فرص مصر للتأهل الى كاس العالم

هسرد الاحتمالات اللي ممكن تحصل و نتأهل فيها .


الاحتمال الاول
- الاحتمال ده هعتبر ان الجزائر هي المنافس بتاعنا .. دي ماتشات الجزائر اللي فاضلة :






هنعتبر ان الجزائر كسبت زامبيا برة و جوة و كسبت رواندا هيبقي في الحالة دي عندها 13 نقطة من 5 ماتشات و فاضلهم ماتش معانا في ارضنا ..

و هنعتبر ان مصر كسبت ماتشاتها الجاية كلها هتبقي 10 نقط و فاضلها ماتش الجزائر ..

مصر عشان تتأهل في الحالة دي لازم تكسب 2-0 او اكتر لان في حالة تساوي النقط بيحتكموا للمواجهات المباشرة بين الفريقين .. طبعا محدش مقدر قيمة جول ابو تريكة دلوقتي بس لو حصل السيناريو ده جول ابو تريكة هيسهل المهمة جدا في مصر لان ان انت تكسب الجزائر 2 ممكن اوي غير لما تنزل و انت لازم تكسب 4 !

-----------------------------------------------

الاحتمال التاني

زامبيا اللي هتنافسنا في الاحتمال ده .. دي ماتشات زامبيا اللي فاضلة :







هعتبر ان زامبيا كسبت الجزائر في زامبيا و اتعادلت معاها في الجزائر يبقي كدة زامبيا بقت 8 نقط .. و فاضلها ماتشين مع مصر علي ارضها و رواند برة ارضها ..

مصر هتكسب رواند برة و جوة هتبقي 7 نقط و رايحة لزامبيا في ارضها و عندها الجزائر في مصر ..

طبعا اي نتيجة غير المكسب في زامبيا هيبقي تقريبا كدة احنا برة .. لو الماتش خلص تعادل هيبقي زامبيا متصدرة المجموعة ب9 نقط وراها مصر ب 8 و الجزائر ب 8 بأعتبار ان الجزائر كسبت رواندا في جولتها ال5 .. و فاضل لزامبيا رواند برة ارضها و مصر فاضلها الجزائر في ارضها ..

اي مكسب زامبيا تحققه يبقي كدة هي صعدت .. تعادل او هزيمة لزامبيا يبقي معناها تأهل الفائز من ماتش مصر و الجزائر !

في حال كسبنا زامبيا هناك يبقي احنا كدة تقريبا قطعنا شوط كبير اوي في التأهل لان هيبقي عندنا 10 نقط و زامبيا 7 و الجزائر 8 بأعتبارها كسبت رواندا .. يبقي منافسنا الاول في الحالة دي الجزائر و ده هيدينا افضلية كبير لان اخر ماتش في المجموعة في ارضنا و اي نتيجة من تعادل او مكسب يصعدونا كأس العالم !

-----------------------------------------------------

الاحتمال التالت

هنقول زامبيا كسبت الجزائر في زامبيا .

و الجزائر كسبت زامبيا في الجزائر .

و مصر كسبت رواندا رايح جاي .

هيبقي موقف المجموعة زامبيا 7 الجزائر 7 مصر 7 .. و الجولة ال5 و 6 هما اللي هيحددوا و شرحت الاحتمالات اللي ممكن تحصل فيهم فوق .

-------------------------------------------------

الاحتمال الرابع

ده افضل احتمال ممكن يحصل يخدم مصلحة مصر .

الجزائر و زامبيا يتعادلوا مع بعضهم برة و جوة.

مصر تكسب رواندا رايح جاي .

يبقي كدة موقف المجموعة مصر اول ب7 و زامبيا و الجزائر 6 .. و فاضل جولتين مع افضلية لمنتخب مصر انه قدامه خيارين في زامبيا ممكن التعادل او المكسب .

لو فرضنا التعادل بين مصر و زامبيا و الجزائر كسبت رواندا يبقي كدة موقف المجموعة الجزائر اول ب 9 نقط و مصر تاني ب 8 نقط و زامبيا تالت ب 7 نقط ..

و فاضل ماتش مصر و الجزائر في القاهرة هو اللي هيحدد .. و مقدمناش غير خيار واحد بس ان احنا نكسب عشان نصعد كأس العالم !

بس المفروض ان احنا نكسب كل اللي جاي عشان نضمن مش مسموح بالتعادل او الخسارة

مشكور ونشاء الله هنصعد بعون الله

كشطووووووووووووووووووووووووووررررررررررررر على التوبيك الجامد دة

مشكور واديك عرفتنا