اللغة العربية .... من أمتع مواد الثانوية ... بس انت مخمخ معاها

أسعد الله أوقاتكم جميعا
يارب تكونوا بخير ...... وبتذاكروا كويس

فى الموضوع ده هنتكلم ان شاء الله عن مادة اللغة العربية

المادة اللى كتير منكم بيكرهها ( خصوصا النحو )

من غير مقدمات كتير

هنتكلم على طول عن المادة

العربى من المواد اللى المفروض الواحد يقفلها .... ( مش صعب انك تجيب 28 و 29 )

هى بس محتاجه تنظيم وتركيز .

اهم حاجه لازم نقولها :
انوى ان مذاكرتك ومجهودك لله , عشان تاخد عليه حسنات وربنا يباركلك ويعينك .

هابدأ إن شاء الله بالنحو ...... ( بما إنه مزهق ناس كتير )

بالنسبة ليا أنا ..... النحو كان هو اكتر جزء بحبه فى العربى ,اكتر حصة كنت بحب أحضرها

هو مبدأيا بيعتمد على المنطق
يعنى ايه ؟؟؟؟

يعنى مثلا الفاعل , المفعول به , المضاف , المضاف إليه ............ الخ
بتتعرف بالدماغ كدا .... أو زى ما بيقولوا ( بالشبه كدا )

السؤال بئا:

ازاى نتعامل مع النحو ؟؟؟

1- الجملة اللى دايما بقولها ..... وتلاحظوا انها بتكرر فى كل موضوعاتى
((( اكسر الحاجز ))

لأنها مهمة جدا ............ صعب انك تحقق حاجه او تنجح فى حاجه
وانت من جواك مقتنع انها مستحيلة ... طب ازاى؟؟؟

- حاول تشيل من جواك فكرة ان النحو صعب وانه حاجه خنيقة , وانه يحرق الدم .... والكلام ده كله
واقنع نفسك انه سهل وانك تقدر تنجز فيه تمام .

2- ركز اوى فى شرح المدرس لكل قاعدة .... ( مش تسرح بئا مع نفسك والبت اللى بتحبها وبتاع ... خليك محترم )
وحاول متخرجش من الحصة الا وانت فاهم ,, وكمان مقتنع بالقاعدة ... (وبلاش نظام اهى حصه اتشرحت وهنبئا نذاكرها لما نروح )
اسأل المدرس وخليه يكرر القاعدة ويدى أمثلة كتير مختلفة عليها .

3- ذاكر أول بأول
الدرس اللى تاخده تذاكره فى نفس اليوم وتطبق عليه ...... (( مهمة جدا جدا ))
لأن المعلومة بتكون لسه طازة فى دماغك ..... ودماغك بتبئا شغالة معاها

لكن لو استنيت يوم ولا اتنين بتبدأ تنسى أجزاء منها
(( طبعا سمعتلك فيلم ,, على كام أغنية ,, على كام مطش كورة ,,,, وضربت حلة محشى محترمة ))
بعد كطل ده ضاعت المعلومة من دماغك أو على الأقل جزء منها .

4- اربط القواعد ببعضها ......... (( بلاش فكرة ان كل درس منفصل بذاته ))

5- كرر
طبعا القاعدة الشهيرة المعروفة ........... التكرار بيعلم .............

6- درب نفسك

يعنى ايه ؟؟؟؟؟؟؟؟؟

يعنى مثلا انت بتذاكر درس قراءة أو قصة

تعالى كدا وانت بتذاكر , واعربلك جملتين تلاتة , وطبق عليهم قواعد النحو اللى أخدتها .

7- النطق

حاول يكون نطقك وانت بتذاكر عربى ... طبقا لقواعد النحو الصحيحة (( تقرأ بالنحوى يعنى ... ولو حتى جزء صغير ))
عشان لسانك يتعود على النطق الصحيح .... وبالتالى يتعود على الاعراب الصحيح .

8- حل كتير

كل يوم أو كل يومين تلاتة مثلا .... اعمل لنفسك نص ساعة لحل النحو
وهات نماذج مفتوحة ..... حتى لو فيها قواعد انت لسه مش اخدتها
ولو حاجه وقفت قدامك اكتبها فى ورقة .... ولما تروح الدرس إسأل المدرس فيها .

9- حتة فرفشة بئا

ممكن انت واصحابك لو مثلا بتتقابلوا كل أسبوع مرة او حاجه
تعملوا ربع ساعة امتحان نحو بسيط كدا .... واللى يجيب أعلى درجة الباقيين يجيبوله أى حاجه (( حاجه ساقعة.... كيس شبسى ... أى حاجه ))

منها يبئا فى تنافس ومنها تسلية .

10 - اقرأ قرآن كتير .... واسمع قرآن كتير (( بالذات تسمع كتير ))

القرآن نزل بلسان عربى مبين
لو اذنك اتعودت على القرآن هيكون نطقك للغة العربية صحيح
يبئا حليت جزء كبير من مشكلة النحو .

أعتقد دى اهم الطرق للتغلب على مشكلة النحو

اللغة العربية .... من أمتع مواد الثانوية ... بس انت مخمخ معاها 153404215

يتبع إن شاء الله مع باقى أجزاء المادة

ربنا يوفقكم ويعينكم ان شاء الله

يا سلام عليك يا دكتور والله

بجد مجهود جبار

مش عارف أشكرك ازاي بصراحة والله

بس ربنا يجعل دا كله في ميزان حسناتك

بجد يادكتور توبيبك وكلام مفيد جدااااااااا
منتظرين باقى المواد وباقى الاجذاء
وجذاك الله حير ان شاء الله

لابجد موضوع حلو وتسلم ايدك

وشكرا للنصائح دي ويارب الواحد يركز

شكرا جدا على النصايح
وياريت كله يستفاد

تشكر يا دكتور

» امتحان الثانوية العامة اللغة العربية 2008
» ملخص درس اصالة القصة العربية
» تهنئة الثانوية
» اخر اخبار الثانوية العامة
» طلبة الثانوية العامية احم احم اقصد العامة