ارخم بنت في العالم

في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟

هههههههههههههههههههه

لا ده رخمه رخمه يعنى

موضع جامد يامحمد تسلم ايديك

دى مش رخمة بجد دى رخمة موووووووووووووووووووووت

يا لهوى ده لو انا مكانه كنت طختها

طختها ؟؟؟طختها ؟؟؟؟

انتى من سنة كام

ايه طختها دي ضربتيها بالرصاص يعني يالهوييييييييييييييييييي انتي فكرتيني بالذي مضى

ومشكورين ياولاد على مروركم

هههههههههههههههههه هو ايه اللى مضى يا محمد وايه اللى من سنه كام يا احمد

لا بجد دى مش طبيعيه
دى رفعتلى الضغط والله....وشكرا يامحمد عالتوبيك

على كلمة اطخها دى

دا ستى مبتقولهاش

ههههههههههههههههههه انت متاكد ان ستك مش بتقولها

انا ستي بتقولها على طول هي بتحب تلعب اصلا بالمسدسات

ومشكورين تاني على مروركم

ههههههههههههههه بجد بتحب تلعب بالمسدسات

جايز بتحب تتسلى ف وقت الفراااااااغ
ههههههههه
موضوع حلو يامحمد

اه طبعا هو في حد مش بيحب يلعب بالمسدسات

يا لهوى

انا حاسه انى دوخت بينهم ايه البيت دى ده انا نفسى تعبت

بس توبيك جامد تسلم ايدك

الله يخليكي

مشكورة على مرورك

» اقوى قصة حب فى العالم
» اصعب لغز في العالم
» اتعس رجل في العالم
» فرص مصر للتأهل الى كاس العالم
» اطول شعر في العالم