يا خرابي ......... نائب المدير على كرسي الاعتراف

1_اية الخبر اللى نفسك تسمعيه بكرة ولو سمعتيه هيفرحك اوى؟
2_اكتر مكان بتستريحى فيه؟
3_جتلك فرصة للهجرة هتسافرى ولا لاء؟
4_اكتر اغنية بتاثر فيكى وبتحسى انها بتحكى موقف عيشتيه او بتفكرك بحد؟

1/لو انتى حبيتى تحكى لحد على حاجات فى حياتك مين ممكن تحكيله
انا باحكى اى حاجه فى حياتى لاتنين اصحابى مفيش حاجه فى حياتى هما مايعرفوهاش وانا نفس الحكايه اعرف عنهم كل حاجه
2/انتى حبتى قبل كده بجد ولا لا ولو حبيتى كام مره حبيتى فيها وكلمتيه ولا لا
الحمد لله لا ماحبتش وحتى لو حبيت حد اوى عمرى ماافكر اكلمه لان ده مبدا وحاجه مفروغ منها بالنسبه لى
3/ايه اصعب موقف اتحطيتى فيه
كان فى مواقف كتير اوى بس من ضمن المواقف دى ان ناس كانت بتقول عليا كلام مش حقيقى وكان لازم ادافع عن نفسى بس فى نفس الوقت ماكنش ينفع اعمل حاجه
4/لو حبتى واحد بجد وسابك ممكن تنسى حبه بسهوله
اكيد لا ده لو حبيته لان الحب مش سهل انه يتنسى وانا لو حبيت حد اكيد مش هاحبه الا لو كان بيحبنى وفى الحاله دى مش هانسيب بعض
5/لو حبيبك اللى بتحبيه وبتتمنى تعيشى معاه اتزوج واحده تانيه تعملى ايه
مفيش حاجه طبعا اعملها بس لو كنت بحبه وهو بيحبنى واتزوج واحده تانيه طالما هو سعيد ومبسوط خلاص دى اهم حاجه عندى
6/ايه اكتر شئ بتحبى تمارسيه فى حياتك
بحب المشى والجرى جدا وبحب الجمباز والباليه بس للاسف مامرستش الجمباز ولا باليه غير فى فتره ابتدائى بس وكمان بحب اعزف
7/هل انتى راضيه عن نفسك ولا لا ومتوقعه كل تصرفاتك صح
انا الحمد لله راضيه عن نفسى بس عاوزه اكون راضيه اكتر واكتر لما احقق اللى انا عاوزاه واكيد انا بغلط لانى انسانه بس لما بغلط باعترف بغلطى اكيد مش كل تصرفاتى صح بس بحاول على قد مااقدر انى اعمل الصح دايما
8/ايه الاهم عندك الكرامه ام الحب
لكيد الحب حاجه مهمه بس لو الحب هيخلينى اسيب كرامتى وادوس عليها اكيد هاختار كرامتى
9/ايه معنى الخيانه بالنسبه ليكى
اولا الخيانه دى اكتر حاجه بكرهها فى حياتى واوحش احساس واقسى احساس بس الخيانه انى ادى لحد ثقه كبيره فى اى حاجه وميحترمش الثقه دى اكيد دى خيانه سواء كانت الثقه دى فى الاسرار او الصداقه او فى الحب فى اى حاجه
10/اما بتكونى مضايقه بتعملى ايه او بتروحى فين
لما بكون متضايقه بحب اكون لوحدى او مع احلى واطيب صديقه ليا واكتر الاوقات لما اكون متضايقه وانا فى البيت باقعد فى البلكونه
معلش طولت شويه
عادى براحتكم

1_اية الخبر اللى نفسك تسمعيه بكرة ولو سمعتيه هيفرحك اوى؟
انى الاقى اصحابى اللى فى ثانوى جابوا مجموعهم اللى عاوزينه ويدخلوا الكليه اللى يعوزوها وانا كمان (ياااااااااااااارب) بس انا لسه سنتين
بس لو سمعت بجد الخبر ده هافرح جدااااااااااااااااااا
2_اكتر مكان بتستريحى فيه؟
هو مش مكان محدد بس حسب الناس اللى معايا فى المكان بس بحب اكون قاعده عالبحر جدا ومعايا الناس اللى بحبهم
3_جتلك فرصة للهجرة هتسافرى ولا لاء؟
اه اسافر وانا بصراحه نفسى اسافر بس مش هجره للابد اكيد هاجى تانى لانى بعشق مصر
4_اكتر اغنية بتاثر فيكى وبتحسى انها بتحكى موقف عيشتيه او بتفكرك بحد؟
اغنيه بين ايديك بتأثر فيا جدا واغنيه امبارح بالليل بتفكرنى باحلى صديقه ليا

1_ هل انتى من لديهم رغبة حب التملك واذا تملك الشيء اصابه الملل منه ؟واية السبب؟

2_ عاده تفعليها دائما تتمنى ان تتركيها ؟

3_ حكمة تؤمنى بها جدا؟؟

4_ما هو اقتراحك الذي تتمنى ان يحدث في هذا المنتدى ولم يحدث الى الان ؟

5_هل انتى مدمنة تفكير؟

6_ من هو اكثر شخص تفكر فيه؟

7_ هل من الممكن ان تتحول الصداقه الى حب ؟ (يعنى ممكن واحد تكونى معتبراه صديقك او اخوكى وتحبية)

8_هل تعترف بشيء اسمه الصداقه بين الرجل والمرأة ؟

9_ غمضى عنيكى دقيقه لو سمحت,اية اللى جة على بالك وانتى مغمضة العينين ؟

10_هل تؤيدين الزواج العاطفي ام الزواج التقليدي ؟ ولماذا ؟

11_ هل تعتقدى ان حظك سيئ؟

12_لو خيروكى بين حبيبك وبين اعز صديقة فمن تختارى ؟

13_ماهو تقييمك لهذا المنتدى بصراحه ؟


يلا بقى جاوبى

1_ هل انتى من لديهم رغبة حب التملك واذا تملك الشيء اصابه الملل منه ؟واية السبب؟
اه اوقات كتير بكون كده ومش عارفه السبب ممكن علشان باتعب على مااوصل للحاجه دى فبزهق منها
2_ عاده تفعليها دائما تتمنى ان تتركيها ؟
انى بتعصب دايما وابطل شرب شاى شويه
3_ حكمة تؤمنى بها جدا؟؟
توكل على الله ولكن اربط حصانك جيدا مؤمنه بيها جدا
4_ما هو اقتراحك الذي تتمنى ان يحدث في هذا المنتدى ولم يحدث الى الان ؟
ان الاقسام تزيد عن كده بكتير بس ان شاء الله هيزيد
5_هل انتى مدمنة تفكير؟
مش لدرجه الادمان
6_ من هو اكثر شخص تفكر فيه؟
والدى وبعدين صديقتى
7_ هل من الممكن ان تتحول الصداقه الى حب ؟ (يعنى ممكن واحد تكونى معتبراه صديقك او اخوكى وتحبية)
لا
8_هل تعترف بشيء اسمه الصداقه بين الرجل والمرأة ؟
اكيد بس طالما ليها حدود مفيش اى مشاكل
9_ غمضى عنيكى دقيقه لو سمحت,اية اللى جة على بالك وانتى مغمضة العينين ؟
انى اوزه اقوم علشان افطر هههههههههههههه
10_هل تؤيدين الزواج العاطفي ام الزواج التقليدي ؟ ولماذا ؟
اكيد العاطفى لانه هيستمر اكتر بس برضه حسب النصيب
11_ هل تعتقدى ان حظك سيئ؟
الحمد لله لا
12_لو خيروكى بين حبيبك وبين اعز صديقة فمن تختارى ؟
اعز صديقه اكيد لانها هتكون صاحبتى من زمان وعارفين بعض كويس ومش ممكن اعوضها لكن الحبيب يتعوض ولو فى نصيب مش هنتفرق ابدا
13_ماهو تقييمك لهذا المنتدى بصراحه ؟
اكيد هو لسه بنبدا فيه بس على الفتره اللى بداناه فيها فهو كويس جدا وفى امل كبير انه يكون احسن مليون مره

يلا بقى جاوبى
ماانا هنا علشان اجاوب
وادينى جاوبت

ازيك يا اينو بصى انا هسال دلوقتى اسالة خفيفة علشان مرخمش عليكى 1_اية اكتر رقم بتحبية واكتر يوم بتتفالى بية ؟
2_اية اكتر ميزة فى شخصيتك وانتى بتحبيها واكتر عيب وانتى مش بتحبية ؟
3_يوم ما تنوى تسافرى اى بلد تحبى تروحيها؟
4_لو خيروكى انك تسافرى بلد عربى ولا بلد اجنبى لفين تحبى تروحى ولية ؟
5_اسمك بيمسلك اية فى حياتك ؟
6_لو حد طلب منك تروحى برنامج زى مثلا برنامج فير فاكتر ودا طبعا فية اخطر الالعاب هتروحى وهتغمرى ولا لا؟
7_لما بتكونى مخنوقة بتعملى اية ؟
8_ اية اكتر مكان بتحبى تروحية وترتاحى فية ؟

9_ اية اكتر حاجة بتحبيها فى شهر رمضان ؟
10_اكتر موقع بتحبية على النت ؟
انا بقول كفاية دول جوبى يلا

ازيك يا اينو بصى انا هسال دلوقتى اسالة خفيفة علشان مرخمش عليكى
انا تمام واسالى براحتك
1_اية اكتر رقم بتحبية واكتر يوم بتتفالى بية ؟
الاتنين والاربعه وبحب يوم الاتنين والخميس
2_اية اكتر ميزة فى شخصيتك وانتى بتحبيها واكتر عيب وانتى مش بتحبية ؟
انى لو غلطانه بعترف بغلطى ولو حق حد على حسابى بحب اديهوله جدا حتى لو هيضرنى لازم اديله حق انى باخد على الناس اوى بطريقه مش طبيعيه وبتعلق بيهم بسرعه
3_يوم ما تنوى تسافرى اى بلد تحبى تروحيها؟
روما وايطاليا وباريس هما تلاته بس مش مشكله بقى
4_لو خيروكى انك تسافرى بلد عربى ولا بلد اجنبى لفين تحبى تروحى ولية ؟
اجنبى لانى بحس انى هاستفاد اكتر
5_اسمك بيمسلك اية فى حياتك ؟
حاجات كتير انا كنت فاكره اسمى وحش طلع حلو مش عارفه ليه
6_لو حد طلب منك تروحى برنامج زى مثلا برنامج فير فاكتر ودا طبعا فية اخطر الالعاب هتروحى وهتغمرى ولا لا؟
انا بحب المغامره جدا بس انا بسمع البرنامج ده وبتقرف من الحاجات اللى بيعملوها فى العاب ممكن اعملها وحاجات بتاعه الحشرات والارف ده عمرى مااعملها لانى من مجرد اسمها بموت اصلا
7_لما بتكونى مخنوقة بتعملى اية ؟
بابكى بطريقه مش طبيعيه
8_ اية اكتر مكان بتحبى تروحية وترتاحى فية ؟
انا قلت قبل كده حسب الناس اللى معايا هما اللى بيحببونى فى المكان
9_ اية اكتر حاجة بتحبيها فى شهر رمضان ؟
انا باعشق شهر رمضان بكل مافيه حتى هواه وبحب صلاه التراويح كده
10_اكتر موقع بتحبية على النت ؟
ماى ايجى ده لو موقع يعنى لكن منتدى طبعا مفيش غيره
انا بقول كفاية دول جوبى يلا
اوك جاوبت اهو
ويارب الاجابه تكون واضحه
________________

بجد يا اينو اجاباتك حلوه ججدا والاعضاء متوصيين على الاخر

هههههههههههه
يلا بقى ربنا يسهل
كلها كام يوم
واخلص الكرسى ده
ويارب الاجابات تبقى واضحه بجد

اسئله كتير حلوه والردود احلي انا مش هسال هكتفي بالمشاهده حتي يأتي دوري بالاسئله

لا اسال براحتك
لان فاضل يوم
وكمان مش فى دور
يلا ربنا معايا

اكيد طبعا الاسئله دي بتبين شخصيه الانسان وانا هسأل سوال سهل وبسيط جدا مااهميه الصلاة؟ لو الفجر بيأذن وانتي صاحيه هتصلي ولا لا؟متي تزكرين الله؟هل وقت الازمات فقط؟ اكيد اسألتي سهله جدا ودينيه الغرض منها الصلاة والقرب الي الله لاي فتي وفتاة

انا بمسى بس مش هسال

ماشى يادانسى
وارسى على اسم بقى

اكيد طبعا الاسئله دي بتبين شخصيه الانسان وانا هسأل سوال سهل وبسيط جدا
مااهميه الصلاة؟
مش انا طبعا اللى هاتكلم عن اهميه الصلاه لانى عمرى ماقدر اقول كل اهميتها بس اللى اقدر اقوله انها بتعالج كل شىء الجسد والنفس والناس وكل حاجه وبجد بتريح كتييييييييييييير وربنا يهدينا كلنا بجد ومانسيبش الصلاه ابدا
لو الفجر بيأذن وانتي صاحيه هتصلي ولا لا؟
اكيد ان شاء الله هاصلى وانا لو سهرت شويه وفاضل ساعه ولا حاجه عالفجر الحمد لله بستانى علشان اصلى
متي تزكرين الله؟
الحمد لله فى كل وقت وبحاول انى مانساش ابدا انى اذكر ربنا
هل وقت الازمات فقط؟
الحمد لله لا فى اى وقت
اكيد اسألتي سهله جدا ودينيه الغرض منها الصلاة والقرب الي الله لاي فتي وفتاة
اه سهله وربنا يهد
ينا ويكرمنا كلنا ان شاء الله

انا مش عارف بس متهيالى عدا اسبوعين
و انا اسف لانى مشفتش الموضوع
بس يا ريت الحق اسال كام سؤال
و هما

الحكمة الى حسيتى انها فعلا غيرت حاجة فى حياتك؟
توكل على الله ولكن اربط حصانك جيدا غيرت كتير اوى دى
ممكن تقولى موقف حسيتى فية ان شخصيتك قوية جدا
ولعدم الاحراج ممكن تقولى هوا حصل ولا لا؟
اه حصل بس الموقف مش هينفع اقوله

و كمان اكيد انتى فى شخصيتك عيوب مفيش حد كامل بس عمرك حاولتى تدورى على عيوبك و حاولتى تحليها
و اية كان الدافع؟
اه بس الدافع انى اكون احسن علشان اهلى واللى حواليا

قبل ما تنامى بليل بتفكرى فى اصحابك ولا فى اهلك ولا فى نفسك ولا فى هواياتك؟
مش بفكر فى حاجه خالص

مين الشخص الى قريب منك و لما حد يسالك علية تقوليلة دى بنت هايفة و من مصلحتك متصاحبيهاش؟
مش فاهمه السؤال بس حد قريب منى صحبتى
و اية الوانك المفضلة ؟
الاسود والموف
و اية معنى اللون الاصفر و الازرق و الاحمر و الاسود فى نظرك؟
الاصفر غيره (مش حقد)
الاحمر حب
الاسود كل حاجه حلوه بالنسبه لى بس هو حزن
لو المدة خلصت تقدرى مترديش بكل سهولة
اوك عادى

طبعا اكيد احنا مزهقناش ولا حاجه من العضوة الجميلةmoro عشان محدش يفهم غلط بس اعتقد المدة خلصت مش هترشحوا حد جديد ولا ايه

سنو وايت المفروض ان المده خلصت
بس الشات مش موجود ومحدش رشح
فمش عارفه احط مين
فاما افضل الاسبوع ده كمان
يااما نقفل التوبيك ونستنى للاسبوع الجاى
وبالنسبه لامير الدموع
انا ماليش اصحاب او حد قريب منى بالصفات دى
ودى معانى الالوان بالنسبه لى كمان
ويعنى
انا بحب الاسود يعنى حاجات كتير فى حياتى

ماشى يا قمر وانتى والله زى العسل واجاباتك جميلة جدا وحوارك شيق ومنورنا والله

تسلمى ياقمر
ياريت اتعرف عليكى
علشان نعمل جروب ويبقى لينا حقوق كتير فى المنتدى
ههههههههههههه
وتسلمى ياجميله

طب خلاص خليكى بقى اسبوع كمان

اوك عادى
انا كنت هاقفل التوبيك ده
بس انا مش عارفه مين هيقعد
فسيبته علشان الترشيح
بس فات شويه من الاسبوع ماينفعش حد يقعد متاخر كده
فهسيبه بقى