بسم الله الرحمن الرحيم
الحمد لله خلصنا * من الامتحنات
وباذن ربك فلفصنا * من غير اصابات
دملعون ابوك ياثانويه * لعنه قويه
ياللى النكد عنك غيه * دون الهوايات
ملعون ابوكى يامدارس * حبس وحارس
مدير عبيط ومديره عانس * واساتذه عاهات
ماعدش فيه لوح سبوره *و"ميس"زرزوره
بتهاتى والناس محشوره * بين الديسكات
ولا مشرفه نص نتايه * ماسكه عصايه
هيه وقرود الجبالايه * قرايب واخوات
ولافيش ابو بدله سفارى * بلون جنزارى
ناظر واعمى يامرارى * وست بشنبات
ولافيش مديره كركوبه * اسمها زنوبه
باروكتها حله مقلوبه * وودانها صاجات
ولاعادش فيه استاذ خايب * شايب عايب
يحط ع الكلمه ضرايب * زى الحكومات
ماعادش فيه بناتيت سكه *رابطه وفكه
داهنين وشوشهم جملكه * اربع طبقات
لافعه صاحبها على دراعها *ويمتعها
يتقال بتاعته وبتاعها * وتقوم خناقات
عيال بتمشى على اربع * زى المدفع
لكن يناموا على مشمع * زى البيبيهات
خلى الجماعه الشضليه * المستقويه
ياكلوابطاطس مقليه * ويعاكسوا بنات
احنا اللى فى وقت المحنه * نجحنا واحنا
لفت ودارت لصالحنا * وجبنا الشهادات
بطلنا لو نسمع صفلفير *نوقف طوابير
بشر وحاكمه عليها حمير *عاملين باشوات
بطلنا كتاكيتو القمامير * من غير مناقير
دا احنا بقينا ملوك الطير * فوق السماوات
مدرستى ياملعون ابوها * واللى جابوها
لولاالتلاميذ قلبوها * كشك مجلات
نشوفكم المره الجايه * فى الكليه
ونقول لوحوش الحريه وسورها سلامات
بس الخازوق لويتكرر ** هذا المنظر
فى الجامعه لكن على اكبر *من دى المقاسات
والدنيا بره برضه خازوق * طالع من فوق
والخنق مكتوب على المخنوق * ومافيش اجازات!
الخميس يوليو 16, 2009 12:48 am
