يا خرابي ......... نائب المدير على كرسي الاعتراف

ههههههههههه
ماشى يامحمد
وانا ان شاء الله جاهزه للاسئله

علي فكره يا منحرف دي مش اسئله هايفه دي مهمه جدا منها ممكن تعرف حاجات كتير في شخصية اللي قدامك ((مالكش انت في الحاجات دي"اوعي تزعل")) .. وعلشان كده انا بحب اسألها جدا.1[b]- ايه هي أكلتك المفضله؟(ههههههه)
2- ايه هو لونك المفضل؟
3- ايه هو رقمك المفضل؟
4- ميين المغني والمغنيه المفضليين لديك؟
5- علي أي اساس اخترتي صديقك او صديقتك المفضله؟
6- ايه هي اهم حاجه تتمني تكون في شريك حياتك(أهم صفه ..اكيد في كتير بس انا عايز أهم واحده)؟
7- بتحبي الليل ولا النهار؟
8- بتحبي الصيف ولا الشتا؟
9-ايه اكتر اغنيه بتحبي تسمعيها؟
10- ايه اكتر هوايه بتحبيها؟[/b]

هبدا انا بحاجات خفيفة كدة
ماشى اتفضل
1/ اصعب موقف وقعت فية
مواقف كتير بصراحه بس اللى انا فاكراه دلوقتى ان واحده صاحبتى او ناس كتير كنت بأثق فيهم
وعملوا مواقف نداله كتير معايا ومع ذلك ماردتلهمش اى حاجه من المواقف دى بس برضه عملوا مواقف وحشه اوى
2/ زمن الكوسة "" احكي موقف وقعت فية قولت اااااااااااية الكوسة دي ""
اه كنا فى مسابقه فى طنطا وحصل موقف فعلا قلت الجمله دى ومواقف تانيه كتير
3/ لما نقول هنشجع فريق نشجع مين ( الاهلي, الزمـــــــــــالك ,الاسماعيلي )
اكيد من غير سؤال الاهلى
4/ موقف ندمت علية وقلت اية الي انا عملتة دة
كان حصل موقف معايا كده وكنت عاوزه اتاكد من الموقف بس بيتهيالى انى ظلمت شخص
وكنت زعلانه جدا بعدها انى عملت كده لانى بخاف اظلم حد مع انى ماكنتش غلطانه
5/ " الفرصة ما بتجيش غير مرة واحدة " هل تؤمن بالجملة دي
لا مش اوى بس اوقات كتير بتبقى فعلا الفرصه بتيجى مره واحده بس
بس انا مؤمنه بالنصيب واللى مكتوب هيحصل مهما حصل مش فرصه بقى ولا حاجه
كفاية كدة احنا لسة في الاول دة مجرد تسخين بس
ماشى براحتكم
ومعلش لو اتاخرت عليكم شويه فى الاجابه

انتو عارفين انى مليش انا فى السئلة الهايفة دى
واحسن اكلة واكتر حاجة ومش اكتر حاجة ومقاس الكوتش
ماشى اسال
اخش انا فى الصميم على طول ماشى

1-اول مرة قلبك يدق كانت فى سنة كام ؟
1993 سنه مااتولدت
وانت بيتهيالى تقصد حب يعنى انا الحمد لله ماحبتش الحب اللى انت تقصده
2-هل كنتى بتهتمى بنفسك وانتى صغيرة ولا عادى مكنتش تفرق معاكى (يعنى هل كنتى بتهتمى بمظهرك علشان راى الناس فيكى)
اكيد بس انا على طول سواء وانا صغيره او دلوقتى فبعمل اللى يعجبنى مش علشان راى الناس
لانى مش بحب اللى يحكم عليا من لبسى وانا تفكيرى وانا صغيره فى اللبس بالذات غير دلوقتى خاااااااااااااااالص
3-هل عمرك غيرتى من واحدة زميلتك من اى حاجة (انها احسن منك او اشطر منك حاجة زى كدة من حاجات البنات يعنى)
والله ابدا عمرى ماغيرت من اى بنت ولا صاحبتى ولا غيرها بس بجد طول عمرى بحب ان كل البنات يكونوا كويسين وع ذلك اوقات لما انصح حد من اصحابى او زمايلى يفتكرونى انى بغير منها ومش عاوزاها تعمل الحاجه دى علشان الغيره بس عمرى ماغيرت من بنت
4-اية هو رايك فى كلمة (حب وبحبك وهعيش علشانك) واية رايك فى الحب ذات نفسة
كلمه حب وبحبك وهعيش علشانك احسن كلمات فى الدنيا لو صادقين
والحب نفسه ده احلى حاجه واحلى احساس فى الدنيا بجد بس لو مالعبناش بيه ويكون سهل اوى كده على لسانا بس بجد الحب ده احلى احساس فى الدنيا
5-لو انك معترفة بالحب هل نفسك تحبى وتتحبى ولا انتى مش مؤمنة بالحب اصلا
اكيد اى حد نفسه يحي ويتحب وانا اكيد عاوزه كده بس طبعا فى الوقت المناسب مش فى اى وقت ابقى عاوزه احب واتحب واكيد انا مؤمنه بالحب
6-اية هية اكتر صفة ممكن تحبيها فى الانسان اللى هترتبطى بية
انه يكون محترم والناس كلها بتحبه(محترم دى بكل ماتشتمل الكلمه من معنى)
واية اكتر حاجة ممكن تكرهية لو عملها
انه يطنش الحياه ومايهموش حد سواء كبير او صغير(والخيانه بكل صورها بكرهها من اى حد)


كدة كفاية عليكى النهاردة بس ياريت تجاوبيهم كلهم
انا جاوبت كله اهو

ولو مش عايزة تجاوبى يا اينو عادى دى حرية شخصية احنا بنتسلى بس مش اكتر
وعادى يعنى دى شوية اسئلة لو مش عايزة بلاش

ايه هي أكلتك المفضله؟(ههههههه)
انا بعشق المكرونه البشاميل والفراخ
2- ايه هو لونك المفضل؟
الاسود والبنفسجى
3- ايه هو رقمك المفضل؟
الارقام الزوجيه والاتنين اكتر حاجه
4- ميين المغني والمغنيه المفضليين لديك؟
مغنى وائل جسار وفضل شاكر ومغنيه اصاله وجنات وفى ناس تانين بحبلهم اغانى حلوه اوى
5- علي أي اساس اخترتي صديقك او صديقتك المفضله؟
اختارت صديقتى على اساس اخلاقها دى اول حاجه وعلى فكره انا صاحبتى انتيمتى يعنى دلوقتى مش اخترتها ولا حاجه احنا كنا فى رحله مع بعض ومااعرفش قعدنا نتكلم مع بعض وحكينا كل حاجه لبعض مااعرفش ازاى بس من يومها واحنا الحمد لله مخلصين جدا لبعض ومحترمين بعض جداااااااااا
6- ايه هي اهم حاجه تتمني تكون في شريك حياتك(أهم صفه ..اكيد في كتير بس انا عايز أهم واحده)؟
ان يكون كل الناس بتحبه وطالما كل الناس بتحبه يبقى فيه كل الصفات الحلوه
7- بتحبي الليل ولا النهار؟
انا بحبهم الاتنين لانى بحب فى كل حاجه فيهم حاجه معينه
بس بحب الليل اكتر شويه لانى بحب اقعد اتأمل فى السما جدا وبحب جو بالليل ده اوى
8- بتحبي الصيف ولا الشتا؟
بحب الشتا اكتر بس بكره فيه حاجه ان الطرق بتكون بايظه شويه
9-ايه اكتر اغنيه بتحبي تسمعيها؟ فى اغانى كتير بس فى مثلا اغنيه نسيت انساك بحبها اوى واغنيه كل نظره
10- ايه اكتر هوايه بتحبيها
بحب الموسيقى جدا وبحب التلوين لانى فى الرسم مش اوى

1_لما تكونى فى موقف صعب ممكن تروحى لمين وتحكيلة وتخدى راية فى حاجة انتى مش قادرة تخدى قرار لوحدك فية دا اول سؤال
2_تقدرى تسفرى فى مكان لوحدك بس ميكنش معاكى حد تعرفية والسفر دا هيكون لمكان بعيد
3_ بتخاف من الظلمة ولالا
4_لما بتكونى لوحدك بتفضلى تعملى اية
5_لو حد طلب منك تروحى غابة علشان ليكى حد بتحبية هناك مثلا باباكى هتروحى ولالا
6_ لوحد من الى بيحبوكى والمفروض انك بتحبيهم هيعمل عملية كبيرة اوى احساسك اية لو طلب منك مثلا نقل دم او تتبرعيلة مثلا بعضو من اعضاءك وياتراى هتفكرى قبل ما تروحى تعملى كدا ولا هتعملى كدا من غير تفكير والعاطفة بتعتك هتغلبك
انا بقول كفاية كدا النهرضة جوبى على دول لحد ما اشوف كمان حبة حلوين كدا

1_ايه هو هدفك فى الحياه؟
هدفى انى اكون واحده راضى عنها اهلها وربى والمجتمع وانى باذن الله اكون واحده نافعه وناجحه فى مجال شغلى وافيد اللى حواليا واهم حاجه رضا ربى ورضا اهلى واحققلهم اللى بيتمنوه فيا
2_ايه مواصفات الولد او البنت الى تتطمنيلهم؟
اى شخص بلاقيه امين فى كلامه ومحترم من الناس اللى حواليه واهم حاجه بجد طريقه الكلام وتصرفاته مع غيره
3_ايه هى توقعاتك عن السنتين الى جين من حيا تك؟
مش عارفه والله لانى بجد قلقانه جدا ومحتاره اوى بس اكيد نصيبى هاخده واكيد الخير هو اللى هيحصل بس حاسه انهم هيكونوا سنتين حلوين فى حياتى رغم الاضطرابات اللى هاكون فيها بسبب الثانويه
4_ايه هو رئيك فى شباب مصر فى الوقت الحالى؟
بجد احلى واحسن شباب (رجاله) بجد هما شباب مصر انا عارفه والكل عارفه ان فيه مشاكل كتير اوى الشباب بيعملوها بس متاكده ميه فى الميه انهم وقت الجد بيكونوا رجاله اوى بس نفسى انهم يغيروا الصفات اللى مش كويسه اللى فيهم ويثبتوا للعالم كله انهم احسن ناس بجد وياريت كل واحد يبدا بنفسه
5_ايه هى هوايتك المفضله؟
انا جاوبت مره بس هوايتى الموسيقى او العزف والتلوين
طيب كويس دول دلوقتى اصل راسى فاضيه دلوقتى
ماشى براحتكم
جوبلى عليهم بصراحه
بجد بكل صراحه

1_لما تكونى فى موقف صعب ممكن تروحى لمين وتحكيلة وتخدى راية فى حاجة انتى مش قادرة تخدى قرار لوحدك فية دا اول سؤال
انا حصلت معايا وحكيت لاختى ولو موقف ينفع احكيه لوالدى باساله لان ارائه دايما صح ولو موضوع مش عاوزه احكيه له باسال اختى لانها اكبر منى وعاقله وده طبعا بتكون صاحبتى عارفه الموضوع ونحاول نتناقش فيه لغايه اما اقول لاختى
2_تقدرى تسفرى فى مكان لوحدك بس ميكنش معاكى حد تعرفية والسفر دا هيكون لمكان بعيد
انا الاول مكنتش اقدر لانى كنت بخاف شويه لكن الحمد لله انا بحب المغامره جدا وهاسافر ومفيش مشاكل
3_ بتخاف من الظلمة ولالا
هههههههههههه(ايه الاحراج ده) لا مش بخاف لو معايا حد هههههههههه لكن لو لوحدى (بترعب بس)
4_لما بتكونى لوحدك بتفضلى تعملى اية
انى اقعد نت ومش شرط لوحدى لما اكون فاضيه
5_لو حد طلب منك تروحى غابة علشان ليكى حد بتحبية هناك مثلا باباكى هتروحى ولالا
اكيد لو فى اى مكان مهما كان
6_ لوحد من الى بيحبوكى والمفروض انك بتحبيهم هيعمل عملية كبيرة اوى احساسك اية لو طلب منك مثلا نقل دم او تتبرعيلة مثلا بعضو من اعضاءك وياتراى هتفكرى قبل ما تروحى تعملى كدا ولا هتعملى كدا من غير تفكير والعاطفة بتعتك هتغلبك
انا ماجربتش بصراحه لكن اكيد من غير تفكير هاعمل اى حاجه علشان احاول اساعده بس لما مثلا اشوف فى برنامج او كده اللى بيكونوا محتاجين تبرعات من اى حاجه بجد بيبقى نفسى اعمل حاجه واساعدهم لانى فى الحاجات دى بجد مش بفكر وبحاول اساعد باى حاجه
انا بقول كفاية كدا النهرضة جوبى على دول لحد ما اشوف كمان حبة حلوين كدا
ماشى يادانسى براحتك خالص
بس لما اشوفك
هههههههههههههه

ههههههههههه انا رجعت علشان اكمل بصى بقى اية اكتر حاجة ممكن تالمك فى حياتك واكتر حاجة لو شفتيها تفرحى وتحسى انك مش على الارض اوك
ثانيا _لو انتى حد طلب منك فلوس وانتى مش محتاجاها بس دى اخر حاجة فى جيبك وممكن يحصلك ظرف وتعوزيها هتديلو الفلوس ولا هتقولى لا انا مش معايا الا المبلغ دا بس والشخص دا مبيخدش حاجة من حد بس هو غصب عنة والموقف مش حلو ها هتعملى اية
ثالثا_انتى بتحبى الصور الابيض والاسود ولا الالوان احسن
رايعا_ اية اكتر موقف حد زعلك فية وانتى قولتى لامش مهم المسامح كريم وانتى عارفة طبعا ان الكرامة بتناح
خامسا_انتى لما تكبرى بقيتى دكتور هتعملى اية وياتراى هتفتحى عيادة وهتعلجى الناس باسعار حلوة ولا لا
سادسا_لواخوكى الاصغر منك طلب منك طلب وانتى مش عايزة تعملية وباباكى قلك نفذى الى اخوكى قالك علية هتعملى اية هتقومى وهتتنرفزى ولا هتقولى لا هو كلامة مايمشيش عليا
سابعا _ لو انتى بقيتى ريسة الجمهورية هتعملى اية او مش شرط لو بقيتى حاجة مهمة جدا فى المجتمع ودا هيكون ان شاء الله

اة بصى انتى قابلتى واحدة صحبتك ماشفتيهاش من زمان بس هى كانت معاكى على طول وبعدين بعددت وانتى كنتى فرحانة اوى انك شفتيها لاكن انتى عارفة انها اتغيرت معاكى ومع الناس كلها هتروحى وهتسلمى عليها وهتقولى ان انتى وكلة معاها عيش وملح ولا لاهتسيبها وتروح فى نصيبة وخلاص
اختك وهى نازلة بعد الشر يعنى رجليها انكسرت وانتى مطلوب منك انك تسيبى دروسك والمذاكرة بتعتك وتكونى جمبها تساعديهاهتعملى اية هتتخلى عن المساعدة لاختك ولا هتتخلى عن المذاكرة
بصى انتى خلاص خلصتى درستك وجالك ابن الحلال وطلب منك انك تبعدى عن اهلك وتسفرى معاةه بس فى الوقت دا واحد من اسرتك كان تعبانى وانتى الى المفروض معاة وبتحبيه ومش هينفع تسفرى بس الانسان دا فرصة بلنسبة ليكى وعمرك ما هتلاقى حد يحبك زية ويخاف عليكى ادة بس هو لية فرصة عمل برة وكان لازم يسافر اوك هتعملى اية يا اينو
؟؟؟؟؟؟؟؟؟؟؟؟؟؟؟؟؟؟
انا بقول كفاية كدا دلوقتى جوبى يلا

ههههههههههه انا رجعت علشان اكمل
ماشى هههههههههه ربنا معايا
بصى بقى اية اكتر حاجة ممكن تالمك فى حياتك واكتر حاجة لو شفتيها تفرحى وتحسى انك مش على الارض اوك
اكتر حاجه تالمنى ان حد يخون ثقتى فيه واللى يفرحنى ان حاجه كنت بتمناها وعارفه انها مستحيل تحصل او صعب اوى انها تحصل والاقيها تتحقق والاقى اصحابى كمان فرحانين ببقى فرحانه اوى واللى يخلينى مش على الارض برضه انى اكون مشتاقه لحد اوى وفجأه اشوف الشخص ده بافرح اوى
ثانيا _لو انتى حد طلب منك فلوس وانتى مش محتاجاها بس دى اخر حاجة فى جيبك وممكن يحصلك ظرف وتعوزيها هتديلو الفلوس ولا هتقولى لا انا مش معايا الا المبلغ دا بس والشخص دا مبيخدش حاجة من حد بس هو غصب عنة والموقف مش حلو ها هتعملى اية
اكيد هاديهاله طالما انا مش محتجاها وهو محتاجها
ثالثا_انتى بتحبى الصور الابيض والاسود ولا الالوان احسن
حسب المود بتاع الصوره لو المود حزين وكده اكيد ابيض واسود ولو فرحه بقى وبتاع بحب فيها الالوان جداااااااااااااا وخاصة لو الالوان واضحه وصافيه
رايعا_ اية اكتر موقف حد زعلك فية وانتى قولتى لامش مهم المسامح كريم وانتى عارفة طبعا ان الكرامة بتناح
هههههههههههه
اكيد بتنأح بس مواقف كتير اوى وبسامح فيها واكتر موقف ضايقنى جداااااااااااا والموقف ده خلانى اعيط اوى كان موقف حد قال كلام كده وانى باغلط فى الشخص ده وانا ماليش دعوه بحد اصلا
بس موقف كنت متضايقه منه اوى بس بسامح وعمرى ماابنسى
خامسا_انتى لما تكبرى بقيتى دكتور هتعملى اية وياتراى هتفتحى عيادة وهتعلجى الناس باسعار حلوة ولا لا
بس ادعى انتى بس وربنا يسهل اغلى عياده باذن الله ههههههههههههه
اكيد ان شاء الله هاحاول اكون اسعار العياده مش غاليه لانى بجد حاسه بالناس جدا بس ربنا يستر ويسهل ويسمع منك ربنا وابقى دكتوره وانا هاظبطك ههههههههههههه
سادسا_لواخوكى الاصغر منك طلب منك طلب وانتى مش عايزة تعملية وباباكى قلك نفذى الى اخوكى قالك علية هتعملى اية هتقومى وهتتنرفزى ولا هتقولى لا هو كلامة مايمشيش عليا
لا بتحصل اوقات معايا ان اخويا يطلب منى طلب واوقات اعمله اللى يعوزه على طول واوقات كتييييييير بحب اعاند بس بابا لما بيقولى اعمله حاجه مش بيأمرنى هو بيناقشنى عادى يعنى لانى عنديه اوى
سابعا _ لو انتى بقيتى ريسة الجمهورية هتعملى اية او مش شرط لو بقيتى حاجة مهمة جدا فى المجتمع ودا هيكون ان شاء الله
يارب بس انا هاعمل زى ماظاظا عمل
اة بصى انتى قابلتى واحدة صحبتك ماشفتيهاش من زمان بس هى كانت معاكى على طول وبعدين بعددت وانتى كنتى فرحانة اوى انك شفتيها لاكن انتى عارفة انها اتغيرت معاكى ومع الناس كلها هتروحى وهتسلمى عليها وهتقولى ان انتى وكلة معاها عيش وملح ولا لاهتسيبها وتروح فى نصيبة وخلاص
لا انا ممكن اسلم عليها عادى ولو اتغيرت مع الناس كلها فعادى هاسلم سلام عادى بس مش انها وحشانى اوى بس طبعا هتكون وحشانى
اختك وهى نازلة بعد الشر يعنى رجليها انكسرت وانتى مطلوب منك انك تسيبى دروسك والمذاكرة بتعتك وتكونى جمبها تساعديهاهتعملى اية هتتخلى عن المساعدة لاختك ولا هتتخلى عن المذاكرة
اكيد مش هاسيب اختى وتولع المذاكره لكن اهم حاجه اختى لانى لما بكون تعبانه اقل حاجه هى بتبقى مرعوبه عليا فانا طبعا من غير حاجه اكيد هاكون جمبها
بصى انتى خلاص خلصتى درستك وجالك ابن الحلال وطلب منك انك تبعدى عن اهلك وتسفرى معاةه بس فى الوقت دا واحد من اسرتك كان تعبانى وانتى الى المفروض معاة وبتحبيه ومش هينفع تسفرى بس الانسان دا فرصة بلنسبة ليكى وعمرك ما هتلاقى حد يحبك زية ويخاف عليكى ادة بس هو لية فرصة عمل برة وكان لازم يسافر اوك هتعملى اية يا اينو
؟؟؟؟؟؟؟؟؟؟؟؟؟؟؟؟؟؟
اكيد هافضل جمب قريبى اللى تعبان لو وجودى هيساعد فى حاجه لكن لو مش ضرورى استنى فعادى اسافر لكن انا ممكن اعاند واقعد وماسافرش علشان اشوفه هو هيعمل ايه ولو بيحبنى زى مابتقولى مش هيسيبنى ويسافر
انا بقول كفاية كدا دلوقتى جوبى يلا
ماشى براحتك خالص
بس لينا حساب لما نتقابل
هههههههههههه

بسم الله اسمى كده فى الاول عشان انا اول مرة اشارك واسال ويارب تكون اسالتى حلوة عشان انا ما ليش فيها بصراحة هسخن بشوية صغيرين كده
_ما هو السؤال الذى لا تحبى ان تتساليه واذا اتسالتيه لا تودين الاجابة عليه؟
_ايه التجربة التى خضتيها ونفسك تعيشيها تانى ؟
_حلم بتحلميه لسه متحققش؟
_ايه اكتر كتاب قراتيه وحبيتيه جدا واثر فيكى ؟وليه؟
_اية اللى مش عاجبك فى مصر ونفسك يتغير؟وايه اللى عاجبك فيها ونفسك ما يتغيرش؟
_اذا كان لديكى قلم وطلب منك ان تكتبى عبارة ماذا ستكتبين؟
_هل انتى ممن يكتبون مذاكراتهم ؟ واذا كنتى تكتبيها فلماذا؟
والف شكر ويارب اكون ماطولتش عليكى واكون خفيفة...

انا هسال سؤال واحد : ايه خبرتك في الحياة ؟ يعني اتعلمتي ايه بخبرة ال16سنةفي الحياة؟

ما هو السؤال الذى لا تحبى ان تتساليه واذا اتسالتيه لا تودين الاجابة عليه؟
اى سؤال يكون متعلق بحاجه تضايقنى او شخصيه اوى بس دلوقتى مفيش حاجه معينه فى دماغى
_ايه التجربة التى خضتيها ونفسك تعيشيها تانى ؟
هى مش تجربه اوى بس السنه اللى فاتت دى بجد كنت فكراها ختكون مش حلوه بس بجد سنه نفسى ترجع تانى
_حلم بتحلميه لسه متحققش؟
انى ادخل الكليه اللى انا عاوزاها
_ايه اكتر كتاب قراتيه وحبيتيه جدا واثر فيكى ؟وليه؟
انا بصراحه مش بقرا كتب قد كده يعنى ماافتكرش كتاب قريته قريب لان اى حاجه بحتاجها باشوفها من النت
_اية اللى مش عاجبك فى مصر ونفسك يتغير؟وايه اللى عاجبك فيها ونفسك ما يتغيرش؟
ان محدش حاسس بحد اوى ، واللى عاجبنى ان اهلها يفضلو زى ماهما وقت الشده
_اذا كان لديكى قلم وطلب منك ان تكتبى عبارة ماذا ستكتبين؟
اعمل لدنياك وكأنك تعيش ابدا واعمل لاخرتك وكأنك تموت غدا
_هل انتى ممن يكتبون مذاكراتهم ؟ واذا كنتى تكتبيها فلماذا؟
لا مش بكتب مذكراتى الا لما اكون متضايقه اوى باقعد اكتب اى حاجه
والف شكر ويارب اكون ماطولتش عليكى واكون خفيفة...
اكيد خفيفه علينا كلنا
ومنوره

ايه خبرتك في الحياة ؟ يعني اتعلمتي ايه بخبرة ال16سنةفي الحياة؟
انا بصراحه كنت فاكره انى اتعلمت كتير اوى بس لما اتكلم مع حد اكبر منى بفتره يعنى اربع سنين ولا حاجه حسيت انى لسه عقلى صغير وخبرتى قليله اوى بس اكتر حاجه اتعلمتها انى ماينفعش اأمن لحد بسرعه وانى مااتخدعش فى الناس ولازم يكون ليا بعد نظر فى كل حاجه

سـ : عاجبك تقعدي على كرسي الاعتراف ؟؟
عادى بس يعنى يعتبر عاجبنى
سـ : حكمتك في الحياه ؟؟؟
عمل لدنياك وكأنك تعيش ابدا واعمل لاخرتك وكأنك تموت غدا بحس انها صح اوى ولازم اعمل بيها
سـ : العضو او العضوة (وطبعا عضوة) المفضل عندك في المنتدى ؟؟؟
كوتا بس ياخساره مشيت
سـ : لو انتي في موقف صعب مين تختاري يقف معاكي ويساعدك ؟؟
لو ينفع بابا ولو موضوع ماينفعش اقولهوله تبقى اختى وبعدها صاحبتى
سـ : ايه اسم شوكلاتك المفضله ؟؟؟
moro
سـ : قولي موقف ظريف حصل معاك ؟؟؟
هو موقف مش معايا انا مع واحده صاحبتى بس انا كنت ممكن اخلى الموقف ده مايحصلش بس انا ماكنتش قادره اتكلم من كتر الضحك وكان المفروض اقولها انها ماتعملش الحاجه دى بس انا وقفت اضحك وماقدرتش اتكلم بس مش هاينفع اقول الموقف بالتفصيل لانه يخص صاحبتى مش انا بس بجد الموقف ده كل ماافتكره باموت من الضحك
سـ : كلمه مامتك دايماً بتقولهالك ؟؟؟
هههههههههه(ايه الاحراج ده) دايما تقولى انتى دماغك متركب شمال هههههههههه او اى كلمه بالمعنى ده لانها مش بيعجبها طريقه تفكيرى لان طريقتى مجنونه شويه
سـ : الماده اللي انتي بتحبي تذاكرها وبتعجبك ؟؟
كنت بحب اذاكر الرياضه بس حاليا بحب اذاكر الاحياء اوى
سـ : اوصفي شعورك دلوقتي ؟؟؟
انا فرحانه وكويسه يعنى عادى بس الجو حر اوى هههههههههه
سـ : شخصيه مشهوره بتعجبك و هي قدوتك ؟؟؟
احمد زويل فى حاجات كتير عارفاها عنه بتخلينى اجرب حاجات كتير زيه وطبعا بابا
سـ : كنتي بتعملي ايه قبل ما تقعدي عالنت دلوقتي ؟؟
كنت بتغدى(ههههههه)
سـ : اخر مره عيطتي امتى ؟؟؟
مش فاكره بس انا بعيط كتير من غير سبب بس اخر مره عيط فيها بجد كان بابا تعبان شويه وكنت قلقانه اوى
سـ : امتى ممكن تعيطي على نفسك ؟؟؟
لما انخدع فى حد
سـ : قولي كده حلم نفسك فيه بس مش واقعي ومستحيل يتحقق ؟؟؟
انى افضل عايشه مع والدى على طول واعيش مع اصحابى الانتيم لوحدنا (بس ده مستحيل لان يوم من الايام هاموت)
سـ : اكتر حاجه ممكن تضايقك ؟؟؟
اى حاجه بتضايقنى وانا متعصبه ولو حاجه تافهه بس فى حاجه بتضايقنى اوى ان حد يخون صاحبه او يفتكر نفسه حاجه كويسه عن كل الناس وهو حد عادى جدا
سـ : بصراحه بصراحه كده وبدون مجاملات ... ايه الحاجه الوحشه فيا انا بنظرك (مع انى عارفها) وفى باقى الاعضاء؟؟؟
هههههههههه
طيب طالما عارفها بتسال ليه؟
بس عالعموم هى العصبيه وعندم اعترافك بغلطك واعدم اقتناعك براى حد

طيب السؤال :-

هو لو كان المنتدى ده متعملش كانت هتفرق معاكي ولا لا ؟ وليه؟

هو لو كان المنتدى ده متعملش كانت هتفرق معاكي ولا لا ؟ وليه؟
اكيد كان هيفرق معايا جداااااااااااااا
لان انا كان لازم اعمل حاجه فى الاجازه وبجد المنتدى ده كل حاجه بالنسبه لى فى الاجازه وهو اللى مصبرنى على ملل الاجازه دى
وكمان لقيت فيه اخوات كويسين جدا ماكنتش هاليقيهم بره المنتدى

1-هل انت تفعل ما تقوله هنا بالمنتدى ؟
اه الحمد لله اللى بقوله بعمله سواء هنا او برا المنتدى
2_ اعتذار تريد ان تقدمه لمن؟
لاى حد ممكن اكون غلطت فى حقه واول حد غلطت فى حقه غلطت فى حق نفسى
3_ ما ردة فعلك عندما يقول لك حبيبك : أحبك نعم أتزوجك لا ؟
انا اكيد هتضايق بس مش هابين انى اتضايقت واقوله مع الف سلامه

4_ اذا اردت ان تبكي الان , فعلى من تبكي؟
ابكى على اى حد اديتله ثقه وهو مايستحقهاش وعلى مدرس عزيز عليا جدا وكان زى والدى (رحمه الله)
5_ من ستختار ليمسح دموعك ؟
انا مش متعوده ان حد يمسح دموعى بس لو احتجت فى يوم من الايام هتكون اختى وبعدها اصحابى الانتيم
6_ من يسكن قلبك؟
ربنا طبعا وبعده والدى واخواتى ووالدتى واصحابى
7_ هل هزمك حزنك في يوما من الايام؟
اه
8_ ((مستحيل انساك)) لمن تقولها ؟
لمدرسه كانت عندى فى الابتدائى بس علمتنى حاجات مهمه جدا بس سافرت دلوقتى
9_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
ان واحده من زمايلى وقعت بينى وبين واحده كمان من زمايلنا بس خلاص ماعدش ينفع اعمل حاجه
10_بماذا تقر وتعترف أمامنا الان ؟
انى متسرعه فى قراراتى اوقات وبندم عليها بعدين واوقات بتعلق بحاجات كتير ولما اخدها بمل منها واسيبها
11_ايهما اهم شهادتك الجامعيه أم الزواج ممن تحب ؟

الشهاده اكيد
12_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا الحمد لله
13_ماالذي يلفت انتباهك بسرعه في الشخص لكي تعجب به ؟
طريقه كلامه وتعامله مع الناس
14_ اذا احببت شخصا في الوقت الخطأ وفي المكان الخطأ فماذا تفعل ؟؟
اكيد هاسيبه واحاول انساه طالما فى وقت غلط اكيد هيكون الكلام ده صعب بس العناد بيفيدنى فى الحاجات دى
معلش انا اسف انا عارف والله انهم كتير قوى
عادى ولا يهمك
بس ياريت تجاوبى عليهم يلا بقى ورينا شطارتك
ادينى جاوبت
حاجه تانيه؟
_________________