للرومانسين فقط..........

الحلقه السادسه

عمر :- وفيها اى اتخضيتى كدا ليه ؟؟



ياسمين :- طب ولو عرف



عمر :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ... طب ماهو كمان بيحب وعايش قصة حب



ياسمين :- بس هو حاجة وانا حاجة



ياسمين :- انت لو عندك اخوات بنات كنت هاترضى انهم يكلموا حد



عمر :- اولا انا عندى اخوت بنات بس لسة صغيرين .... ولما يكبره يبقى ربنا يسهل



ياسمين :- لا ها ترضى ولا لا قول ؟؟!!
( اى السؤال المحرج ده )



عمر :- بصى يا ياسمين مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى
( هرب من السؤال بمعلمه )



ياسمين :- ( تنهيييييييد )



عمر :- مالك



ياسمين :- مافيش



عمر :- طب ممكن بقى اسمع منك كلمة بحبك






ياسمين :- دلوقتى



عمر :- اه طبعا امال بكره ههههههههههههه



ياسمين :- لا طبعا انا مش ها اقولهالك غير لما اتاكد مية فى المية انك بتحبنى



عمر :- انت كل ده ولسة ما اتاكديش



ياسمين :- يعنى ومش .....
( بوم اتقفلت السكة على ودن عمر طبعا عمرو فهم ان فيه حد دخل عليها )



اتصل بعديها بشويه



عمر :- الو



ياسمين :- الووو



عمر :- ايه في ايه اللى حصل



ياسمين :- لا والله النمرة غلط
( وبردك قفلت السكة )



شك عمر شوية بس يمكن فيه حد جمبها وفقد الامل انه ممكن يكلمها تانى النهاردة



وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة



لحد ما ياسمين قالت لعمر انها حكت لمامتها عنه وان مامتها عاوزة تكلمه



طبعا عمر استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟



عادى كلمها وانت ها تعرف
وكان عمر قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه




وفى يوم كان عمر
بيكلمها
وفجأة



ياسمين :- على فكرة ماما عارفة انى بكلمك دلوقتى وهى عايزة تكلمك



عمر :- طب ياسمين .....



ياسمين :- خد ماما معاك
((( يا خرابى على الزنقة ))



مامتها :- السلام عليكم



عمر :- وعليكم السلام ( ضاااااااااع الواد )



مامتها :- ازيك يا عمر



عمر :- تمام الحمد لله ازى حضرتك



مامتها :- الحمد لله



مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية
وانت عارف بقى دماغها ناشفة
هههههههههههههه



عمر :- اه مانا عارف طب وحضرتك ليه كدا ؟؟



مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟



عمر :- مش بدرى ولا حاجة انا قدامى سنتين واتخرج من الكلية وساعتها ممكن انى اتقدم لياسمين وبعدين ياسمين لسة صغيرة



مامتها :- يااااااا يا عمر ده انت لسة عاوز تكون نفسك ولسة قدامك جيش وموال
هههههههههه



طب وليه حضرتك ها تعقدينى (( الواد جاله احباط ))
ههههههههه



عمر :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى .. وباذن الله نكمل مع بعض



مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر



عمر :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم
(( وفضل عمر كلمة من هنا وكلمة من هناك يقنع بيها والدة ياسمين بكلامه ))
(( وفعلا نجح فى انه يقنعها )) ( مقنع اوى الواد ده .... طالع لى )



واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها زى
خلاص بقى عقدتى الواد
كفاية كدا
اشمعنا يعنى باسم



وكان بيضحك عليه هو ومامتها
وبعد ما المكالمة ما انتهت
حس عمر ان الدنيا بدأت تضحكله وان هم من على قلبه انشال



واول ما روح بيته اتصل بيها تانى واتكلموا مع بعض عن كلام مامتها وايه هو رد فعلها على كلام عمر


بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها



وقالت ياسمين لعمر ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر



واطمن عمر لكلام ياسمين
وانتهى اليوم بسلام



لحد ماظهرت مشكلة جديدة وهى ان باسم شك ان اخته بتكلم حد فى التليفون و ......






تنتهى الحلقة على كدا ااااااااااااااا


_____________
ونشوفكم على خير
مع يوميات عمر و ياسمين فى الحلقه السابعه
سلامو عليكووووو

الحلقه الثامنه
-----------------

كان فيه مفاجأه مستنية عمر
كانت اخت ياسمين وصحبتها مروة
قاعدين وفيه تورتة جاهزة للشمع
طبعااا عمر استغرب

عمر :- ايه ده ؟؟

ياسمين :- ايه رايك فى المفاجأه بقى ؟؟

عمر :- بقى كدا ما تقوليش

ياسمين :- كل سنة وانت طيب يا عمرو ويا رب كل سنة نبقى مع بعض

عمر :- بحبك اوى يا ياسمين بموووووت فيكى

وراح عمر مع ياسمين يطفوا الشمع
وهابى بيرث داى

وكله تمام والاكل كفى المعازيم والحمد لله
واقعد عمر مع والدة ياسمين يتكلموا
وياسمين طبعااااا مضايقة لان المفروض اليوم ده يبقى عمر معاها هى وبس

وعمر قاعد على ناره وكل يبص لياسمين ونفسه يكلمها بس مش بايده

مامتها :- طب وانت ها تعمل اى فى موضوع باسم

عمر :- بصراحة مش عارف .... بس عاوز اروح اكلمه وانا ها اقدر اقنعه

مامتها :- طب ازاى مش ها ينفع

عمر :- لا انا ها اعرف بجد والله اتفاهم معاه
وبعدين ما هو كمان بيحب وحكيلى على كل حاجة

مامتها :- يعنى ما افتحش معاه الموضوع انا

عمر :- يعنى شوية من عندى وشوية من عند حضرتك
....................
وماصدق عمر ان والدة ياسمين انشغلت مع مروة
وجرى على ياسمين

ياسمين :- ما لسة بدرى خليك شوية كمان وانا سيبنى واقفة كدا لوحدى

عمر :- طب اعمل ايه ما انا لازم كنت اتكلم مع مامتك

ياسمين :- كل ده كلام على ايه يعنى كل ده !!!!

عمر :- لو ما كنتش مامتك كنت قولت من طريقة كلامك انك بتغيرى عليا

ياسمين :- انا بغير عليك من الهوا مش ها غير عليك من ماما
( ده الواد علقها بيه جامد جدااااااااا )
ولو اعرف اخليك ما تشوفش غيرى ها اعمل اى حاجة

عمر :- طب ما انا فعلا ما بشفش غيرك
وبعدين تصدقى انا كنت لايمكن اتصور انك بالجمال ده

ياسمين :- ميرسى

عمر :- على ايه ديه الحقيقة انت ما فيش حد فى جمالك

ياسمين :- مش يمكن انت بس اللى تكون شايف كداااا

عمر :- كفاية عليا انى اكون الوحيد اللى فى العالم اللى يشوف الجمال ده
بزمتك مش يبقى ربنا بيحبنى لو خلانى من وسط الكون اللى يتمتع بجمال زى ده

ياسمين :- ههههههههههههههه

عمر :- يا خرابى ده ايه السكر ده

ياسمين :- ههههههههه

على فكرة انا لايمكن انى كنت اتصور ان ممكن اقعد معاك فى مكان واحد ونتكلم مع بعض

عمر :- تصدقى بقى انى كنت بحلم باليوم ده
وكتير كنت اتمنى ولو للحظة انى اشوفك صدفة فى الشارع
مش انى اقعد معاكى واتكلم كمان

عمر :- مش ها تريحينى بقى وتقولى بحبك

ياسمين :- لالالالالالالا

عمر :- طب ليه كداااااا

ياسمين :- مش عارفة بسسسسسس بجد مش عارفة ليه !!!!!

عمر :- طب لو قلتلك انى بموت فيك
وفى جمال عنيكى
ونفسى اسمع منك كلمة بحبك يا اغلى واحلى انسانة فى حياتى
ولو ما قولتليش دلوقتى بحبك ها يبقى ده اتعس عيد ميلاد ليا

ياسمين :- بقى كداااااا اتعيس عيد ميلاد وانا معاك

عمر :- طب ما تكملى فرحتى وتريحينى وتقوليلى بحبك

ياسمين :- امممممممممم بحبك استريحت

عمر :- ايه ؟؟؟!!!!!!!!
تاااااانى كدا

ياسمين :- بحبك والله العظيم بحبك انت وبس

عمر :- يا لهوى ده انا ممكن اموت من الفرحة
تانى كدا الا اكون بحلم

ياسمين :- بحبك يا عمر

عمر :- بموت فيك يا ياسمين
يا روح قلب وعقل عمر يا كل كيان عمر

ياسمين :- بس كدا عشان انا دلوقتى اسعد انسانة فى الدنيا

عمر :- لا طبعااااا عشان انا اسعد منك بكتيييييير اوى اوى اوى
واتمنى ان العمر يقف فى اللحظة ديه وما يمشيش
وافضل معاك بقيت عمرى كله

وفجأة النور يقطع ........ قصدى والدة ياسمين تطب عليهم فجأة وتقطع احلى لحظة فى حياتهم


____________________

معلش ع اللخبطه دى بقى بس حاولو ترتبوها إنتو بقى مع نفسكو !

بجد مش نفسكم تعيشو اللجظة الجامدة دى لما حبيبتك تعملك عيد ميلاد وتقعدوا تتكلمو وكدا