silent love ugn على كرسي الاعتراف يا تلحقوا يا متلحقوش

[center]بصوا بقى يا جدعان احنا عايزين رغي محدش يفصل اسئلة يلا خلوها تتعطل عن المذاكرة عشان نذاكر احنا بقى

[color=red]خيل نفسك في برنامج التلفزيون وعملوا معاك مقابلة
وطلبوا منك تهدي احلى اغنية لاحد الاعضاء..
يا ترى مين هذا العضو ؟ وأي أغنيه تهديه[/color


اكيد ههديها لحبيبة الله وبيوتى لان دول اللى انا اعرفهم فى المنتدى ممكن اهديهم اغنية اعز اصحاب



تخيل نفسك وقد شارفت على الانتهاء وانك راح تموت يعني في وقت الاحتضار وطلبوا منك ...انك توصي باموالك وكل املاكك لاحد الاعضاء .. فلمن ستوصي ؟ ( بعد الشر عليكى طبعا )


اكيد بردة لنفس العضوين الغلابة اللى انا اعرفهم ههههههههه وممكن انتى كمان يا فوكس عشان ننشىء منتدى مشترك


تخيل انك في برنامج مصارعة حرة ...وطلبوا منك اختيار احد الاعضاء للمصارعة معك ..فمن ستختار ؟



هههههههه تصدق بحب المصارعة جدا ممكن كفائة عشان يبقى مات فى خناقة فعلا وحققله اسمه ههههههههههه اكيد بهزر انا الحمد لله مقدرش اضرب ناموسة حتى


خيل انك محاصر بعشرة اسود ولكي تنجو قالوا لك
حط احد الاعضاء مكانك فمن العضو الذي ستختاره ليكون مكانك ؟

لا اكيد مش هختار حد لان انا مش بكره حد الحمد لله



لو طلبوا منك اهداء هدية لاحد الاعضاء
فمن ستختار؟ وما هي الهدية ؟


هختار بيوتى ههديها كل صور الانمى وافلام الكرتون اللى فى الدنيا دى عشان هى بتمووووووووووت فيها قلب الام بقى تعمل ايه


لو طلبوا منك عمل لقاء مطوّل مع أحد الأعضاء ...
فمن ستختار؟



ممكن احمد وائل عشان عضو محترم جدا ومثقف اوى عشان نستفيد منه



تخيل أنك في طياره فيها جميع الأعضاء بس قالوا لك لازم تختار عضو
واحد عشان يرافقك في رحلة الهبوط بالبارشوت ..
فمن هو المرافق لك ؟؟


بما انه واحد بس يبقى اخلينى مع اللمة احسن وانا اسيبكم وانزل ليه خلينى معاكم




تخيل أنك ميييت جوع وماعندك شي تاكله ولا عندك فلوس تروح للمطعم .. بس تقدر تروح لأحد الأعضاء عشان تاكل عنده ..
من تختار ؟؟


ههههههههه اللى هيبقى عامل اكلة انا بحبها بس ممكن اختار بيوتى عشان بيتها قريب منى


ما انى بحب اكون الاول فى كل حاجه فنا هسئلك الاول يا سيلنت

ويارب مكنش تقيل عليكى


لا عااااااادى براحتك لا تقيل ولا حاجه وهو ده التميز تبقى الاول فى كل حاجه

طبعا ياقمر منوره الكرسى وعلش الفتره دى مش بعرف ادخل كتير
بس اخواتنا قايمين بالواجب عالعموم هاسال كام سؤال بس شويه كده
لان الكيبورد بايظه شويه اول تتصلح هاسالك والله بس نص الحروف بايظه انتى ش عارفه انا كتبت اذاى دلوقتى
بس والله لاذ اسالك

ولا يهمك يا جميل انا مستنياكى واكيد كله هيقوم بالواجب .............

إزيك يا سيلنت
وحشتينى أووووووى
أنا مش هطول عليكى


لا عادى براحتك..


-هتعملى ايه لو عرفتى
ان فى جاحات كتيرة بتعمليها تغضب ربنا



اكيد هحاول اصلح من نفسى واحاسب نفسى وافكر كويس واشوف ايه اللى انا بعمله وعدل منه.وربنا يرضى عنا كلنا





-هتعملى ايه لو لقيتى ولد قدك بينادى عليكى
فى الشارع وعاوز يكلمك



اولا انا الحمد لله عمرى ما حصل معايا الموقف ولا هيحصل باذن الله لان اعتقد انا لو واحدة محترمة اكيد مفيش واحد هيناديلى فى الشارع الا اذا كان حد عارفنى قريبى مثلا او كده وكمان هو اكيد مش هيرضى يناديلى فى الشارع




-هتعملى ايه لو لقيتى نفسك بتتكلمى مع ولاد
فى المنتدى عشان حاجات تافهة كعادة بعض البنات
اللى فى المنتدى




انا الحمد لله مش بكلم فى حاجات تافهه فى المنتدى والبنات اللى انا اعرفهم هنا فى المنتدى برده ناس محترمة مش بتتكلم فى حاجات تافهة




- هتعملى ايه لو عرفتى ان كلامك مع الولاد فى
المنتدى فى حاجات تافهة حرام ويغضب ربنا




ما هو اكيد انا لو بتكلم وبقول حاجات تافهة يبقى حرام عليا سواء كان مع ولاد ولا بنات وانا قلت مرة الحمد لله مش بقول حاجات تافهة واكيد لما الاقى نفسى هبدا اعمل كده هتراجع عنه واحاول اعمل الصح





-هتعملى ايه لو عرفتى ان الولاد الى بتتكلمى معاهم
فى المنتدى بيحتقروكى عشان بتتكلمى معاهم




اولا انا مش بتكلم مع ولاد فى المنتدى انا بدخل احط مواضيع ولما بتكلم فى الدردشة بيبقى مع البنات المحترمة اللى انا اعرفهم فى المنتدى واعتقد ان الولاد اللى هنا محترمين ومبيحتقروش حد





منتظرة اجاباتك لكن بصراحة يعنى(من غير لف ولا دوران)
سلام لحد أما نتقابل يا جميل



الحمد لله انا معروفة بالصراحة اللى ساعات بتودينى فى داهية وجوبتك بمنتهى الصراحة............

وعلى فكرة انا معرفش انتى مين....؟!!!!!! فياريت تقوليلى

السلامو عليكم

اخبارك ايه يا سيلنت؟؟
ندخل بالأسئله ع طول
بس بالاول خذي حاجة تروقك
واهدي خالص خليكى ريلاكس..


-ماهو حلــم طفولتك ؟؟

-ما هي طموحاتكـِ التي تتمنى تحقيقها في حياتك ؟؟

-ما هي المجالات التي تتمنيها ان تأخذيها منهاجا في حياتك ؟؟

-من هو قدوتك في الحياة ؟؟


-مـــاهي أســعـــد لحظــات حــيــاتـك ....؟؟


-مــاهي أتـعــس لحظــات حــــيإتك ...؟؟

-
من أحــــب النـاس الى قلبك ....؟؟


-أين تـجـدين نفــســك مع نفـسك...؟؟ وٍمتى ...؟؟


-ماهي أكثــرٍ صفه تكرهينها في الأنســــــانة .. الذي ممــــكن ان تصـــادقينها او تـعـيشين معهـا...؟؟

-
حكمتك في الحياه ؟؟

- صفة متواجدة في مجتمعنا تكرهيها؟؟


-يقال ان (الحقيقه مره)... هل واجهتك هذه المقوله يوما؟؟

ـــــــــــــــــــــــــــــــــــــــــــــــــــــــــــــــــــــ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

- من اول قلم اعجبك في المنتدى؟؟


لمن تعطي هذه الالقااااب

القلم الذهبي؟؟.........

العضوة المميزة ؟؟.........

عضوة ما في منها اثنين ؟؟.........

عضوة تحبين متابعه مواضيعها؟؟.....


سلبيات نفسك تتخلصي منها داخل المنتدى..؟!


إجابيات نفسك تدعميها وتقويها أكثر..؟!


أشخآص أسروكِ بأطباعهم ومعاشرتكِ لهم ..؟!


أشخآص تقولين لهم توقفوا هنا فلقد تجاوزتم الحد..؟!

ـــــــــــــــــــــــــــــــــــــــــــــــــــــــــــــــــــــ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


كفاية كده عليكى يحسن تسخسخى منى

-

طول عمرك رائعة ومتزنة وصريحة فى كا حاجة يا سيلنت

ومعلش عالتأخير بس انا هاسئلك ان شاء الله



ربنا يخليكى يا جميل ده من ذوقك.........وانا هستناكى عادى

السلامو عليكم

وعليكم السلام


اخبارك ايه يا سيلنت؟؟
ندخل بالأسئله ع طول
بس بالاول خذي حاجة تروقك
واهدي خالص خليكى ريلاكس..


الحمد لله .......انا ريلاااااكس خالص



-ماهو حلــم طفولتك ؟؟



بصى فى حاجات كتير يعنى مثلا انا من وانا صغيرة نفسى اسافر دول العالم كلها وشوف بلاد مختلفة .....وكمان كان نفسى ابقى دكتورة اوى بس طبعا دى مع الزمن اتغيرت




-ما هي طموحاتكـِ التي تتمنى تحقيقها في حياتك ؟؟



اولا انا نفسى ابقى مهندسة ناجحة لابعد الحدود باذن الله واعمل حاجه كبيرة تساهم فى نهضة وتقدم فعلا لبلدنا........وبعدين ابقى ام ناجحة بجد فى تربية اولادها




-ما هي المجالات التي تتمنيها ان تأخذيها منهاجا في حياتك ؟؟


مجال الهندسة بس يكون فيه قسم دراسته لها علاقة بالكيمياء والفيزياء عشان انا بموت فى المادتين دول وكمان الرياضة طبعا ونفسى اتكلم انجليزى كويس بحيث ابقى وصلت لدرجة الاتقان التام فيه.....




-من هو قدوتك في الحياة ؟؟


ممكن تستغربى بس بصراحة انا هموت وابقى زى احمد زويل هو قدوتى فى التفوق والنجاح والاصرار......




-مـــاهي أســعـــد لحظــات حــيــاتـك ....؟؟



يعنى بصراحة مقدرش احدد حاجه معينة بس انا من اسعد لحظات حياتى كانت فى تالتة اعدادى كنت بضحك من قلبى بجد ومبسوطة فيها اوى على طول .......




-مــاهي أتـعــس لحظــات حــــيإتك ...؟؟



كنت فى 5ابتدائى يوم وفاة حد عزيز عليا اوووووووى.........



من أحــــب النـاس الى قلبك ....؟؟



انا الحمد لله بحب الناس كلها ومبحبش ازعل حد ابدا او حد يزعل منى بس انا دايما اصحابى هم اغلى حد عليا واكتر ناس ببقى مبسوطة اوى وانا معاهم......




-أين تـجـدين نفــســك مع نفـسك...؟؟ وٍمتى ...؟؟



دايما فى اى مكان ابقى فيه لوحدى فببقى مع نفسى وبحاسب نفسى على حاجات كتير اوى وبحسب بذنب حاجات كتير اوى



-ماهي أكثــرٍ صفه تكرهينها في الأنســــــانة .. الذي ممــــكن ان تصـــادقينها او تـعـيشين معهـا...؟؟



حاجات كتير جدا بتضايقنى زى العصبية....... الكدب... التكبر......الفلسفة ان حد يبقى بيتفلسف عليكى فى كل حاجه ويحسسك انك غلط فى كل حياتك واكيد اهم حاجه ........الفتنة وافشاء الاسرار




حكمتك في الحياه ؟؟



من جد وجد ومن زرع حصد






صفة متواجدة في مجتمعنا تكرهيها؟؟



حاجات كتير اوى .......زى الاحباط دايما محبطيين مش بننظر للمستقبل بنظرة متفائلة وبنحبط اى حد ومستنيين دايما اى مصيبة عشان تحركنا ونصحح الغلط اللى عندنا مش بنتحرك من الاول وكل واحد معتمد على غيره ويقولك يعنى هو انا اللى هقلب الدنيا واغيرها يعنى




-يقال ان (الحقيقه مره)... هل واجهتك هذه المقوله يوما؟؟




اه فعلا واجهتها لما عرفت حقيقة ناس كتير اوى كنت مخدوعة فيهم




- من اول قلم اعجبك في المنتدى؟؟



حبيـــــــ الله ــبـــــة........لانها اول حد عرفته فى المنتدى واول حد قرات مواضيعه




لمن تعطي هذه الالقااااب

القلم الذهبي؟؟.........



DragonWarrior لان بصراحة بحب مواضيعه جدااااااا




العضوة المميزة ؟؟.........



حبيـــــــ الله ــبـــــة




عضوة ما في منها اثنين ؟؟........




beautymermaid




عضوة تحبين متابعه مواضيعها؟؟.....


beautymermaid وحبيبة الله




سلبيات نفسك تتخلصي منها داخل المنتدى..؟!




مش عارفه انا لسه مش من زمان بدخل المنتدى عشان ابقى عارفه اوى كل حاجه فيه




إجابيات نفسك تدعميها وتقويها أكثر..؟!



عموما كل قسم فى المنتدى وله اهميته وفى اقسام كتير عجبانى وفكرة ركن المواد الدراسية ده جميل اوى




أشخآص أسروكِ بأطباعهم ومعاشرتكِ لهم ..؟!



فى ناس كتير فعلا مش ببقى عاشرتهم واحكم عليهم بتسرع وبعد معاشرتهم بكتشف انهم حاجه تانية وناس تستحق الاحترام جدا بس مقدرش احدد اشخاص....




أشخآص تقولين لهم توقفوا هنا فلقد تجاوزتم الحد..؟!



الحمد لله مفيش حد معين تجاوز حده معايا بس لما الاقى حد بيغلط فيه او بيغلط فى اشخاص انا بحترمهم وبعزهم او حد اتدخل فى حاجه ملوش فيها لازم اوقفه عند حده



كفاية كده عليكى يحسن تسخسخى منى ....


هو انا لسه هسخسخ ده انا خدت فسحة فى النص على مجاوبت على كل الاسئلة دى بس ولا يهمك

ا سيلنت يا حبيبة قلبى إنتى فهمتينى غلط أو بمعنى أصح فهمتى كلامى غلط
أنا مش بسألك انتى بتعملى كده ولا لأ أنا بقولك لو الحاجات دى حصلت هتعملى إيه وهتتصرفى ازاى
فياريت معلش تجاوبيهم تانى


اوك عادى..........بس انا برضه جاوبت انا اولا قلتلك ان انا مش بعمل كده وبعدين قلت ان انا لو حسيت ان انا بدات اعمل حاجه غلط هرجع اكيد تانى عن الغلط ده ولو لقيت حد قدامى بيعمل نفس الغلط اكيد هنصحه ان ده غلط


وبالنسبة لموضوع يحتقرك ده انا قلت وجهة نظرى فيه بس حتى لو حصل هبقى اكيد انا عملت حاجه غلط خلت الشخص اللى قدامى يحتقرينى فهصحح الغلط ده لان اهم حاجه احترام الانسان لشخصه اهم من احترام الناس ليكى تبقى حاسه انك صح ومحترمة حتى عشان اعيش بنفسية مرتاحة وراضية ..............ولو لسه فاهمه غلط ياريت توضحيلى انتى عايزانى اقول ايه بالضبط.......معلش اصل انا فهمى على قدى ومليش فى العربى قد كده يعنى هههههههههه

السلام عليكم ازيك ياسيلنت


الحمد لله تمام يا دكتورة

يه اخبار الكرسي معاكي ؟ شكله مريح ههههههههههههههههههههههه


هههههههههههههههه مريح جدااااااااا ....بس مش عارفه ليه حاسة ان الكرسى ده مس مريحينى يا كماحة


انا احب احيكي علي صراحتك و وضوحك واحترامك لنفسك ولاعضاء المنتدي كافة وبجد انتي ميه ميه خمسة وخميسة في عيننا هههههههههههههههههههههههههه



الحمد لله ويارب اكون كده على طول عند حسن الظن



ومعلش علي التأخير واول اما تجوبي انا هادخل اسأل علطول وشدي حيلك ربنا معاكي


لكي الله ههههههههههههههههههههههه




اوك مستنياكى بس بالحنين على انا لسة الابلة بيوتى مبهدلانى وصيها عليا والنبى ههههههههههه واوعى تتفقوا عليا

السلام عليكم

وعليكم السلام

اوصفي مع مراعاة ان كلمة عضو تشمل الجنسين
-عضـو خجـول ؟

عاشق الوهم

-عضـو ماترتـاح لـه ؟

الحمد لله معتقدش ان فى حد انا مش برتحله

-عضـو مقهـور منـه ؟

لا مقهور دى صعب اوى مش معقول تبقى واصلة معايا لدرجة انى ابقى مقهورة يعنى دى كبيرة اوى

-عضـو مزاجـي ؟

the simple girl


-عضـو تحـس أنـه يفهمـكـ ؟؟


حبيـــــــ الله ــبـــــة


-عضـو شقـي ؟

كفائة بس مات فى خناقة


-عضـو ذكـي ؟

Ahmed Wael

-عضـو إجتـماعـي ؟


فوكس


عضـو صـارم ؟


Ahmed Wael


-عضـو يرسـم البسمـه على شفـاهـ الجميـع ؟


m.bahaa


-عضـو ..روح المنتـدى ؟


beautymermaid


عضـو مبدع ؟

DragonWarrior

-عضـو دائـم التواجـد ؟

Dr/someone


-عضـو ردودهـ محـرجـه ؟

لا مش عارفه احدد بصراحة ...فى محرج من كتر الذوق وفى محرج انه يرد رد ميتقلش مش كويس

-عضـو يتعامـل مع الكـل بكـل إحتـرام ؟

علاء نجم



ماهـو أكثـر تصـرف يزعجـكـ من الأعضـاء ؟

اما يحولوا الردود والتعليقات على المواضيع لخناقة وردود مش كويسة


-هـل فكـرتي من قبــل أن تنسحـبي من المنتـدى ؟؟ وليـه ؟؟؟


ايوة........لنفس السبب اللى فى السؤال اللى قبل ده حسيت ان انا ممكن حد يعمل معايا كده فمكنتش حابه كده وكمان فى ناس كتير مش قادرة تستوعب ان ده منتدى على النت زى اى منتدى تانى داخلين نستفيد منه مش داخلين نستغل انه منتدى قطور وان معظم الاعضاء عارفين بعض ويستغلوه فى حاجات شخصية


أعطـي لنفسـكـ نسبـه مئـويـه لكـل مما يلـي ..
ذكــائكـ ..


لا بصراحة ذكائى ده صعب ان انا اللى حدده بس ممكن احدد مستواى فى الدراسة ....فممكن اقولك ان الحمد لله من المتفوقين بس ما عدا 1 ثانوى دى حالة خاصة ههههههههه


سعادتــكـ..

50%

حزنـكـ..

50% واحيانا الحزن بيزيد شويه

إيجابـيـاتـكـ..

ههههههه اكيد مش كتير ممكن 30%

سلبيـاتـكـ..


يبقى 70% بس انا ممكن اكون مبالغة شويه


عـلاقتـكـ بأصـدقـائـكـ ..


الحمد لله 95% علاقتى كويسة بكل اصحابى


علاقتـكـ بالعائلـه..


الحمد لله كويسة جدا بس ممكن تكون علاقتى باصدقائى اعلى شويه 90%


خبرتـكـ بالحيـاهـ ..

لا لسه بدرى على خبرتك فى الحياة دى بصراحة بس انا الحمد لله معظم اصحابى بيقولوا عليا عاقلة ودايما بيحكولى على حاجات كتير وبياخدوا رايى فتقدر تقول دماغى كبيرة شويه.......


التفـاؤل..

لا ده فوق ما تتخيل عندى انا اصلا مسمينى المتفائلة ومعروفة على طول ان انا بضحك على قد ان الحزن عندى اكتر من السعادة بس لما ببقى مع اصحابى بنسى كل حاجه ممكن 95%


التشـاؤم..


يعنى 5% بالعافية


الطيبـه..


الحمد لله مش بعرف ازعل من حد ولا بحب حد يزعل منى وحتى لو حد عمل فيا ايه ممكن اسامح بسهولة اوى من مجرد عذر تافه صغير 90%



العصبيـه ..


لا انا فعلا عصبية بس مش على طول ومش مع كل الناس يعنى ممكن 70%




الوحـدهـ..


يعنى ممكن 50%



-أعظـم جـرح دفنتـيـه ؟؟


جرح كان من حد عزيز عليا اوووى



-أكثـر شخـص تتقبــلي إنتقــادهـ ؟؟


اكتر واحدة صاحبتى بجد وهى بنت عمى



3 أمنـيـات تتمنــى تحققيهـا مهمـا كانت صعبـه ومستحيلـه ؟؟


والله هى امنية واحدة ان ابقى مهندسة وعالمة كبيرة اوى فى المجال اللى هتخصص فيه واعمل حاجه جامدة اوى انجاز كبير ابقى زى احمد زويل كدة او مشرفة لان ده المجال اللى بحبه المجال اللى يبقى فية تحدى ويبقى صعب



إلى أي حـد وصلـت أحـلامـكـ وطـموحـاتـكـ ؟؟


الى حد كبير جداااااااااا وصلت بخيالى ان انا دخلت هندسة نووية او كلية علوم بردة بس فى نفس القسم اللى يعادل النووى ودرسته وكملت دراستى برة وتفوقت واخترعت حاجه او اكتشفت حاجه جامدة ورجعت مصر ونفذتها فى بلدى مش برة وبعدين اغتالونى فى الاخر بقى كالعادة مش مشكلة يلا ههههههههههه ومحدش بيقدر يرجعنى عن الحلم ده على فكرة باخد تريقة كتير بس مش مشكلة عادة الشعب المصرى الاحباااااااااااااااط



-هل تحبي الوحده؟

اكيد محبهاش تبقى على طول بس اوقات بحس ان انا محتاجه للو حدة


- هل تنسـى الإسـاءهـ بسهـولـه ؟

ايوة فعلا بنساها بسرعة وحتى لو كنت لسه فاكراها مش بتاثر فى اوى ببقى عادى يعنى مش ببقى زعلانة


- كيـف تـرى نفسـكـ الآن ؟ وقبـل 3 سنـوات ؟؟


يعنى اكيد الواحد بيتغير فى التفكير كتير جداااااااا دلوقتى اعقل كل سنة بتزيد خبرتك عن السنة اللى قبلها

اولا اهلا بيك silent love


العضوه المتفائله دائما

المحترمه الا ابعد الحدود ..والدليل ردودها المحترمه مثلها

صاحبة الموضوعات الرائعه ودائما تدخل موضوعاتها وانت واثق انك ستجد موضوعا شيقا وردا ممتعا

العضوه الهادئه ترد وتضع موضوعاتها ولا تشعر بها

اهلا بيكي مره تانيه ومعلش معايا شوية اسئله ويارب يكون كويسين


بسم الله ارحمن الرحيم



1\ ماسبب تسميت نفسك بهذا الاسم ؟


2\عرفي نفسك في اقل من 5 كلمات ؟



3\ ماهو هدفك ؟



4\--ماهي رؤيتك للحياة ؟


5\ما تعريف الاهانة في قاموسك ومتي تعتبر نفسك مهانه؟ وما هو ردك علي تلك الاهانة . مع ذكر موقف



6\دوما هنالك كلمات نرددها وتصبح مقولتنا المشهورة في حياتنا ..فماهي مقولتك التي ترددينها..؟؟


7\ما اكتر شئ يضايقك واكتر شئ يفرحك ؟


8\بين قمة الفرح وقاع الحزن لحظة تردد .. متى ترددت silent love في حياتها ؟


9\ابتسامة طفل لم يكمل عامه الأول ماذا تعني لك ِ ؟


10\ تعددت طرق ووسائل الحوار فهل تعتقد ان النت هو الوسيلة الأفضل للحوار؟؟



11\ قولينا و بكل صراحة عن صفة تحبيها بشخصيتك وليه و صفة تكرهيها بشخصيتك ونفسك تغيريها وليه ..؟



12\هل سبق وان بكيت وضحكت في نفس الوقت ؟


13\* ايه أول حاجه تخطر في بالك لما تشوف الكلمات دي...
البحر




الفقر

الصداقة

الأخ

الأب

الغضب

14\ماذا تعني لك هذه المشاهد ؟


الغروب ..


طيور محلقة ..


صراخ ..


دمعة ..


عناق أيادي ..



بكاء طفل ..



فقير يتسول ...



هل تعبتي من الاسئلة؟
اكمل يعني؟
اوكِ



15\ايه مفهوم الحرية عندك؟؟؟


16\هل ندمت في حياتك على شي معيّــن ؟؟؟


17\لو خيروكي بين أمرين فماذا تختاري و لماذا ؟

الأمر الأول : إنقاذ شخص بريء من حكم الإعدام ..

الأمر الثاني : تقديم مجرم هارب من العدالة ..

مـــــــاذا تـــــــخــــــتـــــــــاري ؟
و لــــــمـــــاذا ؟



18\إذا كانت الدموع سلاح المرأة فمآ هو برأيكـ سلاح الرجل ؟ ولماذا ؟


19\متى تشعري؟
بالضعف


الوحده


الخوف


الشجاعه


الغضب




ايدك وجعتك ولا لسه؟؟
أوك


20\هل تمنيتي يوما أن تدور عقارب الساعة عكس اتجاهها و ترجعي إلى الماضي لتصححي خطأ وقعتي فيه سابقا .... أو ان تعودي للماضي لتغيّري عملا ندمتي على فعله أشد الندم ؟ ؟



21\مبدأ الثواب و العقاب ...... ايه نظرتك ليه ؟


22\ما هو شعورك عندما تسمع العبارات الآتيه

وما رأيك وانطباعك عمن يقولها

- وانا مالى

- انا عبد المأمور

- عيش ندل تموت مستور

- الجري نص الجدعنة



بما انك عاوزه تدخلي هندسه قولت احببك فيها شويه

حركة الطائرة تؤدي إلى تكون منطقة فوق الجناحين يكون فيها الضغط أقل مما هو تحت الجناحين فتنشأ قوة دفع لأعلى

تتزن مع وزن الطائره وتسمى بظاهرة بر نوليBernoulli, s Effect

* ما علاقة قاعدة أرشميدس بالقانون الثالث لنيوتن؟؟ (سؤاااال مستفز)



اخيرا في رايك يهمنا .............

عضو مميز

_عضوه مميزه


_كاتب مميز

_صاحب ردود مميزه

_مثقف المنتدى

_عمدة المنتدى

_عضو كسبه المنتدى؟

_عضو فقده المنتدى؟

_عضو تحت المجهر وسيكون له شان لو استمر

_يستحق لقب صحفي المنتدى

_اختاري عضو يستحق كارت اصفر



اسف على ان الاسئله كتيييييير بس انتي ان شاء الله تجوبي عليه

_

معلش ملحقتش اجاوب الاسئلة كلها فهكمل الاول اسئلة احمد

-كيـف تـداوي حـزنـكـ ؟

اكيد اما ابقى حزينة من حاجه بحاول مفكرش فيها كتير وابعد تفكيرى عنها خالص


"لا تبصق في البئر فقد تشرب منه يوما "
مارأيـكـ في هذه الحكمـه ,, وهـل هي صحيحـه ؟؟


اكيد صحيحة زى ما بيقولوا بردة كما تدين تدان اكيد هرجع وابقى محتاجه للبئر ده فى يوم من الايام وابقى زى زى اى حد اتاذى من اللى انا عملته


ماذا تعني لكي الكلمات الآتية .... العاطفة

اكيد انا مهما كتبت مش هقدر اعبر يعنى بس ممكن اقول هى وقود الحياة من غيرها مش هنقدر نعيش لان العاطفة معناها احساسك بالامان والحب من كل اللى حواليك

الرحمة.........


دى بالنسبالى من اهم نعم ربنا علينا فهو الرحمن الرحيم ولازم يكون كل انسان جواه رحمة تجاه اى انسان زيه

العقلانية ..


دى اهم شىء انك تكون عاقل بتوزن وتفكر فى كل حاجه قبل اما تعملها عشان العواقب بعد كده ......متبقاش متسرع لان العجلة من الشيطان وممكن تضيع حاجات كتير اوى من ايديك بالتسرع


عندك كام صديق ممكن تثقي فيه جدا لكي تطلعيه على أسرارك.


هى واحدة بس مش ممكن ده انا بقولها كل حاجه فى حياتى


إيه أكتر موقف محرج حدث ليكي في الجامعه


انا فى ثانوى على فكرة ههههه...... مقدرش افتكر حاجه معينة بصراحة لان بتحرج كتير اوى ههههههههه دايما شكلى وحش ومحروجة هههههه......


مين من الكتاب بتحب تقرأي ليه ،إذا كنتي من هواة الأدب.


انا بحب اقرا للدكتور نبيل فاروق جدا لان بحب سلسلة رجل المستحيل وملف المستقبل جدا بس يا خسارة مش لاقية وقت فمش بقرا كتير زى الاول وعموما انا هوايتى المفضلة القراءة


إيه أفضل بلد تحبي تعيشي فيها في جمهورية مصر العربية


نفسى اعيش فى اسكندرية جداااااااااااااااا


ما حلم طفولتك؟

اجات كتير يعنى مثلا انا من وانا صغيرة نفسى اسافر دول العالم كلها وشوف بلاد مختلفة .....وكمان كان نفسى ابقى دكتورة اوى بس طبعا دى مع الزمن اتغيرت.........نفس الاجابة اللى مع بيوتى


ما الشي الذي تحبيه أو تكرهيه في شخصيتك؟


انا بحب فى شخصيتى التفاؤل.....وبكره اوى العصبية والعند لانى عنيدة جدااااااا وبنفذ اللى فى دماغى حتى لو كنت اقتنعت انه غلط لازم بعند لمجرد العند عشان اللى قدامى ميحسش انه انتصر عليا على الرغم انها مش معركة يعنى بس انا بحسها كده ودى حاجه وحشة جدااااااااا



ما وقع هذه الكلمات في نفسك(الصداقة-


دى اهم حاجه فى حياتى شخصيا لانى بقضى وقت اكتر واحلى مع اصحابى اكتر من البيت بكتييييييييييييير فبحب اصحابى جدااااااااا


الحب.......


طبعا هو اهم احساس محتاجينه فى حياتنا من كل الناس اللى حوالينا يحسسك بالامان بجد.لو حسيت ان كل اللى حواليك بيحبوا بعض وخايفيين على بعض


الحياة.......


هى دار مؤقتة وفانية فيها الحلو والوحش فى كل حاجه وبتعلم الانسان كتير



الموت......


مفيش مفر منه...بس صعب اوووووووووووووى انك يموت عندك حد بتعزه وبتحبه جدا احساس وحش اوى فعلا



ما الشئ الذي تخافي منه ؟

الموت والفراق وانى احس فى يوم انى بقيت لوحدى.....وكمان الصراصير عندى فوبيا منها هههههههههه


ما طموحك في الحياة ، وأين ترى نفسك بعد خمس سنوات .. :؟:


طموحى فى الحياة انا قلته فى سؤال قبل كده ونفسى الاقى نفسى حاجه كبيرة بعد 5 سنين


الحياة خير معلم، فماذا تعلمتي منها؟؟


اكيد اتعلمت كتير وكل سنة بتعلم اكتر وبتزيد خبرتى زى مقلتلك ......من الحاجات اللى علمتهالى الحباة انى مبقاش واثقة فى اى حد بسهولة وان فعلا الشكل بيخدع ومش بيبقى حقيقى خالص وحاجات تانية اكيد كتير



ما التجربه التي تتمنى تتكرارهــا ؟؟


بصراحة نفسى تالتة اعدادى دى تتكرر تانى عشان كانت احلى سنة فى حياتى



موقف هز كيانك ولاتنسيه طول عمرك ؟؟


اكيد يوم وفاة حد عزيز عليا جدااااااااا كان يوم صعب اوى ومقدرش انساه ابدا هما فى الحقيقة شخصين كنت بحبهم جدا فحصلت معايا مرتين بس طبعا فى واحد اصعب من التانى


اذكري قصة مشاركتك الاولى للمنتدى؟ والكيفيه


ابدا لا قصة ولا حاجه واحدة صاحبتى اللى قالتيلى عليه وكده ودخلت عجبتنى مواضيع كتير اوى فقررت اشترك فيه وبس..



ما القسم الذي تشعرين بالتقصير فيه .؟


لا كتير ههههههه انا تقريبا مش بشارك الا فى قسم همس الخواطر وكام موضوع بس فى القسم الاسلامى فحسه ان انا مش مشاركة فى كله


ما رأيك فى موضوع قيادة المرأه ؟ هل تؤيدين ام ترفضي ؟


اكيد المراة تصلح قائدة بس مش فى كل المجالات يعنى انا مش مع ان امراة تبقى قاضى ولا مئذونولا تبقى امام للناس تصلى بيهم لا طبعا فى حاجات تنفع وحاجات لا


انا عارف اني طولت اوي بس هيا المرة دي وتخلصي مني وخلاص


لا عادى هى بصراحة اسئلة جميلة وبراحتك يعنى.....صحيح هى من خارج المنهج بس مش مشكلة

معلش بقه يا سيلنت استحملى طب دا انا اسئلتى لا تقارن باسئلة احمد


و عايزكى تعيشى مع اسئلته عقبال ام اجيبلك الجزء التانى




فعلا انتوا متوصيين على الاخر بس عادى وربنا يقدرنى واجاوب .......ومستنية الجزء التانى واما اشوفه هيبقى اكثر تشويقا ولا اية هههههه مستنياكى

ولا اهلا بيك silent love


اهلا بيك......

العضوه المتفائله دائما

المحترمه الا ابعد الحدود ..والدليل ردودها المحترمه مثلها

صاحبة الموضوعات الرائعه ودائما تدخل موضوعاتها وانت واثق انك ستجد موضوعا شيقا وردا ممتعا

العضوه الهادئه ترد وتضع موضوعاتها ولا تشعر بها

اهلا بيكي مره تانيه ومعلش معايا شوية اسئله ويارب يكون كويسين


ربنا يخليك على الكلام الجميل ده وانا مستهلش كل ده ......واكيد اسئلتك باذن الله هتكون كويسة


\ ماسبب تسميت نفسك بهذا الاسم ؟

بصراحة هو اسم جروب على الفيس بوك بيبعتلى موضوعات حلوة جدا فعجبتنى موضوعاته واسمه حسيت انه رقيق اوى وكمان فى احترام لذاتى وكمان قمة العشق فى صمت الحب


\عرفي نفسك في اقل من 5 كلمات ؟

انسانة متفائلة بسعى للاحسن دايما وبتمنى ان ربنا يكون راضى عنى دايما ........اكتر من 5 كلمات بكتير ههههههههه


\ ماهو هدفك ؟


هدفى ان انجح فى حياتى حتى لو ربنا اراد ومدخلتش الكلية اللى بتمناها لازم اتفوق فى اى مجال مهما كان

\--ماهي رؤيتك للحياة ؟

رؤيتى للحياة ان هى احسن معلم للانسان وكمان لازم نعمل فيها بجد عشان نوصل لهدفنا

\ما تعريف الاهانة في قاموسك ومتي تعتبر نفسك مهانه؟ وما هو ردك علي تلك الاهانة . مع ذكر موقف


الاهانة بالنسبالى ان حد يغلط فيه باى شكل من الاشكال او يغلط بردة فى حد عزيز عليا تبقى اهانة ليا...لا بصراحة مقدرش افتكر حاجه معينة


\دوما هنالك كلمات نرددها وتصبح مقولتنا المشهورة في حياتنا ..فماهي مقولتك التي ترددينها..؟؟

لا فى حاجات كتير بس كل حاجه على حسب موقفها


\ما اكتر شئ يضايقك واكتر شئ يفرحك ؟

الاحباط والظلم والكدب والتكبر........اكتر شىء يفرحنى ان احس ان انا عملت حاجه كويسة سواء حاجه ترضى ربنا او ان مثلا احل حاجه متميزة شويه واحلها صح احس ان انا انجزت

\بين قمة الفرح وقاع الحزن لحظة تردد .. متى ترددت silent love في حياتها ؟

اترددت فى حاجات كتير... فعلا بتنقلك لحظة تردد من حاجه فعلا هى الصح للحاجه الغلط ابسط مثال فى الدراسة اما اتردد فى اجابة حاجه دايما بغلط بسبب كده وطبعا التردد فى حياتى كتير...


\ابتسامة طفل لم يكمل عامه الأول ماذا تعني لك ِ ؟

هههههههه بحس ان انا مبسوطة جدا لان بيبقى فيها براءة فظيعة .

\ تعددت طرق ووسائل الحوار فهل تعتقد ان النت هو الوسيلة الأفضل للحوار؟؟

اكيد لا مفيش احسن من الحوار المباشر وجها لوجه بس بردة النت لا بئس به يعنى ممكن بينفع

\ قولينا و بكل صراحة عن صفة تحبيها بشخصيتك وليه و صفة تكرهيها بشخصيتك ونفسك تغيريها وليه ..؟

انا جاوبت على السؤال ده مع احمد ان اكتر صفة بحبها التفاؤل لان بسببها بتحبب ناس كتير فيه وكمان بتدينى امل واصرار ومش ليا بس للحواليه كمان....واكتر حاجه العصبية والعند لانى عنيدة جدااااااا وبنفذ اللى فى دماغى حتى لو كنت اقتنعت انه غلط لازم بعند لمجرد العند عشان اللى قدامى ميحسش انه انتصر عليا على الرغم انها مش معركة يعنى بس انا بحسها كده ودى حاجه وحشة جدااااااااا وبتوقعنى فى مشاكل

\هل سبق وان بكيت وضحكت في نفس الوقت ؟

اه بتحصلى كتير جداااااااا وبيبقى احساس صعب اوى

3\* ايه أول حاجه تخطر في بالك لما تشوف الكلمات دي...
البحر

الهدوء والرومانسية

الفقر...

حال ناس كتير فى مصر

الصداقة

اكيد اعز اصحابى اول حاجه بتخطر على بالى

الأخ....

ربنا يكرمه ويخليه ده اللى بيحسسنى ان انا معايا حد فى الدنيا دى

الأب

الامان

الغضب


بفتكر على طول العصبية اللى ساعات ببقى فيها

\ماذا تعني لك هذه المشاهد ؟


الغروب ..


قمة الرومانسية والجمال وبحب المنظر ده جدا

طيور محلقة ..

امنية نفسى احققها انى اطير كده عشان احس بالحرية

صراخ ..

بحس بالالم وساعات بحس بالقهر انى نفسى اصرخ بصوت عااااااااالى بس مش بقدر

دمعة ..

الحزن والرقة والراحة

عناق أيادي .

اتحاد وقوة

بكاء طفل ..

قمة الغضب

فقير يتسول ...


بحس بالواقع اللى فيه بلدنا ونفسى يتغير......

هل تعبتي من الاسئلة؟
اكمل يعني؟
اوكِ

هههههههه اعتبار ما سيكون متاكد ان هقول متعبتش......... اوك يلا نكمل


\ايه مفهوم الحرية عندك؟؟


ان ابقى قادرة انى اتعلم كويس فى بلدى واقول راى فى اى حاجه بحرية تامة وفى ديمقراطية واى انجاز اعمله ابقى حرة فانه يبقى لبلدى اشوف علماء بلدى هنا بيدرسوا لطلبة مصر واشوف مستوى المصريين كله واحد سواء مادى او اجتماعى مشوفش ان عشان واحد ابن دكتور يتعين لكن ابن العامل او الموظف لا


\هل ندمت في حياتك على شي معيّــن ؟؟؟

اه ندمت على ثقتى فى ناس مكنوش يستحقوا كده

\لو خيروكي بين أمرين فماذا تختاري و لماذا ؟

الأمر الأول : إنقاذ شخص بريء من حكم الإعدام ..

الأمر الثاني : تقديم مجرم هارب من العدالة ..
مـــــــاذا تـــــــخــــــتـــــــــاري ؟
و لــــــمـــــاذا ؟

يااااااااااه صعب اوى بس متهيالى ممكن اختار الامر التانى لان المجرم لو ظل حر طليق ممكن يتسبب ان يتقتل ارواح بريئة كتير فابقى انقذت روح بريئة وفى نفس الوقت ارواح تانية كتير بتموت دهلو كنت اخترت المر الاول فاعتقد التانى افضل

\إذا كانت الدموع سلاح المرأة فمآ هو برأيكـ سلاح الرجل ؟ ولماذا ؟

اذا كان سلاح المراة الدموع لانها بتلين قلب الرجل بيه وبتنول تعاطفه وممكن حبه يبقى سلاح الرجل انه يلين قلب المراة وينول حبها هى الكلمة الحلوة تكسب المراة بيها بسهولة وكمان انك تحسسها انك رجل بمعنى الكلمة فى كل تصرفه بتعمله

\متى تشعري؟
بالضعف

لما حد ينتصر عليا فى اى حاجه ويحسسنى انى عاجزة احقق الانتصار

الوحده .....

اما افكر جامد فى الدنيا اللى احنا عايشينها واقعد احاسب نفسى

الخوف....

نفس الشىء زى الوحدة .......وكمان اما افكر انى ممكن حد عزيز عليا يموت واحس بالفراق

الشجاعه.......

اما اواجهه حد فى موضوع نكون مختلفين فيه وابقى خايفة فى الاول انى اتناقش فيه وبعدين اشجع نفسى على المناقشة

الغضب....

لا ده لاسباب كتير على حسب الموقف ممكن بحس بالغضب اما حد يزعقلى او يعلى صوته عليا

يدك وجعتك ولا لسه؟؟
أوك

هههههههه يعنى

\هل تمنيتي يوما أن تدور عقارب الساعة عكس اتجاهها و ترجعي إلى الماضي لتصححي خطأ وقعتي فيه سابقا .... أو ان تعودي للماضي لتغيّري عملا ندمتي على فعله أشد الندم ؟ ؟

اكيد ده بيحصل كتير اما احس ان انا اتسرعت فى حاجه فى قرار خدته او تصرف اتسرعت فيه او كلمة طلعت منى قبل تفكير كويس فيها

\مبدأ الثواب و العقاب ...... ايه نظرتك ليه ؟

اكيد لازم يكون فى ثواب لليجتهد ويعمل الصح ويكون فى عقاب للمقصر لكن مش بحب تطبيق مبدا الحسنة تخص والسيئة تعم فى الثواب والعقاب وحد يتعاقب على شىء ملوش ذنب فيه

2\ما هو شعورك عندما تسمع العبارات الآتيه

وما رأيك وانطباعك عمن يقولها

- وانا مالى

هههههههه لا دى على حسب الموقف يعنى ممكن احيانا تحسسنى بالسلبية وممكن تكون فى موقف عادى

- انا عبد المأمور...

لا طبعا بحس انى مضايقة جداااااااااااا احنا كلنا عباد لربنا بسسسسسسسسسسسس

- عيش ندل تموت مستور....

ههههههه ده يبقى واحد ملوش لزمه عايش دنيته ياكل ويشرب لغاية اما يجى امر ربنا

الجري نص الجدعنة ....

انا ساعات بقول العبارة دى ههههههههههه اما الواحد يبقى ماشى مع حد وخايفيين من حاجه بنهزر ونقول كده ديلى فى سنانى وهطير اصل الجرى نص الجدعنة فعلا هستفيد ايه اما اقف اجرى احسن ههههههههبس طبعا اكيد مش فى كل الاحوال

بما انك عاوزه تدخلي هندسه قولت احببك فيها شويه

حركة الطائرة تؤدي إلى تكون منطقة فوق الجناحين يكون فيها الضغط أقل مما هو تحت الجناحين فتنشأ قوة دفع لأعلى

تتزن مع وزن الطائره وتسمى بظاهرة بر نوليBernoulli, s Effect

* ما علاقة قاعدة أرشميدس بالقانون الثالث لنيوتن؟؟ (سؤاااال مستفز)


ههههههههههههههههههه ايه الهيروغليفى ده بس بردة من غير ما افهم جمييييييييييييييييل جدا انا بموووت فى الفيزياء تحس فيها ان دماغك شغالة تمام


اخيرا في رايك يهمنا .............

عضو مميز........

علاء نجم

_عضوه مميزه.....

حبيبة الله

كاتب مميز......

DragonWarrior

_صاحب ردود مميزه....

Dr/someone

_مثقف المنتدى.....

احمد وائل

_عمدة المنتدى......

فوكس

عضو كسبه المنتدى؟....

بيوتى

عضو فقده المنتدى؟.......

kota

عضو تحت المجهر وسيكون له شان لو استمر.....

dode

_يستحق لقب صحفي المنتدى........


الدكتورة

اختاري عضو يستحق كارت اصفر....

لا لسه الحكم مصفرش....ههههههههه

اسف على ان الاسئله كتيييييير بس انتي ان شاء الله تجوبي عليه.......

لا عادى ولا يهمك لانها اسئلة حلوة والحمد لله جاوبتها ......

شكرا لاجاباتك الصريحة اللي اللي ميكزتها انك جايبة المختصر المفيد

ومعلش كنت ضيف تقيل اوي عليكي في الكرسي........

ربنا يخليك الحمد لله لازم الانسان يبقى صريح مع نفسه ومع الناس........لاو الله مكنتش تقيل ولا حاجه بالعكس اسئلتك جميلة جدا ومميزة.......