لعبة انا والمحبين وهواك

[size=24]

بكل الحب هنتكلم عن الحب

اصدقائى اعضاء احلى منتدى
انا جاتلى فكرة وياريت تعجبكم
ايه رايكم نعمل موضوع
زى برنامج اسامة منير
وبدل مايبقى اسمه انا والنجوم وهواك
يبقى اسمه

انا والمحبين وهواك

وفكرته ان احنا نتكلم
فى كل شىء يخص الحب
ونطرح موضوع ونناقشه
وكل واحد يقول رايه
فى الموضوع اللى بنطرحه
وكل واحد من حقه
انه يختار موضوع نتناقش فيه
ونقول راينا ووجهة نظرنا فيه
واسمحولى النهاردة انى ابدا
باول موضوع وهو

المسامحة فى الحب

ياترى ايه حدود المسامحة فى الحب عندك؟؟ وايه اللى ممكن تسامحه
وايه اللى لايمكن تقدر تسامحه ابدا فى الحب؟؟ ياريت الكل يقول رايه وبعد مالكل تقريبا يقول رايه من حق اى عضو
انه يختار موضوع تانى نتناقش فيه

ودي امثله ممكن نتناقش فيها

بعد كده

هنتكلم عن الحب وحلاوته

هنتكلم عن الحب وشقاوته

هنتكلم عن لهفه وروعه الحب

هنتكلم عن تعبيرات الحب

هنتكلم عن فرحه الحب

هنتكلم عن اشتغالات الحب

هنتكلم عن جرح الحب وعذابه

ياااااااااااارب الفكرة تعجبكم[

/size]

جااااااااااااامده الفكره

ومشكور عليها

وانا رايى ان الحب اكبر مثال للمسامحه وان الحب من غير تسامح مش حب
وانا عن نفسى لو بحب ممكن اضحى بكل حاجه واسامح فى كل حاجه علشان الحب
بس لو كان اللى بحبه هو كمان بيحبنى وممكن يضحى ويسامح بس انا الحاجه اللى مش ممكن اسامح فيها كرامتى

بص فى الاول انا مستغرب جدا ان انت رومانسى مش مودك خالص فى المدرسة

اما بالنسبة للحب
فالحب هو الحياة الحب اهم ما فى الدنيا من جمال الحب الحب ليست مجرد كلمة و انما شعور
لا يوصف الحب الحب الدح الدح (سرى نسيت انى بتكلم عن الرومانسية Very Happy

)
الحب موجود فى حياة كل منا
الحب اهم ما فى الوجود الحب هو الحياة
الحب هو ميثاقنا مع اصدقائنا و اهلنا
مش قادر اوصف اكتر من كدا
بس كل اى اقدر اقولة ان لو انعدم الحب من حياتنا مش هنعيش اصلا

مفيش حب من غير تسامح لان اللى بيحب حد طبيعى بيسامحه مهما عمل وبيحاول يفتكر اى لحظة حلوة عدت معاه عشان يقدر يسامحه بس ان الواحد يسامح فى حاجة واحده زى الخيانه مثلا اكتر من مرة معتقدش ان حد ممكن يعملها

اكيد اللى بيحب لازم يسامح

واللى بيحب مابيخونش

وممكن الخيانه دى تكون سوء فهم

بس لو خيانه بجد هيكون مفيش حب اصلا وماينفعش مسامحه فيها

فكرة حلوة جدا

بس انتو دخلتوا تتكلموا من غير ما تحددوا موضوع للنقاش

ممكن نتكلم فى موضوع .. اللعب باسم الحب

بمعنى ان فيه ناس كتير اوى بتلعب باشخاص بريئة ويسموا دا حب عشان يبرورا الموقف مش اكتر

لو الموضوع عجبكم ممكن نتكلم فيه

اوك ياكوتا موضوع حلو

بس قبل ماابدأ اتكلم فيه

احنا كنا مختارين موضوع التسامح فى الحب

بس بالنسبه لللعب باسم الحب

فده موضوع بجد وحش جداااااااااااااا

وماينفعش يكون موجوده وعلشان الموضوع ده بقى كتير اوى

ففى ناس كتير بتقول ان ماعدش فى حب موجود

بس بجد احلى واجمل احساس فى الدنيا الحب (حب الاصدقاء -حب الاخوات -حب الاقارب) مش شرط حب الحبيبين بس
وياريت نحاول نحب بعض ونحب نفسنا بجد

بصراحه يا احمد فكرة الموضوع حلوه اوى ................انا رأيى ان لازم يكون فيه تسامح فى الحب غير كده دايما الى يحب حد هو من نفسه لازم يفهمه دايما صح وعمره ما يتوقع حاجه وحشه من الشخص دهودايما يكون واثق فيه

بس من رأيى ان الحاجه الوحيده الى ممكن الانسان ما يسامحش فيها ان الانسان الى بيحبه يستهون بيه او يقلل من قيمته او يدوس على كرامته

يا جماعة كلامكم دا كولو فوق راسى بس حددوا موضوع
واحنا نتكلم فية علشان انا مش عارف افتح اى موضوع
اتفقوا وقولولى

احنا عاوزين نتكلم فى اللعب باسم الحب
موضوع كويس

الصراحة اللعب فى الحب كلمة كبيرة قوى وليها وزنها والجرح منها بيكون صعب قوى قوى والانسان حتى لو بيحب حبيبة حب عبودية ولعب بية او باحاسيسة مش ممكن يسامحة على اللى عملة بس هيكون لسة بيحبة بردة بس من جاة مش من قدام الناس واللعب دة ممكن يكون عن طرق كتيرة منها ان الحبيب يعشم حبيبة بكل حاجة وفى لحظة ياخد منة كل حاجة واظن دا اكبر جرح ممكن الواحد مننا ممكن ينجرحة فى حياتة كلها والجرح دا ممكن يأثر مع المجروح اما يخلية انسان عاقل ويخلية فاهم الدنيا ماشية ازاى او يعمل نتيجة عكسية ويخلية يعيش فى جحيم
ولا فية حد لية راى تانى انا مش هتكلم لوحدى
الموضوع بتاعكم يا جماعة

انا شايف ان كل كلامك ده صح
لان انا جربت ده قبل كده واكيد انت عارف انا قصدى ايه

طب انا المرة دى هقول قصة بس كل واحد لازم يرد ويقول لو مكانة هيعمل اية

افرض انك حبيت واحدة او حبيتى واحد والظروف بعدتكو عن بعض فترة من الزمن
وجيتو مثلا بعد 3او4 سنين تتكلموا مع انكو لسة بتحبوا بعض بس محدش فيكم عايز يبين للتانى
وانتا او انتى بتفتحى الموضوع قام حبيبك صادك وقالك انكم عمركم ما كنتو اكتر من اخوات واصحاب
مع انو بيحبك لسة بس من جواة
انتا او انتى ساعتها ردة فعلك هتكون اية وحالتك هتكون ازاى

اولا هو موضوع صعب اوى وموقف وحش جدااااااااا

بس انا عن نفسى لو اتحطيت فى الموقف ده هو انا هاتصدم الاول

بس هاحاول انى مابينش الصدمه دى واقوله انه هو كمان عمره ماكان غير اخويا

واخد الموضوع وانا قدامه عادى جدااااااا ولا كأن حاج ه حصلت خالص

بس

ربنا يستر

هههههههههههههه

ماشى دا ردك فين بقى بقيت الاعضاء

هوا موقف صعب فعلا بس انا معرفش ايه اللى جواه لكن الكلام اللى قاله مش هحاول فعلا انى ابين ردت فعلى ايه لان هوا اللى اتكلم وهوا اللى اختار هقول له ان اللى ربنا كاتبه لنا هيكون مهما كان والحمدلله انك فهمت اللى كان فيها من الاول ...بس بمعنى اصح هبين ان دا كان عندى عادى ودا فعلا الى لازم يحصل بعدها

هسكت هاعمل ايه يعني

لا احسن حل يا حباظة

او هاقولها لا احنا مش اخوات انتي عارفة احنا ايه فمفيش داعي نعذب بعض وبعدين اقوم ضاربها بالقلم

ههههههههههههههههههه يعنى بعد الكلام دا تضربها ياسلام على الرومانسية والحب يااااااااااااه

الله يخليكي

لا تصدق اول مرة اعرف انك رومانسى
بس حركات الضرب دى مبتكونش الا فى الافلام بس

دا انا نفسي اجرب الضرب بالاقلام ده ياااااه متعة تقوم رافع ايدك وتقول يا كلبة طخخخخخخخخخ ياه ياه ياه

هههههههههههههههه

ربنا يستر عليها دى

بس مش قادره اقولكم ياجماعه على الرومانسيه اللى فى الكلام بتاع محمد

ههههههههههههه

» لعبة Travian لعبة استراتيجية رائعة بدون تحميل!
» لعبة غرق
» لعبة الصراحة
» لعبة المشنقه .....................!
» ..لعبة النسيان ..! ]