بعيدة عنى لكن فى قلبى ودمى

(بدايه الحب)
حبيبتى كان باين عليها منغير متتكلم
من أول لحظه شافتنى بصتلى حسيت إنها اتشدتلى
سلمت عليا بس مش بإيدها
خجلها منعها وسكوتها ملوعها
راحت إيديا عليها بتحبنى ولا كان باين عليها
مخبيه كلام كتير جوه عنيها
(أحساس الحب)
أنا نفسى بقى أتعلم وأروح أقولها
إنى بحبها وإتشديت لها من أول مـ شفتها
حسيت براحه بال وكأنى بسمع أله الكمان
هدوء وسكون لهفه وشوق
معقول لسه الحب من أول نظره موجود
ياما إتمنيته كنت خايف أقربله
كنت خايف أحب أتجرح وأكره الحب
لكن حبيت والحب مش بإيديا
دى حاجه نصيب ومكتوبه عليا
(النصيب قال كلمته)
أنا بجد سعيد إنى حبيتها وعشت الحب وياها
حتى ولو هتكون لغيرى
كفايه شوفت معاها وفـ عنيها الحب الصادق
صحيح هيا بعيده عنى لكن دايمأ معايا وجمبى
من ساعة مشفتها وهيا ساكنه فـ قلبى
بحبها وحبها بيجرى فـ دمى
مش حب يوم ولا شهرين دا حب تلات سنين ونص بالليله واليوم
عايش على ذكراها
ياااااااااه إفتكرت حاجه هقولها ...
فـ يوم كانت زعلانه منى دموعها زودت همى
كنت مدايق وإتعصبت عليها عيطت وقفلت زعلانه
وأول مقفلت كأنها قفلت عنى الهوى
حسيت بإحباط ويأس وسكن جوايا الهم
دموعها غاليه عليا عمر العيون دى مكانت للعياط
دى للنظر والضحك ورسم ألآهات على وشوش العشاق
جريت عليها وقربت من بيتها كلمتها
ياااااه ليه بتعيط والله حرااام عليكى دموعك
بكل شوق وحنين حب يكفى سنين وسنين قولتلها
بحبك وعمرى مفكرت أزعلك بحبك غصبأ عنك وعنى
إنتى حب عمرى إنتى نبض قلبى
لو حسيتى فى لحظه بوجع هتلاقينى جمبك
وأنا دلوقت جمبك وهفضل جمبك
نزلت جرى ودموعها على خدودها
ضميتها فـ حضنى ومسحت بإيديا دموعها
بوست أيدها مش عيب حقيقى والله بحبها
قالت أنا عمرى مهزعل منك دموعى كانت عليك
كنت بدعيلك وأنا بعيط ربنا يريح قلبك ويفك همك
ساعتها معرفتش أٌول إيه ولا أعمل إيه
أصرخ وأقول لكل الناس إنى بحبها وملكة قلبى خلاص
معقول يا ناس فيه إخلاص لدرجادى
معقول يا ناس فيه حب صادق وقلب شفاف لدرجادى
كلمة بحبك دى قليله عليكى أنا بعشقك
ونفسى أشوف عنيكى
لالالا بلاش أشوف عنيكى هيبقى كتير عليا
نفسى أسمع صوتك ولو كلمه أو نفس فـ سكوتك
يارب تكون بخير يارب إحفظها هيا واللى زيها
يااارب بدعيلك وعلى خدى دموعى
يااارب نفسى أشوفها أو أسمع صوتها لثوانى
.
.
يااارب