كفائة بس مات فى خناقة
مشرف قسم همس الخواطر
الأوسمة : 
عدد المساهمات : 5391
نقاط : 11707
السٌّمعَة : 38
تاريخ التسجيل : 01/06/2009
العمر : 30
الموقع : ahmed_4000912@yahoo.com
 | موضوع: مباراة القرن بين فريق الصعايدة والفلاحين مع المعلق هريدى  الإثنين نوفمبر 30, 2009 2:34 pm | |
| كابتن هريدى يحيكوا من الملعب بتاعنا احنا و عليا الطلاج بالتلاته الملعب بتاعنا احنا .
وزى ماحنا شايفين الاستاد مليان على اخره تسعين الف متفرج مش فاهمين
حاجة واصل فى الكوره .
و بيتوسط المجصورة الرئيسيه المعلم عماشه ابو الضبع و حرمه اكبر
تاجر شكاير اسمنت فاضيه و هو اللى هيسلم البلاص للفريج الفايز .
_ و زى ماحنا شايفين الفرجتين نازلين ارض الملعب يدلعوا دليع و
الفريج بتاعنا نازل بالزى الرسمى بتاعه وهو العمم البمبى و
الجلاليب البيضا المخططه لبنى بالطول و الجزم البنى المربوطة
بفتله من جدام .
_ وبيمثل الفريج بتاعنا النهارده فى حراسة المرمى الكابتن عمار
ابو خلف الله و خط الدفاع فيه الشمندى و الجماوينى و الاعرج و الدمرانى
على فكرة يا جماعة الدمرانى ده اصغر لعيب فى الملعب عنده اتنين و
تمانين سنه و كان بيلعب مع الاشبال تحت سن سته و سبعين سنه .
خط النص من تلاته هم : قناوى و المنياوى و الجرجاوى
اما فى الهجوم تلاته برضه هم : عسران و وهدان و معاهم نجم نجوم
الفريج حمدان ابو خطوة و هو لابس الجلابية رقم متين و اربعين ياريت
الكاميرا تجيبهولنا وهو بيربط حبل السروال بتاعه .
و زى ماانتو شايفين الارض بتاعتنا خرسانيه مسلحه مش نجيله زى ملاعب الخنافس يعنى اللى هايجع مش هايجوم تانى والملعب عليه اربعين غفير ببندقيه عشان يطخوا اى لاعيب يتسلل !
و الجهاز الطبى للفريقين بيتكون من اتنين داكاتره وهم
الاسطى رجب حلاق الكفر و المعلم خشبه حانوتى المركز و معهم المساعد
مسعود تاجر البصل و هو جايب معاه شوال بصل عشان يفوق ويصحصح اللاعيبه
_ بيحكم الماتش النهارده الكابتن الكبير ابو العينين الكفيف .
_ مع اول طلجه من مسدس الحكم يبتدى الماتش بهجمه سريع للفريج بتاعنا
و الكرة مع حمدان و بينفرد بالجون و يجتله و يشوط الكرة فى العارضة
و الحكم يضرب نار معلنا فاول على حارس المرمى و يعترض اللاعب شرقاى
واللاعب قليوبى من فريج الفلاحين و يعترض معهم جمهور الفلاحين و يلقى
الحكم بالطماطم و البطاطس و البيض المسلوج .
و ترد الجماهير الصعايده بالقنابل و الديناميت
و يولع الماتش حريجة و تيجى المطافى و الماتش يتلغى بفوز الحكم
اتناشر صفر .
و كان معكم من وسط هذه الاحداث المعلق الرياضى هريدى عبد الغفور من
امام تلاجة الميه اللى فى الكشك بتاع السجاير بتاع الواد ابو العلا ولد البت نبويه جارتنا
| |
|
dodo
مشارك
عدد المساهمات : 60
نقاط : 5462
السٌّمعَة : 6
تاريخ التسجيل : 08/09/2009
| | موضوع: رد: مباراة القرن بين فريق الصعايدة والفلاحين مع المعلق هريدى الإثنين نوفمبر 30, 2009 2:55 pm | |
| تحفه يا كفائه بجد جامد وابقى سلملى على هريدى المعلق الجامد والحكم ابو 12 جون ده مش كنا جبناه فى ماتش مصر والجزائر | |
|
كفائة بس مات فى خناقة
مشرف قسم همس الخواطر
الأوسمة :
عدد المساهمات : 5391
نقاط : 11707
السٌّمعَة : 38
تاريخ التسجيل : 01/06/2009
العمر : 30
الموقع : ahmed_4000912@yahoo.com
| | موضوع: رد: مباراة القرن بين فريق الصعايدة والفلاحين مع المعلق هريدى الثلاثاء ديسمبر 01, 2009 2:27 am | |
| مشكورة على مرورك
وبلاش تفكرينا بقى بالماتش الزفت دا | |
|
the legend
مشارك فضي
عدد المساهمات : 1072
نقاط : 6443
السٌّمعَة : 1
تاريخ التسجيل : 10/11/2009
| | موضوع: رد: مباراة القرن بين فريق الصعايدة والفلاحين مع المعلق هريدى الثلاثاء ديسمبر 01, 2009 8:16 am | |
| تسلم ايدك يا مان
موضوع جامــــــــد | |
|
EIHAP
مشارك
عدد المساهمات : 93
نقاط : 5530
السٌّمعَة : -1
تاريخ التسجيل : 20/08/2009
| | موضوع: رد: مباراة القرن بين فريق الصعايدة والفلاحين مع المعلق هريدى الثلاثاء ديسمبر 01, 2009 9:56 am | |
| يا سلام علي الموضوع الجامد ده هي دي المواضيع ولا بلاش | |
|
كفائة بس مات فى خناقة
مشرف قسم همس الخواطر
الأوسمة :
عدد المساهمات : 5391
نقاط : 11707
السٌّمعَة : 38
تاريخ التسجيل : 01/06/2009
العمر : 30
الموقع : ahmed_4000912@yahoo.com
| | موضوع: رد: مباراة القرن بين فريق الصعايدة والفلاحين مع المعلق هريدى الأربعاء ديسمبر 02, 2009 7:12 am | |
| | |
|
