مميزات الزلبطة...........؟

مميزات انك تحلق اقرع زلبطة عالزيرو بطاطس

************************

1-الوقاية من الحر والعرق والحشرات المنزلية وبالمرة القوارض والزواحف

2-لو انت اصلع اساسا الحلقه الزيرو هاتدارى كنوع من التمويه

3-الناس كلها تحترمك من سواق التاكسى لحد مديرك فى الشغل كل واحد منهم هايقول فى سره ده اقرع ومجنون وممكن يعمللى اى حاجة يعنى كفاية انك تخش خناقه او حتى تعمل نفسك انك هاتخشها كله هايفلّق الا اذا كان الفريق التانى كله قرع تبقوا قرع فى بعض وهاتبقى كارثه وكمان ممكن الناس تفتكرك شرطة او حربية او ماشابه فالناس كلها يحترموك ويسلطحولك قفاهم وعلى رأى المثل الجنية غلب الكارنية والدبورة غلبت الاتنين

4-اسلوب رائع للتنكر الناس كلها مش ممكن تعرفك وخصوصا لو كانت مرتك الاولى يعنى ممكن واحد رخم كان هايوقفك ولوكلوك ساعه الزلبطة هاتكفيك شره واللى انت تعوزة هاتنده علية

5-لما تحلق اقرع هاتحس بالتجديد وبعدين هاتحس نفسك زى الطفل المزلوط من بطن امه وعندك فرصه تبتدى حياتك بالقرعه من جديد

6-عشان تعود البت بتاعتك انك ممكن فى يوم تقرع عشان ماتجيش ربنا يدينا ويديك العمر بعد عشرة عشرين سنه تقولك انا واخداك بشعر زى ماتكون كانت شارية كلب وهى عالارجح هاتكون هى السبب

7-منظرك هايبقى سكسى جدا وانت ماشى مع مراتك وخصوصا لو دهنتها زيت - القرعه طبعا مش مراتك - الناس هاتقول دة مقطعها

8- توفير نفقات الفرش والشامبوهات والزيوت والكريمات و فلوس الحلاق وتوفير وقت التسريح

9-ايحاء رهيب بالثقه فى النفس لان مش همك حد يعيب عليك وهو مين اصلا الحد اللى هايسمح لنفسه انه ينتقد مظهرك هو هايصاحبك يعنى

10- تماشيا مع كبار النجوم القرع واللى بيحلقوا زلبطة , ديفيد بيكهام , براد بيت , بروس ويلز , توم كروز , واكتر من تلات تربع لاعيبة الكورة وبريتنى سبيرز بالمرة

11-جة الوقت اللى الواحد فينا لازم يهتم بشعر حواجبه ويولية اهتمام ورعاية خاصة ويتفرغله ويبقى هو الوحيد اللى عالحجر ويبقى شعار المرحله من واجبى اظبط حواجبى

12-الناس ممكن تاخد فيك قلم ويفتكروك راجع من عمرة ولا حج ولما تيجى سيرتك يقولوا دة راجل حاجج بيت الله وانت ممكن تكون زلبطة صايع وضايع والبيت الوحيد اللى زرته كان بيت الزواحف

13-لما تروح تشترى هدوم وتقيس تيشيرتات او لما يبقى الهوا جامد فى الشتا مش هايهمك ان شعرك ممكن يتنعكش منين يا حسرة مكانش انعذر ولا باع جزر ولا قالشى اسف واعتذر

14-مستحيل وانت ماشى فى الشارع واحد رخم من اللى بيوزعوا اعلانات يوزع عليك اعلان محل حلاق جديد بس للاسف الميزة دى ليها تمن لان هاتلاقى اعلانات مراكز علاج الصلع وزراعه الشعر نازله عليك بترف من كل ناحية

15-لما تحلق زلبطة هاتبقى مضرب الامثال زى القرعه تتباهى بشعر بنت اختها واللى رمته القرعه تاخده ام الشعور

16-القرعه ممكن تبقى رابط اجتماعى بينك وبين صحابك القرع اللى زيك وممكن تعملوا رابطة وتسموها زلبطة بلا حدود

17-ممكن تطلع فى اعلان الطواقى وبواريك او حتى السيراميك على اساس ان نعومته مستوحاه من الزلبطة الطبيعيه

18-مستحيل تشيل هموم على دماغك لانها هاتتظفلت

يلا كله يحلق زلبطه
ههههههههههههههههههههههههههه

ههههههههههههههههههههههه تسلم يا مان على الموضوع الاقرع ده جامد والله

ههههههههههه
انا قررت احلق زلبطه من الصبح

مشكورين على مروركم

موضوع جميل انا كمان قررت اطول شعرى

طب ما يلا يا كفائه ابدا انت واعملها بقى وكله يعمل كده ونسمى المنتدى منتدى القرع هههههههههههههههه بس حلو الموضوع تسلم ايدك يا بشمهندس

والنبى حلوة بشمهندس دى لايقة عليا

شوفتو الناس الحلوة اللى بتفهم ناس بتقدر والله

مشكووووووووووووورة على مرورك الجميل

هههههههههههه
موضوع جامد
ومميزات جميلة
شكراً على الموضوع

لا يا شيخ زلبطة يارب تحلقها ونشوفك بيها قريب