اى بنت عايزة تخنق اخويها تدخل هنا بسرعة

لأي بنت مقهورة

وعايزه تنتقم من اخوها

وترفع ضغطه

*( لو في مباراة في التليفزيون )*

لو في مباراة والاخ متحمس اقطعي الحماس ده

ازااااااااااي !!!!

أنا اقلك

استني لحد ما يندمج اوي مع المباراة

وهتعرفي انه اندمج اول ما تلاقي عينيه مفتوحين على الااااخر

ومش هامه حد يعني ممكن تجيبي صاورخ تفجريه جمبه ولا يلتفت

هنا بقه قومي بشغلك

روحي هاتي قطعه قماش وبخاخه التنظيف

واقفي عند التليفزيون وامسحي الشاشه

واذا قال ابعدي

قوليله انا مش فاضيالك أنا بنظف وبمسح

وبعدين روحي جيبي المكنسه واكنسي المكان اللي هو فيه

وحاولي كل شويه تكنسي قدام التليفزيون

يعني لا صوت ولا صورة

وغطي عليه ولا يهمك

ولو قال ابعدي وحسيتي انه هيحدفك بحاجه

يعني اسيب البيت كده ولاضيوف جايين في السكه

وبعد كده اعملي انك نسيتي الكيك في الفرن

ودوسي على رجليه وامشي ومتبصيش وراكي

*( عند النوم )*

لما تحسي انه دخل في النوم وبدأ يشخر

هاتي اي طفل يقابلك ابن اختك أو اخوكي الصغير ابن الجيران

انشالله ابن البواب

ودخليه يلعب في اوضته وفوق راسه

وقوليله الاطفال احباب الله

او تعالي وهو في سابع نومه وزوقيه زقه اللي يصحي ميحسش بنفسه غير

وهو قاعد وبكل برود قوليلو ( عايزين نخرج )

ولو شوفتيه مش رايق وملوش خلق

اوعي تخافي هي دي فرصتك

بس خدي بالك من حركات ايديه

وحضري مفتاح اوضتك عشان هتحتاجيه

واضحكي على شكله وعلى شعره وعلى قاعدته وعلى هدومه

واذا قال ابعدي عشان انا مش رايق

زودي العيار حبتين

ولو حسيتي بأي غدر

استعملي مفتاح اوضتك واقفلي على نفسك

*( وقت المعركه )*

ولو طقت في دماغك وحبيتي انك تقومي بمعركه انتي وهو

لازم تجهزي نفسك من كل ناحيه

1) اللبس : لازم تلبسي تريننج عشان يسهل الجري

2) الشوشه لازم تلميها

واليوم ده ياريت تحطي حنه على شعرك عشان ميجرؤش يلمس شعرك

3) مفتاح الاوضه عشان الاحتياط واجب بردو

أذا بدأت المعركه اوعي تبينيله انك خايفه

واول ما ايده تطول اوعي تستسلمي واديله طرااااااااااخ

بالبوكس في عينه عشان ميشوفش ادامه

وحطي رجلك ادامه وشنكليه

وعلى طووووووووووول على اوضتك اللي مجهزة مفتاحها قبل كده

بس نصيحه اقعدي يومين لا يشوفك ولا تشوفيه

لأنه عايز ينتقم لكرامته

وممكن يوريكي النجوم في عز الظهر

هههههههههه نصيحة غالية فعلا...

هههههههههههههههههههههههه
بجد جامده الطريقه دى.....بس ميه فى الميه مش هانطلع سلام منها ابدا
بس عالعموم هنجرب....ربنا يستر

ومستنين الاحلى والنصايح اللى تودى فى داهيه دى
هههههههه

يلا اى خدمة
بس يارب تنفذوها فى اخواتكم مش فينا

[b]ايه ده يا عم دحنا هننطحن كده بس هما أصلا بيعملوا أكتر من كده وبيعملوا كده عشان احنا اخواتهم وعايزين يدلعوا علينا شوية

والله لو اختى عملت فيا كده مانا ماقعدتها فى البيت تشوفلها حته تانيه بقى تقعد فيها

» انا عايزة ترحيب بيه ومتقلقوش فى عزومه على اللى يرحب
» تدخل مضايق تخرج مبسوط
» سلسلة تدخل مضايق تخرج مبسوط
» سلسلة تدخل مضايق تخرج مبسوط
» سلسلة تدخل مضايق تخرج مبسوط