نقــاشـــــــات جـــــــادة بيـــن » البنــــــــات والشـــــباب «

انا من رأيي ان الحب مش متوقف خالص على الطريقة...نجاح الحب ده متوقف على الشخصيات نفسها ان كل واحد يتعامل بطبيعته علشان اللي قدامه يعرف مميزاته وعيوبة وزي ما كفائة قال ان في كتير كان حبهم عادي وجوازهم منفعش برده....وبعدين مينفعش انك تحكم على البنات اللي بتحب ع النت انها مش محترمة لان حب النت ده اكيد مش بيبقى على طول ده مجرد تعارف بس والمفروض ان بعد كدة بيبقى قدام الناس ورسمي....واشمعنة يعني ان البنت هي اللي بتقول بحبك وبتخلي الولد يحبها ليه ميبقاش العكس يعني....انا بالنسبة لي بحس ان البنت اللي بتعمل كدة بتبقى بتهين كرامتها
الولاد مش ملايكة يعني والبنات هما اللي غلط في كل حاجة...في ولاد بيخلو المحترمة تبقى مش محترمة

انا بتكلم على الى بيراسلوا شباب و بيقولولهم بحبك و مفيش زيك و الكلام دا
مش مجرد البنت الى بتدخل على النت
دا مش قصدى
انا بتكلم على شغالين اسطوانات

وبالنسبة لجوجو كلامك صح
بس هتعرفى منين ان هيا دى شخصيتة؟

اوك منا قلت ان حب النت ده مبيبقاش على طول ده بيبقى فترة تعارف بس...بعد كدة بتبقى مواجهة وبتحصل مواقف بتخليك تعرف الشخصية اللي بتحبها....وبعدين متهيألي في حاجة اسمها خطوبة قبل الجواز بتخلي اي اتنين يفهموا بعض

يبئى احنا مختلفناش
لان كدا كاد مينفعش جواز من على النت
لان زى ما قلتى لازم يكون فترة خطوبة

لا يا شريف معلش انا ليا وجهة نظر فى الموضوع دا
بص حب النت ساعات بيكون افضل بكتير من الحب العادى اللى هو مبيكونش حب اصلا لان فى العادة الواحد لما بيشوف واحدة وبيعجب بيها بيكلمها لانها عجبتة وبعدين يبدأ يقول بحبك ومش عارف اية ودا اللى بيحصل دلوقتى انما حب النت على الاقل بيكون واحد وواحدة حبو بعض عن طريق الشخصية ومحدش بيكون شاف التانى وهو الحب اصلا عبارة عن انك ترتاح للشخص اللى قدامك دا فا متهيالى بقى ان حب النت ساعات بيكون احسن بكتير من الحب العادى

وبعدين لو ارتاحو لبعض قوى ولقو انهم الاتنين جادين ممكن يبداو التعارف بجد وفترة الخطوبة وكدا

و مين الى قالك يا كفائة ان الكلام على النت بيبئى بجد
ما انت ممكن تتكلم مع واحدة سنة و فى الاخر يطلع صاحبك
و بعدين بردة و انت عارف كدا ان مبتبئاش الشخصية الحقيقية
دا انا حتى سمعت ان فى ناس عاديين جدا بيبئى عندهم انفصام فى الشخصية
بمجرد انهم بيدخلو على النت شخصيتهم بتتغير
فازاى الواحد يعرف فكر التانى من شخصية احتمال كبير جدا جدا انها مش الواقعية
ما ممكن واحد و انت عارف كدا بردة
يكون عازم اصحابة على كلام البت الغلبانة دى و الكلام الى بيوصلها
انة عاشق ولهان محترم متدين و مثالى

انت بئى تتاكد منين ان البنت الى بتكلم دى كمان صادقة معاك؟