انا عايزة ترحيب بيه ومتقلقوش فى عزومه على اللى يرحب

انا من ساعه ما دخلت المنتدى ده وانا محدش عبرنى خالص هو انتوا بتعملوا كده مع الضيوف ولا ايه انا عايزه يبقى ليه اصحاب ده انا بقول الاغلبيه عارفنى

اهلا بيكى معانا فى المنتدى

المنتدى نور بوجودك

وان شاء الله تقدرى تستفيدى من المنتدى وتفيديه ايضا

تقبلى مرورى

اهلا وسهلا شرفتينا والله المنتدى منور نور شديد شوية مش شايفين حاجة بس اهم حاجة تملي المنتدى ده توبيكات عشان نستفيد منك بردو مش كده ولا ايه

ويارب العزومة متبقاش كلام بس وتبقى سمينة كده

شكرا جدا جدا يا جماعه على ترحيبكم بيا وان شاء الله العزومه على محمد بهاء زى ما عاشق الوهم قال وانا عارفه انه كريم جدا جداولتانى مره بقولكم شكرا جدا وان شاء الله هقدم مواضيع حلوه

يا سلام بس كده دا انا هعزمكم عزومة كل المنتدى ييجي بقى ماعدا عاشق الوهم (واحد ناصح يقولي ليه) اقوله لان عاشق الوهم لو واحد عزمه مش هيخلص اكل لانه معروف انه بياكل اي حاجة دا حتى بياكل الفرخة بريشها من كتر الجوع يعيني ( عيال جعانة بقى هنعمل ايه) ومستنيين مشاركاتك اللي من غير اما نشوفها هنقول عليها جامدة يا انجل

ربنا يخليك يا محمد وشكرا على ترحيبك ليه
ومتزعلش اللى رحبوا بيا معزمين على بنبونى ولبان ايه رايكم بكل الانواع شفتوا عزومه زى
دى قبل كده

الكود:

يا سلام بس كده دا انا هعزمكم عزومة كل المنتدى ييجي بقى ماعدا عاشق الوهم (واحد ناصح يقولي ليه) اقوله لان عاشق الوهم لو واحد عزمه مش هيخلص اكل لانه معروف انه بياكل اي حاجة دا حتى بياكل الفرخة بريشها من كتر الجوع يعيني ( عيال جعانة بقى هنعمل ايه) ومستنيين مشاركاتك اللي من غير اما نشوفها هنقول عليها جامدة يا انجل

بأه انا كده يا مفترى
ربنا على الظالم
بس عشان اثبت ان الواد ده بخيل وخايف على الفلوس
ده زمانه خايف لتيجو العزومة بجد
بيعيط 3 ايام قبلها و 7 بعدها عشان يكملو 10 ايام

ياااااااااااااااااااااااه انت ملهوف اوى كده يا احمد على العزومه
اوك
طيب انت عايزين تتعزموا فين

انا نفسي نروح عند بحة بتاع الكبدة او على كورنيش طنطا نشرب قهوة ولا حاجة

هههههههههههههههههههههههههه على كورنيش ايه يا عم انت داخل على طمع كده ليه وكبده كمان يا انهار ابيض هو انتوا شايفنى موظفه ولا ايه

بلاش ياعم لاتموت فيها دا شكلها بخيلة كدا من اولها وشكلها هتاكلنا فول وطعمة ومن عند فيرس كمان

هههههههههههههههههه لا والله بس انتوا تامروا وانا هوديكم المكان اللى انتو عايزينه عشان بس كفائه يعلرف ان انا مش بخيله بص يا جماعه العزومه اخرها 20 جنيه كويس اوى وبعدين مالو كشرى علوش لو اتغديتو عنده فيها ايه يعنى انا عايزه اعرف

مش بقولكم بخيلة واخرها فول وطعمية
وانا هتبرع من اول ربع جنية لحد تلاتة جنية الا ربع دا اخرى

20 جنيه دا انا ماديهاش للواد اللي بيدينا الاطباق ولا يا كفائة عزومة روشة تتكلف كام ؟

ههههههههههههههههههه ماشى يا جماعه شوفوا انتوا عايزين تتعزموا على ايه بجد

يعنى كل واحد وجبة من مكندونالز ب 39
او ممكن نجيب الوجبة العائلية ام 199
بس دى مش هتكفى اربعة دى 16 قطعة بس

بصى يا انجل انتى هاتى 500 جنية واحنا نشبرق نفسنا

وانا موافق دا احنا هناكل اكل

ههههههههههههههههههههههه بصوا يا جماعه انا اصلا فكرت فى موضوع العزومه ده يا اما انا اطلع من المنتدى يا اما تتعزموا عندنا فى البيت ويبقى اكل بلدى والله انتوا حرام عليكم
ده بيقول 500 جنيه قال يالا يا ابنى انت وهو روحوا العبوا ومحمد يقول ده احنا هناكل اكل يا لهوى عليكم بصوا بقى انا بخيله اوك

طب خلاص انا موافق على اكل البيت واهو احسن بردة من كلة
بس الاكل يكون فية فراخ ولحمة وفية كل حاجة
ولا دى كمان هتبقى بخيلة فيها

نورتى يا شابة
دارك ومترحك
ههههههههههههههههههه
منوره المنتدى يا انجل

انت لسه فاكر يا عم ما الناس اتعرزمت واللى كان كان وبعدين هو انا داخله بيت ريه وسكينه يا مامى