تهيييييييييييييس

نفسى فى صنف حشيش
ينمل الدماغ وينضف النخاشيش
علشان انسى طابور العيش
واخش فى الغيبوبه وانسى مشكلة الانبوبه
وانسى بلدنا المنهوبه
وانسى اللى بيجهزوه علشان يبقى رئيس للمخروبه
وابقى مسطول
وانسى اى مسئول
من اللى سابوا الناس فى السيول
وانسى ان نظيف اتجوز وبقى بيعول
وانسى مجلس الشعب وفتحى سرور
وانسى البرادعى وايمن نور
وانسى شوبير ومرتضى منصور
وانسى تعديل الدستور
وانسى اللى ساكنين فى القبور
وانسى انفلونزا الطيور
وانسى مشاريعنا الفاشله
فى توشكى وابو طرطور
واخش فى الاستهبال
وانسى علاء وجمال
وانسى التوريث
و النيل اللى نازلين فيه تلويث
وانسى ان منتخبنا كويس زى ماقال الريس
وانسى تصدير الغاز
واحناعندنا ازمة بوتاجاز
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة المواصلات
وانسى الانتخابات
وانسى فتاوى الفضائيات
وانسى العشوائيات
وانسى فشل التعليم
وانسى هشام طلعت وسوزان تميم
وانسى الاهرام وانسى الاخبار
وانسى ثروة الريس ال40 مليار
اللى مش بالجنيه المعفن لا بالدولار
وانسى انه خلى بلدنا افقر من زنزبار
وانسى المعارضه وانسى الاحزاب
وانسى تامر حسنى وعمر دياب
وانسى مشكلة النقاب
وانسى انفلونزا الخنازير
وانسى اوربا وامريكا وانسى الصين
المتقدمين عننا بسنين
وانسى البيت بيتك و تامر امين
وانسى ان كيلو اللحمه بقى بتمانين
وانسى اننا فى الزباله غرقانين
وانسى الماده سته وسبعين
والماده سبعه وسبعين
وانسى فريق الساجدين
وانسى الزمالك والاهلى
وانسى اليسا وهيفاء وهبى
وانسى الفول والطعميه
وازهى عصور الديموقراطيه
وجامعة الدول العربيه
والجماهيريه الليبيه
والكفيل فى السعوديه
وانسى بطرس غالى و الضريبه العقاريه
وانسى الطلعه الاولى الجويه
والمصالحه الفلسطينيه
وانسى فتح وانسى حماس
وانسى هنيه ومحمود عباس
وانسى العراق وافغانستان
وانسى ايران و انسى باكستان
وانسى ماما سوزان
وانسى الاخوان
وانسى محمد ابراهيم سليمان
وانسى ان حد من 0900 يطلع كسبان
وانسى انى مديون
وانسى كل ممثله حيزبون
بتاخد فى المسلسل كام مليون
وانسى ايامنا السوده
واحضان طنطاوى والبابا شنوده
وانسى القذافى والبشير
وانسى كل ملك وكل امير
اللى حاكمين من سنين
من غير تغيير
وعلشان اعرف ان الصنف كويس
لازم ارشح نفسى وابقى الريس

كلام جميل كلام عظيم

كلها يومين وتبق ممسوك فى امن الدوله دا اذا مكنتش اتمسكت اصلا

ده كلام احمد فؤاد نجم جميل جدااااااااااااااااااااااااا بجد جايب كل حاجه فى البلد تقريبا

مشكور يا بهاء على المرور

ومشكروة يا سيلنت على المرور بس بلاش تفضحينى بقى والنبى قدام العيال وتعرفيهم انا جايبها منين

هههههههههههه ماشى...ده مش كلامه اصلا خالص انا عمرى ما سمعت حاجه له كده ابدا

ايوة كدا خليكى فى صفى وهنعمل احلى شغل مع بعض

انا ارد ليكى فى مواضيعك وانتى تردى ليا فى مواضيعى اية رايك

واهو نساعد بعض بردة

والله شيلتني هم على همي
انــــسى بقى
بس أستاذ برضه وعلى فكرة أنا
كنت سامع فؤاد نجم بيقولها
ههههههههههههههههههههههه