كيفية الجواز في 2008موضوع مهم للجميع مهم جدا جدا؟؟؟؟؟؟

في موضوع مش موضوع فوكاهي او غيرة

انا عاوز اكلم الجميع في موضوع بيمس كل واحد مننا ولو ممسهوش النهاردة هيمسة بكرة

الموضوع باختصار الزواج

النهاردة عشان نحسب تكليف الزواج طبعا مع اختلاف الطبقات لان الطبقات اللي هي فوق قوي

مش هيهمهم الكلام دا خالص

بس تعالو نتكلم علي الطبقة المتوسطة وما تحت

علي فكرة قصدي ما تبق من الطبقة المتوسطة قبل انقراضها

لان الهرم السكاني بقا في 3 انواع الاغنياء ودول في ايدهم كل السلطة

وبيتحكمو في باقي الهرم

وبعد كدة الطبقة الفقيرة اللي بقا فيها شريحة كبيرة من الناس

وثالثا الطبقة المعدمة او تعالو نطلق عليهم احياء ولكن اموات

كل دي تعتبر مقدمة

الزواج نسبتة قلت في ال15 سنة اللي فاتت التلت

وفي ال5 سنين بس اللي فاتو قل تلت كمان اصبح الجواز في مصر نقول تعبير مجازي

تلت المفروض يكون علية

طبعا في نتائج مترتبة علي كدة وفي اسباب نقول الاول النتائج

اخطرها علي الاطلاق

العنوسة ودا مش للبنات للاسف دا اصبح للشباب كمان

زيادة الجرائم في حق المراة من اغتصاب واعتداء وتحرش وغيرها

تحسن احوال تجار المخدرات ودا ناتج من يائس الشباب اللي بتتجة للمخدرات

الكتئاب وما قد يسببة من بعض حالات الانتحار لضعاف النفوس من الناس

واشياء كثيرة جدا

الاسباب

ارتفاع اسعار المسكن لاسعار خيالية لدرجة تصل في المناطق الشعبية شقة مساحة 100 متر

لتصل الي ثمن 200000 ودا رقم مبالغ فية لان 100 متر تعتبر اقل مساحة

ودا كمان علي الطوبة الحمرا يعني شطب انت يا معلم

وبالنسبة للمدن مثل اسكندرية والقاهرة الحد الادني 300000 والاقصي سعر مفتوح

التشطيبات

نجارة سباكة كهرباء محارة جبس سراميك نقاشة

ودول في المتوسط ميقلوش من 40 الي 60 الف علي حسب المكان والشغل

عاوز اتجوز نشوف عروسة في عندك

هدية قراءة الفاتحة مش اقل من 5000 في الايام اللي احنا فيها

ولاحظو انا بتكلم علي ما تبقا من الطبقة المتوسطة

وطبعا هدية وانت رايح وهدية وانت جاي ما بين شوكلت جاتوة تورتة

المواسم بقا عندنا في العالم الاسلامي 500 موسم في السنة عشورا ورجب ورمضان والعيد

ومش عارف اية ومولد النبي وهلما جرا .....

ادخل عل الشبكة

الشبكة المظبوطة النهاردة 20 الف اة من الاخر اقل واجب النهاردة

وبعدينم المهر وعد يا معلم النهاردة المهور زادت قوي في مصر اللفترة اللي فاتت لدرجة

انها بقت من 40 الف الي 50 الف

وافتكرو بتكلم علي الطبقة المتوسطة

وبعد كدة لو بقا فيك صحة بتشطب الشقة من نجف وطقم الحمام والقطن والملابس بقا

امال هيتجوز بالهدوم القديمة ولسة فستان الفرح والاستوديو والكوفير افلام يابوي

واخيرا وليس اخرا الفرح

دا فلان عمل فرحة هنا ب25 الف انا لازم اعمل احسن منة

كدة يبقا الشاب صرف في حدود ال400 الف تحت العجز والزيادة

بالنسبة للبنت مش عاوز اطول عشان مدخلتش في اللي البنات بيجبوة

بس اللي اقدر اقدرة ان البنت من 100الف الي 150 الف ودا برضة كتير

يبقا كدة الجوازة اتكلفت كام

حوالي 550000 يعني نص مليون جنية وزيادة

ودا رقم كبير بالنسبة لواحد متخرج قريب او حتي بيكون نفسة وبعدين ممكن نستغني عن حاجات كتير

مش بتزود ولا بتنقص وانا هقدم بعض الاقتراحات للتغلب علي الازمة اللي احنا فيها

احنا بجد بنعيش ازمة اقتصادية واللي فوق مش حاسين بينا احنا دخلين علي ايام صعبة

مش عاوز اقول مجاعة ويمكن السبعة العجاف

واي بنت او ولد يقرا الموضوع يحاول يساعد لو عندة فكرة ما

بالنسبة للشباب

بلاش فرح والله مبيبقا لية لزمة

فستان العروسة بيبقا بكام الف طب متاجر حاجة شيك بسرع غالي طبعا مش هيوصل
لسعر الفساتان لو اشتريتة وفي نفس الوقت دا بيتلبس مرة واحدة

البنت تقدر تكلم اهلها تستغني عن الشبكة او تجيب حاجة قليلة

الموخر في ناس بيصممو يتكتب مبلغ كبير يعني 100 الف علي سبيل الفشخرة
واللي كتير منكم ميعرفهوش الماذون بياخد 10% علي قيمة الموخر يعني لو 100 الف ياخد 10 الف طب مهو حرام

عاوزين نلغي موضوع المواسم دا لانة مرهق ومكلف

بالنسبة للبنات

مش لازم ترهقي اهلك بالبراقع اللي بتتكلف من 15 الف الي 25 الف وممكن تزيد

مش لازم تدخلي ب50 طقم سرير كفاية 7 او 8

الحلل الكتير اية لزمتها وطقم خشاف وحلة الكسكسي وحالة اللي مش عارف اية كلة كوم
وطقم الجيلي كوم علي راي لطفي لبيب اصل الجيلي بيبقا عاوز معاملة خاصة

في حاجات كتي رممكن نستغني عنها انا اسف للتطويل بس حبيت اعمل موضوع جاد
وبحاول افيد الجميع مش لازم نبقا سطحيين لازم نبقا ناس عاقلين وفاهمين
عشان المركب يمشي وميقفش

ارجو من الجميع لو في حاجة فاتتني ياريت تضيفوها في رددكم

الموضوع دا كامل وليد اللحظة ومن افكاري كامل

نسيت اقول حاجة مهمة اخوانا اللي من طبقة احياء ولكن اموات يتولهم ربنا برحمتة الواسعة

شكرا ليكم جميع

الواحد غلطان انه بيكتب علي المنتدي ده ولا ايه

والله عندك حق ربنا يعين كل بنى ادم عايز يتجوز فى البلد دى بجد........ونص الحاجات اللى بتيجى ملهاش لزمة ......ربنا يستر على البلد دى مش عارفه هيحصل ايه بعد كده

شكرا علي المرور

والموضوع نور بردك

على فكرة الجواز مش بيبقى كده خالص ومش مرهق ماديا أوى كده
زى محضرتك معتقد
وكمان دلوقتى الناس بقت أبسط
ومش مكلكعة أوى كده
لكن لو الجواز بالطريقة دى
يبقى مكانش حد اتجوز من أصله
وكانت نسبة الجواز فى الطبقة الفقيرة والمتوسطة
هتبقى 0% معنى كده ان الكلام ده مش صحيح

الموضوع كبير

مش زي ما انتي فاهمه يا اموره

لا فعلا زى ما هى بتقول الموضوع مش معقد اوى كده وبعدين كل واحد ورزقه

يا عم انت جاي تشحت

الموضوع انتكتب اللي عاوز يقول

كلمه حلوه يقول واللي معندوش ميدخلش

عشان الموضوع كبير

» الحب والكذب ايه ريكم موضوع مفتوح للجميع