الفرق بين الشباب والبنات ايام الامتحانات

السلام عليكم ورحمة الله وبركاته اليوم طبختلكم موضوع عن الفرق بين الولاد والبنات ايام الامتحانات يارب يعجبكم

ليلة الامتحان

البنت - قاعدة تذاكر والشاب قاعد يذاكر شوفوا ايه اللى بيحصل

البنت/// عماله تراجع وتحفظ وتحل اختبارات مراجعه للمرة العاشرة

الشاب// يكتشف المنهج لاول مرة

البنت // تاخذ استراحة قصيرة وتستغلها لتأدية الصلاة

الشاب // ينام ساعه ياكل ساعه ثم يستريح ساعه كل ربع ساعه مذاكرة

التليفون يرن

البنت // الو خالتو ازيك عاملين ايه الحمد لله خدى ماما معاكى ادعيلى يا خالتوا عندى امتحان بكرة

الشاب// الو ازيك يا خالتوا عاملين ايه ؟ وازاى خالد و ادهم ؟ بقولك يا خالتوا محمود عندك؟ طب اديهونى اسلم عليه الو ازيك يا محمود عامل ايه ... انا عمال اذاكر والله روحى طلعت من المادة بنت ال.... المهم بقولك شفت الماتش؟ الحكم ابن ال ....... اه طب بص نص ساعه كده وقابلنى فى القهوة عشان عايزك فى موضوع .

البنت تذاكر وتذاكر

الشاب يعمل برشامه ثم يخرج ليقابل محمود

البنت تسهر تراجع لوقت متاخر ثم تصلى وتنام

الشاب ياتى من الخارج فى وقت متاخر يجد ابوه فى وجهه يتشاجر معه وينام .

يوم الامتحان

تذهب البنت قبل ميعاد الامتحان بساعتين ( دون ان تضع فى فمها شئ اصلا مالهاش نفس متوترة) وتظل تراجع وتراجع وتراجع

يصحو الشاب متاخر (معذور اصلا ما لحقش ينام) ثم يجلس على مهله للافطار ( يعنى هيروح الامتحان على لحم بطنه ؟ مش معقول ) واخيرا يذهب للجامعة ولكن يقف قليلا فبل الدخول ليدخن سيجارة ( يعنى معقول يروح يمتحن وراسه مش متظبطه) بالنهايه يدخل اللجنه متأخر فيتشاجرمع المراقب الذى يعترض على تاخره وفى النهايه وحرصا على مستقبله يتدخل رئيس اللجنه رافة به ويوافق على حضوره الامتحان.

البنت // تقراء الادعيه ثم تسمى وتفتح الورقه وتبداء فى الاجابه

الشاب ينظر بحذر حوله ثم يتحين الفرصة لاخراج البرشامه

البنت // تنهى الاجابات ثم تراجع مرة اخيرة وتحمد الله ثم تسلم الورقه وتخرج

الشاب // المراقب يراه يغش يسحب منه الورقه فيقوم بعمل خناقه وزيطه فى اللجنه ( حرام عليكوا ده ظلم منكم لله انا عارف اصلا انتوا حاطينى فى دماغكوا من الاول ربنا على المفترى)

يوم النتيجه //

الفتاه تنجح بتفوق 98% وتحمد الله وتشكره

الشاب يرسب 13% ويصرخ قائلا ( والله ظلم اصلا نظام التعليم فاشل وامتحانات باميه الله يخرب بيت المصححيين )

فى المنزل

منزل البنت //الاب للام// قولى لبنتك كفايه تعليم لحد كده جالها عريس وحنجوزها يعنى هاتعمل ايه بالشهادات

منزل الشاب //الاب للام // قولى لابنك الفالح يحضر نفسه علشان يسافر يكمل تعليمه بره فى امريكا يمكن يفلح

<<<<<<<<<<<<<< منقوووووول للامانة >>>>>>>>>>>>>>>

والله كنت لسه داخل احط الموضوع دا عمرك اطول من عمري ياد

بس موضوع جامد الحتة بتاعة 13% دي واجعاني اوي

هههههههههههههههههههه

بصلها كويس علشان ممكن نجيبها دى اخر السنة

ههههههههههههههههههه
يعنى حتى فى التوبيكات بتحسدوا البنات...
شفتوا اخر اركم البنت تبقى متفوقه وتقعد فى البيت...بس بجد تسلم عالتوبيك
حلو اوى كمان الحته بتاعه التليفون

» مواضيع مضحكه عن الشباب والبنات
» اسباب الرسوب فى الامتحانات
» فائدة الغش فى الامتحانات
» الفرق بين عطسة البنات و الشباب
» الامتحانات