حوار بسيط بين الشباب والبنات عبارة عن مسابقة

حــوار هادف بين الشباب والبنات الكل يشااارك

السلام عليكم ورحمة الله وبركاته

((الحوار المثالي بين الشبــاب و البنــات)).
.
.
.
.
.

خطرت لي فكرة هذا الحوار [ الساخن]
وهو عبارة عن حوار مثير بين فريقين

فريق [ الشباب ]

و

فريق [ البنات ]

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

و

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[بداية الحوار ]
سيقوم فريق الشباب بطرح تساؤل عن أمر معين لا يعجبه في البنات

وسيقوم فريق البنات بالرد وتبرير الموقف

وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب .....وهكذا يستمر الحوار

{ مــلاحظة }

يحق للجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))
" سؤال نيابة عن فريق الشباب موجه إلى فريق البنات "

لماذا البنات يطالبون بعدم تدخل اخوانهم في حياتهم وحتى لو كان الاخ على حق
ويعتبرونه تدخل في الخصوصيه وتخلف عند الشباب ؟

** الإجابة لمدة يومين ومن بعدها البنات يسألون الشباب **

واتمنــى ان تكون الاجابه بكل صـراحه ومصادقيه
وعـــدم التحيـز...وعــدم الإنـتماء..

مشكوووووووور عالتوبيك

وفكرته حلوه

هى الحكايه ومافيها ان البنت بتكون حاسه انها مش بتعمل حاجه غلط

وكمان الولد يحسسك انه مثالى جدا ومش بيعمل حاجه غلط وان اخته هى اللى غلطانه

وبعدين هو ممكن يكلمها ويتدخل جدااااااااا وهى ماتتعصبش ولا ترفض التدخل ده

بس يكون بطريقه حلوه لان البنات عبيطه جداااااااااا اى كلمه كويسه بتقول كل حاجه

هههههههههههههههههه

فاخوها ممكن يكلمها براحه جدا وبذوق ومش يحسسها انها بتعمل كل حاجه غلط

بس

ها اى حاجه تانيه......................

طب لية يا بنات انتو مبتحبوش بعض و كمان ساعات بتعملوا اسافين فى بعض مش زينا كدا بتخاوا على بعض بس انا مقصدش كلة
بس ساعات فى بنات ادام بعض ازيك يا حبيبتى و لما تمشى تقولوا دى بنت تنكة و مغرورة هيا فكرة نفسها اية؟

شوفى انتى بئى هتبررى دا ازاى ؟
Laughing

[center]

انا مش هانكر ان فى بنات كتير كده
وده بسبب طبيعه البنات انها بتغير جامد

بس فى بنات بتقدر تتحكم فى الطبيعه تكاد تخليها مش موجوده
وعلى فكره الصفه اللى بتقول عليها فى الولاد دى اكتر حاجه بحبها فيهم

بس برضه فى ولاد اكتر من البنات فى حكايه الغيره وكره بعض
وفى بنات برضه بيحبوا بعض جداااااااااااااااااا

بس

لو فى حاجه تانيه000000000000

لا يا اينو متحوليش تبررى موقف البنات
ومتلبسهاش للرجالة دول طيبين والله حتى اسالينى انا

ههههههههه
انا مش بلبسها للولاد

وماانكرتش بس بقول ان مش كل البنات وفى ولاد برضه عندهم نفس المشكله

اظن كده من حق البنات انهم يسألوا الولاد

وانا هبدأ

ليه الولاد بيحبوا يتكلموا كتير كلام فى الهوا
وفاكرين ان البنات اعداء وانهم يتسلوا بيهم بس
ليه مش اخواتهم ويكون فى احترام متبادل

ياريت تبرير ده............

الكلام دا طبيعة مغروسة في الأنسان علي اختلاف جنسه لكن في حالة ان الولد يقول للبنت كلام ومينفذهوش دي مش بتحصل علي طول لانها بتتوقف علي طبيعة الشخص اللي بيقول الكلام فاذا كان يفعل ما يقول او يقول ما يفعل فسوف ينفذ واذا كان بياع كلام ومن النوع اللي بيعمل البحر طحينة يبقي دا ايدك منه والارض لانه بطبيعته يتكلم أكثر مما يفعل وفي الأول والاخر الولد دا بيبقي اختيار البنت محدش غصبها عليه واللي بيختار حد يقبله علي عيوبه ومميزاته.

أما موضوع أعداء ويتسلو بيهم فدي مش صح في كل الحالات ودي بترجع لطبيعة الولد وطريقة تفكيره ونظرته للأمور بتكون ازاي وبرضه بترجع للبنت فانها اخطات الاختيار من الاول وسمحت لنفسها تكون تسلية وسأضرب مثال واقعي علي ذلك ( لو افترضنا أن شخصا قويا ذا هيبة معروف بجبروته وبطشه يعمل مصارعا أو ما خلافه هل يمكن أن يتجرأ عليه فتي صغير ويضربه علي قفاه مثلا ؟ بالطبع لا لأنه ذو هيبة ) لذا فالوضع قريب اذا كانت البنت لها هيبتها ومركزها فلا يمكن أن تكون تسلية .

أما في موضوع اخوانهم فدا فيه احتمالين يعني مثلا في ولاد بيتكلموا مع بنات باحترام والولد بيبادلهم نفس الاحترام.
وفي بنات بيتكلموا مع أولاد باحترام وبنية حسنة لكن يطمع الذي في قلبه مرض ويلعب الشيطان بأفكاره حتي يظن أنها قد تفكر فيما يريد وفي هذه الحالة لا أنكر العيب عن الأولاد ولكن بالنسبة للبنات يقع جزء من الخطأ علي كاهلهم حيث أنه لا يوجد دخان بدون نار لذا فبلا شك قد بدا من البنت ما جعله يعتقد ذلك حتي لو كان تصرف البنت بحسن نية ولكن يجب أن تلزم قيودا معينة في تصرفاتها و خطوطا فاصلة في تعاملاتها فلا تتجاوزها مهما كانت الظروف والأسباب

ملحوظة إجاباتي هذه ما هي الا وجهة نظر قد تحتمل الصواب والخطأ.

يا سلام عليك يا سلعاوي دا كده المفروض البنات ميسالوش تاني باجابتك دي

ههههههههه

ماشى مش هنسال

اسئلوا انتوا
واحنا بعدكم

.........................

سؤالي هو: هل فعلا البنات مبيكرهوش المذاكرة ابدا وشغالين ليل ونهار مش زي الولاد بيكرهوا المذاكرة؟

هههههههههههه

مين صاحب الاشاعه الخطيره دى

لو البنات بيحبوا المذاكره كنت زمانى من الاوائل دائما

وانت شفت مذاكرة البنات فى الفصل كانت احلى مذاكره

هههههههههههه هما الولاد اينعم مش بيحبوها بس ماشاء الله يعنى بيذاكرو

وانتوا شفتوا نتيجه السنه دى

بس يعنى علشان البنات بس قاعدين فى البيت وعندهم وقت فبيذاكروا شويه بس مش بتركيز

لكن انتوا بتلعبوا كتير ومش عندكم وقت بس لما بتذاكرو بتحصلوا اكتر مننا

لا عادى على فكرة الحوار دا البنات مش دحيحة للدرجة بالعكس فيه كتير جدا همهم حاجات تانية فارغة اوى واحدة همها البنت دى عملت وخلت والتانية اللبس والتالتة الواد الفلانى عمل وعمل حوارات كلها فاكسة يعنى وفيه فعلا ناس بتحب تزاكر يعنى مش كره المزاكرة بس فعلا ممكن ساعة واحدة وبتركيز تجمع حاجات كتير اوى

سؤالى : ليه احنا السنة دى فى المدرسة اتعمل حوارات كتير اوى فاكسة من الولاد والبنات دى بتكلم كذا ودا بيعمل كذا ليه كدة احنا مالنا اصلا ليه طلع الكلام دا ولما سالت قالوا الولاد هما اللى عملوا كدة بس فعلا انا لقيت ولاد هما اللى عاملين كدة وكلام يودى فى داهية حتى لو الكلام دا حقيقى ليه مش بتخافوا على البنت اللى بتتكلموا عنها دى زى ما بتخافوا على اختكم ؟؟؟

مش كل الولاد دا جزء منهم اللي بيعمل كده والباقي فيه اللي مالوش دعوة بالبنات خالص وفيه اللي بيعاملهم كانهم اخواته scratch

انا اتفق معك يا حباظة

خير الكلام ما قل ودل

سؤالي : ليه تلاقي بنات عايشين الدور ومدخلين نفسهم في حوارات وحطين نفسهم في دايرة الشبهات ؟

دى بنات تافهه وفاضيه

بس فى بنات بتتحط غصب عنها فى دايره الشبهات

يعنى مواقف معينه بتحصل بتجبرها انها تكون فى الدايره دى

بس على فكره سواء بنات او ولاد فى ناس كتيره بتتفهم غلط

لان البنات مش عارفه الموضوع بالظبط لو يخص الولاد والبنات نفس الحكايه

فعلشان كده تلاقى حوارات كتير متألفه فأهم حاجه محدش يصدق اى كلام الا لما يتأكد

اية يا جماعة انتو سخنتو كدا لية
دا انا عامل المسابقة دى علشان نتسلى
انا مش راضى اسال من اول اما حطيتها علشان البنات ميزعلوش مع انى صاحب المسابقة بس مش مهم

ههههههههههه
لا عادى مش سخنا ولا حاجه

بس كلام عادى يعنى

ومستنين باقى المناقشات

طب اسال انا سؤال بقى لية البنات بتعتبر البنت اللى بتتصل بالولد مش محترمة
لية؟هو علشان كلمتة يعنى؟
طب ما ممكن هو يكلمها وبردة هى هتكلمة لية بقى ماشى هو صحيح بيطلع عليها كلام بس بردة مش زى ما تكون هى اللى مكلماة
لية بتعتبروها فضيحة عند البنت لما هى اللى تكلم ولد
لية مبتبصوش للولد اللى بيكلم بنت نفس البصة دى
حد يرد عليا ويقولى لية ؟

اجاوبك انا لان البنت فى الزمن بتاعنا دا ماهى الا سمعة ولما بيحصل دا او يتقال عنها كلمة واحدة بس سمعتها دى عاملة زى عود الكبريت لما يتولع خلاص معدش ليه اى لازمة بس احنا فى الفترة الى فيها دا بيتقال كلام ويتعاد ملهوش اى لازمة بس لما فعلا تدخل الكلية او كدة هتتكلم مع بنات وولاد وهتبقى الحياة عادى لانك اوقات هتبقى مجبر على كدة انما التفكير اللى احنا فيه دلوقتى غلط فبالتالى الاحسن للبنت فى الفترة دى انها تبعد عشان محدش يتكلم كلمة عنها غلط تسئ لها او لسمعتها

طيب سؤال : انا بسمع ان في بنات بتحب ان هي تتعاكس ده صحيح ولا البنات بتضايق من المعاكسات؟

والله بدون كذب فيه بنات كدة وفيه كدة فيه بنات اهلها سايبين حياتها اوى تحب المعاكسات ومن اول ما ولد يعاكسها تضحك وتتبسط وممكن تلتفت وتكلمه وفيه بنات تتضايق جدا وتتعصب اوى من الحوار دا انا بجد بحس ان الولد اللى بيعاكس دا تافه

سؤال بقى ليه الولد بيبقى جواه حاجة انه عاوز يعرف بنت معينة يعنى شاف واحدة يحطها فى دماغه انه لازم يعرفها؟؟؟

معنى انك بتسالى السؤال دة يبقى انتى مجربتيش الحب من اول نظرة
دا اسمة حب من اول نظرة ان الولد يعجب ببنت من اول اما يشوفها ويحاول يكلمها
بس الشباب بلغتهم خلوها ان الواحد لما يعجب بواحدة بيحطها فى دماغة
وياريت لو مفهمتيش بردة قوليلى علشان انا اصلا مبعرفش افهم
على الاقل احاول افهمك تانى

هل البنات بيحبوا الصيف ولا الشتا الاحسن؟

منحرف فيه حاجة في فرق كبييييييير جدا بين الحب من اول نظرة ودى انا فاهمة الحب من اول نظرة كويس بالمعنى بتاعه وبحياته بس انا بتكلم عن حاجة تانية مش على دى بمعنى ان دلوقتى الى بيبص عجبته البنت بس كشكل لكن حب او كدة لالالالالا فهمتنى انت غلط

انا عن نفسى بحب الشتا جدا لانى بعشق المطر وانى اجرى تحته كدة

ليه بعض الولاد بياخدوا التدخين من اهلهم يعنى بيعتبروه مرجلة ان الولد يدخن؟؟

» مواضيع مضحكه عن الشباب والبنات
» الفرق بين الشباب والبنات ايام الامتحانات
» رسالة لكل من يحب (عبارة عن تجربة حقيقية)
» لغز بسيط بس للاذكياء
» تعريف بسيط عن الحب