* اكتب رأس السؤال اللى مكتوب على الورقة في صورة نقاط
* فكر خمس دقايق في كل نقطة لوحدها
* حاول تخرج من كل نقطة واحدة او اتنين كمان بس يكونوا مرتبطين بالموضوع
* امسك القلم وخد نفس عميق وقول ربي اشرح لي صدري
* اكتب المقدمة وحاول تستشهد بحديث شريف او آية قرأنية او بيت شعر او حتى حكمة
* فصص كل نقطة في خمس سطور على الاقل وممكن تستعين بكلمات او جمل من رأس السؤال
* نظم خطك وحط نقطة وفاصلة وكده
* اكتب الخاتمة وارجع اقرأ الموضوع من الاول وشوف لو فيه حاجة عايزة تتظبط
بص.........المقدمة ممكن تكون كده:
بسم الله الرحمن الرحيم لقد قرأت في هذا الموضوع وفكرت به كثيرا وتمنيت ان تتاح لي الفرصة للتعبير عن رأيي وها قد أتت لذا سأعبر عما يدور في بالي تجاه هذا الموضوع الهام الذي يستحق مناقشته والذي يهم الكثير من الناس وربما يحتاج الى كتب ومجلدات لكنني سأحاول تناول النقاط الهامة
الخاتمة:
وأخيرا استطعت الادلاء برأيي في موضوع (كذا) والذي كان يشغلني كثيرا وهو *بعد كده حطي رأيك باختصار جدا حوالي سطر او اتنين بالكتير ونصائح تخص الموضوع
ربنا يوفقكوا يا شباب وتجيبوا الدرجات النهائية وتفرحونا معاكو وانا حاولت أساعدكوا بأي حاجة....
السبت يونيو 05, 2010 5:11 am
