يا ناس يا عسل فانوس كرومبو وصل
خرجت من يومين مع بت كدة صحبتى رخمة مووت نازلة رغى من ساعه ماخرجنا
اذ فجأتن الاقى كل الناس فى الشارع اللى بيبيعو فوانيس
عارضين فانوس كروميو
وانا بطبيعتى الطفوليه انى زى الاهبل وقفت اتفرج واشوف الاختراع العجيب ده واذ فجأتن اصل الراجل هو كرومبو بكام يقولى ب40 جنيه
وبقلة ادبى قولتلو نعم ياروح مامى ونسيت انى انى واقف فى الشارع
ان ااينعم لسة نونو ومكبرتش اوى
بس اخر فانوس جالى كان بينور بلحجر ابو ربع جنيه
وكنت كل سنة بتعمد اكسرو او ارميه من البلكونة عشان بابا يجيبلى واحد تانى
وكنت بحب اوى الفانوس ابو شمعه ده
وكنت انزل فى حوش البيت والم العيال بعد الفطار طبعا احنا مكناش بنصوم
واقعد ع الارض والبيجامة تتوسخ بس عادى
ونطفى النور
ونقعد بقه نلعب على نور الفانوس بس والله كانت ايام جميلة
ما بالك بقه دلوقتى يظهر فانوس ب40 جنيه
ولما يتكسر يضطر الاب الغلبان يجيب لابنو واحد جديد
انا بتوقع السنة الجاية
يظهر فانوس تامر حسنى ب100 هيفاء 200 وبسنت ودياسطى 50 جنيه
يالهوى ايه اللى احنا فيه ده
بتطلع اختراعات غريبة تستنذف فلوس المصريين واحنا مشاء الله مش بنقصر فى حكايه الفلوس دى
فحبيت تشاركونى حسرتى
بس عايز اقولكو حاجة
انا لو اتخطبت لازم خطيبتى تجيبلى كرومبو
هو انا ااقل من الواد برعى اللى على اول الشارع اللى امه جابتهوله ولا الواد فوزى المعفن اللى فى الشارع اللى وراانا اللى ابوه جبهوله ومش هتنازل عن حقى فى كرومبو
كرومبو الأصلى الشخصية الأصلية يعنى بيقول بصوت كرومبو الواضح العالى اللوجو الكامل بتاعة وتهنئة بشهر رمضان و بعدها أغنية هاتو الفوانيس وهو فانوس قيم جدا ومعاة كارت تعريف كرومبو...!!!!!! "يعني لو كرمبو هنّج شيل التعريف وسطبه تاني"تمنة 47 جنية ؟؟؟؟؟؟؟؟؟؟
كرومبو راقص دة حكاية جامدة كلة بيرقص مع الاغنية وكلة بينور وسعرة 36جنيه يعني كيلو لحمة مضروبة
كرومبو ايجبت طولة 30سم بيرقص بايدية الاتنين وبيمشى على عجل وعنية بتنور مع الاغنية وسعرة 37
كرومبو الأصلى فى شكل تانى جالس على كرسى هزاز ولما بيشتغل بيهز الكرسى لوحدة ويقول بصوت كرومبو الأصلى تهنئة رمضان والأغنية
كرومبو بيضرب المدفع
1- كرومبو الشقى 25 سم تقريبا رأس وايدية متحركين و اغنية بصوت عبد المطلب رمضان جانا وتمنة 25 جنية يعني نص كيلو لحمة كلام جميل جدا ورايق
*********************************************
حد هيجبلى الفانوس ولا لا
الأربعاء سبتمبر 02, 2009 5:27 pm