ازاي البنت والولد بيشتغلوا بعض

بجد الموضوع للهزار وللضحك

فمن اولها مش عايزين حد ياخد الكلام جد ويضيايق

تعالوا الاول نقول الولاد ازاى بيشتغلوا البنات

طبعا نص شباب مصر فاكرين ياحرام ان حركاتهم مفتكسه وجديده

وهى للاسف قدمت اوى

بس احلى حاجة البنات بتتبعها معاكم انها بتعمل نفسها عبيطه ومش فاهمه حاجة خالص

ازااااااااااااااااى ؟؟؟؟

تعالوا نقول بقى

الولد من من دول ياسلام لو من النوع الفرفور خالص ده

تلاقيه واقف يرمى نظرات وتسبيل

حتى لو واقف فوسط شلة بنات

من الاخر عايز يحس انه عنتر زمانه

واتأكدى انك لو بصتيله بصه واحده بس هيلاقى الف حجة علشان يجى يكلمك

فالكويس بما انه فرفور

واكيد مش هيعجبك

ااقلبيه وبلاش تبصيله

اما بقى لو واحد امور

الاسطوانه بتاعة 2009 / 2010

لازم هيغنيلك اغنية

انا مش بعاكس والله

انا غرضى شريف

او رسمى

ممكن تدينى بس رقم موبايلك

ومادام من الاول قالك انا مش بعاكس والله

تأكدى انه بيعاكس والله

وياسلام بقى لو معاه كام واحد صحبه

ساعتها ياكتكوته هيكون جاى يترسم اودام اصحابه انه عرف يكلم البنت دى

هو صحيح موضوع تافه اوى

بس حقيقى التافهين كتيييييييييييييييييييير

والتفاهه ملهاش كبير

ممكن يكون واحد V I P ويكون التفاهه اصحاب

وساعتها بقى لو نطقتى معاه بكلمه هيروح يقول ويعمل لاصحابه اسطوانات وافلام

ومش بعيد يقولهم ان بقالك 10 سنين معجبه بيه وهتموتى عليه

من الاخر

التنفيض سيد الاخلاق

وكبر دماغك تعييييييييييييش

وياسلام بقى لو ارتبطوا

طبعا تفضلوا ماشيين مع بعض سنين كتيييييير وتغنوا لاصاله

وياسلام بقى لو وصلتوا لمرحله اسماء البيبهات الامامير ايه

ساعتها تأكدى انكوا سرحتوا بعيد اوى

لان مع اول كلام بجد

هتلاقيه اساسا هيطلعلك حكايات ولا حكايات ميكى علشان يفركش الموضوع

اصلى اختى الكبيرة لسه متجوزتش

وابويا ميت وانا اللى بصرف على البيت

وجو افلام عمر الشريف ده

وساعتها هتكون مصر كلها والدول المجاورة عرفت قصة الحب الملتهبه اللى بينكم اللى بقالها 10 سنين

وساعتها ممكن تكونى انتى والعنوسه اصحاب

والحاجه الموجوده بجد بكثافه فكتير من شباب مصر

انه يموت ويترسم بعلاقاته الغراميه

مين كانت هتموت عليه

ومين كانت هتموت وتكلمه

ومين كانت بتقفله بالساعات فى البلكونه

وهو ياحرام ممكن متلقيش ولا بنت عبرته فحياته

وحتى لو واحده عبرته ممكن تكون اى كلام ونفسيتها حلوة اوى

الشباب بقى

مش عارفه ليه دايما مفترضين ليه ان البنات كلها غلابه

وانهم بس اللى لفوا وداروا

تلاقى الواحد من دول متخيل ان البنت اللى مرتبط بيها متعرفش حد لا قبله ولا بعده

وممكن تكون هى عارفه خلق ربنا

بس عارفه ترسم الدور عليك صح

وطبعا الحاجاه الفظيعه اللى بضحكنى اوى

لو اجمل واحد فى الدنيا وواحده بصتله بصه واحده بس ممكن يجرى جرى عليها يتعرف عليها

فين ياجماعه التقل بتاع زمان

كانوا بيقولوا التقل صنعه

هههههههههههههههههههه موضوع جامد يا محمد بس هو فى قصه حب بتقعد عشر سنين من غير لا خطوبه ولا اى حاجه مظنش يا ابنى لا الواد فى الزمن ده سهلين ولا البنات

انا اعرف بقى هو الموضوع كدا

ومشكورة على مرورك

ههههههههههههههههههه موضوع جميل جدااااااااااا وهو على فكرة ده اللى بيحصل بجد

الله يخليكي ودا طبعا مايجيش في مواضيعك حاجة طبعا يعني

ومشكورة على المرور

والله انتوا بتحرجونى بذوقكم ... كل اما اعلق لحد يقولى متجيش حاجه فى مواضيعك.. والله كل المواضيع اللى على

المنتدى جميلة واى مشاركة من اى عضو بتبقى حلوة

لا خلي بالك دا انا اللي سايبك تحطي مواضيع حلوة كدا

انا عندي مواضيع ضرب نار بس سايبكم تلعبوا شوية كدا

هههههههه طيب ماشى يعنى انت المعلم الكبير..اوك عادى كتر خيرك ياعم ان انت بتخلينا نحط مواضيع جامدة كده...بس عايزين نشوف مواضيعك الجامدة كمان ولا ايه متبخلش علينا بيها

لا طبعا مش هابخل بيها عليكم بس اما يبقى في اعضاء يدخلوا بس والاجازة تيجي كدا نبقى نظبط بقى

» ازاي تحرق دم اي بنت ؟؟؟؟؟
» ازاي ترخم علي حد نايم
» مواصفات البنت المصرية
» الفرق بين الولد و البنت اذا هم متعصبين
» شوفوا قطور كانت عاملة ازاي بعض ماتش مصر والجزائر................ناااااااااااااااار