هام جدا وعاجل .

موضوع: هام جدا وعاجل . الأحد يونيو 27, 2010 4:17 am

بسم الله الرحمن الرحيم

أعضاء منتدانا الكرام

انتوا زي ما انتوا شايفين المنتدي الفترة الأخيرة بقي مستواه تحت الصفر بمرااااااااااااحل وعشان كدة ان شاء الله هنبدأ في برنامج لتطويره من بداية الأسبوع القادم .
لذلك يسرنا ويسعدنا أن تشاركوا معنا بارائكم وقتراحاتكم والعيوب التي ترونها حتي نتمكن من الخروج بالمنتدي في أفضل صورة حتي يحيا بين الناس عروسا تبهر العيون ويصبح جوهرة قطور الخالدة ومفخرتها التكنولوجية ( حتة من العربي عشان متنسوش الدراسة )
المهم تفاعلكم معنا واشتراككم بارائكم هو الذي سينهض بالمنتدي لان مقياس المنتدي هو مدي ضاؤكم عنه فلا تبخلوا علينا بما قد يكون في نظركم مجرد كلام ولكنه عندنا هو ما سيحدد الطرق التي نسير عليها عند العمل فارائكم عوامل حفز مثالية حيث أنها تزيد من سرعة تقدم المنتدي حيث تمدنا بطاقة التنشيط اللازمة للعمل ( حتة من الكيميا برضه ).
الأهم منتظر تفاعلكم وبالله عليكم محدش يقرا الموضوع ويطلع من غير ما يقول رأيه
وياريت كله يطلع كل اللي عنده مهما كان ( بس طبعا من غير ما يتعرض بالتجريح لحد )

كلامك صح فعلا يا احمد المنتدى مستوه باظ خالص وكويس انك خت بالك من كده وانا كان عندى فكره كنت عاوز انفذها قسم جديد اسمه فضفضه كل الى متضايق من حاجه او نفسه يطلع الى جواه يخشه وتكون ليه احطياطات بحيث محدش يفتحه او يشوف الواضيع ديه غير المسئول عن القسم والرد على المشاكل يكون فى رسايل.
ممكن تشوف رئيك وترد عليا

لا تمام بس كل واحد يدخل يعمل مواضيع ومساهمات بقى وكدا

بص يا احمد من وجهة نظرى فقط

عشان المنتدى دا يبئى كويس و ان جيت للحق انا مكنتش شايف انة كان ممتاز بس فعلا حاجة بقى فى النازل و انا عارف سعة صدرك و انك هتتقبل كلامى

و عشان المنتدى يبئى احسن منتدى فى عدة نقاط

اولا نزرع فكرة ان افضل عضو و الى هياخدوا اوسمة مش للى هيكتب مواضيع كتيرة او الى هيكتب تعليقات كتيرة لان دا بيقلل من الموضوع و الاحقية كمان

ثانيا يتم عمل قانون يمنع مشكور و اخواتها لان دا شئ تافة يا اما بيتفة من الى كاتب الكومنت يا اما بيتفة من الموضوع نفسة

ثالثا النيو لوك يتغير و يتم عمل مواضيع شيقة فى كل الاقسام و كل الاقسام تنشط مش بس قسم المسابقات و كدا

رابعا و دا الاهم العقاب
بمعنى ان المسؤولين لازم يتعاقبوا و يكون الاشراف لمن يستحق يعنى مثلا انا مستحقش انى اكون مشرف واحة الادب او اكون مشرف لانى مدخلتش من زمان و محطتش مواضيع من فترة فلازم يكون فى عقاب يحمسنى و عشان كدا يا ريت اشرف على قسم الفيديو الجديد لانى اصلا انا كدا كدا بنام على يو تيوب و الفيديوهات دى تخصصى اصلا لانى بعملها

خامسا و دى مش مسؤوليتك انما مسؤولية كل عضو و هوا انهم يبطوا يعاملو المنتدى على انة شغل و شئ بيعملوة عشان لازم يعملوة لكن يخلوة متعة تسلية و لما يكونوا بيستمتعوا و هما على المنتدى هيئدروا يدوا اكتر و كمان مش هيزهقوا بعد فترة و دا الاهم

سادسا انا شايف ان مفيش حد على المنتدى عشان كدا يا ريت بتم دعوة كل الاعضاء تانى و تنشيط المنتدى و اظن حبيبة سهل تعمل كدا بانها تشغل تانى كرسى الاعتراف و بعض المسابقات الى هتجذبهم فى الاول

سابعا يتم نشر فكر الملكية لازم يبئى فية امانة و نشجع المواضيع المكتوبة بالايد مش كل واحد يروح على منتدى تانى و يسرق موضوع و يحطة باسمة طبعا دا منقدرش نلغية خالص بس على الاقل نكتب منقول و مع الوقت ناس هتكتب بنفسها و اكيد فى الاول مش هتبئى كويسة لكن مع الوقت هتبئى احسن من كدا و مين يعرف يمكن يطلع مننا شعراء و كتاب

ثامنا يبئى فى قسم المواهب و دا عشان انا اسمع عن موهوبين كتير فى الدفعة عندنا بسم اللة ما شاء اللة ولازم نؤمن بنفسنا و بقدراتنا الى ربنا ادهالنا فية الى صوتة حلو و فية الى بيعرف يرسم و فية الى بيعرف يلقى شعر(زيك طبعا) و فية الى بيعرف يعزف و دا احتمال كبير تبئى شغلتى لانى ان شاء الله هستخدم امكانياتى دلوقتى فى عمل شبة برنامج عن قطور باختلاف الطبقات و العناصر الى فية و الفكرة عندى من فترة و انا بجهز ليها ان شاء الله و هتفرق جامد

تاسعا المنتدى مع انة مجانى الا اننا لازم ننشرة زى عمل قناة على يو تيوب خاصة و ليها مشرف خاص عمل جروب ممتد على الفيس بوك
و صفعة على تويتر و هكذا

عاشرا شكرا على الموضوع لان فعلا المنتدى كان محتاج الموضوع دا و الف شكر على القراية و اتمنى اكون قلت حاجة مفيدة ان شاء الله

اولا مشكرا جدا يا ابو صلاح علي مرورك وعلي اقتراحك

ثانيا ماشي يا حباظة بس عايزين اقتراحات

ثالثا للبرنس بصراحة أشكرك جدا علي كلامك وأتمني ان كل الاعضاء يطلعوا كل اللي جواهم زيك كدة وانا مبزعلش من كلام حد.وبصراحة أحييك علي كلامك ده

الموضوع جاى فى محله ياعم احمد

لو هنتكلم على مصلحه المنتدى فى ناس كانت بتقول نلغى الدردشه هنا بق فى اعضاء بتخش علشان الدردشه فانا بقول نعمل قسم للدردشه صبيان وقسم للبنات فى ناس برضه مش هتخش بس مش اشكال بس علشان فى بنات كتير اشتكوا من ناس فى الدردشه

انا بقول ان فيه ناس بتشترك في المنتدى ده عشان يعملوا مشاكل

فلازم يكونوا تحت عيون المدير والمشرفين

ودي أول حاجة لازم تتعمل

عشان المنتدى ينضف

كلامكم تمام يا مصطفي انت وبيكو

وبانتظار باقي الأعضاء

عندك حق ياابو حميد انا كان رايه كده برضه انا عندى مقتراح انت تعمل شويه شغل فى البوابه وفى المنتدى يعنى تغير السيمز مثلا وتحط صور متحركه عن المواضيع كدا يعنى واهم حاجه ترجه ليا الشات

والله موضوع جميل
وكلام جميل

بص ياعم انا مش هكتب محاضرات ولا اقول كلام انا بتاع افعال((اية رايك بقى))

يلا واحنا معاك ياريس

على العموم انا فعلا عملت القناة على يو تيوب
و لما اجهز الفيديوهات الخاصة بالمنتدى
هتترفع على القناة دى و منها على المنتدى هنا
و اول فيديو هيكون هدية اعلان عن المنتدى و صور بعض الاعضاء
يا ريت يا ريت تجيب صورة ليك يا احمد
و انا مستنيك تفتح الايميل عشان نتكلم فى بعض الحاجات بخصوص قسم الفيديو

معاك حق يا احمد لازم الكل مش بس يدخل يقول كلام لازم ينفذ
و ادينى ابتديت انا خلصت قناة يو تيوب و لسة بظبط حبة فيديوهات
و مستنين القرارات الجديدة يا احمد عشان نبئى وراك زى ما احمد قال

شكرا علي مروركم يا رجالة ومستنيينك وقت الشغل يا كفائة

وشكرا علي تفاعلك يا شريف وشغلك

وأتمني من باقي الأعضاء المشاركة

اولا الستايل عاوز يتغير
عشان يبقى جذاب للزوار
ثانيا البوابة كلها حاجات قديمة وعاوزة تجدد من العاب واغانى
وبرامج بس انا مش هطول
بس على العموم فى خلال الست ساعات
الجايين هتلاقى حاجات جديدة
وشكرا لجميع الاعضاء cheers

شكرا ليك يا لورد عل مساهمتك

وبانتظار باقي الأعضاء

انا كنت هقول اللى بيكو قاله

السلام عليكم

وحشتوني جدا وانا شايف ان الافكار ابتدت تطلع بس باقي التنفيذ وأحب احيي prince of tears لأنه ما اكتفاش بالاقتراح لكن فعلا نفذ وياريت الكل يعمل كده (ليه تقترح بس لما ممكن كمان تنفذ) و انا رجعت وهعمل اللي هقدر عليه لكن ماأقدرش اوعد بتواجد عريض في المنتدي

وشكرا

اه نسيت ..
ليه مفيش قسم لعالم الاتصالات والتكنولوجيا واي جديد في المواضيع دي مع اختلاف المسميات

عاوزين لقسم اتصالا ت وتكنولوجيا المعلومات bounce

موضوع: تطوير المنتدى السبت يوليو 03, 2010 6:38 am

ايو اكيد لازم نشوف شغل جديد واحسن من الاول
ولازم كل واحد يعمل اللى يقدر عليه
وانشا الله هيبقا احسن

I love you

وانا معاكو لو احتجتوا اى مساعده تحياتى لكم

شكرررا يااخى على مساهمتك معانا وجزير الشكر

bounce

شكرا جزيلا يا رجالة علي مسهامتكم

وان شاء الله في شغل جامد جي

مستنيييييييييييييييييييين