مدرسة
 
الرئيسيةالبوابة الجديدةس .و .جالتسجيلدخول

شاطر | 
 

 حال الأطباء ( زجل ساخر ) .

اذهب الى الأسفل 
كاتب الموضوعرسالة
Ahmed Wael
مدير الموقع
مدير الموقع
avatar

عدد المساهمات : 1148
نقاط : 5372
السٌّمعَة : 10
تاريخ التسجيل : 20/04/2009
العمر : 25
الموقع : kotorthanwya.blogspot.com

مُساهمةموضوع: حال الأطباء ( زجل ساخر ) .   السبت أبريل 25, 2009 4:39 pm

نسي الفــــــــــوطــــــــــه

وناس واقفه بتتريأ ومبسوطه[/size]


وناس تانيه بتستغرب ومنقوطه

ليه الدكتور نسي الفوطه



و هو يا عيني كان واقف ....... ووشه أحمر ولا القوطه


و قال ياجــــــــماعه سامحوني ....وقبل ما تيـــــــجوا تلوموني


تعالــــــوا أحكيلكوا أنا حكايتي..... وبعديها إبقوا حـــــــاكموني




سنــــين ضاعت في ثانــــــويه..... كفاح دامي وعــرق ودموع


وبعد المعركـــــــــه الحــــاميه..... قدرت أنجح وأجيب مجموع


أخيراً حلمنـــــــــــــــــا إتحقق .....هخش الطــــــــب وأدّكــــتر


رســـــــــــاله جميله ومعـــاها...... مقام عالي وفلوس أكـــــــتر


و جاتلي بطاقة الترشيـــــــــح...... فيها الطب اللي بحــــــلم بيه


بتاع البوسته جابهــــــــــــالي ......وخدله حلاوه عشــــرة جنيه


في أول يوم لـــــــــبست جديد ......وشلت البالطو رحـت لاقيت


زمايلي إتحــشروا في مــدرج...... عامل ولا عــــــلبة الكبريت


ولكــن برضه مايئستش


دخل دكتور قعد يشــــــــــرح .......كلام كــــان صعب ولاتيني


و أنا متنـــح ومـــش فــــــاهم ......لاقيت النــــــــوم غلب عيني


و لسّه أنا برضه مايئستش


و قلت مادام ضــــاع النظري...... هظبّــــــــط نفسي في العملي


جريت عـ المشـــرحه بسرعه...... لكن كالـــــــــعاده خاب أملي


دخلـــــت لاقـــيت 200واحد....... بيتخــــــــانقم على الجــــــثه


وناس واقـــــــــفه من الزحمه ......على كتافـي ومـــــــش حاسه


و لسّه أنا برضه مايئستش


و طبــــــعاً حسّوا بظــــروفنا .......وحطّولنا إمتـــــحان فوازيـز


وكل أمّا آجي أحــل ســـــؤال....... أقف أدّامــــــه زي الــــــزير


و لسّه أنا برضه مايئستش


وجينا في لجنة الشـــــــــفوي....... وكان أدّامي واد كــــــــــوسه


خد الـدرجـــــــات مـن الدكتور..... وخد فوقهـــــــم كــمان بوسه


دخلت انا قام مكـــــــــشرلي ....... ومن أولــــــــها عقــــــــدني


سألني سؤال... ماردّيتشي........... خبطني الزيرو وطــــــردني


و لسّه أنا برضه مايئستش


سنه بتمشــي وســــنه بتيجي ........مقـــالـــب بعـــدها مقــــــالب


زمايلي إتعينوا و قبـــــــضوا .......و أنا شايـــــل لـــــــقب طالب


و لسّه أنا برضه مايئستش


كبـــــــرنا شـــويه وقــــالولنا....... خلاص دلوقتي شوفوا حالات


و رحنـــــــا نشوف وكالعاده........ دا كله بيطلع إشتــــــــــغالات


و لسّه أنا برضه مايئستش


بشوف الشاب من ســــــــني........ واقـــــــــف ويّا البنات مرتاح


و لــــو عديـــــت أنا يقولــوا........ راح الدحّـــاح .....جه الدحّاح


و لسّه أنا برضه مايئستش


لحد ماخلصم السبــــــــــــعه ........وقلت خلاص هروق وهعيش


و قبل ما أفوق من الصــدمه........ خدوني عشان أخـــش الجيش


و لسّه أنا برضه مايئستش


وقعت هناك في إيــــد ظابط ........ظغرلي وقال يا بســـــــــكوته


أحب أبـــــــــــشرك إنــــــك ........معـــــــايا هتطـــــــفح الكوته


و لسّه أنا برضه مايئستش


خلااااص السبعه بقوا عشرة........ ولسه أنا ماشي جنــب الحيط


و بان السن علــــــــى وشي ........و شعري إبيـــّض و إصلعيت


و لسّه أنا برضه مايئستش


وبعد ما قـــــلت كــــــــفاره ........خلاص هرتاحلى بقى كام يوم


لاقيتهم تـــــــــانــي واخدنّي .......عشان تكليـــــــــفي في السلوم


و لسّه أنا برضه مايئستش


و قلت هنـــاك هآخد قرشين........ آكل منهم و أجيـــــــــب لبسي


فوجئـــــــت يا عيني بمرتب .......يادوب مايقضــــــنيش شيبسي


و لسّه أنا برضه مايئستش


و بعد الـــعمر دا كـــــــــــله .......رمــــــوني في وحـــده صحية


نسيت الطب أنا فيـــــــــــها ........وبقــــــــيت زي الترمــــــجيه


و لسّه أنا برضه مايئستش


و آديني بعيش وهعمل أيـه؟؟........ ماليــــــــش ولا قوه ولا حولا


وحيد غلبان وحتى مافـــيش ........جـــــواز علـــى نفــــقة الدوله


و لسّه أنا برضه مايئستش


قام الدكتور صعب عـ الناس....... و فــــــضلم يـــبكوا على حاله


و حتى الفوطة نســــــــيوها........ ولمّوا فلــــــــــوس وسابوهاله


و قال دكتورنا عـ الفوطــــه........ تعــــــالوا هشـــــيلها أنا بكرة


لكن أهل المريض قالــــــوا........ خلاص........ سيبهالنا للذكرى
الرجوع الى أعلى الصفحة اذهب الى الأسفل
http://kotorthanwya.ahlamontada.net
حبيـــــــ الله ــبـــــة
نائب مدير
نائب مدير
avatar

عدد المساهمات : 3999
نقاط : 7933
السٌّمعَة : 33
تاريخ التسجيل : 22/04/2009
العمر : 25

مُساهمةموضوع: رد: حال الأطباء ( زجل ساخر ) .   الخميس مايو 21, 2009 9:37 am

ههههههههههههههههههههههههههههههههههههههه
الله يكون فى عونهم لو فى الكليه بيحصل كده فعلا
بس برضه لازم كل واحد يعمل شغله بضمير
وبجد شكلى هغير رايى وادخل تجاره ولا حاجه
هههههههههههه
Dr.enooooooooo
الرجوع الى أعلى الصفحة اذهب الى الأسفل
طايش بس عايش
مشرف قسم الكتب والأبحاث
مشرف قسم الكتب والأبحاث
avatar

عدد المساهمات : 866
نقاط : 4516
السٌّمعَة : 0
تاريخ التسجيل : 03/06/2009
العمر : 24
الموقع : www.barmuda.piczo.com

مُساهمةموضوع: رد: حال الأطباء ( زجل ساخر ) .   الأحد يونيو 07, 2009 10:19 pm

ده انا على كده اطلع حرامى احسن pirat
الرجوع الى أعلى الصفحة اذهب الى الأسفل
http://www.bermuda.ahlamontada.com
كفائة بس مات فى خناقة
مشرف قسم همس الخواطر
مشرف قسم همس الخواطر
avatar

الأوسمة :
عدد المساهمات : 5391
نقاط : 9729
السٌّمعَة : 38
تاريخ التسجيل : 01/06/2009
العمر : 25
الموقع : ahmed_4000912@yahoo.com

مُساهمةموضوع: رد: حال الأطباء ( زجل ساخر ) .   السبت يونيو 13, 2009 3:10 am

انا قايلكم من زمان بلاش الطب بس محدش بيسمع
ولو فية كليات كمان هاتها علشان نعرف من دلوقتى
الرجوع الى أعلى الصفحة اذهب الى الأسفل
حبيـــــــ الله ــبـــــة
نائب مدير
نائب مدير
avatar

عدد المساهمات : 3999
نقاط : 7933
السٌّمعَة : 33
تاريخ التسجيل : 22/04/2009
العمر : 25

مُساهمةموضوع: رد: حال الأطباء ( زجل ساخر ) .   الثلاثاء يوليو 07, 2009 2:45 pm

طيب ماهو من دلوقتى نسيب الثانوى خالص
ههههههههههههه

_________________


عندما تولد يا ابن ادم تؤذن فى اذنك من غير صلاه ..

وعندما تموت يصلى عليك من غير اذان ..

وكأن حياتك فى الدنيا ليست سوى الوقت الذى تقضيه بين الاذان والصلاه ..

فلا تقضيها بما لا ينفع ..
الرجوع الى أعلى الصفحة اذهب الى الأسفل
princeoftears
مشرف قسم الفيديو
avatar

الأوسمة :
عدد المساهمات : 958
نقاط : 4741
السٌّمعَة : 9
تاريخ التسجيل : 27/05/2009
العمر : 25
الموقع : https://www.youtube.com/

مُساهمةموضوع: رد: حال الأطباء ( زجل ساخر ) .   الثلاثاء يوليو 07, 2009 6:49 pm

اهم حاجة انة ميياس عشان ينضرب على افاة اكتر
هههههههههههههههههههههههه


_________________
الرجوع الى أعلى الصفحة اذهب الى الأسفل
https://www.youtube.com/user/PrinceOfBeauty
غزل
مشارك برونزي
مشارك برونزي
avatar

الأوسمة :
عدد المساهمات : 563
نقاط : 4270
السٌّمعَة : 0
تاريخ التسجيل : 09/06/2009
الموقع : منين ما رجلى تودينى

مُساهمةموضوع: رد: حال الأطباء ( زجل ساخر ) .   الأربعاء يوليو 08, 2009 4:59 pm

شكرااااااااااااااا شكراااااااااااااااااا شكراااااااااااااااا

_________________
اذا اردت شىء بشدة فاطلق صراحة فان عاد لك فهو ملك لك للابد وان لم يعد فهو لم يكن لك من البداية
الرجوع الى أعلى الصفحة اذهب الى الأسفل
 
حال الأطباء ( زجل ساخر ) .
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب قطور الثانوية :: الأقسام العامة :: واحة الأدب والشعر :: الشعر الشعبي-
انتقل الى: