مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها
*****************************************
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
*****************************************
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
*****************************************
مره واحد غبي بيقول لصاحبه ايه رأيك انت تاخد شهر اجازه من الشغل وانا اخد شهر اجازه ونسافر شهريين فرنسا
*****************************************
مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!
*****************************************
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل مش حيتعشى!!!
*****************************************
اتنين أغبية بيلعبوا صلّح لوحدهم
*****************************************
اتنين اغبية بيلعبوا شطرنج الملك مات مشلول
*****************************اتنين اغبيه واحد قال للتاني :الغرب يا اخويا عمالين يخترعوا حاجات جديدة ويطلعوا القمر وحتي المريخ واحنا اجدع ناس مش عارفين نعمل حاجة؟ قام التانى قاله :طب خلاص احنا نروح نطلع الشمس! الاول قاله: بس الشمس بتكون حامية قوي ...التاني قاله خلاص نطلعها بالليل !!
*****************************************
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا
*****************************************
واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه
*****************************************
مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ
.....................................................................
دكتوره اسنان راحت ترفع قضيه على جوزها ... المحامى قالها نخلعه ? قالتله لا لخلخه كده لما نشوف ايه اللى هيحصل
.....................................................................
مرة أربعة بلدياتنا راحوا فرح .. الأول:- نقط بخمسة جنيه و ضرب طلقة رصاص ..الثانى:- نقط بعشرة جنيه و ضرب طلقتين ..الثالث:- نقط بخمستاشر جنيه و ضرب 3 طلقات ..أبوهم الراجل الكبير بقى عايز يعمل منظر راح... منقط بـ ميت جنيه و رمي قنبلة!!!
.....................................................................
واحد اخذ ارنب يبيعه فى السوق جاله واحد مسطول و سأله : بكام الحمار ?? قاله بس ده ارنب مش حمار ... قاله المسطول : ياعم انا بكلم الارنب
.....................................................................
سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
.....................................................................
مـرة طفل قال لجدة :جدو جدوو انا حلمت ان انت اديتلى قرش .قال لة طيب اوعى تصرفة
.....................................................................
واحد ندل عينوه رئيس الشرطة أول حاجة عملها غير رقم الطوارئ من 122 إلى 65876945364687.................................................................................................................
واحد بيسأل بلديتنا: تعرف مين طاهر العيسوى ? قاله: مش لما اعرف مين اللى طاهرنى انا الاول.....................................................................................................................................
الأحد فبراير 07, 2010 4:49 am
