الفوكـــــــــــــــــــ على كرسى الاعتراف ـــــــــــــس

طيب اسال انا كام سؤال كده

1-ايه اكتر موقف حصللك وعمرك ماتنساه؟واكتر موقف محرج ليك اوى؟
2- اكتر حاجه حصلت وكنت فرحان اوى؟وايه اكتر حاجه ممكن تفرحك لما تتعمل؟
3-ايه الموقف اللى بكيت فيه بجد من قلبك؟واخر مره بكيت فيها جامد؟
4-اكتر لون بتحبه ؟وليه؟
5-ايه الصفه اللى بتحبها اوى فى شعب مصر؟واكتر صفه مش بتحبها؟وحاجه مش فى شعب مصر ونفسك تكون فيه؟
6-ايه الحاجه اللى بتحب تعملها اوى اول ماتصحى من النوم؟

كفايه دول دلوقتى
واسئله سهله خالص

والله يامورو اسالتك جميله وشكرا على مشاركتك
اولا_ اكتر موقف حصلى وعمرى ما هنساه يوم ما الانسانه الى حبيتها بجد فضلت انها تتخطب على انها تفضل معايا.
اكتر موقف محرج يوم ما الدكتور طردنى من المحاضره
ثانيا_ انى نجحت السنه دى فى الكليه . اكتر حاجه ممكن تفرحنى اما تتعمل انى ابقى مع اصحابى
ثالثا _ اكتر موقف بكيت فيه لما حسيت ان امى هتروح منى فى لحظه _ مقدرش افتكر لاتى مش من النوع البكاء انا طول عمرى بضحك على طول. مش بحب الحزن
رابعا_ الابيض _ لانه لون صافى بيدى امل فى الحياه وكفايه انه لون فانلة الزمالك
خامسا_ الطيبه _ الى مش بحبه ان كل شعب مصر كلامنجيه _ الحريه
سادسا_ اشرب كوباية نيسكافه

اهلا بيك يا فوكس منور كرسي الاعتراف
هسالك شوية اسئله صغيره على اما احضرلك

1\ اول مره دق قلبك وكام مره


2\ انا عارف انك بتلعب كوره وبما انك الطيار مين اكتر واح بتتمتع لما تلعب معاه او تتفرج عليه

3\يقال ان( الحب اسطوره تعجز البشريه عن ادراكها الالمن صدق في نطقها)

السؤال اعرب هذه الجمله موضحا ما بها من مظاهر الجمال يعني استعاره كنايه (تعرفهاااااااااااااا)

وكفايه كدا دلوقتي

ههههههههههه بصراحه شويه اسئله فى الجون يا غزال
الاول _ انا قلبى دق كتير بس هى انسانه واحده بس الى حبيتها ويارتنى ما حبيتها وانتا اكتر واحد تعرف الكلام ده لانى انتا اقرب واحد ليا وبلاش فضايح
التانى_ بصفتى الطيار اغز لقب فى حياتى انا ابعشق العب جنب الغزال الى هو يا جماع علاء بيه نجم وبحب اشوفه وهو بيلعب
ثالثا وده الاهم علاء يا جماعه جايب اكتر حاجه بكرها فى حياتى وهى النحو والاعراب بصراحه انا لا افقه شى فيها فارجوكم بلاش احراج

هههههههههههه
ياااااااااااااااااه ده الاعراب والنحو ده احلى حاجه

حتى انا عقدتى النحو والبلاغه بس
ههههههههههه
المهم ليك كام سؤال كده

1-موقف ضحكت فيه جامد اوى وعمرك ماتنساه؟وحاجه تضحكك اوى لما تشوفها؟
2-بتحب السفر ولا لا؟وايه اكتر مكان بتحب تروحه؟ومكان نفسك تروحه بس عمرك ماروحته قبل كده؟
3-تفضل حبيبتك ولا صاحبك بشكل عام؟وتفضل مين فيهم تحكيله لو انت فى مشكله؟
4-اكتر حد بتحب تقرا مواضيعه؟واكتر قسم بتحب تدخله؟
5- ايه القسم اللى عاوز تمسك اشرافه؟والقسم اللى انت شايف ان مشرفه ماينفعش ليه؟وترشح مين يمسك القسم ده؟

مستنيه الاجابات كامله

اما تجاوب على السئلة الاول ابقى اسئل

اوكى يا مورو اسئلتك حلوه اوى

1_ اكتر موقف ضحكت فيه كنت فى المصيف مع ناس قريبى ورحنا نركب عجل ومكنش معايا فلوس وعملوها فيا ومشوا وسبونى الراجل خد شبشبى رهن هههههههههه
اكتر حاجه بضحكنى اما اسمع فيلم ل احمد حلمى بموت من الضحك قدامه

2_ بحب السفر جدا _ بحب اروح الشقه بتعتنا فى العجمى _ نغسى اروح السعوديه وازور الحرم

3_ على فكره حبيبتى وصحبى الاتنين عندى زى بعض صحبى هو رفيق عمرى وحبيبتى احس حاجه فى حياتى بس لاتنين ميتفعش يتحطوا فى مقارنه لانى مقدرش اعيش من غير صحبى ومقدرش اكون بعيد عن حبيتى اما الكلام انا افضل اتكلم مع صحبى اكتر بس مش اى صاحب تتكلم معاه لان الصاحب فى المشكله اكيد بيفرق جدا معاك

4_ بصراحه بحب اقرا مواضيع مورو وعلاء ومنحرف جدا لانهم بيعجبونى فى طريقة اختيارهم للمواضيع واكتر قسم هو همس الخواطر والخوارق

5_ بصراحه انا معرفش اساسا مين هما روساء الاقسام بس كنت اتمنى انى امسك قسم همس الخواطر وعلشان انا معرفش مين روساء الاقسام فامقدرش اقول ده كويس ولا وحش ومقدرش اقول ده ينفع يكون هنا وده مينفعش

بجد يا احمد انا مش عارف اقولك حاجه بس انتا بتجيب اساله فى الجون

1- اعتذار انا من طبيعتى انى مش بحب يكون فى شخص سواء يعرفنى او ميعرفنيش انه يكون زعلان منى بس انا بقدم اعتذار لاى حد ممكن اكون فى يوم زعلته او اخطات فى حقه.

2_ لا انا فى الموقف ده مش عارف ممكن اعمل ايه بس هى بس هفضل السكوت لان واحده زى دى متستهلش انى اتكلم معاها اساسا لان انا معتقدش ان ممكن حد يحب حد وميتمسكش بيه للنهايه واكيد هتقل من نظرى .

3_ الى اكتر انسانه وقفت جنبى فى حياتى رغم انى عرفتها فى فتره صغيره جدا بس قدرت تعمل معايا حاجات مقدرش اى حد تانى يعملها معايا برغم كده مفيش اى علاقة حب بينا وانما بعتبرها اجمل واحسن حد ممكن اكون عرفته فى حياتى.

4_ الكلمه دى متنفعش تتقال الا لامى

5_ انى خلصت دراسه وارتحت خلاص

6_ البكاء مش عيب ولا ضعف بس مش مفضل عند الرجال وانا كنت اتسالت السوال ده وقولت انى مش من النوع الى ممكن ابكى لانى مش بحب الحزن لو فقت حد عزيز عليا اوى دى اكتر حاجه ممكن تخليى ابكى

7_ اخجل من نفسى لو قصرت فى حق ربنا وهى الصلاه

8_ انا هقولك مش كل حاجه الفلوس الفلوس بتيجى وبتروح المهم ان انتا تكون بالك مرتاح من اى مشاكل انا كل امنياتى انى اكون اسره واكون قادر فعلا انى افتح بيت واحافظ عليه وطبيعى لازم يكون ليا شخصيتى فى اى مكان اكون فيه ولازم اثبت نفسى واكيد لو حصل هوصل الى الى بتمناه

9_ اكيد هيبقى الصحه وبعديها راحة البال وبعديها المال وبعديها الزواج وبعديها الاولاد واخيرا المنصب

10_ رد فعلى انى عمرى ماهكون محرج او هيكون شكلى وحش الان الحوار لازم يكون فيه طرف صح وطرف غلط بس اكيد هعترف انى كنت على خطا

11_ دى اصعب حاجه ممكن تحصلك فى الدنيا بس ساعتها هتكون خسرت الشخص ده للابد

12_ مش من السهل ان بنت ممكن تعرتف لولد بحبك الاول بس لو حصل مش عارف بس لو فى شعور من نحيتى ليها مش هتردد انى اكون معاها اما لو مفيش من نحيتى حاجه يبقى سورى مش هقدر اعمل حاجه اكيد هقول خلينا اصحاب احسن

13_ لا اطلاقا لان مفيش حد فى الدنيا دى ملوش ماضى بس المهم هو هينساه ولا دى الى هتفرق معايا

14_ حصلت اما شيلت ماده الترم الاول فى لكليه قعت مع نفسى القعده دى والحمد لله جابت ثمارها الترم التانى 3 مواد جيد وواحده جيد جدا وواحده مقبول واكيد ده فى كليتى انجاز


ياه ده الواحد عرق من الاسئله

ازيك يافوكس بص بقي
نسأل اسألة خفيفة الاول
الشمس - القمر - النجوم - البحر- الحب - الحياة -الورد

بيمثلولك ايه
وبتحب مين فيهم اكتر

والله يا دكتوره اسالتك دى قمه فى الرمانسيه
هنجاوب
1_ الشمس : حاجه بعيده اوى متقدريش توصليلها ولو وصلتيلها تلاقيها نار تحرقك واكيد انا بشبها زى الحب بالظبط

2_ القمر: زينة السماء حاجه كده متتوصفش ديما منورا وشكلها جميل واكيد بشبها بلانسانه الى قلبى حبها

3_ النجوم : كتير لكن لو شوفتيهم تتعجبى من جمالهم وشكلهم فى السما وانا بشبهم باصحابى

4_ الحب:اسمى حاجه ممكن تتخيليها بس فيه طريقين يا طريق كله سعاده يا طريق كله حزن

5_ الورد : مفيش حاجه ممكن تتقال عن جماله والعطر الى ممكن تشميه منه انا بعشق حاجه اسمها الورد وخصوصا الورد الابيض

اكتر حاجه بحبها فيهم هما كلهم لازم يتحبوا لانهم كلهم بيكملوا بعض

يا ابو حميد احنا تحت امرك

انا مستنى اسئلتك

طيب سؤالين بس سهلين خالص

انت مين (اتكلم عن نفسك شويه وماتقولش ماينفعش تتكلم عن نفسك) وايه اكتر صفه فيك نفسك تتغير؟وصفه مش فيك كنت نفسك انها تكون فيك؟
ممكن تشجع الاهلى فى يوم من الايام؟(اكيد اه بس بتاكد بس)
هههههههههه

ماشى يافوكس
خليك قد القسم بقى
وكون اهلاوى
ههههههههههه

ازيك يافوكس
نسأل بقي
عندك 5 وردات تديهم لمين وعندك خمس طوبات تخبطهم في مين
ده اولا اما ثانيا نفسك تقول لمين الاتي
بحبك اوي
وحشتني
شكرا
نفسي اشوفك
اه لو احلم بيك
ابعد عني الله يخليك
خليك فاكرني
نفسي ترضي عني
ثالثا لو مكنتش ساكن في قطور سيتي كان نفسك تبقي ساكن فين ولماذا
رابعا ايهما تفضل تحب من تحبك ام تحب من لا تحبك
خامسا لو كان ممكن تغير حاجة حصلتلك نفسك تغير ايه
سادسا حياة سعيدة ولا مال ولا عربية ولا وظيفة كبيرة
سابعا اي الالوان تحب
ثامنا اي الفصول تحب الشتاء ولا الصيف ولا الربيع ولا الخريف
تاسعا اي الفاكهة تحب
عاشرا اي الوان الورد تحب

بصراحه اساله جامده
نستنى بقى على مايجاوب وبعدين نسال
بس اساله حلوه يادكتوره

حوده انا قولت اسئل بقى شويه

1\ لو في من الايام في فرصه انك ترجع لانسانه اللي كنت بتحبها هتعمل ايه؟

2\بما انك متعصب جدا لعمرو كلاب سوري قصدي دياب كنت بتشتري شرايط تامر ليه (وانت عارف اننا لابحب ده ولا ده)


3\ احنا داخلين على شهر رمضان الكريم بصراحه

(هتصلى التراويح السنه دي ولا زي كل سنه ركعتين والسلام عليكم ايه تعبت )

4\ايه احسن يوم بتحبه في الاسبوع وليه



5\ انا عارف انك على بوادر حب جديد (ماشي تحب على روحك) ممكن تحكلنا




6\تتوقع مين هياخد كاس العالم 2010 واوعي تقولي مصر..... هقولك يوم القيامه العصر


ربنا يوفقك

طيب اخر اسئله ليا يافوكس

1-ايه اكتر فيلم بتحبه؟وايه اكتر فيلم نفسك تعيشه؟
2-بتحب تضيع وقت فراغك فى ايه؟
3-من الشباب اللى بيعترضوا ان اخواتهم البنات يقعدوا نت ولا عادى؟
4-زى مابتقول داخل على قصه حب لو اللى بتحبها دى طلعت مابتحبكش هتعمل ايه؟ وتعمل ايه اصلا علشان تعرفها انك بتحبها اذا كانت ماتعرفش؟
كفايه دول دلوقتى بقى