يا ما كان في أحد الازمان
دخل صاحبنا كعبول كليتنا اللي لو كنا نعرف حقيقتها ما دخلها انس ولا جان المهم دخل وفات الاوان
دخل وكله طموحات واحلام عايش فرحان بمجموعه في الثانوي اعام فاكر نفسه قال ايه انسان له مكانة وكيان
وف أول يوم جاي لابس لبس الشبان جينز وبالطو ابيض وموبايل والجيب
بالفلوس مليان وجاي من شارع مكسيم فلقى الامن العام بيقولوه فين كارنيهك
يا حيوان ؟!!
فرد كعبول في انفعال انا طالب خنا في الكلية بجدارة والمفروض تقابلوني بحرارة
رد الامن العام وانا مسئول النظام وظيفتي اعكنن عليك واطلع البلا الازرق على رجليك
دخل كعبول مخذول وقال مش هتقف الامور
ودخل كعبول المدرجات فوجد سيل من الطلبة والطالبات
فصرخ وقال يا خرابي كل دول منافسين قصادي
وحاول يقعد كعبول فوجد المدرج كله مشغول فجلس على الارض وقعد يحسبها
بالطول واعرض وقال خلاص المهم نذاكر باخلاص ونحضر المحاضرات ونجيب اعلى
الدرجات
ودخل دكتور التشريح عليهم وهناهم باعام الدراسي الجديد ووعدهم ان هيكون سعيد وعملهم البحر طحينة اتاريه بيزود البلة طينة
وشرح الدكتور يا عزيزي وقعد يبرطم بالانجليزي
وصاحبنا كعبول قعد زي الفرخ المبلول وقعد يقول يا عم يا بتاع التشريح اتكم
بالعربي الفصيح وبص كعبول فلقى عيل فرفور سأله اسمك ايه قاله بهلول وانت
قال كعبول
وساله كعبول انت فاهم حاجة رد قال طبعا يا عزيزي انا خريج مدارس انجليزي
وباخد كورسات وجاي المدرج اقضيها موبايلات واتكلم مع البنات مهو
بابايبقى صاحب الدكتور ووعدني انه هيبقى معايا على طول يعني توصيات وكوسة
في الدرجات
قال كعبول دتنا نيله في حظنا الهباب احنا مخلوقين هنا للعذاب هو ياكل كافيار وان اتنفخ كوسة وخيار
ويروح ينام في الفيلا الجديدة وانا جنب الحمار في الزريبة
هو عايش حياة النعيم وان زي طور الله في البرسيم بس مش هفقد الامل
كله هيجي بالكد زالعمل فدخل دكتور البو وبعدين هستولوجي وختم اليوم الاول
بوصلتين فسيولوجي
قرر كعبول الاعتماد على نفسه وقال يارب اجعلني من اهل الدح والدحاحين
واجعلني نصرة للمسلمين وذاكر كعبول ليل ونهار شعال محرات زي الجرار ولفت
الايام وجه وقت الامتحان وصاحبنا كعبول ذاكر زي ما هو لحد ما عدم الصحة
والقوة وخس وبقى زي العصاية جلدة على عضماية بس كله يهون في سبيل تحقيق
حلم كعبول
ودخل الامتحان وحط الكلمتين التمام ودخل الشفوي كعبول هو وصاحبه بهلول قام
الدكتور وسلم على بهلول وقاله ازيك يا قمور ابقى سلملي على دادي وابقى قله
عمو بيسلم عليك وبيقولك ما تنساش الامانة بين ايديك واعتبر درجتك هدية ليك
وبص لكعبول باحتقار وقاله اقعد يا حمار ورجع لبهلول وقاله قلي يا نشيط
بتحب البلطي ولا القرموط قاله البلطي يا دكتور قاله ولد شطور الدرجة
النهائية يا قمور وبص لكعبول وقاله واحد عنده المسران بيطلع رقم بطاقته
كام وهل هومن مواليد مصر ولا السودان فسكت كعبول فرد علية الدكتور دا انت
في منتهى الغباء مش ممكن هتكون في وسط الاطباء فخرج كعبول زعلان مش بس ع
الدرجات وعلى الصحة والعضلات وقعد لنفسه يقول يا ريتك م جيت هنا يا كعبول
وصرخ وقال ما تبكيش يا انشراح ما خلاص اللي راح راح
السبت أبريل 25, 2009 4:49 pm
§¤°يسلموو°¤§