بسم الله الرحمن الرحيم
by:popo_elhorapy
ازيكوا يا جماعة ؟؟ يا رب تكونا كووول اخر حاجة ..
النهاردة ولاحساسي بذاتي قررت اكتب مذكراتي ...
و ليه لأ ا كل العظماء و اللي بيتميزوا عن الناس العاديين بيعملوا كدا و انا بعتبر نفسي منهم لعبقريتي في مجالي ...
يبدا يومي بوصلة من الشتايم و الردح من بابا العزيز لتصحيتي من النوم قد تمتد اكثر من ساعة و ايام ساعتين ...
بعدها اتعطف و اتكرم و اقوم من النوم ...و طبعا بزرع كل مكان ( متداري ) في شقتنا بالنوم فيه...
و طبعا برضوا بابايا ورايا لانه عرفهم كلهم ...
لينتهي بي الحال الى احلى و اجمل مكان لقلبي لاني بحس بالخصوصية فيه ... طبعا عرفتوه ...
و من هنا بجد نفسي ابعت رسالة شكر للغالي العبقري صاحب اختراع البانيو .. هذا الاختراع الجميل المريح ..
المهم طبعا بيمتد جلستي في البانيو الحبيب لاكثر من ساعة مصاحبة بوصلة من الشتائم من جانب ابي و خبط و رزع عالباب و زعيق و كأنه بيسمّّّع طقطوقة لعبده الحامولي ... او وصلة للست .. المهم لما بخرج بتكون الطقطوقة مصحوبة ببعض الدق بالكفوف و زي ما تيجي تيجي بقا...
بعدها بلبس وانزل لانتظار الباصو طبعا فيه وصلة نوم في الباص ... لاني من حسن حظي ساكن في اول الخط يعني قدامنا ساعة على ما نوصل يللا اهو يكله ينفع ...
بعدها ادخل المدرسة و في الطابور بتكون معاناه حقيقية لان النوم عالحيطة صعب بجد بس اهو بيمشي الحال لغاية ما نطلع الفصول ... و في الفصل يكون التميز .......
طبعا انتوا حاسين انا قاعد فين في فصلنا الجمييييييل ...
بالضبط .. في اقصى اليمين اااااااااااااخر ديسك ..جنب الحيطة
و جنبي اعز اتنين في حياتي حمادة المفش و سيد شفتورة
و دول بقا اعز اصدقائي و اللي بيقموا بتنبيهي مباشرة ان قرّّّب المدرس مننا ... و من نعمة ربنا عليّّّ ان الفصل ملياااااااااااان و الروس كتيرة فالمدرسين اصلا مبيبقوش حاسين بوجودي من عدمه لدرجة ان لو شافني احدهم في المدرسة ممكن يقوللي (هو انت جديد هنا ؟)المهم لما بتقفش ساعات من بعض المدرسين اللي ضميرهم بيوجعهم و بيقوموا باللف في ارجاء الفصل بيكملوا الوصلة بتاعة بابايا اللي بدأها من الصبح سواء الطقاطق الخاصة بعبده الحامولي او الرزع بالكفوف ...
بعدها تيجي الفسحة الجميلة لاكمل نوووووووووووووم ثم باقي الحصص على نفس المنوال لينتهي اليوم الدراسي و اعود الى منزلينا الحبيب لاتناول الغداء ثم ... بسرعة البرق ... اعود لسريري الحبيب لاناااااااااااااااااااااااااااام بعد يوم شااااااااااااق مضني تصبحوا على خيييييييييييير اصلي تعبت اوي .
by:popo_elhorapy
الخميس نوفمبر 12, 2009 11:05 am