Dr.some one على كرسى الاعتراف

يا دكتوره معلش كمان اربع اسئله

ايه رايك فى الاعجاب؟ ولو اعجبتى بحد هتقوليله ولا هترددى؟

اكتر فيلم رومانسى عربى واجنبى عجبك ؟

مين اكتر انسان ممكن تتكلمى معاه وترتحيله فى الكلام؟

انتى طبعا اهلاويه _ اهلاويتك هتكون شرط فى الانسان الى ممكن ترتبطى بيه ؟

استعنا عالشقا بالله

بسم الله الله أكبر

بسم الله

.ماهو تقييمك لهذا المنتدى بصراحه ؟و
.ما هو اقتراحك الذي تتمنى ان يحدث في هذا المنتدى ولم يحدث الى الان ؟

بصراحة اول منتدي احبه واستريح فيه واحس اني عايزة اشارك فيه واعضاءه كلهم كويسين وبجد مفيش اقتراح بس كل اللي في نفسي ان عدد اعضاءه يزيد وكذلك المشاركات بس


اوصفي نفسك و شخصيتك بالظبط و بالتفصيل؟؟؟

انا واحدة طفلة جدا وانفعالاتي طفولية شخصيتي طيبة او ساذجة بمعني اصح بس بحاول ابقي احسن ممكن متمردة عشرية جدا ساعات بس شخصية بسيطة جدا دا اللي انا عارفه اوصفه

ايه مبادئك اللي انت ماشية عليها في الحياة ؟

كما تدين تدان
ما طموحاتك علي المستوي الشخصي والدراسي والمهني والعائلي ؟

المستوي الشخصي اني ابقي شخصية احسن طموحة اكتر متفائلة اما الدراسي اني اخلص الكلية ونفسي اعمل دبلومة .المهني اشتغل اول اما اخلص في مكان كويس والطموح الاكبر اني افتح صيدلية اما العائلي اتجوز انسان محترم واكون اسرة سعيدة ومتماسكة

ايه اكتر حلم حلمتيه وتحقق ؟ واكتر حلم حلمتيه وما تحققش ؟؟؟وايه اكتر حلم بتحلميه وانت عارفة انه مش هيتحقق ؟

اكتر حلم حلمته واتحقق اني ادخل صيدلة واكتر حلم حلمته وماتحققش اني اروح حج او حتي عمره واكتر حلم بحلمه وانا عارفة انه مش هيتحقق اني اشوف الرسول وجها لوجه

.هل تعترفي بشيء اسمه الصداقه بين الرجل والمرأة ؟ فسري اجابتك ؟ وما الصورة التي يجب أن تكون العلاقة عليها بين الرجل والمرأة في نظرك ؟

صداقة صداقة لا ممكن زمالة جيرة كده يعني دي وجهة نظري او ممكن ارتباط رسمي بس

ماذا ستكتبي لنا لتعبري عن حياتك التي عشتها الى الان في كلمات قليله ؟

مفرحة مشوقة موجعة متمردة محزنة بس في مجملها جميلة
من الطبيعى لما حد بيسألنا عن شخصيتنا اننا بنظهر مميزاتها ... أيه اللى بتبقى حريصة أن الناس ما تعرفوش ؟

لحد دلوقتي مفيش

اذا كانت حياتك كتابا
ضعي عنوانا لهذا الكتاب .....؟ الحياة حلوة
اجمل فصل مميز فى الكتاب ...؟الاسرة
قصة الم داخل الكتاب............؟ الفراق
فصل تحت الطبع ماهو.............؟ بيتي انا
فصل مشوق ما هو ؟العلم
فصل غامض ما هو ؟الحزن

ما الجملة التي تقوليها
عند الفرح ....؟الحمدلله
عند الحزن ....؟اللهم اني لا اسالك رد القضاء ولكني اسالك اللطف فيه
عند البكاء ....... ؟يارب

والبقية تاتي

منتظرة

معلش يا دكتوره في اسئله جوبتي عليها قبل لما اسئله بس فيه شويه



1\لكل شخص مننا جواه نسبة حزن عند الدكتوره نسبة الحزن كام في الميه؟!


2\امتى بكيتي من قلبك ؟ وامتى ضحكتي من قلبك؟


3\ايه الموضوع اللي في المنتدى قراتيه وعجبك واتمنيتي انك تكوني اللي كتبتيه (ارجوا الاجابه بالتحديد بذكلر الاسم) ؟


4\في حد ممكن لما نشوفه نقول مثلا انه انسان مش كويس بس لما نتعامل معاه نعرف انه انسان كويس وكنا راينا فيه خطا؟ حصل ده معاكي ومين؟



انا عارف اني ممكن تكون اسئلتي مش قد كدا بس معلش بقى

اولا انا اسفة علي التاخير بس معلش

يا دكتوره معلش كمان اربع اسئله

ماشي يافوكس

ايه رايك فى الاعجاب؟ ولو اعجبتى بحد هتقوليله ولا هترددى؟

الاعجاب مجرد اعجاب بالنسبة ليا لو اعجبت بحد طبعا مش هاقوله لان مينفعش بنت تبدا في الكلام في اي حاجة بس

اكتر فيلم رومانسى عربى واجنبى عجبك ؟

اكتر فيلم رومانسي عربي هو فيلم تيمور وشفيقة الاجنبي بقه ماليش فيه

مين اكتر انسان ممكن تتكلمى معاه وترتحيله فى الكلام؟

صحبتي مثلا

انتى طبعا اهلاويه _ اهلاويتك هتكون شرط فى الانسان الى ممكن ترتبطى بيه ؟

طبعا اهلاوية وياريت يكون الشخص اللي هارتبط بيه اهلاوي بس مش ده اللي يحكم لان فيه حاجات اهم

معلش يا دكتوره في اسئله جوبتي عليها قبل لما اسئله بس فيه شويه

ولا يهمك

1\لكل شخص مننا جواه نسبة حزن عند الدكتوره نسبة الحزن كام في الميه؟!

هو فيه حزن بس لايطغي علي الفرح ممكن اقول نسبته 10 في الميه او اقل


2\امتى بكيتي من قلبك ؟ وامتى ضحكتي من قلبك؟

بكيت من قلبي يوم اما ابن عمتي اتوفي وضحكت من قلبي اما جبت مجموع حلو في الثانوي


3\ايه الموضوع اللي في المنتدى قراتيه وعجبك واتمنيتي انك تكوني اللي كتبتيه (ارجوا الاجابه بالتحديد بذكلر الاسم) ؟

بص انا مقرتش قد كده في المنتدي بس اللي قريته حلو جدا ممكن مثال الحاجات اللي انته كاتبها وكله حلو بس مش متذكره بالتحديد

4\في حد ممكن لما نشوفه نقول مثلا انه انسان مش كويس بس لما نتعامل معاه نعرف انه انسان كويس وكنا راينا فيه خطا؟ حصل ده معاكي ومين؟

حصل معايا كتير بس اكتر مثال مع اكتر صاحبة ليا وبعدها اتصحبنا وبقينا اكتر من اخوات



انا عارف اني ممكن تكون اسئلتي مش قد كدا بس معلش بقى

لا ياعلاء كله تمام واسئلة حلوة

شكرا ياجماعة ليكم كلكم وياريت اكون جاوبت كويس

تسلم ايدك يادكتوره اجاباتك جميله ومتوازنه

طيب انا عندى كام سؤال قبل ماتقومى بقى


1-ايه اكتر اغنيه بتحبى تسمعيها؟وايه الاغنيه اللى بتسمعيها وانتى متضايقه؟ومين المغنى اللى بتحبى تسمعيله دايما؟

2-لما تحبى تتكلمى وتحكى حاجه بتحكى لاختك (اللى زى العسل)ولا لصاحبتك؟

3-لو عندك مشكله خاصه شويه ممكن تكلمى والدك ولا والدتك فيها ولا ماتكلميش حد فيهم وتحكى لصاحبتك؟

4-وبم اننا رمضان خلاص كمان يوم(كل سنه وانتى طيبه) فيوجد سؤال يطرح نفسه

الفانوس بتاعك شكله ايه؟وصف دقيق
هههههههههه
السؤال اللى بجد

ايه اكتر حاجه بتحبيها فى رمضان؟وبتحبى تعملى ايه فى رمضان؟ وبتفرحى ولا تزعلى فى نهايه رمضان؟

يارب ماتكنش اسئله رخمه وتجاوبى عليها
وكل سنه وانتى طيبه ياقمر

علشان اللى انت قولتيه ان ذكائى ميجبش انا هسألك كمان


1-هتعملى ايه لو عرفتى ان انت وصاحبتك بتحبوا نفس الشخص؟


2-هتحسى ايه لو عرفتى ان الشخص اللى بتحبيه بيحب صاحبتك الانتيم؟


3-لوانتى بتحبى واحد وهو مش معبرك او بمعنى اصح بيتقل عليك هتنيكى تحبيه ولا هتزهقى وتنسى حبك ليه ولا كأنه حصل؟


وعايزة الاجابات بسرعة



[img][/img]

وانا كما سئل سوال اخير

بصراحه هما شويه اسئله متصلين ببعض انا اتسالتهم قبل كده وعجبونى

انتى فى غابه ممكن توصفيلى شكلها ايه ؟

شوفتى اسد هتهربى منه ولا هتقفى ؟

رحتى مكان تانى فى بحر ممكن توصفيلى المكان ده شكله ايه ؟

ويترى هتنزلى البحر ده ولا لا؟

رحتى مكان تانى صحرا لقيتى فيها صندوق ممكن توصفيلى شكله ؟

وياترى هيبقى مفتوح ولا مقفول ؟

وانتى ماشيه فى الصحرا لقيتى سلم هتخديه معاكى ولا هتسبيه ؟

فى اخر رحلتك لقيتى سور كبير هتعملى ايه علشان تعديه ؟

معلش الرحله كانت طويله بس انتى ادها ان شاء الله يا دكتوره

بعد ما تجوبى انا هفسرلك اجاباتك ...............!

]ادكتوره ياريت تجاوبى بسرعه
وخاصه اسئله بيوتى
لان بجد كانت الاسئله دى فى دماغى
وكنت هادخل اكتبها
بس يلا بقى جاوبى

ايه الردود الجامدة دي يادكتورة
يلا بقي مستنية تجاوبي علي باقي الاسئلة علشان عاوزة اعرف الردود
ومش لازم اسأل انا بقي
كفاية عليكي كده

تسلم ايدك يادكتوره اجاباتك جميله ومتوازنه

ربنا يخليك ياعلاء

طيب انا عندى كام سؤال قبل ماتقومى بقى

ماشي ياقمر

1-ايه اكتر اغنيه بتحبى تسمعيها؟وايه الاغنيه اللى بتسمعيها وانتى متضايقه؟ومين المغنى اللى بتحبى تسمعيله دايما؟

اكتر اغنية بحب اسمعها( وياه )والاغنية اللي بسمعها وانا مضايقة هي (وحياتي خليكي) وبحب اسمع عمرو دياب دايما

2-لما تحبى تتكلمى وتحكى حاجه بتحكى لاختك (اللى زى العسل)ولا لصاحبتك؟

اكيد زي ماانتي بتحكي وبما انك بتحكي لصحبتك اللي هي اختي يبقي انا بحكي لصحبتي عادي يعني وساعات اختي

3-لو عندك مشكله خاصه شويه ممكن تكلمى والدك ولا والدتك فيها ولا ماتكلميش حد فيهم وتحكى لصاحبتك؟

هو غالبا مفيش حاجة خاصة اوي بس انا باخد راي ماما غالبا واحيانا صحبتي


4-وبم اننا رمضان خلاص كمان يوم(كل سنه وانتى طيبه) فيوجد سؤال يطرح نفسه

الفانوس بتاعك شكله ايه؟وصف دقيق

فانوسي مصنوع خاصة مينفعش اقولك علي وصفه لحسن تقليديه ههههههههههههه

هههههههههه
السؤال اللى بجد

ايه اكتر حاجه بتحبيها فى رمضان؟وبتحبى تعملى ايه فى رمضان؟ وبتفرحى ولا تزعلى فى نهايه رمضان؟

اكتر حاجة بحبها في رمضان هي الصوم وبحب اصلي واقرا قران وفي نهاية رمضان بفرح بالعيد بس بزعل عشان خلص واحنا اتعودنا عليه

يارب ماتكنش اسئله رخمه وتجاوبى عليها
وكل سنه وانتى طيبه ياقمر

وانتي طيبة رمضان كريم

علشان اللى انت قولتيه ان ذكائى ميجبش انا هسألك كمان

ماشي ياذكية

1-هتعملى ايه لو عرفتى ان انت وصاحبتك بتحبوا نفس الشخص؟

ولاحاجة لاني بحكي لصحبتي كل حاجة وهيا بتحكيلي كل حاجة فحاجة زي دي مش هتحصل بس لو حصلت ممكن اطنش عشان ابعد عن المشاكل او استني اما اشوف هو بيحب مين لو انا بحبه اوي

2-هتحسى ايه لو عرفتى ان الشخص اللى بتحبيه بيحب صاحبتك الانتيم؟

مش عارفة بس ممكن اسكت او ارضي بالامر الواقع لان عمري ما ارضي احب حد مبيحبنيش وهيا كصحبتي مفيش حاجة هتتغير

3-لوانتى بتحبى واحد وهو مش معبرك او بمعنى اصح بيتقل عليك هتنيكى تحبيه ولا هتزهقى وتنسى حبك ليه ولا كأنه حصل؟

لو مش معبرني بس في الاساس بيحبني عادي لكن لو هو مش بيحبني اصلا بلاشه خالص




وعايزة الاجابات بسرعة

تمام يافندم

وانا كما سئل سوال اخير

ماشي يافوكس
بصراحه هما شويه اسئله متصلين ببعض انا اتسالتهم قبل كده وعجبونى

مبقوش سؤال انته رجعت في كلامك ولا ايه يلا ههههههههههههههههههه

انتى فى غابه ممكن توصفيلى شكلها ايه ؟

فيها ورد احمر كتير وفيها شجر جميل وفيها عصافير ومليها الحب

شوفتى اسد هتهربى منه ولا هتقفى ؟

لا هاقف واقطفله وردة حمرا واسبله هيقوم ماشي ماهي غابة الحب

رحتى مكان تانى فى بحر ممكن توصفيلى المكان ده شكله ايه ؟

حلو اوي فيه بحر بلون السما جميل ومش غويط فيه رمل ذهبي وسما صافية وشمس منورة

ويترى هتنزلى البحر ده ولا لا؟

اكيد عشان هو حلو وانا بحب البحر اوي

رحتى مكان تانى صحرا لقيتى فيها صندوق ممكن توصفيلى شكله ؟

صندوق ذهبي في وردة حمرا برضه وبطانته حمرا

وياترى هيبقى مفتوح ولا مقفول ؟

هيبقي مفتوح عشان انا اللي فاتحاه عشان اشوف الوردة

وانتى ماشيه فى الصحرا لقيتى سلم هتخديه معاكى ولا هتسبيه ؟

اه هاخده عشان اعدي السور اللي هاقبله في اخر الرحلة مش انته اللي بتقول كده

فى اخر رحلتك لقيتى سور كبير هتعملى ايه علشان تعديه ؟

هاستخدم السلم طبعا هههههههههههههه

معلش الرحله كانت طويله بس انتى ادها ان شاء الله يا دكتوره

طبعا انا بحب الرحلات بس ليه مقبلتش سرير في الرحلة ولا كله شقا مفيش راحة

بعد ما تجوبى انا هفسرلك اجاباتك ...............!

ماشي مستنية

دكتوره ياريت تجاوبى بسرعه
وخاصه اسئله بيوتى
لان بجد كانت الاسئله دى فى دماغى
وكنت هادخل اكتبها
بس يلا بقى جاوبى


انا جاوبتها يارب تكون عجبتك الاجابات

ايه الردود الجامدة دي يادكتورة
يلا بقي مستنية تجاوبي علي باقي الاسئلة علشان عاوزة اعرف الردود
ومش لازم اسأل انا بقي
كفاية عليكي كده

ماشي كده تمام

بصى يادكتوره

الغابه دى هى الدنيا انتى شيفها ازاى والعصافير الى فيها دى البشر الى حوليكى

الاسد ده مشاكلك اكيد انتى مش بتهربى منها وبتحولى تحليها بحكمه

البحر ده الحب وبنسبالك شكله جميل جدا ومش غويط وهتنزلى فيه لانك بتحبيه

الصندوق ده قلبك وانتى بصراحه مفيش اجمل من وصفك ليه وهيكون مفتوح بس لواحد معين بس وهو الورده الى جواه

السلم بقى اصحابك اكيد هتخديهم مكعاكى فى رحلتك

السور مستقبلك وهتعدى مستقبلك بعد ما تطلعى على السلم الى هما اصحابك

يا رب يكون السؤال عجبك

دكتوره انا عرفت انهم مدوها اسبوع فقلت فرصه ادخل بقى اسئل سؤالين (كل سنه وانتي طيبه)


1\ دكتوره لو قدامك حد معجب بيكي تفتكري ممكن تدخلي قصة حب مع الشخص ده

2\ كنتي في قمة اندماجك مع نفسك وبتغني واخر هيصه يعني..وبعد ماخلصتي لقيتي البيت كله بيبصلك وميت على روحه من الضحك عليك؟



3\ما سبب اختيارك لقب Dr\some one


4\ما سبب نشوب الحرب العالميه الاولى في ظل بوتقة تقدم الامم المعاصره؟ (سؤال مستفز)



5\ ماواقع هذه الكلمات في نفسك(الصداقة-الحب-الحياة-الموت-الدموع)



6\-ماذا يعني لك الحب؟


7\الحياة خير معلم، فماذا تعلمت منها؟؟


8\قولي تحطي مكان العضو ده مين

عضو توقيعه روعه..( )


عضو نشيط... ( )

عضو تفرح بوجوده .. ( )


عضو تحسه واثق من نفسه ... ( )


عضــو يجذبـك بأسلوبه وطريقـة ردوده ... ( )


عضــو يناسبه لـقب المحبوب ... ( )

لازم اسامي يادكتوره ومينفعش كلهم (السؤال واضح وصريح)


9\نا لك على طول خليك ليا " هو/ مين ؟


10\يه السعاده الحقيقيه فى نظرك ؟


11\
لو طلب منك توجيه نصيحة

فتكون لمن وما هي النصيحة ؟


12\هل تفضلي حينما تكوني حزينه ان تكوني لوحدك ام مع الناس؟



13\هل انتي لماحه وتشعري بما يود اخوكي او صديقك قوله لك من طريقة كلامه ام لا



اسف يادكتوره اني طولت عليكي ويارب تكون اسئلتي خفيفه بس معلش لاني مش بدخل كتيير


وكل سنه وانتي طيبه

مستنى اجاباتك يادكتوره

علشان اسئل شوية اسئله صغيرين

كفايه يا فوكس اساله الناس اتخنقت منك

دكتوره انا عرفت انهم مدوها اسبوع فقلت فرصه ادخل بقى اسئل سؤالين (كل سنه وانتي طيبه)

اولا معلش لاني مكملتش رد الاسئلة بس انا هاجاوب في الوقت بدل ضايع عشان محدش يزعل1\

دكتوره لو قدامك حد معجب بيكي تفتكري ممكن تدخلي قصة حب مع الشخص ده

بيتهيئلي لو انا كمان معجبة بيه ممكن اوي بس المواضيع دي كلها شبه متأجلة لحد اما أخلص دراسة بس لو انا مش معجبة بيه اظن مش هينفع

2\ كنتي في قمة اندماجك مع نفسك وبتغني واخر هيصه يعني..وبعد ماخلصتي لقيتي البيت كله بيبصلك وميت على روحه من الضحك عليك؟

عادي بتحصل كتير بمعني اصح انا اكتر واحدة بيضحك عليها ومنها في البيت كل تصرفاتي تقريبا مضحة وما ادراك كمان اما الواحد يقع وقعات غريبة علي الارض وكل الحاجات دي فاقوم باصلهم وافطس علي نفسي من الضحك لدرجة اني عيني بتدمع من كتر الضحك وهما يكملوا ضحك بقي

3\ما سبب اختيارك لقب Dr\some one

خليته لقبي عشان بحبه وعشان معناه يتوه حد وخلاص يعني متسألنيش مين ولا ايه ولاني مقتنعة بنظرية متقوليش انته ابن مين وعمل ايه قولي انته عملت ايه يعني شبه انفراد بشخصيتي


4\ما سبب نشوب الحرب العالميه الاولى في ظل بوتقة تقدم الامم المعاصره؟ (سؤال مستفز)

السبب......... السبب.......... بص هو اكيد موجود في التاريخ
بس يعني ياعلاء حد قالك اني فتحاها كلية تربية قسم تاريخ بعد الظهر مالناش احنا في الحاجات دي قولي مثلا عندي صداع اخد ايه ايه سببه ماشي لكن بوتقة دي مخدنهاش هههههههه



5\ ماواقع هذه الكلمات في نفسك(الصداقة-الحب-الحياة-الموت-الدموع)

الصداقة أخوة وبسالحب ارق احساس واحلي حلمالحياة محطة في طريقنا بس مجبرين نحبها او علي الاقل نتعود عليها
الموت اصعب وداع بس من غير ميعاد
الدموع دمعة ممكن تهد جبال وتصحي صخور


6\-ماذا يعني لك الحب؟

الحب كل حاجة سواء حب اسرتى او صحباتي او غيره بس من غير حب متنفعش الحياة خالص


7\الحياة خير معلم، فماذا تعلمت منها؟؟

تعلمت منها كتير اوي منها اني اكون انا وان تصرفاتي لو مش قدها يبقي بلاشها واني متغرش النهاردة معايا بكرة مش معايا واني ارضي باللي مكتوبلي والا هاتعب كتير واني اما اختار حاجة اختارها صح عشان مندمش

8\قولي تحطي مكان العضو ده مين

عضو توقيعه روعه..( أحمد وائل )


عضو نشيط... ( حبيبة الله )

عضو تفرح بوجوده .. (eng_e )


عضو تحسه واثق من نفسه ... (علاء نجم )


عضــو يجذبـك بأسلوبه وطريقـة ردوده ... ( فوكس)


عضــو يناسبه لـقب المحبوب ... ( كلهم )

لازم اسامي يادكتوره ومينفعش كلهم (السؤال واضح وصريح)
اديني جاوبت ومن غير كلهم تقريبا يعني

9\نا لك على طول خليك ليا " هو/ مين ؟

اللي هاحبه واتجوزه ويبقي ابو اولادي


10\يه السعاده الحقيقيه فى نظرك ؟

اني اكون مع اللي بحبهم وبيحبوني واني اشوف كل الناس كويسة ومبسوطة


11\
لو طلب منك توجيه نصيحة

فتكون لمن وما هي النصيحة ؟

ليا و النصحية هيا لازم ابقي احسن واني احاول اغير كل الصفات اللي مش عجباني فيا للاحسن لان مش معقولة اكون انا عايزة نصيحة وانصح حد تاني


12\هل تفضلي حينما تكوني حزينه ان تكوني لوحدك ام مع الناس؟

لوحدي ونايمة كمان لاني لو مع حد ممكن ازعله مني لاني اما بزعل بقفل خالص بس شوية صغيره لو قعدت مع نفسي بفك وانسي لان وقت زعلي مش كتير مش لايام يعني



13\هل انتي لماحه وتشعري بما يود اخوكي او صديقك قوله لك من طريقة كلامه ام لا

اه غالبا يعني وعشان انا عشرية فبحس لو حد من اللي اعرفهم متغير سواء من كلامه او شكله او مجرد صوته



اسف يادكتوره اني طولت عليكي ويارب تكون اسئلتي خفيفه بس معلش لاني مش بدخل كتيير

ولا يهمك ياعلاء هي اتجاوبت متأخر برضه بس انا جاوبتها عشان محدش يزعل مني مع ان وقتي خلص

وكل سنه وانتي طيبه
وانت طيب

ماشى يادكتوره
شكرا انك جاوبتى مش مشكله انه متاخر بس المهم انك جاوبتى
ومنوره دايما ياقمر