مدير المنتدى على كرسى الاعتراف000000000000000

السلام عليكم ورحمه الله وبركاته

ازيكم ياا حلى اعضاء

اللعبه دى حلوه اوى واكيد انتوا عارفينها

وباختصار ان كل اسبوع هنختار عضو يقعد على الكرسى ونساله اللى احنا عاوزينه

وياريت تشوفوا القوانين وهتعرفوها كويس

اوكى
وانا موافق

وانا برشح نختار احمد وائل

اوك وانا موافقه وقدامنا الترشيح لغايه بكره
وهنبدا من يوم السبت علشان تاخد اسبوع بالظبط

اوكى اهم حاجه احمد يجهز نفسه

عشان الاسئلة هحضرهاله من دلوقتى
ههههههههههه Twisted Evil

شكلك ناوى نيه مش خير ليه

يلا جهز نفسك يااحمد

كله باين ناوى هههههههههه

عادي

أنا جاهز لك يا محمد

لو من دلوقت

على فكره النهارده بدأ دور احمد فى كرسى الاعتراف

والاسئله هتبدأ النهارده

وانا هبدأ

امتى ممكن تفقد اعصابك وتغلط فى حد اكبر منك؟

لما يقعد يلح عليا جامد اوي

أو يغلط فيا

اوك

السؤال التانى:

مين يكون ولائك ليه صديقك ولا وطنك ولا اخوك؟؟؟؟؟؟؟؟؟؟؟؟؟

أولا انا ماليش أخوات بس لو كان ليا أكيد طبعا عمري ما كنت هاقصر مع أخويا حتي لو كان في خلافات مابينا لان سكينة الأهل باردة.

ثانيا أنا صاحبي دا بالنسبة لي حاجات كتير أوي وفي قواسم كتيرة مشتركة بينا وأنا عمري ما اغدر بصاحبي حتي لو غدر بيا. ولو أساء ليا بردله الاساءة احسان.ولو حاول يضايقني أو يزعلني أحاول أفرحه وأبسطه. ولو موقفش جنبي في الشدة أقف أنا جنبه .ولو مشاركنيش أفراحي أشاركه أنا أفراحه.لأن باختصار الانسان بلا أصحاب كالبيت بلا جدران.

ثالثا الوطن أو الدين دول حاجة أسمي من أي شئ موجود في الدنيا وبلا تأكيد اذا تطلب الأمر التضحية بنفسي أو بأسرتي أو بأي غالي في حياتي لن أتردد لحظة ولن أتواني في تقديم أغلي ما لدي في سبيل الوطن أو الدين حتي لو كانت التضحية بنفسي فإني أقدمها عن طيب خاطر.

ماشى يااحمد

بس احنا اولا اخواتك واصحابك كمان ممكن يكونوا اكتر من اخواتك

وكويس انك عارف ان وطنك هو اللى تضحى علشانه بكل حاجه

وفعلا ده الاختيار الصح

شكرا لردك الجميل

بس شكلها كدة الاسئلة نار

ما ذا تفعل لو دخلت مطعم وطلبت أكل ومكنش معاك فلوس

هو سؤال محرج اوى كده
هههههههههههههههه

فين الرد؟؟؟؟؟؟؟؟؟؟؟؟؟؟

هدبس في غسيل الصحون

ههههههههههههههه

لا طبعا هاتصل اكتر واحد اعرفه قريب من المطعم ممكن يساعدني .

بس هيا دي عمرها مبتحصلي لأني قبل اما بشتري اي حاجة بعد فلوسي

هههههههههههههههه

ماشى حل كويس برضه

اسئلتى بقى

1-ايه احلى يوم فى حياتك او احلى ايام؟
2-ايه اكتر مكان بتحب تروحه؟
3-هل اعجبت بحد قبل كده(بنت)؟

معلش طولت بالاسئله

أحلي يوم في حياتي يوم مكون قاعد وسط أصحابي وألاقيهم فرحانين وخاصة لو أنا اللي كنت عامل حاجة تفرحهم .

أكتر مكان بحب أروحه مطعم ولعتين في طنطا .

أنا فعلا أعجبت ببنات بس أمي - جدتي - خالاتي ......... كدة يعني .

انا عارف انا السؤال دة محرج شوية بس لازم اسالهولك
[center]تعمل اية لو قابلت مثلا واحدة كنت بتحبها اوى زمان بس سبتو بعض

مش هيحصل لأن الشرط الأولاني في السؤال متحققش

بس أعتقد أني هكمل طريقي عادي.

اول سؤال المره دى
1-ماهو أحلى بيت شعر مر عليك ؟ وهل كان مؤثر با النسبة لك ؟
2-كام مره بتاكل فى اليوم بصراحه ههههههههههه؟ واكتر اكله مفضله؟
3-ايه احساسك وانت على الكرسى؟

بيت الشعر :
ندخل الدنيا حفاة ******* ثم نتركها حفاة

أثر فيا لأني حسيت أن كدة كدة الدنيا الواحد مش هياخد منها حاجة فمش مستاهلة أزعل حد مني وأتخانق مع ده وأشد مع ده واخد حق ده أنشغل بالفلوس والدنيا وأسيب ديني واخرتي .

بالنسبة للأكل ممكن 3 ممكن 4 ممكن 2 حسب اليوم .

أكتر أكلة بحبها الفراخ المشوية وكباب الحلة .

إحساسي وأنا علي الكرسي عادي زي أي مسابقة رحتها عادي يعني .

هاسالك سؤال بقى هو : الاسئلة اللي انت جاوبتها حاسس ان انت جاوبتها صح من جواك ولا لا؟

الأسئلة اللي أنا جاوبتها دي مكنتش بجاوبها وحد واقف ماسكلي عصاية يعني

مفيش سبب يخليني مجاوبهاش من جوايا

قصدي ان انت جاوبتها بصراحة 100% ولا 98% ؟

انا بقول كده لان مفيش واحد اسمه معجبتوش بنت قبل كده

» احمد وائل ( مدير المنتدى) على كرسى الاعتراف
» Dr.some one على كرسى الاعتراف
» 7abazaعلى كرسى الاعتراف
» الفوكـــــــــــــــــــ على كرسى الاعتراف ـــــــــــــس
» كفائه على كرسى الاعتراف