هل تامر حسني قدوة حسنة 2؟؟

.....قدامى الفنانين المصريين امثال ام كلثوم وعبد الحليم كانوا يفرضون على انفسهم هالة من الاحترام وخصوصا امام الجمهور وكانوا يشاركون فى اعمال خيرية ووطنية وكانوا يحملون هموم وطنهم ويحرصون على الظهور بمظهر جيد فى افلامهم وكلمات اغانيهم ويختارونها بعناية ..ولا ننكر ان حياتهم الشخصية كانت مليئة بالهفوات ولكنهم كانوا يعرفون جيدا كيف يسخرون الاعلام ويفرضون احترام الجمهور..وتعجب لحسن كلامهم وثقافتهم عند اسثضافتهم باحد المجلات او البرامج الاذاعية والتلفزيونية...
لنستعرض بعض المواقف التى رايناها من مطرب الجيل وقدوة الشباب ...بعدها نقرر ان كان قدوة حسنة ام لا...



--الكل قد سمع طبعا عن حكاية تزويره للمستندات وتهربه من الجيش ودخوله السجن والغواية بهيثم شاكر حتى اشترك معه فى تلك الجريمة ..مع ان المتامل فى شخصية هيثم يجد اختلافا كبيرا مع شخصية تامر حيث ان هيثم ملتزم يختار اغانيه وكلماتها بعناية وبدون اسفاف والدليل على ذلك هو زواجه فى سن مبكر حتى لا يترك نفسه عرضة لمغازلة الفتيات والالتفاف حوله وحماية نفسه من الوقوع فى براثن الوسط الفنى الفاسد..ولنعقد مقارنة بين تامر وتهربه من الجيش وما قلته مسبقا عن الفنانين القدامى..
وهناك دعوة الان على الفيس بوك لمجموعة من الشباب اسمتها...(اتجوز ..وريحنا)..
--المتامل للافلام التى قام ببطولتها تامر حسنى يجد الاسفاف والافيهات الفجة التى لا تخلو من الايحاءات المحرمة وتلميحات تجعل اى رب اسرة يخجل من اصطحاب ابناءهم والذهاب بهم الى السينمات..
وكذلك اختياره لكلمات اغنيه مثل اغنية..اعتذرى..تقول كلماتها...اعتذرى للى ها يجى بعدى خليه يسامحنى اصل انا اخدت كل حاجة فى عهدى..وشوفى عهدى كان كام سنة..المعنى واضح..وخصوصا فى باقى الاغنية..اغنية اخرى اسمها قسمة ونصيب..تقول..وياريت يطمن خوفها مش هاقول كان بينا ايه..وقوقلوها اللى كان بينا ميخلهاش تشوفنى تبص بعيد.. اى واحدة ممكن تضعف قدام حبيبها دا شىء اكيد....وكذلك الكليب الفاضح مع زينة.....
--الحفل الاخير الذى تم فى جامعة المنصورة وهو حفل من ضمن الحفلات التى ينوى عملها تحت عنوان جولة فى حب مصر......والذى احتج فيه على الفصل بين الشباب والبنات ورفض ان يغنى حتى يتم السماح للشباب بالاجتماع مع البنات فى مكان واحد بدون فصل بينهم..مما ادى الى مهزلة اخلاقية بكل معانى الكلمة ولكم ان تتخيلوا ما يحدث فى مثل هذه الحفلات....وفى مقارنة بينه وبين حمادة هلال فى احد الحفلات نجد ان حمادة رفض فى احد الحفلات ان يغنى حتى يتم الفصل بين الشباب والبنات...
-تاجيره لبعض الفتيات فى الحفلات حتى يقوموا بالاغماء والارتماء فى احضانه وعمل ايه عشان يظهر مدى تهافت الفتيات عليه ...ومؤخرا احد الفنانين كشف عن ان تامر يقوم بالتسجيل فى المنتديات وعلى الفيس بوك باسماء اخرى...ويقوم بالدفاع عن نفسه واستعراض بطولاته وتبديل الصورة ..السيئة..ومش بعيد يكون بيننا دلوقتى فى المنتدى...
----هذا الموضوع قد اخذ من وقتى وجهدى ما كنت اوفره لشىء ينفعنى...ولكن حرصى وحزنى على هذا الجيل هو مادفعنى لكتابة الموضوع.....وكما قلت انى لا اكره تامر حسنى ولكن اكره افعاله...فالانسان القدوة يجب ان يكون على قدر المسئولية...وهو شخصية مسلط عليها الاضواء وتاثيره مميز جدا ...ويجب ان يستغل حب الشباب له..باختياره لافلامه وكلام اغانيه والتزامه..
وقد تنبه عمرو خالد الى تلك النقطة فى وقت من الاوقات ..فحاول ان يستغله لاستمالة الشباب الى افكاره ولكن محاولته باءت الفشل لانه اتضح فى النهاية ان الاتنين كانوا بيستغلوا بعض....
نعود الى السؤال هل تامر حسنى قدوة حسنة؟؟

بص الكلام دا كلام ناس متعصبة زى بتوع الكورة اللى بيشوفو انهم حص ومفيش حد غيرهم صح دى حاجة
تانى حاجة هو صحيح اة غلط انو مدخلش الجيس واتهرب بس معلش كولو بيغلط ومش كولو بيغلط زى بعضة هو غلط غلط كبير واتحاسب علية اه بس خلاص خد جزائة وبعدين انتا لما تبقى فى سنة هتعمل المستحيل علشان تخرج من الجيش لانك متعرفش اللى بيحصل فى الجيش
تالت حاجةبالنسبة لاغانى تامر حسنى انتا بتتريق علية لية دا واحد بيتكلم بلغة الشباب واللغة اللى يفهموها وبعدين دا واحد بيواكب العضر اللى هو فية مش هيجى يغنى زى ام كلثوم علشان يعجبك ام كلثوم ليا زمان ودا لية زمان
رابع حاجة بالنسبة لموضوع افلام تامر حسنى مظنش ان حد يقدر يتكلم عليها نص كلمة لان اللى بيخبوة واللى مبيحبهوش بيدخلو افلامة حتى اللى بيحبو عمرو دياب ذات نفسم وناس اعرفهم بيموتو فى عمرو دياب وبيحبو قوى قوى افلام تامر حسنى واكيد اكيد اكيد انتا دخلت افلامة والدليل انهم كانو مكسرين الدنيا وكانو اعلى ايرادات
خامس حاجة بالنسبة للبنات اللى هو بياجرهم نفترض انو بياجر فى مصر وهمشى ورا كلامك ابقى روح بقى شوف الحفلة بتاع المغرب كاانت عاملة ازاى مش غريبة انو ياجر من المغرب حتى لو ماجر هياجر فوق 100الف معجب مش معقول يعنى ماهيا بالعقل وبردة شوف الحفلة علشان تقتنع يابنى دا قالو عليها انها عمرها ما حصلت فى التاريخ ولا حتى مع عمرو دياب ولا ام كلثوم ولا عبد الحليم

على فكرة انت مينفعش مجرد بس انك تجيب اسم ام كلثوم او عبد الحليم جنب اسمه مينفعش بكل المقاييس

ابقى خليه يرجع بالزمن ويشيلوا محسنات الصوت والحاجات دي وابقى خليه يغني

انا مقارنتش يابنى بين تامر حسنى وام كلثوم او عبد الحليم بس بقول على ان الحفلة كان فيها جمهور محضرش لا لام كلثوم ولا لعبد الحليم

وبعدين لو انتا بتتكلم بقى على محسنات الصوت وكدا كل المغنيين والمغنيات بيستخدموها متجوش على دا بقى وتتلككو طب ماهو عمرو دياب بيستخدمها وبيحسن صوتة اشمعنى متكلمتوش علية

انت عايز توصل ان تامر حسني احسن من عمرو دياب دا في الاحلام طبعا

وبعدين ياعم هات اي واحد بيلبس كاجوال شيك وشكله امور وصوته لو متوسط حتى وطلعه بشعر صدره في التلفزيون

هتلاقي البلد كلها بتحبه

انا منكرش ان عمرو دياب الاسطورة والهضبة وكل دا بس لكل واحد عصر وعمرو دياب خلاص خد عصرة وخلاص دلوقتى بيبدا عصر تامر حسنى ودا مش هيبان غير بعد خمس سنين كمان كدا ولا حاجة

على فكره ياكفائه فى ناس والله لو سمعتهم من غير اى حاجه تتعمل فى الصوت ..بجد صوتهم اكتر من روعه وكمان مكن يكون احسن من ام كلثوم (هى طبعا تحفه) ..بس بجد ناس صوتهم مش هاقدر اوصفه
ومع ذلك مش معروفين بس بيغنوا فى حفلات فى الاوبرا وكده....ولو قارنت بيهم عمرو دياب او تامر حسنى والله هتتقرف من صوتهم...بس للاسف محدش بيسمعلهم ..ومحدش بيتعرف منهم غير كل كام سنه نعرف واحد منهم زى مثلا امال ماهر لما بدات تغنى

انا من وجهه نظرى المتواضعه.. عشان انا مش بسمع تامر اوى يعنى.. فى رايى ان اغانيه مستواها بينزل مش بيعلى.. كل شويه اغانيه بتسوء...

ماشى انتى عندك حق يا حبيبة بجد فية ناس صوتها حلو فى البلد دى كتييييييييير قوى بس مش لاقين الفرصة بس

بس انا كلامى مع محمد بهاء انو بيقول على تامر حسنى انو مش مغنى وانو ملوش صوت وبيستخدم اجهزة تحسين الصوت وكدا فا بقولة ان كولو بيستخدمها حلو مش حلو بيستخدمها

وردى على سيلنت ان مش اغانية فى النازل هو علشان بيغنى بلغة الشعب بس متهيالك انها مش حلوة مش لازم يغنى يعنى باللغة العربية الفصحى علشان يعجب كل الناس بس دا واحد بيواكب العصر اللى هو فية لان الشباب عايزين اغانى تعبر عنهم زى ابو الليف ماهو مش دى اغانى حد يغنيها بس البومة مكسر الدنيا ومحقق اعلى ايرادات علشان غنى باللغة بتاعة الشباب معنى كدا انى هتلاقى الاغانى كلها بعد كدا باللغة دى

طيب انت مافكرتش مرة ليه تامر حسني مشهور كدا

مع ان فيه تامر عاشور واحمد سعد دا وايساف والناس دي اشمعنى دا اللي اتشهر يعني ماهو من نفس جيلهم تقريبا


وتامر عاشور يدفنه في الصوت اشمعنى بقىىىىىى

هو الموضوع مبني على الحظ ماهي بتقولك اهي في ناس بيغنوا في حفلات وبيكونوا من احسن الاصوات ليه مش


بيتشهروا حظوووووووووووووووووووووظ

طيب نمشى على كلامك تامر حسنى مينفعش مين اللى ينفع بقى عمرو دياب واحد عندة حاجة وخمسين سنة وبيسقط البنطلون ومش عارف اية هو دا اللى ينفع ولا المغنين اللى بيترقصو فى الاغانى ولا اية

اشمعنى كلكم سبتو المفنين كلهم وجيتو على دا يعنى طب ما تتكلمو على عمرو دياب

طيب وانت ليه بتدافع عنه مبتدافعش ليه عن عمرو دياب اشمعنى دا يعني

لان دا اللى كولو بيشتم فية مع ان عمرو دياب بيعمل اكتر منة بكتيييييييييييييييييييييير جدا بس كولو بيتشطر على دا مش عارف لية

معلش بس انا عاوزه ارد على حكايه بيغنى بلغه الشباب وبيواكب العصر دى
انت بتقول ان ماينفعش يغنوا زى اغانى ام كلثوم وحليم والناس دى...لو اغانى الناس دى مش مواكبه العصر
ماكنتش عاشت لغايه دلوقتى...وشوفها معموله من امتى...واحنا دلوقتى لسه بنسمعها..وبنحبها جداااا
وتامر بجد مايستاهلش كل الشهره والكلام ده وعمرو برضه خلاص ماعدتش اوى..فى ناس بجد تستاهل تتسمع اكتر من دول بكتيييييييييييييييير

وبالنسبه للقدوه...يبقى البلد هتبوظ اكتر ماهى بايظه لو اخدنا دول قدوه

انتى لو فهمتى كلامى مكنتيش قولتى كدا انا كان قصدى انى ام كلثوم وعبد الحليم غنو الاغانى اللى كانت المفروض تتغنى فى زمنهم وعلشان كدا كان اختيارهم صح وعاشو لحد دلوقتى انا مش بقول ان تامر حسنى اغانية صح بس اغانية باللغة اللى يسمعها الشباب زى ابو الليف بالضبط فية ناس مبتحبوش بس عملت قلبة جاااااااااامدة جدا لانو جاب حاجة مكنتش موجودة

كويس كلو بيشتموا طيب دا معناه ايه

هى اينعم جديده وماكنتش موجوده
بس مش حلوه خاااااااااااااااالص

معلش دا بالنسبة ليكى انتى بس الالبوم كلة على بعضة مش حلوة بس فية اغنيتين تلاتة مكسرين الدنيا الصراحة كنت بسمعهم مع ام كلثوم وعبد الحليم لانهم دخلو دماغى جااااااامد جدا