اتكلم معاك شوية

عمر :- عارف عاوز تكلمنى فى ايه ...
( وهو بيبص لمامته )

والد عمر :- طب ده ينفع يا عمر يعنى بعد صبر السنين دى كلها
ينفع ال انت عاوز تعمله ده ...!!!

عمر :- بابا انا عاوز اسالك سؤال واحد بس
انتو ايه اللى عاوزينه غير سعادتى .. مش كل اللى انتو عاوزينوا انى اعيش مبسوط وسعيد ... انا عمرى ما ها احس بسعادة غير وانا مع ياسمين

والد عمر :- بيتكلم وبدا صوته يعلى
ليه عاوز تكسر قلب امك وما تفرحهاش بيك .. ليه غاوى تتعبنا

عمر :- وانتو ليه مش حاسين بيا ... ليه عاوزنى اضيع عمرى اللى باقى واكمله من غير فرحة تملى حياتى ... لو انتو عاوزين كداا ... انا ما اقدرش .. دى حياتى وانا اللى اقدر اقرر
وعارف كويس فين مصلحتى وسعادتى انا ما بقتش صغير

والد عمر :- يا ريتك كنت صغير يا عمر ... كنا قولنا مش فاهم حاجة
(( بص عمر لوالده ووالدته اللى بقت ظاهرة دموعها فى عنيها ))

عمر :- انا اخدت قرارى خلاص يا بابا وما حدش ها يقدر يخلينى ارجع فيه
..........عن ازنكووووو

ودخل عمر اوضته بدون اى كلام
وكل ما الوقت بيعدى المشاكل والهموم بتكتر اكتر واكتر
م اقدرش عمر ينام طول الليل ... قاعد بيفكر فى اللى بيحصل وياترى اللى بعمله ده صح وولا غلط
.....
مسك عمر الموبايل واتصل ب الخطيب

عمر :- ايوة يا خطيب انا اسف لو اتصلت متاخر كدا

الخطيب :- لا ولا يهمك يا عمر انا كنت سهران .. خير

حكى عمر للخطيب اللى حصل مع اهله
وازاى هما رافضين تماما اللى عاوزه عمر
وكانهم مش عاوزين لابنهم انو يعيش سعيد
حاول الخطيب انه يهديه .. وانه يستنى لبكرة لما يقابل ياسمين ويعرف كل حاجة ....

الخطيب :- طب بقولك ايه ... انا معزوم عندك بكرة .... ولا ها تقولى لا

عمر :- لا طبعااااا ........
ههههههههههه
انت تشرف بس ليه مرة واحدة كدااا

الخطيب :- مالكش دعوة بقى انا ها اقدر احللك المشكلة اللى فى البيت دى .. خلاص

عمر :- خلاص اوكيه
......

قدر عمر انه ينام شوية .. وهو مستنظر مقابلة ياسمين بفارغ الصبر
واخيرا جيه الميعاااااااااد
وهناااااااااااااااااك

كانت اجمل لحظة لما عمر شاف ياسمين بتقرب عليه
وهو بيمدلها ايده يسلم عليها وكأن دى عنده كانت الفرحة اللى ممكن تنسيه كل همومه

عمر :- ازيك يا ياسمين

ياسمين :- ما بقتش عارفة يا عمر .....

عمر :- ششششششش مش عاوزين نكد كدا من اولها
صح ولا ايه ..!!!

ياسمين :- بتقولها وهى بتبسم لعمر ... صح

عمر :- تعرفى ان دى اول مرة اقابلك ونكون لوحديناا
وتعرفى كمان ان انا اول مرة اعرف انك جميلة اوى اوى كداااااا
انت اجمل واحدة انا شوفتها فى حياتى كلهااا

ياسمين :- بس يا عمر كفاااية

عمر :- هو ايه اللى كفااية ... هو انا بشوفك كل يوم ولا ايه ..!!

ياسمين :- اهو انا حاسة ان الناس كلها بتبص عليناا وشايفينى كدا وانا مكسوفة ووشى عمال يحمر ...

عمر :- هههههههههههههههههه
بحبك يا ياسمين

ياسمين :- سسسسسسسسسسسسساااكتة

عمر :- بحبك ونفسى اقولها باعلى صوووتى واسمع العالم كله

ياسمين :- وانا بموت فيك يا عمر ومش هقدر ابعد عنك تااانى

عمر :- ومين قال ان القمر ده حد ها ياخده منى

ياسمين :- هههههههه انت بكاااش اوى صح

عمر :- انا بكااش طب استنى
متر .... لو سمحت

المتر :- ايوة يا فندم تأأمرنى بحاجة تانية

عمر :- لا انا عاوز اشهدك بس على حاجة

المتر :- اتفضل يا فندم
( وياسمين عمالة تضرب رجل عمر من تحت التربيزة )

عمر :- مش بزمتك المدام زى القمر

المتر :- ههههههه اه طبعاااا يا فندم ربنا يخلهالك

عمر :- يا رب
ياسمين :- والمصحف انت مجنون ... ههههههههههه

عمر:- والله لو الجنان اللى فى الدنيا كله بيبقى كدا .. يبقى انا اجن واحد فى العالم كله .... مجنووون بحبك

ياسمين :- ههههههههه
بحبك اوى يا عمر

قعد عمر وياسمين والوقت سرقهم بس ما سرقش حبهم
ونسوا يتكلمو فى الموضوع اللى جيين علشااانو

عمر :- اهو انا كدا مش عاوز اى حاجة تانى من الدنيا ... طول ما انت جمبى ... وعاوز افضل جمبك على طول ... بس اللى نفسى اعرفه ليه باباكى رفض

ياسمين :- ها اقولك يا عمر بس عشان خاطرى تسامحنى انى خبيت عليك

عمر :- قولى يا ياسمين

ياسمين :- انااااا بعد ما اطلقت بحوالى اسبوع او اتنين تعبت ... ولما روحت للدكتور .. قالى ......................
انى حــــــــــــــــــــــامل

ولما عرف وليد انى حامل جيه عندنا البيت وفضل يتكلم مع بابا كتير
وما كنش عاوز ابنه اللى جى ده انه يتربى بعيد عنه
ولما شافك فى المستشفى وحس باللى ما بينا كان ها يتجن اكتر واكتر وقال لبابا انى لو فكرت اتجوز ها ياخد حبيبه منى ويحرمنى منها طول العمر ....
( بدات ياسمين تعيط اثناء كلامها مع عمر )
وعمر ساكت بيسمع كل كلمة بتقولها......

عمر :- كملى

ياسمين :- واللى كان مخلينى ما اقولكش كنت خايفة تبعد عنى لما تعرف
وفضلت كل ليلة ادعى ربنا انو يقرب ما بينا
لحد ما قابلتك يوم الحادثة
ولما نقولنى للمستشفى الدكتور اكتشف انى كنت حامل بس الحادثة كانت جامدة وانا سقطت
بس انا قولت للدكتور انو ما يقولش لاى حد عن الموضوع ده
حتى بابا وماما ما يعرفوش لحد دلوقتى
لانى خوفت يعرفوا ووليد يعرف ...
ويفكر انى انا اللى نزلته وياخد حبيبة منى .... بس والله يا عمر انا كنت ها اقولك ... والله يا عمر كنت ها اقولك بس كنت مستنية الفرصة المناسبة ...
لحد ما اانت ما جيت البيت وطلبت ايدى ...
وبابا رفض لانه مفكر انى لسة حامل
سعتها حسيت انك لازم تعرف الحقيقة
وصدقنى يا عمر والله انا عمرى ما حبيت حد غيرك ولا اتمنيت انى اكون مع حد غيرك ... بس القدر هو اللى دايما بيفرقنا ...
وعارفة انك ها تسامحنى عشان بتحبنى ... وها تعزرنى ... وتحس بيا

عمر بيتنهد وهو بيبص فى عنيها ومش عارف يقولها ايه ..
لاول مرة بيقف لسانه مش عارف ينطق

ياسمين :- عشان خاطرى يا عمر ما تسبنيش كدا ... اتكلم

عمر :- عاوزانى اقول ايه ..!!

ياسمين :- عاوزاك تسامحنى عشان انا خبيت عليك بس والله ما كان بايدى .... وكل حاجة كانت غزبن عنى

عمر :- وليه ما قولتليش يا ياسمين ... بتخبى عليا انا

ياسمين :- انا عارفة انى غلطانة بس عارفة انك ها تسامحنى
والنبى يا عمر وحيات الحب اللى ما بينا تسامحنى

عمر :- وليه ما قولتيش لاهلك

ياسمين :- كنت خايفة من وليد .... خايفة ياخد منى حبيبة
انا ام يا عمر .... حط نفسك مكااانى .... انا اكتر واحدة شافت ظلم انت ما شوفتش الايام اللى كنت عايشاها من غيرك ... انا مصدقت انك رجعتلى تاااانى وكنت عارفة انك ها ترجعلى لان ربنا عمره ما ها يكتب علينا نعيش طول العمر نتعذب

بيمد عمر ايده وبيمسح دمع عنيها وبيقولها

تتجوزينى يا ياسمين

بتمسك ياسمين ايد عمر وتبوسها وهى بتقول
ربنا ما يحرمنى منك ابدااا يا رب
و عمر واخدها ف حضنه أوى
.....

بيتفق عمر وياسمين انهم ينسوا كل المشاكل دى
وان ياسمين تقول لاهلها الحقيقة
وتفهم اللى حصل
وانها ما تحطش وليد فى دماغها .. وهو ها يعرف يتصرف معاه
..
يا ترى ايه اللى ها يحصل ..!!
وياترى بكدا المشاكل اتحلت وانتهت ..!!
طب وليد يا ترى ها يعمل ايه بعد ما يعرف اللى حصل ..!!
وايه اللى ها يدور فى بيت عمرو ..!!

كل ده ها نعرفه فى
الحلقة ال 14

من
يوميات عمر وياسمين

ماحد يقتل وليد ده وخلاص

بس كده الحكايه قربت...يلا ادينا مستنين

صح هيا خلاص باقى حلقة او اتنين وعموما شكرا على المرور

مشكووووور يا كفائة

والله مغلطش اللي سماك كفائة

عشان بجد إنت كفائة

يلا ما تتأخرش بالجزء اللي بعده lol!

هههههههههههههههههه علشان خاطر الكلمتين الحلوين دول هحطلك الحلقة دلوقتى

الحلقة ال 14
-----------------------------------------------------------

ولما روح عمر ... بيتصل ب ياسمين ... يطمنها ويحكيلها اللى حصل
وبعد ما حكلها
.......

ياسمين :- بحبك ... بحـــــبك ... بحبك
وبموت فيك وماقدرش استغنى عنك لحظة واحدة ...
ولو حياتى كلها ثانية .. اتمنى اعيشها معاك وفى حضنك ... بموت فيك يا عمر ..
.. بـــــــــحبك ..

عمر :- هههههههههههههههه
كل ده عشانى انا

ياسمين : طبعااا كل ده عشانك انت واكتر كمان ...

عمر :- يبقى خلاص كدا كل حاجة اتحلت وما فيش اى حاجة ... تخليكى تأجلى ...
عشان انا ممكن اطير دلوقتى .. واجى اخطفك

ياسمين :- ههههههه
ماشى تعالى يلااا ... بس الاول انا مستنية .. باسم عشان ييجى يكلم معايا حبيبة ...

عمر :- تانى حبيبة ... اجبلك الواد الخطيب يقنعهاااا
والله صحابى دول تعبو معايا اوى اوى

ياسمين :- ربنا يخلهوملك .. ما تقولش كدا عشان الحسد

عمر :- ههههههههههههه
انتى عارفة انا نفسى الوقت يجرى يجرى ... واشوفك واقفة قدامى
واخدك الف بيكى الدنيا دى كلها ... وننسى كل اللى فات من عمرنا

ياسمين :- طب كفاية بقى عشان كدا انا اللى ها اجى اخطفك
.......

بيتفق عمر وياسمين ان خلاص ما فيش اى حاجة تانية ممكن تقف فى طريق سعادتهم .... وفرحتهم
عمل عمر اللى عليه والواجب دلوقتى انه يعمل احلى واجب لصحابه اللى طول العمر وقفوا جمبوا ولا فى يوم اتخلوو عنه
اتفقووو انهم يرجعوا لايام زمان من تاانى

خرجوا يتمشو على الكورنيش ... والضحكة مش بتفارقهم
بيفتكروا ايااام زماان لما شاف عمر ياسمين اول مرة .. وحاول انه يكلمها .. وقد ايه تعبوا معاه من يوم ما حبها لحد دلوقتى

وفى لحظة بينقلب حال الكل بكالمة واحدة لعمر ...
وكأن سعادتهم بقت متوقفة على عمر
يفرح ......يفرحوووووا
يحزن .....يحزنوووووا

بيستأذن عمر وبيقف على جمب وهو بيتكلم بكل هدوء
بس ياترى ليه ياسمين بتعيط ... ؟؟!!!

وليه الدموع دى كلها بعد ما كانت اسعد واحدة فى الدنيا
..؟؟!!
بتتكلم ياسمين .. وكانها عايشة لوحدها ..

وانها هى لوحدها اللى تقدر
تكمل أو توقف ... تقبل اوترفض

وفجأأأأأأأأة بيسمعواااا صوت عمر اللى بدء كل الناس يسمعوووه وهو بيقول

حرام عليكى عاوزانى اعمل ايه تانى اكتر من اللى بعمله عشانك ... بجد حرام عليكى ...
انا ضيعت كل حاجة عشانك ... خاطرت بكل حاجة عشانك ...
ما حبتش حد غيرك ... ما اتمنتش حد غيرك ....
والمشكلة ان ما حدش بيجرحنى غيرك ... ما حدش بيخلينى اكره دنيتى وحياتى وايامى غيرك ...
ماحدش بيظلمنى قد ما انت بتظلمينى ...
الايام بقيت بكرها وبحبها عشانك ..
ما بقتش فاهم ليه انا بعمل كل ده ... عشان بحبك .... !!!!!
لو بايدى ها اشيل حبك بايدى من قلبى ... بس مش قادر ....

((بجد اصعب حاجة فى الدنيا ان حد يحب حد حب الدنيا كلة والتانى ميحسش بية))

ياسمين :- ......... كفاية يا عمر انا ما استهلش كل ده منك ... انا مش بايدى حاجة يا عمر ... عشان تقولى كل الكلام ده ...
بتقول انت اتظلمت ... وانا ايه ما اتظلمتش !!!...
ما عشتش عمرى مع واحد انت ما طقتش انك تقف معاه ثوانى...
كل يوم كنت بتعذب وانا بعيدة عنك ... كل يوم كنت بنام وانا دموعى على خدودى ... دموعى يا عمر اللى وعدتنى انها ما تنزلش طول ما انا وياك ...

واللى برده ما عرفتش غيرها يا عمر بسببك ....
انا استحملت كتير اوى يا عمر ... وصبرت لانى كنت عارفة قد ايه انا وانت كنا بنحب بعض وعيشت عمرى كله على امل اننا نكمل مع بعض ...
وعمرى ما اتخيلت انك تقول كدا ... وانك انت كمان تظلمنى بالشكل ده

( مش بتقدر ياسمين تكمل وبتنهار من العياط ... )

دى بنتى يا عمر ... فاهم يعنى ايه بنتى يا عمر .... يعنى ما اقدرش ابعد عنها ... ذى ما انا مش قادرة ابعد عنك ...
عمر :- يعنى ايه ها نضيع..!!!!!!
طب كل اللى عملناه ... !!!!!!
ها نضيع حلم حلمنا انه يتحقق واحنا سواا .... ولا الحلم طلع وهم ... وصحينا منه على الفراق يا ياسمين ...
معقول ها نفارق بعض تااانى

ياسمين :- حرام عليك يا عمر ما تعذبنيش اكتر من كدا

عمر :- مش ها اعذبك يا ياسمين ... بس اظاهر ان القدر هو القدر ... وانو مش مكتوبلنا نبقى لبعض ...
وان الفراق هو الحاجة الوحيدة اللى بقيالنا فى حياتنااااا .....
اسف يا ياسمين لو كنت جرحتك او ظلمتك
اسف لو كنت عذبتك معاياا
بجد اسف يا ياسمين على كل لحظة خليت دموعك تنزل فيهم عشانى ...
اسف على كل لحظة ضيعتيها من عمرك وانتى ندمانة عليااا
بس اعرفى ..
انى عمرى ما حبيت حد غيرك ولا اتمنيت حد غيرك ...
ولو ربنا كاتبلى اعيش مع واحدة غيرك ... مش ها اقدر اعترض بس اوعدك ..
انى ها افضل فاكرك اللى باقى من عمرى
بحبك وياريتنى ما بحبك
سلام يا ياسمين
.......
بيقفل عمر السكة ودموعه ماليااا عنيه بيقول لصحابه وهو بيتسم من كتر الالم اللى مش قادر يستمحله او يخبيه

خلااااص .... خلاااااص

بيفهمووو صحابه كل حاجة ... من غير ما يتكلم وخصوصا بعد الكلام اللى سمعوووه منه
كل اللى بيقدر يقوله عمر ....

روحونى البيت

مش بيقدروا صحابه انهم يتكلمووو معاه او حتى ينطقوو وكان الكل مش قادر ينطق من الصدمة اللى هما فيهااا

وفعلااا بيروح عمر البيت ... ودموعه لسة ما فرقتش عيونه
بعد ما شاف كل حاجة حلوة وكل حلم حلمه بيموت قدام عنيه ... ومافيش اى امل فى انه يرجع يفرح من تااانى

وبليل ...
بيقرر عمر انه يرجع يسافر من تااانى
يـــــــــــــــمكن ... ينسى ... يمكن ... ينسى

بيتصل بصحابه وهو بيودعهم ... وهما مش مصدقين اللى بيسمعوه
بس خلاص ... ما بقاش باقى حاجة لعمر ... هنااااااااااا
......
يا ترى تتوقع ايه اللى ممكن يحصل

وياترى فعلااا خلاص القدر ها يفرقهم تااانى

ويتحقق كلام الشيخ العراف ...!!
خصوصا بعد ما عمر رجع من تانى وسافر..!!
ولا فيه احتمال انهم يرجعوااا تااانى لبعض ..!!

انت / انتى
ايه رايك فى تصرف عمر ..!!
ايه رايك فى تصرف ياسمين ..!!

عمر..... ولا ..... ياسمين

وبكدااااا تنتهى الحلقة ال 14 من يوميات عمرو وياسمين ...

انتظروووووونااااااااااااااااا

فى الحلقة القااادمة

(((((((((((((( والحلقة الاخيرة )))))))))))))))))
من يوميات عمر وياسمين

هى حلقه حزيييييييينه اوى....بس ياسمين مش علطانه..لان دى بنتها
بس عمر بجد صعب عليا اوووووووى ...كل ما يجى يفرح يزعل اكتر مافرح...وضحى كتيييييييير اوى
بس اظن انهم هيلاقوا حل
يلا ادينا مستنين..,,,

مشكورة على المرور وانتظروا الحلقة الاخيرة بكرة

هانت أخييييييييرا ياعم أحمد

بس مفيش حد غلطان فيهم

الإتنين عندهم حق

الحلقة الاخيرة

من يوميات عمر وياسمين 2

..

اليوميات اللى ما بقاش عمر عارف ايه هى اخرتها

يا ترى هو فعلاااا ظلم نفسه وحياته واهله وصحابه

ولا هو كان بيحاول انه يحافظ على حبه اللى

مش عارفله نهاية .. ولا عارفله طريق

وخصوصا بعد ما خلاص ساب اسكندرية بكل ما فيها

الاهل ... الصحاب .. الحبيبة

لاول مرة بيندم عمر على كل شئ فااات

على عمره .... وحياته ..

على قلبه اللى اعذبه كتير ويااه

بيندم من كل قلبه على كل حاجة عملها عشاناها

وهى ما قدرتهاش ... ولا اهتمت بيها

وكل اللى اهتمت بيه حياتها هى وبنتها

اناااانية ....

فعلاااا انانيه اللى تلاقى كل الحب ده وما تحاولش انها تضحى عشانه

(( وتفضل انها تعيش هى وحبيبها دور الضحية

يبقى اكيد انانية وغبية كمان ))

حال عمر خلاص اتغير ما بقاش لاقى اى سبب يعيش عشانه

باع كل حاجة ورماها وراااا ضهره

وقرر انه يعيش لنفسه وبس وقلبه ها يعتبره

من النهاردة .. مااااات

....

بعد ما بيوصل عمرو شغله

بيقابل سااامر

وبيحكيله الحكاية من طأطأ لسلامو عليكو

بيحاول سامر انو يهديه ويقف جمبه ويخرجه من اللى فيه

سامر :- ايه يا عم .. انت كمان

طب قولت مش ها تشتغل كام يوم قولنا ماشى

لاكن تفضل نايم ليل ونهار كداا .... لالالالا

قوم يالة يلاااا ... تعالى نخرج شوية

عمر :- على فين بس انت يا عم

سامر :- قوووووم ... يلااا

ها نروح حفلة السمر ..

عمر :- ها نلاقى الشيخ هنااااك .... !!!!!

سااامر :- اكيد

افتكر عمر فى اللحظة دى كلام الشيخ العراف فى اول مرة قابله

الكلام اللى كان مصدقه وعاش فيه اجمل حلم وكابوس

لبس عمر ... ونزل مع سامر وطول الطريق مش بيتكلم غير فى ياسمين

عمر :- انت عارف يا سامر ... انا كل اللى مزعلنى بجد ووجعنى اوى ... انى مش قادر اعيش من غيرها بعد ما

اتعودت على صوتها وضحكتها .. ورجعت ليا من تااانى الفرحة اللى معاها وبس بفرح من قلبى

و الضحكة اللى فارقتنى ورجعتلى من تااانى معاااها

وكااانها يا سامر زى

الشمس لما تشرق

الاقى دنيتى كلها نورت وحياتى الاقيها بتضحك واتملت فرحة وسعادة

واول ما تغيب

... حياتى كلها تسود ... وما شوفش قدامى غير سوواد لا ببقى عارف اذا كنت عايش ولا خلاص موت

سامر :- انت بتحبها اوى كدااا يا عمر

عمر :- بحبها ... هههههه

انا حياتى كلهااا ابتدت ف اول يوم شوفتهااا جاية عليا من بعيد

اول ما شوفت عنيها ... ضحكتهااا

حسيت انى بقيت ملك ايديها

عشت احلى ايام حياتى ... وانا معاااهاا

وعشت احلى حلم ... لما حلمت انها بقت لياااا

واصعب يوم عيشته يوم ما اتكتبت النهاية

سامر :- ما حدش عارف ايه اللى ممكن يحصل لسة يا عمر مين عالم ايه اللى ها يحصل بكرة

عمر :- ها يحصل ايه ... يعنى !!!

خلاص هى اختااارت ... وانا المكتوب عليااا اتحمل نتيجة اختيااارها

سامر :- كلها شوية وها تقابل الشيخ العراف اللى بيريح قلبك

ولما بيوصل عمر للشيخ العراف

بيكتشف انه ...... ماااااااات

هنا بيحس عمر بالندم .. وبيفوق من وهمه اللى كان مصدقه وكلام العراف اللى كان بيرحيه ...

وبيستغفر ربنااا .... لانه فى يوم صدق ومشى ورا كلام عراف ومنجم ... وهو من جواه كان عارف ان مهما كلامه

كان شبيه بالواقع فهو مش اكتر من مجرد تخاااريف راجل كبير ...

سامر :- هااا ... ايه رايك فى الحفلة بقى

عمر :- لا انا ها اتمشى شوية ... وانت لما تخلص ابقى اتصل بيا

...

وقعد عمر لوحده مع ...... القمر

بيفكر ف كل اللى حصل .. وهو من جواه بيتقطع والدمعة مش بيتفارق عينه

ليه يا ياسمين بيتعملى فيا كدا وانت عارفة انى اكتر واحد فى الدنيا حبيتك ... وانت الوحيدة اللى اختارها قلبى

ليه الفراق ... وانت عارف انك معايا وقلبى معاك على طول

ليه الفراق وانت عارفة

ان الفراق ده اصعب حاجة على قلبى ...

ليه .. ظلمتينى بحبك

!!!!!!!!!!!!!!!!!!!!

ليه والف ليه !!!

بتدور فى بال عمر

....

بيعدى الوقت .. وهو لسة لوحده

شايف حبيبته فى خياله ... بيفتكر كل ذكرى حلوة ما بينهم

بيبص عمر لفوووق وهو من جوووواه بيدعى

... يا رب سامحنى ورجعنى ليها .. انت عارف انى ما اقدرش اعيش من غيرها

يا رب انت عمرك ما ترضى بالظلم ..... ما تخلنيش اعيش بقية عمرى فى عذاب

بعد ما قعد عمر .. لوحده .. ودعا ربنا .. حس انه استريح كتير

وان ربنا اكيد ها يسعده قريب

وبعد شوية ... بيرجع سامر .. وبيتفاجا لما يلاقى عمر ... اتغير

عمر :- انا ها انزل الشغل من بكرة ...

سامر :- وايه اللى خلاك تغير رايك مرة واحدة كدااا ... وبعدين ايه الفرحة اللى فى عنيك دى

عمر :- متاكد ان ربنا ها ينصرنااا ... ويرجعناا لبعض

سامر :- انت مالك يا حبيبى .. انت سخن

عمر :- بقولك ايه مش عاوز تريقة ... ابقى حود عليا الصبح صحينى وانت رايح الشغل

...

وروح عمر ... وهو شايف القمر وكانه بيبتسمله وبيوعده بوعد غير وعد العرااف

..............

وتااانى يوم ..

صحى عمر على صوت جرس الباب

عمر :- ايوة جى يا زفت ... انت ايه اللى جابك بدرى كدااا

...

واول ما بيفتح عمر الباب

بيلاقى ياسمين ... واقفة قدامه .. وهى بتبتسمله

...

ياسمين :- اخر مرة تبعد عنى ... ثانية واحدة ... انت فاهم ولا لا ..؟؟

وبتترمى فى حضنه وهى بتعيط

وبتقوله

بحبك اوى ... انت بقيت كل حاجة فى حياتى

((الحتة دى الصراحة انا وقفت عندها كتييييييييييييييييير جدا لانها جاااااااااااااااااامدة))
وكل ده عمرو واقف مش مصدق نفسه ...

وكانه بيحلم

بيرجع عمر لورااا ... وبيسالها

ياسمين اوعى اكون بحلم ...

ياسمين :- لا مش بتحلم ... الا لو كنت غيرت رايك بقى ومش عاوز تتجوزنى

بيحضنهاااااااااااااااااا عمر جامد اوى ... وبيلف بيها

وهو بيقولهااا

بحـــــــــــــــــــــــ( يااااا ياسميـــــن )ــــــــــــــــــــــــبك

..

ياسمين :- ههههههههههه

حزر فزر مين معايا

حمادة :- ايه رايك فى المفاجاه دى بقى ..... حلوة صح

الخطيب :- اكيد طبعااا حلوة .... وهو فى احلى من كدا

عمر :- هههههههههههههههههههههه

بيضم عمر .. الخطيب وحمادة بين دراعه وهو بيضحك

انتو كل اللى ليا فى الدنيا دى .... ربنا يخليكووو ليا على طوول

بيرن موبايل ياسمين ...

ياسمين :- خود يا عمر كلم ...

عمر :- وهو مستغرب
مييييييين !!؟؟

عمر :- الوو

حبيبه :- ازيك يا عمو عمر

عمر :- هههههههههههه

حبيبه :- الف مبروك يا عمو ... مبروك عليك ماما

عمر :- ههههههههه ربنا يخليكى يا حبيبه

حبيبة :- خد بالك منها بقى ... حطها فى عنيك

عمر :- لا ما تخافيش ... ماما هى عينى اللى بشوف بيهااا

حبيبه :- خود كلم جدووو

والد ياسمين :- ازيك يا عمر يابنى ...

عمر :- الحمد لله يا عمى .... ربنا يخليكوو ليااا كلكو

والد ياسمين :- ... ربنا يسعدكم يبنى .... واوعى تزعل منى يا عمر

خد حماتك .. هههههههه

والدة ياسمين :- ابقووو زورونا بقى يا عمر ...

عمر :- انا مش عارف اقولكم ايه .... انتو مليتو عليا الدنيا كلهااا ... واكيد مش ها اعرف اردلكم كل ده

والدة ياسمين :- انت تستاهل كل خير يا عمر

... على دخلة .... بااااااااااااسم ......

اناااااااا جييييييت

ومعايا المأأأذووووون ....

الحقوووه بقى ... لانو كان نايم طول الطريق

هههههههههههههههههههه

........

فى نفس اللحظة .. اللى بيرن فيها موبايل عمر

وكان والده ووالدته ... بيباركوله .. وكان كل الدنيا كانت مخبية عنه الفرحة ....

والدة عمر :- انا ها اسيبك بس شهر العسل ... بس تيجى انت وعروستك ... تعيشووو هنااا معانا .... قولت ايه

عمرو :- ربنا يخليكى ليا يا امى .... انا ما اقدرش ابعد عنكووو ابداااا

................

بييجى المأأأذون .. وبيشهد الخطيب وحودة .. على جواااازه

من حبيبة قلبه ياسمين ..

اللى ذى ما الدنيا ما فى يوم فرقت ما بينهم سنييين

جمعت ما بينهم .. فى يييوم ...

عشان تكمل فرحتهم وسعادتهم

وحبهم

ويعيشووو اللى باقى من عمرهم وهما جمب بعض

....

وهنااا بتنتهى يوميات عمرو وياسمين نهاااائياااا ... بكل سعادة وفرحة وحب

* - *
يا ريت يكون التوبيك عجبكو و بجد أنا كنت فرحان أوى بالردود بتاعتكو كلكو يا أحلى و أجمل أعضاء ف الدنيا و يا ريت متكونوش زهقتو منى!

يااااااااااااااااااااااااااه

الواحد استريح كتييييييييير

بس تسلم ايدك ألف مرة ياأحمد على الشغل الجامد ده

والله انت تعبت كتييييييييييييير يا كفائة

وعشان كده ليك مني الجائزة دي

للرومانسين فقط.......... - صفحة 5 _5169142

للرومانسين فقط.......... - صفحة 5 _5169142

دي صورة ميدالية لواحد تعب عشان يحط قصة زي دي

وده أقل واجب ممكن أقدمه ليك

حلوجدااااااااااااااااااااااااااا
بجد انا قرأت القصه من الاول..مشوقه جداااااااااااااا...ونهايتها تحفففه...هى مديه على افلام عربى شويه
بس برضه القصه تحفففففففففه....وتسلم بجد عالمجهووود ده
ثاااااانكس^_^