انتى ملكة

موضوع: انتى ملكة الأحد يونيو 14, 2009 12:03 pm

انا عاوزكم تركزوا معايا شويه صغيرة..مش كتير يعنى..

وماتزهقوش..هو بالكتير نص ساعه ونخلص الموضوع..

بصوا بقى..

دلوقتى البنت معروف ان مشاعرها سابقاها دايما..

ولو دا ماكنش موجود فى بعض البنات فدا موجود فى الاغلبيه العظمى..

وان البنت كمان عاطفتها ضعيفه..

مش قصدى ان البنت شخصيتها ضعيفه"علشان ماتعملوش عليا مظاهرة وتقولوا حقوق المرأه والكلام الفاضى ده"

ودا ممكن يخلى البنت اما تحب واحد انها تتنازل عن حاجات كتبر فى حياتها علشانه..

سواء كانت الحاجات دى ماديه او حسيه او اخلاقيه او ايا كانت يعنى..

ودا طبعا غلط..

لانك لازم تفهمى حاجة يا بنتى.."حلوة بنتى دى,بتحسسنى انى جدتكم الكبيةر"

المهم..لازم تفهمى ان الواد لو كان بيحبك فعلا..

عمره ماهيعمل حاجه تضرك..

او انه يأذيكى بحاجة..

او يخليكى تتنازلى عن اى حاجة من مبادئك او قيمك..

فلازم تفهمى حاجة زى دى..

وكمانوز..لازم تحكمى عقلك قبل ماتتلهى وتتنيلى وتنهبلى ورا عاطفتك كدهوه..

وتيجي فى الآخر تقوليلى سورى ياابلة ماكنتش اعرف..

ركزوا شويه..

مش لازم نقولوا كل حاجة الحب والقلب ومايريد ومش عارف ايه كده..

وكلام خايب اوى بنسمعوه..

لازم توزنى الامور صح..بين قلبك وعقلك..

وحاجة أخيره عاوزة اقولها علشان ماطولش فى الكلام..

خللى الافضليه دايما لدينك..

يعنى انتى لو كنتى بتحبى واحد..وهو كمان بيحبك..

ماتروحوش بقى تتقابلوا علطول..وخروجات وفسح ومش عارف ايه..

ولو حد من صحابك قالك ايه اللى بتعمليه ده..

تقوليلهم اوعوا تفهموا غلط.. دا مش صاحبى..دا حبيبى!!!

يا سلام ياختى!!ازرغتلك!!

يعنى هو لو بيحبك فعلا..هيرتبط بيكى فى الحلال..

ولو ماقدرش فى الوقت ده..وقال اما الظروف تسمح..

يبقى على قدر الامكان يبعد عنك الفتره دى لحد اما الظروف تسمح..

لان"من ترك شيئا لله عوضه الله خيرا منه" فى معنى حديث شريف..

ماشى يا بنتى..

وانا بهديلكم الكلمتين الحلوين دولن..

يا من خلقك الله..واحسن صورتكِ..

واكرمك بالجمال..وعلى كثيرٍ فضلكِ..

وملأكِ بالحنان..وبالعطف انعمكِ..

وزينك بالعفاف..وبالعفة زينكِ..

واعزك بالاسلام..وبالرحمة اشربكِ..

وإن اخذ منك شيئاً..بالصبر زودكِ..

وجعلك الام الحنون..وبها اكرمكِ..

وجعلك الزوج الرحوم..وبها امّنكِ..

وجعلك الابنه الدلول..وبها اسندكِ..

وأراد لك الحق..وبالقرآن علمكِ..

وكنتى سورةً فى كتابه..وبها فضّلكِ..

ونصرك بدينه..وبالرسول انعمكِ..

افلا تردين نعمةً من نعم الله عليكى؟!

افلا تشكرين ربكِ على الافضال والمننى؟!

فإن سألتينى كيف وماهى السبلِ..

اخبرتك بالصلاه و بالدين والسننِ..

وبالحجاب والعفاف والترفع عن الفُحشِ..

وبها تكونين ملكه..بالعفةِ والطهرِ..

فاقبلى يا أُختاه..هذا مكانك فاقتبسِ..

ياريت ماكنش تقلت عليكم..

او لو تقلت عادى يعنى برده..

تقبلوا منى ارق التحية

موضوع: رد: انتى ملكة الجمعة يونيو 19, 2009 10:06 am

ميرسى ياقمر عالتوبيك الجامد والكلام الاجمد ده

ويارب كل بنت تعرف قيمتها

ومستنين اكتر واكتر يااحلى كوتا

موضوع: رد: انتى ملكة الجمعة يونيو 26, 2009 6:18 pm

على فكرة الكلام دا عايز الى يفهمة والله معاكى حق

» اطمنى..انتى كل حياتى
» انتى ازاى تكونى أمى؟؟!!