احذر من الدباديب " خااااااص للشباب "

الكلام موجة لكل شاب خاطب او على وشك انه يتخطف اقصد يتخطب او حتى بيفكر انه يخطب او بيحب بنت


احذر من الدباديب احذر من الدباديب احذر من الدباديب ---- فهذا الاختراع العجيب صمم ونفذ لهدف واحد الا وهو نسف فلوس الشباب ----- تلاقى الشاب من دول علشان ينول الرضا -- لازم يشترى للبنت اللى بيحبها او خاطبها دبدوب فى كل مناسبة ؛خد عندك؛ عيد ميلادها - عيد الحب - اليوم اللى اتقبلو فيه - اليوم اللى كلمها فية - عبد الفطر - عيد الاضحى - عيد الجلاء - رمضان - راس السنة - رجل السنة - شم البرسيم - عيد الفشنكاح - قيس على ذلك بقه كل مناسبة


ولو مكانش الدبدوب من الحجم الكبير يبقى واقعته مهببة ويومة مش معدى -- مهو كل ما الدبدوب كبر كل ما البنت عرفت قد اية هو بيحبها !!


أنا عايز اعرف حاجة واحدة هو البنت والولد بتجوزوا بالدباديب ولا بالشقة والعفش والاجهزة الكهربائية .

الولد يعد يجيب فى دباديب فى دباديب فى دباديب لغاية ميفلس وميلاقيش ياكل ويعدوا يشتكوا من قلة ذات اليد وان الفلوس مفيهاش بركة ومش لاقيين يجيبوا شقة !!


أحسن حاجه ان اللي يحب يتجوز .. يتجوز بنت بتترعب من الدباديب عشان لما يحب يعاقبها يجبلها دبدوب ..

والأحسن انه ميخطبش أصلا ويتجوز على طول علشان الخطوبة بتيجى بخساره على العريس ماهو اللى بيدفع ..


أو اقولكوا سيبوكوا من الشغل والكلام الفاضى دة وروحوا افتحولكوا محل دباديب هتكسبوا دهب ..



فى النهاية أحب أحيى كل شاب مش معترف بحوار الدباديب دة وممشى خطيبتة على العجين متلخبطوش ..



وسمعنى >>> الموت علينا حق