الحقوووو أحمد وائل على كرسي الإعتراااف

احمد وائل دخل كرسي الإعتراف
انا عاوز كلو يسأل
انفخووووووووووووووه
محدش يرحمه

حبيبى اديك وقعت
اولا
البطاقه الشخصيه الاسم والسن والمهنه وبعض المعلومات عنك
أكتر شخص قريب اليك

-هل تملك دمعتك؟ ام هي تملكك ؟؟

-ثلاث وردات لمن تهديها ؟؟

* عضو تلقبه بستار شباب المنتدى !!!

* عضو تقول له (ياغايب ليه ماتسأل) !!!

* عضو تشعر ان لديه الكثير ولكن لم يقدم كل مالديه !!!

* عضو متواجد دائما !!!

* عضو تقول له (والله العظيم اشتقنالك) !!!

* عضو ارتحت له من اول ماشفت اسمه بالمنتدى !!!

* عضو كلامه دائما في الصميم !!!

* عضو اول ماشفته ماكنت تطيقه ويوم عرفته حبيته !!!

* عضو طيب وعلى نياته !!!

* عضو شخصيته قويه !!!

* عضو شعبيته كبيره ومحبوب عند غالب الاعضاء !!!

* عضو تعتبره قدوه للجميع !!!

* عضو دائما شعاره ( خالف تعرف ) !!!

* عضو تحس انه برييييء براءه الاطفال !!!

* عضو روومنسي !!!

* عضو مثقف !!!

* عضو مرح !!!

* عضو شاعر !!!

* عضو ذووووق !!!

* عضو دمه ثقييييييييييييييل !!!

* عضو فيلسوف !!!

* عضو تتوقع منه مغادرة الموقع !!!
البقيه تأتى

حبيبى يا احمد يا وائل طبعا انت عارف معزتك عندى

علشان كده خد اسئلتى الهايفه دى

1_ ايه هدفك فى الحياه؟

2_ ناوى على ايه بعد الثانويه ان شاء الله؟

3_هل انتا ناوى تسافر بعد الجامعه ان شاء الله ولا لا؟

4_مين هو مثلك الاعلىوالى نفسك تبقى زيه؟

5_ ايه رئيك فى شخصيتك؟

6_مين هو ارخم واحد قايلته فى حياتك؟

7_مين اقرب واحد ليك؟

8_ايه هى المواصفات الى عاوزها تكون فى شريكتك حياتك؟

9_ايه هو رئيك فى شباب اليومين دول؟

سؤال خيف بقى

10_ ايه هى وجبتك المفضله؟

يلا يا عم احمد دى اول دفعه

عديت مرحلة المراهقة ولا لسه ؟ ولو عديتها عرفت ازاي ان انت عديتها ؟ طريقة تفكيرك اتغيرت يعني ولا لا؟

ايه رايك في شكلك وفي ستايلك (قول ماتتكسفش) ؟

معنى الحب ايه ؟ وايه الفرق بينه وبين الاعجاب؟

ايه اللي انت اتعلمته في حياتك لحد دلوقتي بخبرة سنك؟

ايه رايك في الصاحب في الزمن دا؟

لسه في حب حقيقي ولا خلص خلاص؟

فى مره وقعت فى مشكله او ضيق وكنت محتاج لحد يمسح حزنك وملقتش حد جمبك؟

امتى حسيت انك محتاج للحب بجد؟

هل تكره شخص بشدة فى حياتك عامه وفى المنتدى خاصة ؟؟؟

ايه نقطه ضعفك؟

ايه نقطة قوتك؟

من الشخص اللى يعرف كل اسرارك؟ومين اللى يضحكك لو كنت زعلان؟

ما ذا تفعل لو دخلت مطعم وطلبت أكل ومكنش معاك فلوس

ايه هو حلم عمرك؟

ومتى او ل مره قلبك دق فيها ومش عايزه اسمع ماحصلش ؟

وايه اللى بيشدك للبنت ؟

اكبر جرح فى حياتك من --------؟

واكبر كدبه كانت ايه؟

موقف محرج حصلك في حياتك؟

- كام مرة أعجبت ببنت ؟

2- ماذا تفعل عندما تري بني ادم جتة لو مسكك هيفعصك وبيعاكس أختك ؟

3- أكتر فترة تنيتك معجب ببنت كانت قد إيه ؟

4- إيه الفرق في نظرك بين ( الولد المعجب ببنت - الولد اللي بيحب بنت - الولد اللي بيفكر كتير في بنت )
واشرحلي بالتفصيل ازاي وامتي اتحطيت في كل المواقف دي ؟

ايه أكتر حاجة بتضايقك في أهلك ؟

ايه أكتر حاجة بتضايقك من أصحابك ؟

ايه التصرف اللي ممكن يخليك تقطع علاقتك بحد من أصحابك ؟

ايه أكتر حاجة أحزنتك في حياتك كلها ؟

امتي أول مرة قلبك دق فيها ؟ ( متقليش محصلش )

ايه دا يا جدعان

ايه اللي انتوا عملينه ده

ماشي يا زكريا لما اشوفك

جاوب ياحبى انت لسه شوفت حاجه

حبيبى اديك وقعت
يا سيدي ما يقع الا الشاطر

اولا
البطاقه الشخصيه الاسم والسن والمهنه وبعض المعلومات عنك
اسمي أحمد وائل وعندي 17 سنة والمهنة طالب .

أكتر شخص قريب اليك
هو في الحقيقة مش شخص واحد هما كذا شخص .

-هل تملك دمعتك؟ ام هي تملكك ؟؟
لا أنا أملكها .

-ثلاث وردات لمن تهديها ؟؟
ليك ولمصطفي الشرقاوي ول mostafa elsharkawy

* عضو تلقبه بستار شباب المنتدى !!!
مش فاهم ايه بستار دي

* عضو تقول له (ياغايب ليه ماتسأل) !!!
خضير

* عضو تشعر ان لديه الكثير ولكن لم يقدم كل مالديه !!!
mostafa elsharkawy

* عضو متواجد دائما !!!
حباظة

* عضو تقول له (والله العظيم اشتقنالك) !!!
m.atef

* عضو ارتحت له من اول ماشفت اسمه بالمنتدى !!!
كتييييييييييير

* عضو كلامه دائما في الصميم !!!
prince of tears

* عضو اول ماشفته ماكنت تطيقه ويوم عرفته حبيته !!!
مفيش

* عضو طيب وعلى نياته !!!
كفائة

* عضو شعبيته كبيره ومحبوب عند غالب الاعضاء !!!
3laa nigm

* عضو تعتبره قدوه للجميع !!!
terminator

* عضو دائما شعاره ( خالف تعرف ) !!!
كفائة

* عضو تحس انه برييييء براءه الاطفال !!!
عاشق الوهم

* عضو روومنسي !!!
silent love

* عضو مثقف !!!
terminator

* عضو مرح !!!
الواد الطايش

* عضو شاعر !!!
3laa nigm

* عضو ذووووق !!!
عاشق الوهم

* عضو دمه ثقييييييييييييييل !!!
مفيش كله زي العسل

* عضو فيلسوف !!!
حباظة

* عضو تتوقع منه مغادرة الموقع !!!
مفيش

البقيه تأتى

حبيبى يا احمد يا وائل طبعا انت عارف معزتك عندى
هو انت هتقلي ما هي المعزة واضحة خالص

علشان كده خد اسئلتى الهايفه دى
يا باشا انت مبيجيش منك حاجة هيفا

1_ ايه هدفك فى الحياه؟
ان الواحد يبقي نافع لمجتمعه ودينه ومحبوب في البيئة المحيطة بيه وان الواحد ميبقاش شغله مجرد روتين عادي بل اتمني ان الواحد علطول يبتكر ويوصل لجديد ميبقاش مجرد شغل وخلاص .
2_ ناوى على ايه بعد الثانويه ان شاء الله؟
ناوي علي كلية هندسة ان شاء الله .

3_هل انتا ناوى تسافر بعد الجامعه ان شاء الله ولا لا؟
سيبها علي الله محدش عارف ايه اللي هيحصل بكرة .

4_مين هو مثلك الاعلىوالى نفسك تبقى زيه؟
طبعا الرسول عليه الصلاة والسلام ثم الصحابة المثل الأعلي لكل المسلمين .
تيجي بعد كدا عندي في الحياة العملية جدي وفي الحوار والاقناع االدكتور محمد العريفي وفي العزيمة والتصميم هتلر وفي التفكير والتعامل مع المواقف الصعبة أرنست بولارد.

5_ ايه رئيك فى شخصيتك؟
مينفعش أتكلم في دا تقدر تقول من أعجب بنفسه أصيب في عقله .

6_مين هو ارخم واحد قايلته فى حياتك؟
في سنة أول ثانوي كنت امين اتحاد طلاب المحافظة فكنا بنستقبل الوفد بتاع محافظة المنوفية بصراحة أنا عمري مشفت بني ادمين بالمنظر ده وخاصة الأمين بتاعهم .

7_مين اقرب واحد ليك؟
في كتير .

8_ايه هى المواصفات الى عاوزها تكون فى شريكتك حياتك؟
بدري اوي عالموضوع ده يا محمد بس أعتقد طبعا علي خلق ودين وأكيدلازم الشخصية برضه .

9_ايه هو رئيك فى شباب اليومين دول؟
والله في الكويس وفي الوحش بس اليومين دول الوحش طغي وكتر اوي وبقي فيهم بصراحة عالم استغفر الله العظيم يا رب .
يعني تقدر تقول الشباب ميت .

سؤال خيف بقى

10_ ايه هى وجبتك المفضله؟
الفطير البلدي

يلا يا عم احمد دى اول دفعه
ماشي يا باشا براحتك

عديت مرحلة المراهقة ولا لسه ؟ ولو عديتها عرفت ازاي ان انت عديتها ؟ طريقة تفكيرك اتغيرت يعني ولا لا؟
والله بالنسبة للمرحلة اعتقد ان لازم تتخطي مرحلة عمرية معينة عشان تبقي عديتها رسمي بس بصراحة أنا مش فارقة معايا عديتها ولا لأ لان الأهم عندي هو تصرفاتي وطريقة تفكيري مش المرحلة وبالنسبة لطريقة التفكير فأكيد الواحد كل أم بيعدي عليه يوم بيكتسب خبرة جديدة وطريقة تفكيره بتتطور سنة عن سنة .

ايه رايك في شكلك وفي ستايلك (قول ماتتكسفش) ؟
عادي يعني الل أعرفه ان في مثل بيقول كل اللي يعجبك والبس اللي يعجب الناس بس انا باكل اللي يعجبني وألبس اللي يعجبني .

معنى الحب ايه ؟ وايه الفرق بينه وبين الاعجاب؟
الحب ليه أنواع كتيرة وتعريفات كتيرة بس اللي فدماغك دا هيبقي كدا
الحب هو غريزة فطرية تتبلور في الارتياح لشخص والاعجاب به وينتج عنه عدة أفعال منها أنت يستحوذ الشخص الذي تحبه علي تفكيرك وأن تحاول استرضاءه وتشاركته شعوره وفي نظري اللي بيحب واحدة معناه أنه بيتمني أنها تكون شريكة حياته ولو غير كدا يبقي مبيحبش. ( يعني لو قعدنا نتكلم في الموضوع ده للصبح مش هنخلص )
الفرق يا سيدي ان الحب هو اعجاب دائم بالنسبة للحب اتكلمت فيه كتير اما الاعجاب فدا امر طبيعي جدا بيحصل لاي حد بس ليه طريقين يا اما يتلاشي ويزول يا اما يتطور الي حب يعني الخلاصة كل حب اعجاب وليس كل اعجاب حب .
ايه اللي انت اتعلمته في حياتك لحد دلوقتي بخبرة سنك؟
هو طبعا أكيد اتعلمت حاجات كتير بس أكيد اللي اتعلمته بالنسبة للي متعلمتوش ولا حاجة بس أكتر حاجة الواحد اتعلم فيها هي طباع الناس والتعامل معهم وغير كدة طريقة التفكير واهميته في تشكيل شخصية الفرد وغيره كتير .

ايه رايك في الصاحب في الزمن دا؟
الصاحب في أي زمن هو الدعم الذي لا يستغني عنه أي انسان وومفيش انسان يقدر يعيش من غير صحابة اذا كان الرسول عليه الصلاة والسلام قدوة المسلمين كلهم كان ليه أصحاب وكان بيحبهم ةبيساعدهم ويساعدوه.
في الزمن دا المبدأ زي ماهوا بس أهم حاجة الحذر ثم الحذر عند اللاختيار لان ممكن تختار واحد يخليك تقول ان الصداقة دي منحة الهية ربنا أنعم بيها عليك وممكن تختار واحد يخليك تقول ان الصداقة دي نقمة الهية وان الصداقة هيا غضب ربنا عليك .
وخلي بالك مهما احسنت الاختيار لازم هتقابل اصدقاء وحشين وهيعملوا معاك مواقف وحشة جدا في ناس بعد المواقف دي تقلك لأ خلاص معدش في صاحب يتصاحب وفي ناس تعدي الموضوع ولا كأن حصل حاجة بس يتجنبوا الشخص اللي عمل معاهم كدا هوا وكل اللي من عينته. هو بصراحة في الزمن دا لازم تتطبق المثل دا مع ناس كتير ( اعرف صاحبك وعلم عليه ) بس أكيد يبقي لكل انسان أصدقاء صفوة مخلصين دول حاجة تانية خالص .
يعني الخلاصة تعددت العصور وتوالت الأجيال واختلف الأشخاص والصداقة هي الصداقة كما كانت في الماضي هي كائنة في الحاضر وستكون في المستقبل .

لسه في حب حقيقي ولا خلص خلاص؟
أكيد طبعا لسة في لأن لو مفيش حب حقيقي يبقي خلاص علي الدنيا السلام ( أنا بتكلم عن الحب بصفة عامة مش شرط ولد وبنت )

فى مره وقعت فى مشكله او ضيق وكنت محتاج لحد يمسح حزنك وملقتش حد جمبك؟
لا الحمد لله أنا ليا أصحاب جدعان أوي ألاقيهم وقت الجد أكتر ما بلاقيهم وقت الهزار .

امتى حسيت انك محتاج للحب بجد؟
مفيش بني ادم عايش من غير حب بس لو انت قصدك حب لبنت وكدا فهحتاجله بجد ازاي يعني . مش لاقيلك اجابة بصراحة .

هل تكره شخص بشدة فى حياتك عامه وفى المنتدى خاصة ؟؟؟
لا لا أن الحمد لله مبكرهش حد مهما عمل فيا ومهما كان شعوره تجاهي وتقدر تقول لو واحد عمل فيا البدع وجه يكلمني مش هصده وهكلمه عادي هوا بصراحة عيب فيا اني مبقدرش أخاصم حد .

ايه نقطه ضعفك؟
اني مبقدرش اخاصم حد.

ايه نقطة قوتك؟
التحليل المنطقي يعني تقدر تقول قبل أما أنام بقعد مع نفسي كدا أفكر في كل المواقف اللي مرت عليا في اليوم وأربط الأفكار ببعضها فدا بيساعدني جامد أني أول لحاجات كتير بطريق غير مباشر .

من الشخص اللى يعرف كل اسرارك؟ومين اللى يضحكك لو كنت زعلان؟
بلاش السؤال ده لان مفيش حد أصلا يعرف كل أسراري لأني عن نفسي في حاجات كتير بفضل أحتفظ بيها لنفسي .
اللي يضحكني لو كنت زعلان حباظة وخضير وأبو حسام .

ما ذا تفعل لو دخلت مطعم وطلبت أكل ومكنش معاك فلوس
هتصل بحد أعرفه يكون قريب من المكان ده وأقله عالموقف وهو ييجي يحاسب وأبقي أحاسبه بعدين .

ايه هو حلم عمرك؟
حلم عمري اني أوصل لاكتشاف او اختراع حاجة جديدة في شغلي يعني ابقي شغال ببتكر مش شغال روتين وكدا .

ومتى او ل مره قلبك دق فيها ومش عايزه اسمع ماحصلش ؟
ابقي كداب لو قلتلك محصلش طبعا اول مرة قلبي دق 5 / 12 / 1993

وايه اللى بيشدك للبنت ؟
شخصيتها .

اكبر جرح فى حياتك من --------؟
كذا واحد كنت فاكرهم اصحاب وكدا وكل واحد يفوقك بحتة صدمة الله يسهلهم ويسامحهم.

واكبر كدبه كانت ايه؟
برضه نفس اجابة السؤال اللي فات .

موقف محرج حصلك في حياتك؟
كنا بنلعب كورة في يوم فالمهم خلصنا لعب وواقفين عند طرمبة بنغسل وكدا فبقول لواحد زميلنا قولي يا مصطفي مين الواد البضين اللي كان لابس فانلة هولندا دا الواد عامل نفسه حريف وهوا مبيفهمش حاجة ومالوش في البطيخ
لقيته بيقلي دا أخويا الكبير . مش هقلك اتحرجت قد ايه ساعتها .

- كام مرة أعجبت ببنت ؟
3 مرات .

2- ماذا تفعل عندما تري بني ادم جتة لو مسكك هيفعصك وبيعاكس أختك ؟
مفيهاش كلام مش مشكلة هضرب واتضرب متفرقش معايا بس أكيد مش هسكت وفي الأول وفي الاخر دا بني ادم واي بني ادم ليه نقطة ضعف وانت فاهم الباقي .

3- أكتر فترة تنيتك معجب ببنت كانت قد إيه ؟
هههههههههه يا عم هوا الواحد فاكر السنة فيها كام شهر أصلا .

4- إيه الفرق في نظرك بين ( الولد المعجب ببنت - الولد اللي بيحب بنت - الولد اللي بيفكر كتير في بنت )
واشرحلي بالتفصيل ازاي وامتي اتحطيت في كل المواقف دي ؟
يا راجل حرام عليك الموضوع ده اتكلمنا فيه كتيييييير في اول أسئلتك بالنسبة للحب والاعجاب وهقلك تاني باختصار .
اللي بيحب من الاخر بيبقي عايوزها تبقي شريكة حياته في المستقبل .والموقف اني كنت معجب ببنت وحبتها .
اللي معجب دا شعور فطري يا اما يتطور ويحبها يا اما بيزول .والموقف اني اتعاملت مع واحدة وعجبتني شخصيتها .
اللي بيفكر دا حاجة من الاتنين يا اما بيحب يا اما معجب . والموقف أني كنت في يوم قاعد وفكرت في واحدة.
بالنسبة للزمن مش فاكر بصراحة .

ايه أكتر حاجة بتضايقك في أهلك ؟
مفيش حاجة بل بالعكس أنا أتمني أني أبقي ربعهم حتي .
يعني حتي لو حصلت مواقف مؤقتة زعلت فيها أو حاجة بكتشف في الاخر ان فعلا هما الصح .

ايه أكتر حاجة بتضايقك من أصحابك ؟
لما يبدئوا يتخانقوا مع بعض ويعضوا في بعض وكل واحد يتكلم عن التاني وحش من وراه وبرضه ساعات بياخدوا الغلط باستهتار وعادي .

ايه التصرف اللي ممكن يخليك تقطع علاقتك بحد من أصحابك ؟
شغل من تحت لتحت يعني قدامك صاحبك وحبيبك ومن وراك يسب ويلعن لأنه مبيطيقش يشوفك اصلا.

ايه أكتر حاجة أحزنتك في حياتك كلها ؟
وفاة واحد قريبي كنت بعزه جدا جدا جدا وبجد كنت بموت فيه مات وانا عندي 6 سنين أو 7 اللي هوا أبو جدتي .

عارف يا جدع لو دخلت الموضوع ده تاني يا راجل حرام عليك بس مين ليك يوم .

انا سالت سؤال دلوقتي

انت عديت مرحلة المراهقة ولا لسه

وحبيت امتى يوم كام يعني

وبتغسل سنانك قبل ماتنام Very Happy

؟؟؟؟؟؟؟؟

ازيك يا احمد يا وائل جوهرة المنتدى
مش هتكلم عن صفاتك الى الكل عارفها و حاببها

نبدا باول اسئلة او اول نوع و هيا الدينية و العالمية

in the name of Allah the most merciful he always merciful

نبدا

الدين يمثلك اية؟

اية مفهومك للفرق الاسلامية؟

اية علاقيتك بالاديان الاخرى؟

هل ترى التاريخ الاسلامى جدير ام انة تم توبيخة؟

هل ترى بوجود بحرب بين الاديان ام ان ما نراة على التلفاز من عناق حقيقى هو فعلا حقيقى؟

كيف تخدم دينك ؟

و ما مفهوم الجهاد عندك؟

ما رايك فى تنظيم القاعدة هل هم ارهاب او هم مجرد مسلمون يسيئون فهم الاسلام؟

هل حادث 11 سبتمبر اسلامى ام للاسلام؟

هل الشيخ العولقى مثال للمسلمين ام لا بكل وضوع؟

من هو شيخك المفضل ام نك تب ان تسمع الكل و تحكم بنفسك؟

هل تؤيد فكرة ان كل مسلم فقية حياتة ام تفضل ان تنفذ ما قالة من افقة منك؟

كيف ترى جماعة السلفية و الصوفية و الباهائية و الشيعة؟

المرة الجاية ندخل على الحب خد بالك بئى
هههههههههههههههههههههه
حبيبى يا احمد

بصراحة اجابات جامده
بس انا مردتش اسأل لغاية اما تجاوب
اسألك انا بأه

إمتى حسيت إنك ظلمت حد؟

ايه الحاجه اللي ندمت عليها بعد اما عملتها؟

ايه الحاجه اللي فرحت قوي بعد اما عملتها؟

دلوقتي انت بتحب حد (بنت يعني)؟

ايه رأيك في بنات الأيام دي؟

فيه حب في مرحلة المراهقة ولا بيبقى اعجاب وفترة وهتعدي؟

ايه الحاجه اللي خلتك تفقد الثقة بنفسك؟

ايه اللى يخليك تفقد الثقة باللي حواليك؟

كفاية كده
لغاااااااية اما تجاوب

ايه رايك في البنات دلوقتي عامة؟

وبتقيس احترام البنت على اي اساس ؟

-انا سالت سؤال دلوقتي
انت عديت مرحلة المراهقة ولا لسه
وحبيت امتى يوم كام يعني

وانا جاوبتك وقلتلك مش عارف ومتفرقش معايا اني اعدي او معديش لان ميهمنيش انا في مرحلة ايه انما اللي يهمني انا ايه ميهمنيش مواصفات المرحلة اللي انا فيها ايه بس يهمني مواصفات شخصيتي ايه ميهمنيش طريقة تصرف اللي في المرحلة دي ايه لكن يهمني تصفاتي ايه.

وبتغسل سنانك قبل ماتنام ؟؟؟؟؟؟؟؟
ليه بقي الاحراج ده انا زيك بالظبط .

ازيك يا احمد يا وائل جوهرة المنتدى
مش هتكلم عن صفاتك الى الكل عارفها و حاببها
الله يسلمك يا باشا .

نبدا باول اسئلة او اول نوع و هيا الدينية و العالمية

in the name of Allah the most merciful he always merciful

نبدا

الدين يمثلك اية؟
الدين بيمثلي كل حاجة لأن الدين هوية الفرد ومنهجه وسلوكه وتعاملاته وكل حاجة في حياة الانسان. الدين هو عماد الأمم فهو الذي ينتشلها من الضياع ومن ظلمة الجهل وهو الذي يأخذ بيدها لترتقي سلم المجد .
الدين هو المنهج الذي به تستقيم أمور الناس وتعتدل معايشهم وترتاح نفوسهم وتسمو تعاملاتهم .
مهما وصفت مش هعرف أقلك الدين بيمثلي ايه .

اية مفهومك للفرق الاسلامية؟
مفهومي للفرق الاسلامية زي ما الرسول وضح انهم بضع وسبعين شعبة كلهم في النار الا فرقة واحدة اللي هيا ان شاء الله أهل السنة .
سيبك بقي من الشيعة والأحمدية والعالم الفطش دول .

اية علاقتك بالاديان الاخرى؟
عادي جدا بتعامل معاهم عادي زي ما الرسول أمر .

هل ترى التاريخ الاسلامى جدير ام انة تم توبيخة؟
أنا مش فاهم قصدك أوي من تم توبيخه دي بس بص التاريخ الاسلامي حافل بالأمجاد والأمة الاسلاميةوقتها كانت جديرة بانها توصل لكل اللي وصلتله ده سيبك بقي من محاولات الغرب لتشويه صورة التاريخ الاسلامي في عقول النشء مهما قالوا ومهما عملوا المسلمين كانوا في يوم من الأيام أسياد العالم وهيرجعوا باذن الله واكبر دليل التوقيع بتاعي .

هل ترى بوجود حرب بين الاديان ام ان ما نراة على التلفاز من عناق حقيقى هو فعلا حقيقى؟
لأ بص سيبك من اللي بتراه علي التلفاز خالص العناق دا مزيف ولو أني اشك ان في عناق أصلا الأديان دلوقتي بتطحن في بعضها اه انا معاك ان كان ممكن يبقي في زمان عناق لكن دلوقتي لأ خالص عارف زي لو جبت زجاجة وحطيت فيها كذا بلية مثلا هتيجي تتطلعهم مع بعض هيتحشروا في عنق الزجاجة ولازم عشان تطلعهم كل البلي ينزل لقاع الزجاجة وواحدة اللي تتطلع أهو الأديان دلوقتي بتتصارع للخروج من عنق الزجاجة
دا حتي المفروض الاية بتقول (( لتجدن أشد الناس عداوة للذين ءامنوا اليهود والذين أشركوا ولتجدن أقربهم مودة للذن ءامنوا الذين قالوا إنا نصاري ذلك بأن منهم قسيسين ورهبانا وأنهم لا يستكبرون ))طبعا موضوع اليهود وصراعهم مع المسلمين دا خلصان ومش محتاج كلام تيجي لموضوع المسيحية كانوا زمان أيام سعد زغلول يقلك الهلال مع الصليب دلوقتي شوف الصليب بيعمل ايه أبسط حاجة الواقعة اللي حدثت في وجه قبلي من كام أسبوع كاهن في كنيسة تقريبا ملقاش زوجته في البيت وكان اسمها تقريبا كاميليا شحاتة المهم المسيحيين هناك يا معلم عملوا مظاهرات ووقفات احتجاجية ويقلك دا راحت الجمعية الشرعية في المنيا دي أسلمت وقاموا عالشرطة وعملوا مواويل وان المسلمين خطفوها وكل واحد منهم طلع بكلمة المهم في الاخر يا عم الحاج طلعت كانت قاعدة عند واحدة صحبتها في القاهرة عشان كانت متضايقة من جوزها.
يعني الخلاصة مفيش أي عناق حقيقي خالص .
( الموضوع ده في كلام كتير أويييييييييييي ولو فتحت هطول عليك جامد فكفاية كدة ).

كيف تخدم دينك ؟
اهو في النقطة دي تقدر تقول تعددت الوسائل والغاية واحدة يعني لو اتجوزت يبقي بتخدم دينك لو ذاكرت وتفوقت يبقي بتخدم دينك ولو اشتغلت ولو قلت سلام عليكم لواحد ولو شلت حجر من الطريق ولو غرست أي نبات ولو أطعمت حيوان أو سقيته ولو لعبت أي رياضة عشان جسمك يبقي قوي ورياضي والمؤمن القوي خير وأحب الي الله من المؤمن الضعيف دا طبعا غير أداء الفرائض والدعوة للدين والأمر بالمعروف والنهي عن المنكر والدفاع عن الدين وأهم حاجة تكون نعم النموذج للمسلم الذي يراه غير المسلم فيسلم بسببه .

و ما مفهوم الجهاد عندك؟
الجهاد فريضة من فرائض الاسلام ما تقاعست عنها أمة الا أذلهم الله وخذلهم وبث الرعب في قلوبهم ونزع مهابتهم من قلوب أعدائهم وهو الذي أدي الي اتساع رقعة الاسلام ونشر الدين في أقصي الأرض وأدناهم أيام الفتوحات الاسلامية ولكنه ليس جهاد السلاح فقط فهنك أنواع عدة أهمهم علي الاطلاق جهاد النفس وهومقاومة رغباتها في حب السيطرة والفوز باعجاب الناس والثرثرة دون التروي ومنعها عن ارتكاب المعاصي وتوطينها علي طاعة الله . كما أن للجهاد صور عدة فليس كل الناس قادرين علي حمل السلاح فهنك الجهاد بالدعاء والجهاد بالمال والجهاد بالمقاطعة .و

ما رايك فى تنظيم القاعدة هل هم ارهاب او هم مجرد مسلمون يسيئون فهم الاسلام؟
والله عشان مضحكش عليك أنا معرفش كتير أوي عن التفاصيل الداخلية بتاعتهم لكن يكفيني أني أكون عارف أن هما حتي الان صامدين أمام أمريكا بكل ما تملك من تكنولوجيا وأسلحة وجنود ....الخ فمقدرش أقلك غير ربنا يعينهم في جهادهم .

هل حادث 11 سبتمبر اسلامى ام للاسلام؟
11 سبتمبر مهما كنت اعرف او انت تعرف الموضوع ده حوله جل كتير وبتحوم حوله شبهات أكتر لدرجة وصلت بالبعض انهم يقولوا أن امريكا هيا اللي مرتبة الليلة .

هل الشيخ العولقى مثال للمسلمين ام لا بكل وضوع؟
معرفوش بصراحة

من هو شيخك المفضل ام نك تحب ان تسمع الكل و تحكم بنفسك؟
شيوخي المفضلين الدكتور محمد العريفي والشيخ محمد الزغبي .

هل تؤيد فكرة ان كل مسلم فقية حياتة ام تفضل ان تنفذ ما قالة من افقة منك؟
لا طبعا امشي علي كلام اللي أفقه مني في تعاليم الدين .

كيف ترى جماعة السلفية و الصوفية و الباهائية و الشيعة؟
السلفيين اللي هما أنصار السنة حاليا أنا شايف أنهم بصراحة أكثر المسلمين التزاما وأميل الي منهجهم الا في بعض الحاجات لكن دا ميمنعش طبع ان في ناس منهم واخدة الدقن ستار .
الصوفية فيهم ناس كانت علي درجة عالية جدا من الزهد بس اللي أعرفه انهم عندهم 3 مراحل أولا التخلي أي التخلي عن كل اللذات والشهوات وثانيا التحلي أي العبادة الحقة والتحلي بكل الاخلاق وأخيرا التجلي ودي بقي اللي متنفعش يعني في ناس فيهم لما يوصلوا للتجلي دا يقلك الصلاة دي عبادة الناس العاديين وميصليش وكدا مع أغلب العبادات .
البهائيين شوية مرتدين وعالم دماغها مهوية .
الشيعة بقي دي أكثر الفرق الضالة عددا وعلي فكرة هم لا يتفقوا معنا في أي أصل من أصول الدين وعندهم حاجات استغفر الله العظيم دا غير سب الصحابة وزوجات الرسول فبلاش نتكلم لأن موالهم طويل

المرة الجاية ندخل على الحب خد بالك بئى
دا اذا فضلت عايش بالنظام ده أنا هفطس منكم

هههههههههههههههههههههه
حبيبى يا احمد
وانت حبيبي والله يا شريف .

لأ مينفعش دا لسة التقيل جاى قدام

نيجى بئى للحب و ورينا شطارتك يا احمد

الحب

ما هو تعريف الحب ؟

هل تؤمن بالحب ؟

هل تؤمن بالحب من أول نظرة؟

هل يختلف معنى الحب عبر العصور؟

ما هو تأثير العمر على معنى الحب في المراحل التالية ( مراهقة , شباب , بعد الأربعين )

فرق العمر بين الطرفين هل يؤثر على علاقة الحب؟

أيهما أنجح ,الزواج عن طريق الأهل أو عن معرفة سابقة؟

هل ممكن ان تحب أكثر من مرة؟

هل يمكن أن يكره الأنسان الشخص بعد أن أحبه؟

هل للمادة دور رئيسي في استمرار الحب؟

نجاح الحب مستحيل أم ممكن , و كم نسبة نجاحه؟

هل يمكن أن يستمر الحب في حال تغير الطرف الآخر من نواحي :
عاطفية غير عاطفية

أيمكن للحب ان يغير مجرى حياتك؟

البعد أيخفف المشاعر أم يلهب الأشواق؟

هل يتغير الحب بعد الزواج؟

بوجود الحب أيشترط وجود السعادة؟

هل الغيرة ضرورية في الحب و ما دورها ؟
سلبي أم ايجابي؟

أيهما أخلص الشب أم البنت؟

هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟

ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟

ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟

ليه ديما كل لما تجرى ورا الحبيب يجرى منك ولما تجرى منه بيجرى وراك؟؟

ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟

لما تحب شخص ممكن تتسائل بينك وبين نفسك .. انا لية بحبه؟

اوف كفاية كدا عشان ايدى وجعتنى و عقلى هنج

خلص دول و استنى الاهم و هيا السياسة و المجتمع و كمان انا عاف ان ليك خلفية شعرية و قدرى هايلة على الاقاء كلة انبهر بيك يوم ما القيت و مدرسة المسرح قالتلى الطالب دا مفيش زية
المهم جهز نفسك للمتين

الحقوووو أحمد وائل على كرسي الإعتراااف Icon_twisted

انا قولت اما ادخل اسال كام سؤال كده ...بس مش كتير اوى يعنى

1_من اقرب الاعضاء الى قلبك؟؟

2ـ\ افـضل توقيع شفتهـ بالمنتـدى ؟؟

3ـ\ عضـو تعجبكـ موآضيعه ؟؟

4ـ\ عضونفسك تكون قريب منـه اكثـر ؟؟

5ـ\ لو قـآلولكـ اعزم 5 اعضاء ..! من تعـزم واين تعزمهـم ؟؟

6_كلمة تود سماعها كل يوم؟

7_حلم لا تستطيع تحقيقه؟

8_موقف صدمك اوووووووووى ولن تنساه؟

9_كلمه اتمنيت لو تستطيع سحبها؟

10_من توام روحك؟

كفايه كده بقى عشان مبقاش رخمه

من الواضح ان الكل بيحبك اوى يااحمد

خلص ولينا لقاء

انا دلوقتي سالتك قلتلك انت عدين مرحلة المراهقة ولا لسه قلتلي مش عارف طييييييييب

طيب اول مرة حبيت امتى كانت سنة كام؟ وكنسلت السؤال بس مش هسيبه بردو

ثالثا بقى انا بقيت بغسل سناني يا بابا ( والله يا ابني اللي مش هيغسلوا سنانهم دووووول هيندموا)

وماتنساش انا سائل بردو سؤالين بين الاسئلة الكتير دول جاوبهم

واقولك كمان سؤال كدا

لو واحدة وقفتك في الشارع وقالتلك ايه الحلاوة دي هتقولها ايه؟؟؟؟؟؟

بصراحة اجابات جامده
بس انا مردتش اسأل لغاية اما تجاوب
اسألك انا بأه
اسأل يا خويا

إمتى حسيت إنك ظلمت حد؟
في يوم كنا بنلعب طايرة وواحد استفزني جامد فزهقت عليه ولو مكنش اللي موجودين مسكوني مش عارف أنا كنت ممكن أعمل فيه ايه بس طبعا صالحته قبل أما نخلص لعب حتي .

ايه الحاجه اللي ندمت عليها بعد اما عملتها؟
اني اشتركت في أنشطة في مدرسة قطور الثانوية.

ايه الحاجه اللي فرحت قوي بعد اما عملتها؟
أي مسابقة كنت باخدها وأنا في الفردوس كانت بالنسبة ليا عيد لان سواء في الادارة أو المديرية أو الجمهورية كله كان بيبقي ضد المدرسة فكانت أي مسابقة بدخلها لها طبع خاص بيها عشان دي كانت زي تحدي .

دلوقتي انت بتحب حد (بنت يعني)؟
يا عم صلي عالنبي خلينا نخلص أم الثانوية دي الأول وبعدين ابقي قلي حب وبتاع .

ايه رأيك في بنات الأيام دي؟
زي أي وقت في الكويس وفي الوحش بس طبعا الاختلاف ان الوحش نسبته زادت شوية وخاصة في التعليم الفني زي التجارة وكدا بقوا استغفر الله العظيم ميتوصفوش .

فيه حب في مرحلة المراهقة ولا بيبقى اعجاب وفترة وهتعدي؟
والله نسألك انت في الموضوع ده انت راجل خبرة .

ايه الحاجه اللي خلتك تفقد الثقة بنفسك؟
مفيش.

ايه اللى يخليك تفقد الثقة باللي حواليك؟
تصرفاتهم وخاصة شغل من تحت لتحت .

كفاية كده
لغاااااااية اما تجاوب

ايه رايك في البنات دلوقتي عامة؟
عادي زي أي وقت في الكويس وفي الوحش بس الفرق أن نسبة الوحش زادت زيادة ليست بالقليلة في الاونة الأخيرة وخاصة في المدن .

وبتقيس احترام البنت على اي اساس ؟
بشخصيتها وتصرفاتها .

طيب جاوب على الباقي

لأ مينفعش دا لسة التقيل جاى قدام

نيجى بئى للحب و ورينا شطارتك يا احمد
تعالي يا سيدي

الحب

ما هو تعريف الحب ؟
سبق وجاوبت عالسؤال ده .

هل تؤمن بالحب ؟
أكيد طبعا لو مفيش حب يبقي علي الدنيا السلاميعني تخيل اما الأب يكره أولاده وكذلك الأم وأما الولاد ميحبوش أهلهم وأما الزوج ميحبش زوجته دا متبقاش عيشة يا راجل حرام عليك .

هل تؤمن بالحب من أول نظرة؟
مش عارف بصراحة .

هل يختلف معنى الحب عبر العصور؟
لا يختلف المعني ولكن ما يختلف هو بلورة الحب علي هيئة تصرفات .

ما هو تأثير العمر على معنى الحب في المراحل التالية ( مراهقة , شباب , بعد الأربعين )
السؤال ده عايز واحد كهل عشان يجاوبك عليه .

فرق العمر بين الطرفين هل يؤثر على علاقة الحب؟
معتقدش .

أيهما أنجح ,الزواج عن طريق الأهل أو عن معرفة سابقة؟
علي حسب معرفة سابقة دي تقصد بيها ايه بس أعتقد الجواز المسمي في لغتكم بجواز الصالونات دا الأنجح .

هل ممكن ان تحب أكثر من مرة؟
كش عارف بس بنشوف ناس كتير كدا .

هل يمكن أن يكره الأنسان الشخص بعد أن أحبه؟
يااااااااااااااه كتيييييييييييييييييييييير أوي .

هل للمادة دور رئيسي في استمرار الحب؟
أعتقد ان معظم الخلافات الموجودة بين الأزواج دلوقتي بسبب المادة لذلك فأنا أعتقد ان المادة لها دور رئيسي .

نجاح الحب مستحيل أم ممكن , و كم نسبة نجاحه؟
مستحيل ليه يا عم بل نجاحه طبيعي جدا وعادي أما النسبة دي بقي بتختلف بالنسبة للمعطيات الموجودة يعني الأشخاص والظروف وكدا .

هل يمكن أن يستمر الحب في حال تغير الطرف الآخر من نواحي :
عاطفية غير عاطفية
برضه سؤال عام أوي في الحالتين ممكن يستمر وفي الحالتين ممكن ميستمرش بس أعتقد احتمال استمراره لو تغير من النواحي العاطفية ضئيل .

أيمكن للحب ان يغير مجرى حياتك؟
أكيد

البعد أيخفف المشاعر أم يلهب الأشواق؟
يلهب الأشواق وفي نفس الوقت ممكن البعض يطبقلك المثل بعيد عن العين بعيد عن القلب .

هل يتغير الحب بعد الزواج؟
المفروض لا يتغير بل يزيد لكن في الواقع بنشوف حالات كتير بيتغير خالص .

بوجود الحب أيشترط وجود السعادة؟
اه.

هل الغيرة ضرورية في الحب و ما دورها ؟
سلبي أم ايجابي؟
اه طبعا ضرورية ولها دور ايجابي لانها بتقوي العلاقة لكن كالعادة اللي بيزيد عن حده بيقلب لضده فلو زادت هيبقي لها دور سلبي .

أيهما أخلص الشاب أم البنت؟
برضه عام أوي ومش شرط يعني علي حسب الظروف بس أعتقد بصفة عامة البنت أخلص .

هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
لا لا لا لا لا لا لا لا لا لا لا لا لا لا لا وألف لأ .

ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟
مش عارف.

ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟
والله تقدر تقول خليط من هذا وذاك يعني كان زمان مفيش مسؤلية مفيش اختبارات حقيقية والجوانب الضعيفة في شخصية كل طرف بتبقي شبه مخفية عن الطرف الاخر لكن بعد الجواز يبتدي كل واحد يبان بالظبط وغير كدة بقي المشاكل والظروف والمسؤلية وكدا يعني .

ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟
لانهم بني ادمين ولازم يبقي في خبث زي ما في طيبة لازم يبقي في شر زي ما في خير الحياة متستمرش لو مفيش متناقضات .

ليه ديما كل لما تجرى ورا الحبيب يجرى منك ولما تجرى منه بيجرى وراك؟؟
يعني تقدر تقول الانسان مبيبصش للي فإيده يعني مثلا واحد يشرب سجاير ومخدرات يبهدل صحته ويجري عالمستشفيات يتعالج طب لازمتها ايه من الاول فكدا يعني .

ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟
معتقدش اني معاك في النقطة دي لان تدخل الأهل هو الشكل الرسمي اللي المفروض يتخذوه عشان يبلوروا علاقتهم بشكل شرعي رسمي ( علي سنة الله ورسوله ) .

لما تحب شخص ممكن تتسائل بينك وبين نفسك .. انا لية بحبه؟
أكيييييييييييييييييد

اوف كفاية كدا عشان ايدى وجعتنى و عقلى هنج
أنا شكلي هبعتلك كام فيرس علي عقلك أخليه مهنج لغاية أما نخلص ولو أني شكلي مش هخلص أصلا .

خلص دول و استنى الاهم و هيا السياسة و المجتمع و كمان انا عاف ان ليك خلفية شعرية و قدرة هايلة على الالقاء كلة انبهر بيك يوم ما القيت و مدرسة المسرح قالتلى الطالب دا مفيش زية
المهم جهز نفسك للمتين

اللي بعده

انا قولت اما ادخل اسال كام سؤال كده ...بس مش كتير اوى يعنى
أهلا وسهلا بيكي في أي وقت .

1_من اقرب الاعضاء الى قلبك؟؟
في كتير جدا بس تقدري قولي اللي معايا من صغري محمد بهاء .

2ـ\ افـضل توقيع شفتهـ بالمنتـدى ؟؟
مش فاكر والله لأن ما شاء الله الأعضاء عندنا بصراحة مبدعين وكلهم ربنا يبارك فيهم توقيعاتهم جميلة جدا .

3ـ\ عضـو تعجبكـ موآضيعه ؟؟
silent love

4ـ\ عضونفسك تكون قريب منـه اكثـر ؟؟
the hororman

5ـ\ لو قـآلولكـ اعزم 5 اعضاء ..! من تعـزم واين تعزمهـم ؟؟
هاخد محمد بهاء ومحمد عاطف وخضير وكفائة وعاشق الوهم وهعزمهم عند أبو شامة ولا شلبي لأن غير كدا هيخربوا بيتي .

6_كلمة تود سماعها كل يوم؟
ربنا يخليك .

7_حلم لا تستطيع تحقيقه؟
ارجع لأيام الفردوس تاني ياااااااااااه علي الأيام دي بس لأسف خلاص .

8_موقف صدمك اوووووووووى ولن تنساه؟
أما خلصت 3 اعدادي كنت أول محافظة طالب مثالي وكان المفروض عندي تصفية علي مستوي الجمهورية بروح أبات هناك حوالي 3 أيام المهم جت الاجازة ففي يوم لقيت موجهة تربية اجتماعية تعرف والدتي يعني بتتصل بينا في البيت وتقلهم خلوا أحمد ييجي المدرسة ضروري المهم رحت وبتاع لقيت الأخصائي بيقلي يلا اجهز فبقله يلا ايه اجهز لايه بيقلي انت معادك في القاهرة الساعة 5 وساعتها كانت الساعة 2 فقلتله ازاي يعني انا مجهزتش نفسي ولا هدومي ولا ملفي ولا قريت احداث جارية ولا اي حاجة انت المفروض بتقلي قبلها ب 15 يوم فقالي يعني ايه قلتله يعني مش رايح فالمهم شد معايا وبتاع وخبطني كلمة لقيته بيقلي انت معملتش للمدرسة حاجة واعرف أن لما المدرسة احتاجتك انت رفضت أنا بصراحة الكلمة دي كانت بالنسبة ليا كتيييييير أوي لان في الفردوس بالذات انا عمري ما اتأخرت في حاجة وكنت معاهم في حاجات كتير واللي فالمدرسة عارفين أنا عملت ايه للمدرسة واحلي ما في الموضوع ان ثبت في الاخر ان الجواب بتاع الميعاد اللي جي من المحافظة كان عند الاستاذ المحترم في مكتبه بقاله أكتر من 10 ايام وهوا اللي مكنش راضي يقول ولو مكنتش الموجهة لقاته الله اعلم كان هيطنش ولا ايه .

9_كلمه اتمنيت لو تستطيع سحبها؟
شتمت واحد في وقت نرفزة.

10_من توام روحك؟
والله أنا الحمد لله ليا أكتر من توأم يعني ليا بتاع 5 أو 6 توائم .

كفايه كده بقى عشان مبقاش رخمه
لا عادي براحتك وأهلا بيكي في أي وقت

» إلي متي الانتظار ؟.......من تأليفي.
» كرسي الاعتراف رجع بقوانين جديدة
» GOGO EL-KADY على كرسي الإعتراف
» احمد وائل ( مدير المنتدى) على كرسى الاعتراف
» يا خرابي ......... نائب المدير على كرسي الاعتراف