الفرق بين مهند والشاب المصرى

الفرق بين مهند والشاب المصري؟

في الحقيقه والواقع .. المقارنه اكيد تقيلة على قلب الشباب .. لكن دة شئ ( لابد ) ان يكون .. عشان شبابنا المحترمين .. دايما كانو يقارنون بنات مصر بـ هيفا ونانسي و رولا وغولا وغوريلا .. لكن جه الوقت اللي لازم يشوفون الحقيقه بعنيهم الارباعةههههههههههه

مهند -

يرجع من شغلة في الشركة .. يروح لـ نور .. يبوس راسها .. وبحنان يحضنها .. الللله يا حلاوتهم عصافير الجنة .. يقولها :

( وحشتيني .. مش بـقدر اتحمل بُعدك عني ! مش يكفــي 8 ساعات فى الشركة مش بشوووفـك ..! )

-الشباب المصرى

يرجع الشاب من الشغل . يروح لـ مراتة .. وشة مكشر .. يدخل على مراتة لا سلام ولا كلام .. يخلع هدومه ويحدفهم على السرير او على الشماعة .. ويزيد على برودة المكيف ويقول لمراتة:

( بسرعه حطي الغدا انا ميت من الجوووع .. المدير دبحني بالشغل ربنا ياخذه ! بسررررررررعه حطي الغدا انتى مش شايفانى تعبان عايز اكل وانام ؟؟ )

- مهند -

نور حامل .. يا سلام على الدلع ! خايف عليها من نسمة الهوا .. ويقولها :

( كلّي حبيبتي عشانك وعشان ابننا ! وخدى بالك من صحتك .. ومش تزعلي ابـــداً عشان البيبي مش يزعل )

- الشباب المصرى-

مرات الشاب من دول حامل ! ومسكينه متنسيه بـ تفاح اخضر .. عاد يقولها :

( اووووووووفففف !! شوفتى اتنيلت دورتلك !! كلى تفاح احمر وانتي ساكته .. مش لازم اخضر ! اهو كله تفاح .. مش تفلسفى علية بقا )

- مهند -

مهند رايح مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو موت؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مكسوفة ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !
طبعا باللغة بتاعتهم

الشباب المصرى

رايح مع مراتة السوق .. مش دار بينهم حوار .. لية ؟!
لان هو يمشي قدام .. وهي وراه ..

وكل اللي قاله ( بسرعه خلصي .. عايز الحق الماتش بسرعة ) !

- مهند -

قام من النوم نص الليل .. مش شاف نور نايمة جمبة .. اتجنن و خاف .. راح يدورها عليها.. لقاها رايحه تشرب مية فى المطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )
بردة باللغة بتاعتهم

-الشباب المصرى -

قام من النوم نص الليل .. مش شاف زوجته نايمة .. .. قام يصارخ :

( .. انت فين؟؟!! خليتي باب الاوضة مفتوح نص سنتيمتر .. وهوا المكيف كله طلع برا وبقت الدنيا حرررر .. مش بتحسي .. دمك بارد .. الله ياخذ اليوم اللي فكرت اخذك من اهلك فيه )

- مهند -

قاعد يقرا كتاب .. وفجاه جيت نور .. لابسه فستان جديد .. ودار الحوار دة..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..

- الشباب المصرى-

قاعد بيتفرج على مباراه ريال مدريد وبرشلونه .. اصل شبابنا مش غاوى كتب وثقافه !
و مراتة مستانيه بالفستان الجديد .. عايزاة يشوفها .. مشيت قدامه عشان يشوفها .. ودار الحوار دة :

الشاب المصرى : قوووووووووووومي قامت ......؟ ! مش شايفاني بتفرج على المباراه ؟!
الزوجه : حبيبي مش شايف.. كنت عايزاك تشوف فستاني الجديد .. الاحنا شرينوا مع بعض؟!
الشاب المصرى : وعايزة تعطلينى علي المباراه .. مش شفتى حركة رونالدينهو !
الزوجه : عايزاك تشوف الفستان؟!
الشاب المصرى : اية الموضة المقرفة دى اللي طالعين فيها دى ؟! هذا فستان بزمتك ؟! لو لابسه خيشة كانت هتبقا احلى .. البسى خيشة مش تفرق !!

.
.
.
.
.
.

.
.

طبعا الفروق لو قعدت من الصبح اقول فيها .. مش هتخلص ..
لان 180 درجه فرق .. بين الشباب
وبين مهند بجد دى حقيقة الدنيا

يلا ماهيا كملت بقى مهند والمصريين

ههههههههههههههههههههههههههههههههههههههههه

ايه ده يابنتى
ده لو شباب مصر شافوها هيموتوكى

بس يابنتى ده فى فروق بينهم عدد لانهائى
كفايه تبصى فى وش مهند ولا فى وش الشاب المصرى

اللى بيقعد يعمل فى نفسه حاجات كتيييييييييييييييييير وبرضه مش بيقصر
ههههههههههههههههههههههههههه

بس برضه ولاد بلدى هههههههههههه

مهند دا منظر وبس يعني للتصوير فقط انما اخلاقه الحقيقية شخصيته محدش يعرفها أما الشباب المصري أرجل ناس وقت الشدة

ويكفيني فخرا اني شاب مصري

هههههههههههههههههه

بس برضه يااحمد مهند مش وحش

واحنا ماقلناش ان الشاب المصرى وحش بس طريقه معاملته مش كويسه

ههههههههههههههههههه فعلا بتحصل[center]

مش مسالة اخلاق يا احمد دى مسال منظر بردة دا واحد عامل زى تامر حسنى فرحان بشعرة وخلاص
دا لسة مطلعش من البيضة دا لو واحد مصرى مسكة هيبهدلة الاصلى اصلى يا حج
والحلو الامور اللى داخل يحلو ويقول بيحصل دة
انتا نايم ولا اية يا بابا شكلك كدة مش مصرى او مش ولد اصلا

اولا لو سمحت ماتغلطش فيه

ثانيا هو بيقول ان فعلا بتحصل ان طريقه معامله الشاب المصرى اوقات بتكون مش كويسه

ثالثا انت من جواك نفسك كنت تكون زى مهند ده او تامر حسنى

وياريت ماتغلطش يعد كده فى حد

لا طبعاً المصريين مش كده

انا بتكلم عن المصريين باعتبارى واحد منهم

من نظرى المصريين احسن ناس

تسلم ايدك

منحرف بس محترف كتب:: والحلو الامور اللى داخل يحلو ويقول بيحصل دة
انتا نايم ولا اية يا بابا شكلك كدة مش مصرى او مش ولد اصلا

انا ما قولتش كده وبعدين انا قولت بتحصل يعنى مش قصدى كل الشباب
وياريت بلاش غلط

ازلا انا عمرى ما ارضى انى اكون زى مهند او تامر حسنى دة اصلا
دا اخرهم يطلعوا فى التلفزيون ويورونا شعر صدرهم
محسسنى انهم الوحيدين اللى عندهم كدة
ثانيا انا عمرى ما غلطت ولا هغلط فيك لانك معملتليش حاجة بس دا كان كلام عادى ومكنتش فاهم اللى انتا كنت كاتبة

» مهند يشعل نار الغضب من جديد بين رولا سعد وهيفاء وهبي
» كيف تعرف المصرى
» قاموس مصطلحات الروشنه المصرى.......
» ايوه كدا يا ودييييييييييييع يا فرحتك فى المنتخب المصرى
» قائمه المنتخب المصرى فى منفاسته امام البرازيل