انتى ازاى تكونى أمى...؟!
مش مهم العـيش مفيش او حتى الجبنــة القريش
مش مهم اموت يا سيدي بس انت لازم تعيش
وتقولولى مصر امك ام تانيه متلقيش
انتى ازاى تكونى امى بطلى متهرجيش
انتى ازاى تكونى أمى وانتى مش عيزانى اعيش
انتى ازاى تكونى امــى و أبويا نفسه متعرفيش
خلتينى جبان وأجري اهرب من حتة شاويش
انتى ازاى تكونى امـى وفى الازمات ملأكيش
انتى ازاى تكونى امــى وانتى حتى مربتيش
وتشوفينى جعـان وببكى ولقمة حتى متدنيش
مستحيل تكونى أمى وصدرك حتى مضمنيش
خلي عز يقولك أمى واللى شارب حتة حشيش
انت ام اللى خصخص اللى هجص اما انا متفكريش
أم المزور والحرامي دول كتير متخافيش
مش قادر اقولك امــي بس انت متهونيش
كل مرة أهـون عليك حرمى أو متحرميش
مش مهم اعيش ياامـى بس شرفك متبعيش
وفى النهاية حقولك امـى حبى ليك مبينتـــهيش
(written By:Kafoooo)
الأحد أغسطس 15, 2010 3:30 pm
